الأحد، ٣ فبراير ٢٠٠٨

عظيمه يا مصر يا ارض الفقر والفقرا


هام وعاجل جدا انى رجعت تانى لحاله لابئس بها من الفقر اى انى لا امتلك سوى روحى وشويه هدوم وتليفون وبسمع عليه اغانى مش اكتر وحتى شغلى مش عارف اخلصه لانى معيش رصيد اتكلت على الله ولكن الى متى ساظل كده فاشل ظالم فى حق نفسى مش لاقى فلوس عادى انا واخد على انى اعيش من غيرها اربع سنين فى بلد محدش فيها يعرف انا اصلى ايه عشت على مجهودى الى هو شغلى وفجاه بسيب الشغل واقعد شهر كامل معيش فلوس بس كنت عايش وبفكر ودلوقتى معيش فلوس وجوه بيتى ووسط اهلى وبرضه شايل هم مش عارف ليه مع انى عمرى ما بحب افكر فى فلوس الا اننى اكتشفت الاهم ان الافلوس بتعمل كل حاجه حتى الحلم واحلم واعيش الحلم ودلوقتى مش بعدين فعلا اسمع الاغنيه وافتكر الفيلم واقول فعلا مفيش حاجه تقدر تمنعنى عن اتلى انا عاوزه وارجع اقول لا مش ينفع انت شىء وهم شىء تانى وبعدين ده فيلم مش حقيقه صح انا كده هفضل تحت خط الفقر الى كل مصر فيه وليه بلدنا يبقى فيها غنى وفقير ليه وليه نسبه الفقرا اكتر منن الاغنيا وليه منبقاش كلنا واحد ولا لازم يبقى فى واحد غنى رخم بيرخم على واحد فقير الفقر ده لو انسان كنت قتلته بس هعمل ايه امرى لله يمكن ربنا يكرمنى والاقى ربع جنيه ورق من بتاع ايام الغنا فقى اى جيب من جيوبى عشان اشترى سجارتين فرط من عند ام عبده ولو هى ست كويسه تدينى مشط كبريت هديه او جايزه لاكبر فاشل فى العالم الى مبيحبش الا الاغنيا او الى وكلين البلد فلوس معاهم ستات معاهم جواز معاهم وانا مش معاهم انا معاك يا فقر يالى بتلازمنى كل حياتى حتى لو بقه معايه كل حاجه هبقى فقير وزعرت ياريس وزعرتى يا حكومه انا واحد من تحت خط الفقر بحبكم لانكم ظلمتونى وظلمتوا 65 مليون بنى ادم ياريس بحبك تعليم فاشل وبرضه مرضدتش تقولى امشى وسيب البلد وطلعت فى التليفزيون على القناه الاولى والتانيه والنايل تى فى بتقولى دى بلدك وفيها 5000000 مليون فرصه عمل يا عم فكك منى انا خلاص اتخنقت وانت ولا حاسس ياريت تشوفلى شغلانه سهله انى حتى اكون تحت امر الكلب الى حضرتك مربيه فى الفيلا بتاعتك
ايام وهتعدى وهكون ريس وهذلك واقولك ان مبربيش كلاب انا هاشوف حال كل فقير زيه وزى اى مصرى
الفقر ايامه كتيره

هناك ٢٠ تعليقًا:

A.SAMIR يقول...

على فكرة مصر مش ارض الفقراء مع كامل احترامي لك وللفقراء ايضا
مصر بلد الفقراء والاغنياء اللصوص والشرفاء المتدينين والزنادقة الراقصات والمتدينات
مصر بلد بيتسع لكل فرد ولكل طائفة
احنا مش في بروناي حيث الغنى الفاحش ولا كمان في الصومال حيث الفقر المدقع والبؤس الشديد
مصر للكل
تحياتي

عاليا حليم يقول...

هام وعاجل جدا انى رجعت تانى لحاله لابئس بها من الفقر اى انى لا امتلك سوى روحى وشويه هدوم وتليفون وبسمع عليه اغانى مش اكتر وحتى شغلى مش عارف اخلصه لانى معيش رصيد

عجبانى اوى البساطة و التلقائية دى ده اجمل ما فى الموضوع اما عظيمة يا مصر يا ارض الفقر و الفقرا فده بقى شئ مفروغ منه و حيتعدل باذن الله حين ميسرة

اشكرك على زيارة مدونتى

صوت من مصر يقول...

شكرا جدا ليك يا احمد لكن انا وجهه نظرى انى بتكلم عن الفقر الى انا عايش فيه ومنه وليه ومعايه ناس كتير لو انت غنى بجد ربنا يزيدك بس الغنى يبقى يحس انك ممكن تنام من غير ما تاكل ولا حتى عيش حاف ؟واحنا مش الصومال ولا بروناى احنا مصر ونفسنا نكون احسن من بروناى ؟ لانها بلدنا


عاليا حليم بجد شكرا على الثقه الغاليه دى وحكايه مصر دى نتكلم فيها بعدين

walaa يقول...

احنا نقدر نغييير البلد دى من الفساد اللى فيها انا اعلم انه يوجد فى مصر 20مليون تحت خط الفقر ومبارك ولا على باله اهم حاجه هو وعياله ومصر لا ذنب لها الذنب ذنبنا اللى احنا سيبين مصر فى ايد الحراميه دى وقعدين ننعى حظنا
لا مصر عايزانا نحررها وهتدينا اكتر من كده ولاء

صوت من مصر يقول...

بجد يا ولاء انا حاسس انى قاعد مع توامى فى التفكير عن البلد شكرا لزيارتك البلوج وبجد انا اول مره اشوف حد هيقتنع بكلامى ؟

akeed يقول...

للأسف الكلمات كلها معبرة عن الواقع الاليم اللى احنا كلنا عايشين فية و مش عارفين امتى هتذوب سحابة الفقر فى بلد كانت اغنى البلاد بالرغم من كل الازمات ......
البوست جامد جداً

تحياتى
أكيـــــد

صوت من مصر يقول...

شكرا جدا اكيد بس مش واخد بالك انه مفتش خمس دقايق على تعليقى فى البلوج بتاعك ده انا محظوظ موت

جميز يقول...

شىء من عدم القناعة هيفيدنا كتير
لما الفقير ميقنعش بفقره , و لما المظلوم ميقنعش بظلمه , و لما حالة السكوت و الرضا تتحول لصرخة فى وش اللى ناهبنا , ساعتها حالنا هيبقى أحسن

oceaneyes يقول...

دى اول مرة ليا هنا عندك ...بس انا متأكدة انها ان شاء الله مش هاتكون اخر مرة ..

اسلوبك وطريقتك ومواضيعك بجد حلوة ومشجعة جدا ..وده المطلوب ..تحياتى ليك بجد

اما عن موضوع البوست ده ..فدى بلدنا ..بس بنحبها حتى بالفقر اللى فيها ..يمكن احنا مش معترفين بكدة ..بس مجرد ما بنبعد عنها بنحس بالحنين ليها ( على الرغم من ان اوضاعها مش مشجعة للحنين ده ..بس برده بنحس بيه )


ياريت نقدر نغيرها ...بس عشان نغيرها ..لازم نغير نفسنا الأول ..


تحياتى

موجة يقول...

مدونة جميلة
حقيقي جميلة
بجد جميلة

خالص تحياتي
احمد

صوت من مصر يقول...

شكرا جدا يا جميز وكفايه انك بتشرفنى بدخولك البلوج
اوشن والله دى تسهايل من لكن انها حقيقه بس لسه الاغانى ممكنه
احمد موجه بجد ده فخر ليه وللبلوج
انك هنا يا باشا

الشنكوتي الكبير يقول...

تسلم ايدك يا باشا

بس احب اقولك ان كلنا هذا الرجل كلنا مستعدين نفسح الكلب بتاع سعاتك بس نلاقي فلوس نعيش بيها في وضع كويس

الناس خلاص قربت تاكل بعضها

نورت مدونتي وسعيد بمعرفتك
اخوك ايهاب
سلااااااااااااااااااااام

مشمش يقول...

مع ان كل كلامك حقيقي بس اصابني بالاكتئاب يمكن عشان افتكرت الي كلنا بنحاول ننساه

maii bahaa يقول...

ليه الموود ده بس؟

اقلع النضارة السودا ياصديقي

بكرة هاتروق وتحلى..مادام بنحاول
:)

appy يقول...

عاوز تعرف ليه فيه اغنياء وفقراء لان دى حكمه من ربنا وحده بس هو اللى يعلمها كونا بقى مش راضيين بيها وهى اصلا مشكلتنا عدم الرضا بما قسمه الله لنا فده شئ تانى يعنى افهمك ممكن ربنا يكون مدى فلوس لواحد كتير علشان يحاسبه بيها هو صرفها فى ايه فى الاخرة وممكن كمان بيفقر واحد لانه لو اداله هيفترى يعنى ده تشبيه بسيط وعموما مصر فيها الحلو كتير لو كنت سافرت بلاد كتير بره زى ما سافرت انا كنت عرفت قيمة البلد دى بجد عارف ابسط حاجه فيها ايه انك بتحس بالامان على الرغم من وجود ناس كتييييييييير مش كويس فى شوارعها انك عارف انك تملك حاجه فيها انما بره مصر هتحس انك يتيم
سورى انى طولت فى الكلام

عاليا حليم يقول...

شكر جامد طحن على تشريفك ليا مرة تانية و تهنئتك رغم انك من كارهى حليم

شوف باه انا لما حد يزورنى و احس ناحيته بمودة و مدونته بتعجبنى بضيفه ع الهامش بتعاعى الى هو باه دلوقتى من كترهم و الحمد لله مدونة كاملة أسمها 0 أهل عندليبيات ) مش عارفة حتوافق على استضافة عبد الحليم فى جناح ( يا أهلا بالمعارك ؟ ) و لا حتشخط فى الراجل و تحرجه ؟

shams يقول...

انا خايف لا يجي يوم و نلاقي مصر كلها تحت خط الفقر و مفيش غير اللي قاعد على الكرسي بس هو اللي غني
يا خوفي من يوم زي دة
يا ترى هيجي و لو جه هنعمل اية

صوت من مصر يقول...

ايهاب الشنكوتى طبعا ان لازم اقولك شكرا جدا على الزياره بس انا مش بربى كلاب ممكن اربى اسود
;;;;;;;;;;;;;;;;;;;;;;;
مشمش شكرا مع انه مش اوانك وبرضه هو لازم نهرب من الحقيقه ولا نقف قدامها
;;;;;;;;;;;;;;;;;;;;;
استاذه مى طبعا ده فخر للبلوج انك هنا والله وبعدين انا مش بحب النظارات لانى كنتى لابس نظاره نظر واتكسرت
;;;;;;;;;;;;;;;;;;;;;;;;
ابى انا عارف ان لازم يكون فى فقرا واغنيا بس مش للدرجه دى ولا ايه وعموما انت مطولتيش ولا حاجه
;;;;;;;;;;;;;;;;;
عاليا ده شرف كبير جدا ان اكون فى البلوج ده

صوت من مصر يقول...

يا شمس اقولك انا ربنا معانا مش مع الناس الى كلاها ولعه لكن برضه لازم اننا منسكتش على الظلم ولا ايه

ضؤء القمر يقول...

اول مرة اكتب هناويمكن مكنش اخر مرة بس المهم انى بكتب عن الفقر فى مصر لانى بشتغل فى الصحفة وعجبنى اقوى الكلام دة بس الفقر فى مصر اقوى من الكلام دة فقر فى كل شى حتى فقر فكرى وثقافى 0الحقيقة صعبة فى كل حاجة وعلشان نعيش صح فى مصر لازم كل واحد يعبر عن نفسة(ولا يغير اللة قوم حتى يغيروا ما فى انفسهم) بس فى النهاية لازم نحلم ببكرة علشلن نعيش ونحلم بالتغير فى كل شى حتى فينا