السبت، 16 فبراير 2008

بلوتوث وكده


النهارده الى هو يوم السبت طبعا كانت البلد فى حالتها الطبيعيه يعنى لا فى مطش ولا اى حاجه الشعب مستنى يشوفها المسلسل المكسيكى المدبلج الى على قناه الشاشه الناس كلها بتستناه عشان اول ما يجى تقلب لانهم مش فاضين يتفرجو على 4012 حلقه مفيهاش غير الدورادو بيحب جواليا وجواليا حامل من بوراس الخ طول الحلقات نفس الكلام ربنا يساعدهم وينسوا ان مش كل الابطال اسمهم الدورادو

المهم اليوم حصل معايا كلاتى كنت بايت عند اختى الكبيره وطبعا حمزه فضل يصحينى بكلمه واحده اصحة عشان تلعب معايه هو انت خم نوم وطبعا انا ولا هنا صحيت الساعه 6 المغرب بتوقيت حياتى الصبح بدرى ضربت النسكافيه لبست وقولت انزل نزلت معايه حنه ركبنا المترو الملل طبعا من الزحمه بتاعت كل يوم نزلت اختى محطه الدقى وكملت انا لغايه محطه انور السادات التحرير قاعد بسمع منير واغنيه بعتب عليكى لقيت تلت بنات بيبصوا قوى انا قولت فعقل بالى هو انا بقيت موز قوى كده ولا ايه شويه لقيت التليفون بيرن وملحقتش ارد نمره غريبه

طب وبعدين المهم المترو وصل ركبت المترو النمره ترن وتقفل بسرعه وانا معيش رصيد طب والعمل نزلت شحنت اكلمه ميردش اكلمه ميردش قولت لنفسى نفض المهم يرن تانى الساعه 10 قولت خلاص هكبر دماغى تلاقى واحد صحبى رخم من ايام المعهد الساعه واحده وانا قاعد فى الشارع بتاعنا ومعايه ناس لقيته رن قولت والله العظيم اتصل اهزقه وكنت متغاظ المهم اتصلت

انا ؟ الو

هو ؟ الو

انا ؟ فى عقل بالى ايه الصوت الحلو ده

التليفون ده عمال يرن عليه ممكن اعرف مين معايه

هى ؟ لا انا مرنتش على حد

انا ؟ طب ازاى

هى ؟ بنبره خبس وكسفه فى ان واحد

اه طب انت النهارده كنت فى محطه التحرير

انا ؟ اه طبعا

هى ؟ طب انا اسفه اصل انت كنت فاتح البلوتوث وانا كنت مع صحابى وووووو

انا ؟ اه انتى كنتى مع صحابك وانتم 3 صح

هى ؟ طب عرفت منين اننا 3

انا ؟ مش مهم

هى ؟ طيب انت ليه فاتح البلوتوث

انا ؟ عادى اصل تليفونى مبيقبلش فايلات الا برقم سرى يعنى يربط العدتين

هى ؟ اه طب والرقم كاتبوا على اسم البلوتوث ليه ما انت كاتب الماجيك

انا ؟ طب عادى يعنى فى ناس كتير عامله كده

هى ؟ طب خلاص

انا ؟ خلاص حصل خير مفيش مشاكل

هى ؟ طب سيف النمره ونتكلم بعدين

انا ؟ اوك

اقفل واضحك واقول ايه الهطل ده ده البلوتوث اشتغل وجاب موزه مش معقول طيب حد يقولى اسيف النمره دى معناها ايه هو انا بتاع الكلام ده

لا انا ابو الكلام ده بس ما سيفتش النمره بس احب اوجه الشكر لمخترع البلوتوث عشان تعمق العلاقات بين الموز والموزز يعنى من الاخر تحيا البلوتوث فى مصر ؟

النهارده فرحان ومش متشائم ولا محبط ولا مكتئب وعايز اضحك مش عارف ليه ؟

هناك 39 تعليقًا:

صحفية روشة يقول...

انا مبسوطة اوى عشان انا اول تعليق
والف مبروك لخروجك من حالة الاكتئاب التى فى الغالب سببها النوم الكتير وضياع اليوم من ايدك
(عن تجربة)
نصيحة البنت دى متكلمهاش
اما بقة لو ليك فى السكك دى انت حر
وشيل رقمك من على البلوتوث لو مش عاوز موزز
والا هيبقى رقمك عامل زى الانسانسير
كل من هب ودب يركبه
سلام

صوت من مصر يقول...

صحفيه روشه بجد والله انا عملت كده على اساس ان محمود صحبى كاتب النمره وعموما انا فعلا مش بتاع الكلام ده وتليفونى مش اسانسير وحتى لو اسانسير انا فيه هبقى البواب

Heba يقول...

طب الحمد لله أنك مبسوط ومش مكتئب

كويس إن تليفونك مطلعش أسانسير

ولو كنت بتفكر تكلمها ما أنصحكش

تحياتي

سكــر يقول...

هههههههههههههههههههه
ههههههههه
والله موتنى من الضوحك
ال وانا كنت فاكر ان الموقف دا لما حصل معايا
كان مجرد صدفه
اتاريه ياخويا ههه بقى طريقه جديده
لتقارب الموز من الموززز
هههههههههه
ثانكيو على الضحكه الصباحيه
وشاكر مرورك من عندنا
اخيك احمد سكر

fnan_geology يقول...

ط بنات بالبلوتوث

واان عمال اتصل بيك وتنفضلى

تصدق

انا لو شفتك ممكن اعمل فيك ولا بلاش

بعدين يبنى انت بتاع بلوتوث والحاجت دى

قضيها

انا لو منك اقولها شكرا مبعرفش حد عن طريق البلوتوث

:)

سلاموز يا واد

mesh2dra يقول...

السلام عليكم

اهو ده اللي بيجيلنا من التكنولوبيا
ده باعتبار انى تيتة اللي عندها 77 سنة

اسمحلي استهيف البناتيت السكر العسولين اوى خالص الفاضيين الرايقين
بصراحة اصلي متغاظة
ما هو الفضا بيعمل اكتر من كده

وانت
خد بالك كده
واركز
وماترجعش تتصل بالنمر الغريبة
ها
واخدلي بالك
مش فرصة هى:P

سلاماتى

جميز يقول...

أولا كويس انك متفائل و يارب دايما
ثانيا , نصيحتى ليك تمسح النمرة دى من التليفون , بس قبل ماتمسحها , ياريت تديهالى

: ) : )

صوت من مصر يقول...

هبه
شكرا للزياره تانى حاجه ده مش اسانسير الحمد لله وعمرى ما هكلمها لانى معيش رصيد
;;;;;;;;;;;;;;;;;;;;;;;;
سكر
بص ياعم احمد الموضوع ده جميل قوى وعاجبنى متيجى نعمل كده دايما ههههههههههههه
;;;;;;;;;;;;;;;;;;;;;;;;;;
فنان جولوجى
يا مصطفى بيه اقولك ايه والله كنت نايم عموما هبقى اكلمك عشان نخلص الشغل وركز الموزه تبقى ابدى دايما
;;;;;;;;;;;;;;;;;;;;;;;;;;;
مش قادره
والله عندك حق البنات بقت كلها هايفه
;;;;;;;;;;;;;;;;;;;;;;;;
جميز
ماشى يات جمز بس تعالى خد النمره ولا هقولك رقم كل بوست اوك
الاول 0

فرنسا هانم يقول...

ياسيدى طالما البلوتوث ده فرحك كده
من جانبى اوجه الشكر الى الست ام بلوتوث اللى خلفت لنا بلوتوث
ولابو بلوتوث اللى خلف لنا بلوتوث
وميت سلام وتحيه للمزه ديه

صوت من مصر يقول...

بجد والله يا فرنسا انا الحكايه دى عادى بس فرحان لانى غيرت مودى
وتحيه للموزه دى

قلوب بتغنى يقول...

صباحو يا محمد
ايه يابنى لدماغ دى
شوف التكنولوجيا فى الدنيا كلها ليها استخدامات وفمصر ليها استخدامات تانيه خالص
اوعى تكلم البنت دى لان النوع الى يصطاد من المترو يبقى حد مش كويس
وانت يا محمد حد كويس
البوست الجاى فى مدونتى مكتوب علشانك
اشطات
سلام

Desert cat يقول...

اه البلوتوث ده مشكلة المشاكل
بس انا نفسى افهم البنت اللى بتسمح لنفسها تعمل حاجه زى كدا دى مثلا بيكون قصدها ايه .. طيب مفكرتش فى الولد اللى بتكلمه وبتقوله اصلى اخدت رقمك عبر البلوتوث ... الموضوع بتاعك ده فكرنى لموقف مشابه ليه بالظبط ... واحدة المفروض اننا معرفة قابلتنى مع مجموعة من الاشخاص المهم انها سلمت وقعدت معانا شوية وبعد الشوية دول استاذنت بعدها فى نفس اليوم بالليل لاقيت شخص من اللى كان معانا بيكلمنى بيقولى دى صحبتك اخدت الرقم عبر البتوتوث وكلمتنى بس انا مش مستريح لها اصل الطريقة بتاعتها غلط بصراحة ... انا لوووووول ... مش مشكلتى بقى يا عم تكلمها ما تكلمهاش انت حر ومن بعدها اصلا مهتمش اسال .. يعنى رده ده كافى اوى انى اعرف نظرته فى البنت بتكون ايه ..
تحياتى

عاليا حليم يقول...

ايه ده ؟ كلمة ( موز ) دى لسة سمعاها امبارح فى فيلم هى دى ايه يعنى مذكر ( موزة ) و ايه اليلوتلوب ده عرفنى بالحاجات دى اصلها ماكانتش موجودة على ايامى انا لسة بعارف مع النت فى التدوين

أحمد رفعت يقول...

هو انت طلعت صوت من مصر انا مش داخل اعلق على البوست انا داخل اقولك اني مبسوط اني لاقيتك على النت ...

عم أحمد

صاحب المضيفة يقول...

ماشي ياعم الدنجوان

ربنا يهديك ويريح بالك

سلام يا صاحبي

صوت من مصر يقول...

قلوب
بجد والله انا مش هكلمها تانى خالص وهشوف البوست لو ش ليا انا هتبقى ؟
;;;;;;;;;;;;;;;;;;;;;;;;;;;
قطه الصحراء
بجد الموقف ده فعلا حصل مع ناس كتير بس انا مش واطى لدرجه انى اكلم واحدهعن طريق البلوتوث
;;;;;;;;;;;;;;;;;;;;;;;
عاليا حليم
بجد البلوتوث ده عباره عن جهه اتصال للتليفونات وعموما شكرا للزياره
;;;;;;;;;;;;;;;;;;;;;;;
استاذ احمد ايوه انا وعموما تشرفت بزيارتك
;;;;;;;;;;;;;;;;;;;;;
صاحب المضيفه مش عغايز اقولك حاجه انتا عارف

walaa يقول...

ازيك
ههههههههه
طيب كويس ان البنات بتقدر تخرج الشباب من حالة الاكتئاب ده
يقول الرسول (ص) ما تركت على امتى فتنه اشد من فتنة النساء
اللهم ما احرصك من هذه الفتنه يعنى بنت بكل الجراه دى تاخد النمره وتسجلها وتعاكس وتتكلم معاك بكل البساطه دى وضيع فلوسك على كلام فاضى كده
زمانك زعلت منى
بس انا والله مش بحب اجامل ودايما بحب اقول راى بصراحه من زعل منى
تحياتى ولاء

سهر الليالى يقول...

ربنا يخلى البلوتوث اللى خلاك فرحان ومش متشائم ولا محبط ولا مكتئب وعايز تضحك
أنا من بكرة هنزل أشترى أتنين بلوتوث وواحد أنفرا يمكن يعملو حاجة

وعاوزة اقولك نصيحه متخدش بأصوات التليفون ياما بتخدع بتخلى الوحشة أمورةوالوحش كمان
هههههههههه

تحياتى
وميرسى على زيارتك لمدونتى

صوت من مصر يقول...

ولاء
بجد اخيرا قدرت اقرالك بوست جديد وبسرعه لكن والله انا مكلمتهاش تانى ولا ناوى اكلمها لانى مش اسانسير
شكرا يا ولاء على الدعوه
;;;;;;;;;;;;;;;;;;;;;;;;;
سهر اليالى
تحب اقولك على مكان تشترى منه بيبع بلوتوث رخيص
المهم انا عارف شكلها لانها كانت قاعده جنبى للاسف ولما سالتها قالتىلى ايوه فعلا هذا انا

جميز يقول...

ماشى يا عم , كده لسة هستنى 11 بوست .. يا مسهل يا رب

break يقول...

ههههههههههههههههههههههههههه
فظيعة البنت دى
ربنا يهديها
ويزيدك
:D

أحمد رفعت يقول...

حبيبي الكبير
شكرا على ذوقك ويشرفني ان صوت من مصر يكون عندي في المدونة لو تسمحلى انا ضفتك

momken يقول...

خلاص بسيطه طالما البلوتوث اصبح علاج
للاكتئاب احننا نعممه وخلى الدوله
تدعم البلوتوث اكتر من كده
وممكن ندخل البلوتوث على تيلفونات المنازل
علشان الشعب كله يفرفش ويروق
زيك يا عم محمد

على العوم مهما كان السبب
حمدالله على سلامتك

لكن من الى عمل البلوتوث
هو شخص تافه ومروهوش حاجه
فراغ بعيد عنك
قول بقى فرغ عقلى
فراغ عاطفى
فرواغ وخواء
قول الى تحبه
بس دى بنت متستحقش انك تفكر فيها
لانك اكبر من كده

تحياتى

مشمش يقول...

اهم حاجة انك بقيت مبسوط بس الموززة دي وحشة متكلمهاش ازاي يعجبها واحد تروح مكلماه كدة استنضف يعني
نصيحة
تحياتي ليك

صوت من مصر يقول...

جميز
استنى يا باشا لحد 11 سبتمبر الجاى موافق
;;;;;;;;;;;;;;;;;;;;;;;;;;;;;
بريك
شكرا للتواجد بس ربنا يهديها معروفه
ويزدنى بايه ؟
;;;;;;;;;;;;;;;;;;;;;;;;;;;;;;;;;
استاذ احمد رفعت
بجد ده شرف ليه انا وده مش من الذوق د حقيقه
;;;;;;;;;;;;;;;;;;;;;;;;;;;;;;
ممكن
بجد عندك حق انا مش هكلم البنت دى تانى انت مش عايز نمرتها هههههههههههه لا بجد والله هو الى حصل فعلا مش اكتر
;;;;;;;;;;;;;;;;;;;;;;;;;;;;
مشمش
ايوه شوف بقى ان البلوتوث مهم فى حياه البنى ادم ممكن يخرك من الاكتئاب فى ثانيه
شكرا يا مشمش

عـــــــــــــــروبة يقول...

بجد

انا استمتعت وانا بقرالك تفاصيل يومك هذا .. يمكن هو يوم عاديّ كتير ..
بس حلو

وتحيا البلوتوث في كل مكان " آسفة شكلي قلبت قاعدتي لاني من معارضينه "

خلص حصل خير !!

تحياتي لك\\

Soooo يقول...

يا اخي اتاري الناب الازرق او البلوتوث ده ليه تأثير السحر
يعني اخر مره جتلك هنا كنت متشائم ومكتب وحالتك لا تسر عدو ولا حبيب
وبمجرد ما فتحت الناب الازرق الحياه بقت بمبي

تحيه خاصه من سوووو لمخترع الناب الازرق اللي خلاك تروق كده





سلامووووووووووز

أنا إنسان يقول...

لذيذ فعلا البوست ده
ومنه لله اللي اخترع البلوتوث
أنا من رائيي انك تدي البنت دي كلمتين في الادب والاخلاق
وتديهم برضه لضميرك اللي كان نايم ده
واوعى ينام منك تاني وانت راكب المترو
!!!!!!!!!!!!
تحياتي

سيكو يقول...

هههههههههههههههههههههههههه

والله البنات اتهبلت فكرتنى مرة كنت واقفة مع صاحبى وكان فى واحده مصممة تكلمة فضله وراه لغاية ما خددت الرقم


العبال اتهبلت



ربنا يهدى

وعامة كوبس انك مبسوط

بينى وبينك برضوا لازم الانسان يحس انه موزة وفية حد معجب بية وبيجرى وراه

يارب يقطعوا نفسك

mado80 يقول...

محمد

ازيك يا مان انت فين محدش بيشوفك يعني

المهم بقي هو ايه البلو توث ده انجليزي ده يا مرسي

هههههههههههههه

يلا ياعم ربنا يسهلوا يابا ماشيه معاك بلوتوث بش خللي بالك من نفسك يا مان علشان سكه البلوتوث كلها مخاطر

:) :)

تحياتي ليك يا محمد وألف تقدير لشخصك الكريم

semsem يقول...

هههههههههههههه

حلو قوى موضوع البلوتوث دة
الحمد لله انا معنديش بلوتوث
انا شايله موبيل
امون خ رع
من غير حاجه خالص

rommantic يقول...

ياعم لو على النمره تنشال المهم انت عاوزهم ولا
سلامى

صوت من مصر يقول...

عروبه بجد تحياتى ليكى
اولا انا ضد البلوتوث لكن الظروف بتقول لازم تفرفش عشان تعيش يعنى انا هو ده الى طلعنى من اكتائبى المزمن
ولا ايه تحياتى ليكى
;;;;;;;;;;;;;;;;;;;;;;;;;;;;;
سووووووووو
بجد مش معقول النهارده فرحان وفرحت اكتر لما عرفت انك دخلت هنا يا صديقى
شكرا وياريت تحيى مخترع البلوتوث
;;;;;;;;;;;;;;;;;;;;;;;;;;;
انا انسان
لو هزقت البنت هتستلمنى بقى واشتغلات لكن سبها احسن تعمل الى هى عايزاه لكنى هفضل زى مانا صح
;;;;;;;;;;;;;;;;;;;;;;;
سيكو
بجد البنات بقت فظيعه جدا عندك حق
شكرا يا سيكو وياريت تبقى تقولى اخبار العرير ايه
;;;;;;;;;;;;;;;;;;;;;;;;;;
مادو
يا باشا انا موجود دايما انت الى فين مش بشوفك خالص وعموما بلا بلوتوث بلا نيله
;;;;;;;;;;;;;;;;;;;;;;
سمسم
بجد ياريت تلفونى يبقى فيه 100 بلوتوث
هههههههههههههههههههههههه
شكرا يا سمسم
;;;;;;;;;;;;;;;;;;;;;;;;;;;;;

رومانتيك
النمره اتشالت والله وانا مش عايزها لو عايزها هتبقى تحت امرك
شكرا

maii bahaa يقول...

مبسوطة انك مبسوط ياصديقي

بس يعني هوه احنا ناقصين الزفت البلوتوث ده كمان...خللي بالك بيكون أحيانا فيروس وبيدمر الموبايل

المهم خللي بالك انت من نفسك وابعد عن التعارف اللي بالطريقة دي

تحس كده اني أختك الكبيرة مش كده
هي هي هي هي هي
:)

صوت من مصر يقول...

استاذه مى اهلا بيكى فعلا البلوتوث حاجه ممكن تدخل فايروس بس مش بستقبل من حد الى لما يدخل الباسورد ونكون متفقين عليه مع بعض يعنى عادى وعموما انا مش مهتم بالموضوع من اساسه

JOSÉ FARIA يقول...

Abraço Comandante!

oceaneyes يقول...

:D

ماشية معاك 100 100


بس ابقى قولى سيفته فعلا ولا لا ؟؟؟؟

riri يقول...

ههههههههههههههههه ... انت مش ممكن بجد... بس بتحصل كتير

يلا مبروك :)

غير معرف يقول...

شكلك لسه جايب الموبايل جديد

مع احترامى ليك طبعا

بس حركه متسوله اوى تكتب نمرتك فى البلوتوث كده

ويالله يا مان هنيالك الموزه

ههههههههههههههه