السبت، ٢٣ فبراير ٢٠٠٨

غلوا السكر غلو الزيت خلاص بيعنا عفش البيت


الفقر مفتاح الفرج ممكن تكون معكوسه لكنها حقيقه لان فرج ماسك البلد وعمال يبيع فيها باوامر من الاستاذ بتاع شركه اوربا الفين النضيف ده المهم مش فاكر اسمه ايه الراجل ده صعبان عليه جدا مش عارف ليه فى الوقت الى الشعب مش لاقى ياكل ةمحبط بسسب ارتفاع الاسعار الاستاذ راح يكرم لاعبين المنتخب فى حضور

برايز واخوه الاهبل ابن الاهبل الى كان قاعد يسمع فى اغانى شيرين ونانسى

ال ايه مشربتش من نيلها لا شربت ولسه عطشان لانها بجد اسيا جدا على اهلها مش عارف اقول ايه بس يكفى اننا بلد كل حاجه فيها بقت عيب وحرام وغلط دول الحكومه والى مش بيحب الحكومه الحكومه مش بتحبه وبتبهدلوا

طب ليه اسمع واحد النهارده يقولى كلمه غريبه لكن سمعناها كتير وهى ان رغيف العيش هيبقى بعشر قروش تخيلوا طب اسره فقيره مكونه من 6 او 7 افراد هتشترى بكام ولو مش هناكل عيش هناكل رز الكيلو بقا بكام حد يقولى دى الحقيقى اننا فعلا شعب نسبه الفقر فى المجتمع بتاعنا بتتاخد بالعرض زى الجداول الفارغه

ومش عارف ليه الايام دى بحب اسمع اغنيه من فينا مخرجش من بيته جيبه فاضى من فينا مكنتش المرمطه عنده عادى

سهل قوى تعرف الفقير من الغنى اصل المبادىء لاتزول لكن ممكن تتنى

الراجل ده بجد بيقول كلام جرىء ولكنه مش مهم بالنسبه للناس الى بيحبوا نانسى انا مصرى وابويا مصرى

الكلمه دى كانت بتقولها لمين مش ممكن يكون اعلان سكر او زيت عشان تقول انا مصرى ومش فارقه معايه الفلوس لانى كفايه ان المجتمع المصرى يستخدم اسؤ انواع الاغذيه فى العالم

احنا فعلا قربنا على المجاعه فى ظل ان الدول كلها بتخرج منها بس فعلا

احب اقولك يا ريس شكرا بجد

شكرا لان الرجاله مش بتبان الا فى الشده يعنى انا مقتنع اننا لما هنزهق ممكن بجد نخطفك انت او ابنك برايز

يا ريس بجد انا مواطن مصرى اتخنقت بجد امتى احس انى عايش فى مصر

الى هى بلدى مش بلدك

هناك ١٤ تعليقًا:

حنة يقول...

يا محمد
كل ده بيحصل حسب وصفة الريجيم الخاص بالشعب المصري
الزيت دهون ممنوعة طبعا وبتؤثر على الشرايين والسكر سموم بيضا وكلنا عارفين اضراره ، والعيش نشويات طبعا بتخن ، وارز كذلك والمكرونة شرحه .. اما اللحمة ففيها كوليسترول والفراخ فيها انفلونزا والريجيم المقترح هو ريجيم الماء ... الله .. هو انت ما شربتش من نيلها ..؟؟ طب جربت تغني لها ؟؟ والنبي يا شيخ غني

صوت من مصر يقول...

مبعرفش اغنى

Empress appy يقول...

يا ريت بعد اذن سيادتك لما تدخل عندى تبقى تقرأ البوست كويس وتفهمه وبعد إذنك ترد لو انت مش بتفهم المغزى الحقيقى من البوست بتاعى يبقى يا ريت تريح نفسك ومش ترهقها خالص وخليك باصص على الدنيا من زاويه واحده ومتتعبش نفسك فى بوستاتى وكلامى

HeBa يقول...

محمد

مصر مش قاسية على أهلها

الذنب مش ذنب مصر

ذنب ظروفها وظروفنا اللي زي الزفت

شفت كريكاتير امبارح عن واحد بيقول لمراته إن ازازة الزيت ب10 جنيه فمراته قالت له وأنت زعلان ليه هو احنا عندنا حاجة نقليها

أحنا فعلا داخلين على المجاعة

السلع كلها اسعارها نار ده غير انها فعلا رديئة

والعيش ما يتأكلش ده غير أنك بتجيبه بطلوع الروح ده لو عرفت تجيبه أصلا

ربنا يرحمنا

walaa يقول...

محمد مصر مش قاسيه على ولادها
ولادها هما اللة سبوها فى ايد الحراميه وقاعدين يتفرجوا عليها
ومش عايزين يتحركوا علشانها
ولو حطينا ايدينا فى ايد بعض هنعمل كتييير قوى للبلد دى
وكفاينا سلبيه وعدم ايجابيه
وياريت نتحرك بقه علشان ننقذ نفسينا والبلد دى من شوية الحراميه دول
ولاء

Desert cat يقول...

هو الريس غلطان يعنى انه عايز الناس توفر
ما هو شايف الشعب عمال يتخن تخن ومالين الشوارع اعلانات الرياضة للجميع ومحدش بيعبرهم فقال ارفع الاسعار علشان الناس تخس طبيعى
احنا اللى راضيين على نفسنا الذل والهوان
يبقى نستحمل

watan يقول...

فعلا الوضع تعييييييس كثير ... وشكلوا الناس بهالوطن الممدود من المحيط للخليج فهموا معنى الصبر مفتاح الفرج بطريقة غريبة ... لازم نحكيلهم الصمود والمقاومة مفتاح الفرج ....

والسكوت علامة الرضى .... وبعدين يعني لمتى رح نظل ساكتين وقاعدين ..؟

الاسعار وصارت بالسما ... الحريات .. اسفة انو حريات .. فش ، راحت من الاصل.. شو يعني حريات ؟!

انا مش رح ادعيلكم ربنا يصبركم .. بدي ادعيلكم ربنا يصحي الشهامة المصرية فيكم ... و نشوف احداث تخلينا نرجع نقول اي والله مصر بلد الجدعان
مو بلد الجوعان

طولت كثير .. بس كلماتك ببساطتها وعفويتها فورت دمي

تحياتي :)

صوت من مصر يقول...

ابى
بجد انا بقرا مواضيعك لكن لكل واحد وجهه نظره وانا اسف لدخول شىء انت تملكيه ؟
;;;;;;;;;;;;;;;;;;;;;
هبه
بجد فعلا مجاعه وربنا انا حاسس انى هكون زى الفقرا بتوع افريقيا الى كانوا بيجوا فى اعلان برنامج الاغذيه العالمى ؟
;;;;;;;;;;;;;;;;;
ولاء
لما الحرامى يكون حاكم لازم يكون فى ناس بتخاف انا مش منهم بس برضه هما اهلى ولا ايه ؟
;;;;;;;;;;;;;;;;;;;;;;;;;
قطه الصحراء
انا فعلا معاكى انه عايز يوفر لكن انا مش تخين وكده هيجيلى جفاف ؟
;;;;;;;;;;;;;;;;;;;;;;;;;;;;;;;
وطن
شكلك مش مصرى وعشان كده برضه حاسس بينا مع انك مش بتمر بنفس الازمه
اه الوطن العربى كله فقر
بس فى مصر اكتر

صحفية روشة يقول...

الشعوب تستحق حكامها
حيث ان الشعب يشارك بشكل او باخر فى تقويه حاكمه وزيادة فرعنته
ماحنا لو لينا صوت مكنش حد يقدر يعمل فينا كدة
ويا مثبتنا بمزاجنا يا ابو تريكة
والله طلعت اجدع مننا ماسكنا كلنا بقبضة من حديد

oceaneyes يقول...

عارف يا محمد ؟

عارف ايه الحاجة الوحيدة اللى احنا فالحين فيها بجد كمصريين وماعندناش منازع عليها ولا منافس ؟؟؟؟؟؟؟؟





الكــــــــــــلام




احنا اساتذة فى الكلام والإقناع والحكايات ...بس تعالى بقى للفعل ..هاتلاقينا اختفينا كدة ..كل واحد هايدخل مخبعه ومش هايطلع منه


انا ليا رأى ..اللى مش قد كلمته ولا قد اللى بيقوله ..يبقى يسكت احسن

اكيد كل شخص ليه الحق فى انه يعبر عن رأيه ..بس انا شايفة ان طالما الرأى ده مش هايقترن بفعل هادف يبقى ايه لزمته ؟؟؟

غاوى تتعب نفسك وخلاص ؟؟؟


دى بلدنا ..عايشين فيها ..ومجربين نظامها وشكلنا راضيين بيه


روق

alshared يقول...

غلاء الاسعار

وتدني مستوي المعيشه

والاعباء المتزايده علي رب الاسره

مع أن فيه عندنا معدل نمو زي ما الحكومه بتقول 7.2 يعني المفروض الاجور ترتفع أو الاسعار تقل
بس المشكله أن معدل النمو ده مش حقيقي لان الزياده في التضخم والزياده في الدين الداخلي والخارجي أخدوا معظم الزياده دي اللي هيا أصلا معموله لرجال الاعمال قصدي يعني المفسدين الكبار هما اللي بيحسوا بيها

وبعدين ايه المشكله لما الزيت والسكر والدقيق والرز واللحمه والحديد و...
اسعارهم تبقي زي الاسعار العالميه

احنا عايشين فترة أنفتاح علي العالم يا جدعان يبقي لازم اسعارنا تبقي زي اسعار العالم اللي بره دي

طيب باي دلوقتي بقي علشان الخق اقف علي طابور العيش
ملحوظه :/ الساعه 12.30 بالليل

تحياتي

صوت من مصر يقول...

صحفيه روشه
بجد مش عارف اقول انا محتار ما بين انى اكون صادق او كاذب عشان اقدر اقول انها اصلا بلدى
;;;;;;;;;;;;;;;;;;;;;;;;;
اوشن
مش كلنا فى ناس كويسه والله وتقدر تهد الدنيا
;;;;;;;;;;;;;;;;;;;;;;;;;;;;
الشارد
ممكن تجبلى 5 ارغفه عيش معاك لانى بجد مش بعرف اكل خالص

شقاوة شعب يقول...

الراجل عايز مصلحة الشعب وقلبه على الشعب وكليته على الشعب ووادنه على الشعب

هيقطع نفسه يعنى ؟؟


تحياتى
شيماء بشرى

elmnzel يقول...

شركة نقل عفش بجدة
يمكنك الآن تخزين عفش منزلك من خلال افضل شركة تخزين عفش بجدة المنزل حيث لديها أأمن المخازن والمستودعات التى تخلو من اى اخطار كما انه تقدم خدماتها فى شحن عفش بجدة, نقل عفش بجد بأقل الاسعار
شركة تخزين عفش بجدة
شركة شحن عفش بجدة
http://elmnzel.com/moving-furniture-jeddah/