الأحد، ٣٠ مارس ٢٠٠٨

الطابور اختفى ليه ؟ الاجابه عند محمد بتاع الفول




يا خبر بفلوس بكره يبقى ببلاش ده مثل بس تصدقوا ان فى مصر مفيش خبر بفلوس نهائى النهارده وانا قاعد كالعاده فى الشباك عشان اشرب الشاى بتاعى والسجاره البوكس ومستنى اتفرج على العربيه المخصصه عشان تاخد الدقيق من الفرن لكن المفاجئه ويارتنى متفجئتها العربيه مجتش ياه روحت لحد محمد بتاع الفول اهو اخد من عنده سنكوتشين بطاطس وطعميه سخنه بتكلم معاه قالى ان العربيه بتيجى باليل بصراحه زعلت لدرجه انى افتكرت انى مش هقدر اشوفها تانى كنت بحس بلذه وانا بشوفها لذه انى جبان ومش هقدر اتكلم لكن روحت الفرن تخيلوا معايه ان الفرن من الساعه 8 صباحا لحد الساعه 9 ونص محدش اشترى منها غير اتنين منهم انا سالت خالد البياع الى فى الفرن هو ايه فين الناس قالى مخلاص شوفت قدامى شولت الدقيق اقعدت اعدهم طلعوا 33 شوال ياه 33 واوووووووووووووو مش معقول ومفيش ناس وحتى العمال واقفين يشربوا شاى وسجاير فى الشارع يا جماعه انا مش مصدق لقيت احد شركاء الفرن بيتكلم مع واحد ويقولوا معندكش حد ياخد شوالين ولا حاجه الراجل قاله خلاص الناس اتظبطت يا جماعه طب فين الطابور الراجل صاحب الفرن اتكلم شويه كلام قالك ان الدقيق رخص جدا يعنى من 240 جنيه بقى دلوقتى ب 180 جنيه بس تانى حاجه ان الحكومه منعت استيراد الرز ده كلامه هو والله وان خلاص الفرن مش هيبقى ليها رقيب ولا حاجه


نرجع لمحمد بتاع الفول وبنتكلم عن اضراب 6 ابريل الراجل قالى ان لو بايدى اقفل كنت قفلت لكن المحل ملك لابويا اها وبعدين قالى ان الافران الايام دى برحتها لسه الموجه هتشد تانى وهيبقى الناس بتموت بجد عشان العيش يعنى ابقى قابلنى لو خدت رغيف فول من عندى تانى ؟


يارب احمدك واشكر فضلك ويارب يخلي الريس ويطول فى عمره لحد 2777 عشان حفيد حفيدى يشوفه ويقول ابو الهول اهو ؟


هناك ٣٧ تعليقًا:

Desert cat يقول...

طيب هو يعنى المشكلة فين دلوقتى ؟
فى الدقيق الى سعرة نزل لـ 180 جنيه مع انى اشك أصل احنا فى بلدنا اى حاجه ممكن تطلع وتنزل ما عدا الاسعار بتطلع وبس السلم بيختفى من تحت رجليها علشان تنزل تانى
وكمان الفرن فيه دقيق زيادة وصاحبه بيدور على حد يشتريه اكيد بتحلم ولا ايه
لو حقيقة اتاكد لنا بس من الخبر الله يكرمك

صاحب المضيفة يقول...

يا مسهل

لما نشوف التجربة دي هاتكون في مصر كلها ولا لأ


سلام يا صاحبي واحجزي لي سندوتشين فول وبطاطس معاك

HeBa يقول...

و فيه حاجة بترخص بعد ما تغلى

دي معجزة يا أما حلم

امبارح في برنامج الحقيقة كان فيه تقرير يقطع القلب على الحوداث اللي بيتحصل في طابور العيش

مش بيتهيألي أن الأزمة هتتحل قريب

بحبك يامصر يقول...

انا معاهم هو فى حاجه فى بلدنا بتغلى وترجع ترخص تانى ؟
اه فيه احنا الشعب
ياعم تلاقى المنطقه بتاعتكم كانت بتجرب الاضراب بتاع 6ابريل بدرى شويه
تحياتى

فرنسا هانم يقول...

خير اللهم اجعله خير
ربنا يكتر من احلامك الورديه
ونصيحه
غير الصنف

أغوغا غوغا يقول...

شكراً على تعليقك.. وبجد عاجبنى الموضوع الاخير.. وكمان عاجبنى تصميم المدونة بتاعتك..بالتوفيق دائماً

بنت الصالحين يقول...

لا غريبه اوي
انت متاكد

غير معرف يقول...

يا رب ان شاء الله يتحول الحلم لحقيقة
ونخرج زى شئ من الخوف ونحرق عتريس فى القصر
تحياتى

صوت من مصر يقول...

قطه الصحراء
بصراحه ده مش كلامى ده كلام صاحب الفرن لكن حيث ان مصر مفيهاش حاجه بترخص معاكى بس احنا بنرخص
;;;;;;;;;;;;;;;;;;;;;;;;;;;
صاحب المضيفه
يا باشا ده نفس كل مواطن هو الى نفسك فيه
;;;;;;;;;;;;;;;;;;;;;;;;;
هبه
انا معاكى بس والله انا لو بحلم ياريت يتحقق بس الفرن كان فاضى والله
;;;;;;;;;;;;;;;;;;;;
بحبك يا مصر
والله لو كده ابقى انا مصطفى كامل المنطقه
;;;;;;;;;;;;;;;;;;;;;
فرنسا هانم
والله ياريسه لو فعلا كنت بحلم يبقى بجد غريبه جدا بس الفرن كانت فاضيه ليه مش عارف
;;;;;;;;;;;;;;;;;;;;;;;;
اغوغاغوغا
بجد شكرا يا جميل جدا
;;;;;;;;;;;;;;;;;;;;;
عاشقه الفردوس
انا متاكد انى روحت الفرن لوحدى الصبح حوالى الساعه 10 يعنى بجد غريبه
;;;;;;;;;;;;;;;;;;;;;;;;;;
عمرو
عتريس والخوف وناقص تقولى انتى خائفه من شىء ما ياعم سبها لله

Rania Lelah يقول...

يا ريت دة حاجة ترخص بجد ان كانت بترخص فعلا
و
قول يا رب يفرجها من عندة

Unknown يقول...

لماذا تخطئ في ابو الهول مثل هذا الخطأ
؟؟؟؟؟؟؟؟؟؟؟!!!!!!!!!!!

انا برده عملت زيك وقلت للبقالين وبتوع الفول يقفلوا
ووعدوني انهم يقفلوا
!!!!!!!!!!!!!!!!

Unknown يقول...

ادعوك لحملة حمايه بتاعة المخدرات
علشان الظاهر السيجاره دي كانت فيها حاجه غريبه
؟!!!!!!!!!

همس الاحباب يقول...

ههههههههه
واخيرا ادرك شهريار الصباح
وسكت عن الكلام المباح
ايه يا عمنا ده حلم ولا حقيقة
ولا انت بتتكلم عن البلد اللى جبنا
ربنا يسهل وابوالهول ينطق ويقول كفاية حرام
...
تحياتى ليك

the movie fitna يقول...

don"t miss the great movie
Please supported this film on youtube

صوت من مصر يقول...

رانيا
انا سمعغت تانى انها عشان تهدى الناس وبعدين ترفع تانى اتمنى اكون صادق
;;;;;;;;;;;;;;;;;;;;;;;;;;;
انا انسان
ياعم ابو الهول مش هيزعل زى ما الحمار زعل
عموما سورى انا ضد حمله المخدرات ولكل من تفكيره
;;;;;;;;;;;;;;;;;;;;;;;;
همس الاحباب
خالد والله لو حلم يبقى وردى جدا وانا كنت ابو الهول وربنا كرمنى واتكلمت
;;;;;;;;;;;;;;;;;;;;;
الراجل ذو الاسم السينمائى
ياعم انا راجل مصرى مش من انجلترا خليها عربى والنبى
هههههههههههههههههههه

emad.algendy يقول...

مدونةجميلة
تحياتي

ahmed يقول...

صباحو يا بوب
ايه الجمال ده

سنووايت يقول...

هو مش دلوقتي الجيش هو اللي بيعمل العيش وبيبعوه في منافذ للبيع فقط علشان يحلوا ازمة طابور العيش! علشان كدة الفرن كان فاضي

سنووايت يقول...

الكلام دا علي فكرة من يوم الاربعاء اللي فات بعد تدخل الرئيس

د/اجدع بنوته يقول...

انت هتفضل ورا رغيف العيش

لحد ماينقرض يامحمد ياكمال

خف بقى وسيب الرغيف ف حاله

نقك ده هيوديه ورا الشمس اكتر ماهو هناك اصلا

حاسه انك شويه وهتسيب شغلم وحياتك

وتتبع رغيف العيش حيث مسواه الاخير

ف بؤ عمك احمد ابو محمد بتاع الفول

dina يقول...

ههههههههه
احلى حاجة بقى كلام الناس البسطاء عن مشاكلهم زى عمك بتاع الفول دا
و يا جماعة خلينا ايجابيين و نبص لنص الكوباية المليان..الدقيق كان بيتسرق من ادامك عينى عينك فى وضح النهار..بعدين نسبة الاخلاق و التقوى و الورع ارتفعت و بقوا بيسرقوه بالليل تأكيدا للحديث الشريف(كل امتى معافى الا المجاهرين) يبقى شوية شوية و مرحلة التطور الاخلاقى حتزيد و الدقيق يبطل يتباع
اصل انا زيك هوايتى المفضلة كباية النسكافية فى البالكونة و انا بتفرج على سرقة الدقيق فى الفرن اللى ادامنا بس من غير السجاير
تحياتى

wael يقول...

انا بجد متأكد ان حفيد حفيدي هيشوفه ويروح يتف على قبري اني كنت ساكت عليه
تحياتي

همس الحياه يقول...

عيش ودقيق وفرن فاضى خير الهم اجعلوا خير

walaa يقول...

يارب احمدك واشكر فضلك ويارب يخلي الريس ويطول فى عمره لحد 2777 عشان حفيد حفيدى يشوفه ويقول ابو الهول اهو

والله عيب عليك تشتم ابو الهول يا راجل هههههههههه
ده مالهوش شبيه فى زمان
فعلا الدقيق نزل والرز نزل
وسمعت اخر نكته انهم هيزودوا المرتبات
تحياتى ولاء

عبده الرايق يقول...

2777 فى عشره جند فى خمس تاشر زائد 615
نو
نو
نو
انا مش عايز ابو الهول

كلمتى يقول...

ياسلااااااااااااااااااام
الدقيق زايد وعايز يبيعه
طب بالله عليك قولى فين بلدكم دى اللى ربنا راضى عنها
يمكن نعزل ونيجى عندكم
تحياتى

غير معرف يقول...

آخر أخبار العصيان
على مدونة عصيااان
عصر الهوان والذل...هل ينتهي؟...اليوم المشهود
http://3syan.blogspot.com/

oceaneyes يقول...

...

ربنا يستر ويصبر

صوت من مصر يقول...

نور
شرفت جدا المدونه ويارت زيارتك تتكرر
;;;;;;;;;;;;;;;;;;;;;;;;
احمد
صباحو والله عارف انت وشيماء معروفين جدا عن طريق صباحو يعنى لو تعليق مجهول ومكتوب عليه صباحو خقول شيماء او احمد
;;;;;;;;;;;;;;;;;;;;;;;;;;;;;
سنووايت
اخيرا فى حد مصدق كلامى يااااه عايزك تقولى بقى انك شوفتى اكشاك كمان
;;;;;;;;;;;;;;;;;;;;;;;;;;;;
د اجدع بنوته
عارفه يا ياسمين رغيف العيش ده قوت الفقراء وانا منهم فمن حقى اتكلم عنه ولا اتكلم عن الكفيار والاستكوزا
;;;;;;;;;;;;;;;;;;;;
دينا
عارفه سعات بغير الشاى واشر كافى ميكس او نسكافيه برضه
بس فعلا بتحسى بمتعه وانتى شايفه الدقيق بيتسرق

صوت من مصر يقول...

وائل
انا بقى حفيدى زيك تمام مش هيتف عارف هيعمل ايه
الرقابه
;;;;;;;;;;;;;;;;;;;;;;;;;
همس الحياه
ده كنز على بابا
;;;;;;;;;;;;;;;;;;;;;;;;;;;;;;
ولاء
بجد عارفه ممكن يخلوا فى شغل للملاين العاطلين ولا ايه معندكيش اخبار
;;;;;;;;;;;;;;;;;;;;;;;;;;;;;;
عبده الرايق
بجد رايق على حق
وتعرف ان ابو الهول هيكون انقرض ايامها
;;;;;;;;;;;;;;;;;;;;;;;;;;
كلمتى
انا من المطريه فى القاهره لكن ده فعلا حقيقه
;;;;;;;;;;;;;;;;;;;;;;;;;;;;
عصيان
شكرا
;;;;;;;;;;;;;;;;;;;;;;;;;;;;;;;
اوشن ايز
بجد كلامك مش مطمئن خالص حاسس انك هتدعى عليه

محاولة لكسر الصمت يقول...

الله ينور هي دي مصر.........بس هوه سؤال ...كل المواضيع دخلت في بعضيها فول وعيش ورز وبصراحة أنا جعت جدا...المهم إيه 2777 دي حرام عليك جدا جدا...كفاية أوي 2776

رحاله يقول...

بسم الله
ياراااجل حرام عليك عاوزة يفضل لحد 2777 ليييييييييييييييييييه
وليه انتا ضد حمله المخدرات !!!!!!!!1
انا ادعوك لحمله حمايه فأوقف المخدرات والسجاير وغير حيااااااااتك
تقبل تحياتى

غائب من لائحة الحضور يقول...

اصبح السعى وراء الرغيف مشكلة لدى السعوب يعنى الساسة لاحقين الناس على رقمتهم وحقهم اعترف الان انة احنا اغبياء لانة لا نعرف نحقوقنا جيد ولم نتعلم بعد كيف نحصل عليها .

فزلوكة يقول...

ويقعد لحفيد حفيدك

مش شايف إنه حرام
خاصة إنو ما بيصدق

أما الإضراب فياريت كلنا نشارك فيه

FaceMoon يقول...

اكيد الراجل بتاع الفول كان بيضحك معاك شوية عشان كان شايفك مكشر وعايز يضحكك بيعمل خير فى الناس ويضحكهم عادى يعنى
يااما بقى الراجل بتاع الفول حب يعمل معاك كدبة ابريل اصل انا مش مصدقة الكلام دة خالص هو دة موجود فى مصر

صوت من مصر يقول...

دواير
بجد مهندناش اكل هنا بس عموما 2777 احسن عشان هيكون فى اعتصامات ايامها
;;;;;;;;;;;;;;;;;;;
رحاله
يدينا ويديكى طولت العمر لكن بالنسبه للحمله انا بصراحه كده كل واحد وله تفكيره مش لازم اعمل لنفسى شهره على حساب الاخلاق كلامى واضح طبعا
;;;;;;;;;;;;;;;;;
غائبه عن لائحه الحضور
بجد المشكله فينا اننا ساكتين مش فيهم
;;;;;;;;;;;;;;
فزلوكا
لا مش حرام صدقينى
;;;;;;;;;;;;;;
وجه القمر
الراجل كان بيتكلم بجد وكنا فى بلدنا فى القاهره فى مصر مش كدبه

z!zOoOo يقول...

اولا انا اول مره ارغى هنا زى ما انت كاتب

تصميم مدونتك حلو شبابى فحت هههههههه

وفعلا الدنيا كلها بتغلى

والمصرى هو الى بيرخص

بس هنكون متفائلين ونقول يارب ونصدق

دمت متألقا