الأربعاء، ٢٠ فبراير ٢٠٠٨

انا


انا انا لما بحب اتسلى محبش اقزقز لب انا عندى اقرا مجله ( مش اهرام ولا اخبار ولا جمهوريه طبعا ) او ارسم زى ما احب ( طبعا هرسم علم بلدى وهشيل النسر وهحط بداله مسدس او كرباج تعبيرا عن التعذيب فيكى يا بلدى ) مهما تكون الاسباب مش ممكمن هبقى وحيد انا عندى صاحبى كتاب ( مدونتى ) وحكايتى ( مدونات ) لعبه مفيده

الكلمه دى من زمان كنت بسمعها وانا عندى سنه او 2 يعنى وربنا ساعتها كانت صفاء ابو السعود عندها حوالى 25 سنه وقال ايه دلوقتى وانا عندى 22 سنه عاملالى فيه ابو زيد الهلالى وعمرا لسه 30 سنه بس

هنكدب ولا ايه

نرجع للمهم النهارده مع البدايه السخيفه طبعا يعنى ايه انا كلمه ومحيرانى دخلت فى المعجم مش لقلها معنى مفيد ال ايه

انا

انانا انون

مش فاهم روحت عند مدرس عربى قالى مش فاضى بدى دروس طول اليوم

طب والعمل ايه حد هنا يقدر يقولى يعنى ايه انا ؟
عموما شكرا لكل الى دخل هنا فى البلوج واحب اشكر ;;;;;;;;;;;;;;;;;;;;;;;;;;;;;;;;; الخ

هناك ٢٤ تعليقًا:

قلوب بتغنى يقول...

صباحو يا محمد
انا يعنى ايه
يعنى حاجه محدش يفهمها غيرى يعنى
مجموعه من الاحاسيس المتداخله الى محدش يقدر يشرحها يعنى الجنان يعنى الخيال يعنى اضرب بالتقليديه والنمطيه عرض الحائط
يعنى عزة النفس يعنى كرامه يعنى احيانا كلام ملوش معنى
يعنى استنى ثانيه
انا بتعتى غير بتاعتك غير بتاعة اى حد
ده سؤال محدش هيجوبلك عليه صح غيرك انت
صباحك عسل

HeBa يقول...

أنـا

ضمير رفع منفصل للمتكلم والمتكلمة

وجمعها نحن

ده معناها اللي في المعجم

أنما معناها بالنسبة لك أنت ولشخصيتك فزي ما قلوب بتغني قال

أنت الوحيد اللي تقدر تجاوب على السؤال ده

أنا بتاعتي غير أنا بتاعتك

تحياتي

صوت من مصر يقول...

قلوب
صباحو انا يعنى انا ومفيش معنى تانى لانا غير ان انا هو انا
خلاص تعبت ممكن حد تانى شايفها جوايه من بعيد او قريب المهم انى لسه مشوفتهاش
;;;;;;;;;;;;;;;;;;;;;;;;;;;;;;;
هبه
بجد مبحبش النحو ولا ضمير ولا محل رفع احمد مين ؟
بجد مبفهمش خالص فى الكلام ده وكلامى وصل لقلوب بنفس معنى الكلام ليكى يبقى اسمعى ان انا مش لاقى انا بجد

صوت تانى وجاى من مصر يقول...

بجد دى مدونتى التانيه ونفسى ارد على نفسى لانها وجهى الاخر وعشان كده
انا لقيت نفسى بسرعه فيها

HeBa يقول...

بجد مبحبش النحو ولا ضمير ولا محل رفع احمد مين ؟
بجد مبفهمش خالص فى الكلام ده وكلامى وصل لقلوب بنفس معنى الكلام ليكى يبقى اسمعى ان انا مش لاقى انا بجد

يمكن أنا فهمتك غلط

في الحالة دي ما ينفعش أقولك غير

يارب تلاقي نفسك

صوت تانى وجاى من مصر يقول...

هبه
بجد انا مقولتش انك مش فهمانى
لكن انا بقول فعلا نفسى محدش هيلاقيها غيرى و لو كده هفضل ادور وهلاقى الى انا عايزه

Hedaya Al Haj يقول...

لا شكرَ على واجبِ
عارف ليه؟
لانه ببحثك عن الأنا تبعك احنا بنلاقي الأنا تبعنا !!!!!

ببتسم .. وبضحك .. وبنبسط كتير لما افوت مدونتك
تحياتي لك\\

Desert cat يقول...

هما المدرسين حد بيعرف يكلمهم الايام دى يا محمد
والله انت طيب باين عليك
معنى كلمة انا من الانانية
يعنى لما اروح مصلحة حكومية واتقلب فيها والموظف التانى يقولى اشمعنا انا
وقتها الانا بكون عايزة احرقه وامشى

watan يقول...

يعني أيه أنا ...

بتعرف ذكرتني بيفلسوف اسمه شوبنهاور حب بيوم يقعد بالحديقة يتأمل الورد .. هذا التصرف كان كفيل انو يثير شبه الشرطي الي ما قصّر واجى وسأله بكل جدية مين أنت ؟؟

بتعرف شو رد شوبنهاور

اتطع بالشرطي من فوق لتحت نظرة ازدراء وحكاله : لو قدرت تجاوبني على هالسؤال رح اكون ممنون لألك للأبد...

وبعيد عن الفلسفة ... ممكن ما بعرف مين الانا تبعتك ... بس بعرف انك رح تلاقيها جواك


كون بخير

oceaneyes يقول...

مممممممممممم

انت كويس ؟؟؟

ولا طق فى بالك فجأة تعرف يعنى ايه انت ؟؟؟

اتمنى تكون بخير


تحياتى

شريف طلال يقول...

أنا كل ألى اعرفه عن كلمه أنا
ان الى يقولها يقول وراها اعوذ بالله من كلمه أنا
ارجو انى اكون افدتك
هههههههههههه
يا عم كبر دماغك .. يعنى جت على الكلمه دى
هههههههههههه
تحياتى

alshared يقول...

أنا

تخيل كلمه صعبه

أنا محتار زيك بالظبط بس المهم واللي أنا عارفه ان انا عارف مين انا

ومخليني أنا علي طول

لأني لو مكنتش أنا هاكون واحد تاني

ايه كل ألأنات دي كلها
:(

علي العموم

خد بالك من الانا بتاعتك

تحياتي

صوت من مصر يقول...

عروبه
بجد مش عارف اقول بعد كلامك لكن بجد انا برضه شوفت وعرفت من مدونتك كيفيه التعامل مع الحزن وقت الفرح ؟
شكرا عروبه جدا
;;;;;;;;;;;;;;;;;;;;;;;;;;;
قطه الصحراء
يا عينى انا شكلى طيب والله مكنش ده بقى حالى
شكرا يا قطه الصحراء
;;;;;;;;;;;;;;;;;;;;;;;;;;;;;;
وطن
انت حيرتنى بجد انا مش فيلوسوف ولا عايز اكون فيلسوف
شكرا وطن
;;;;;;;;;;;;;;;;;;;;;;;;;;;;
اوشن
بد انا الحمد لله كويس وعال العال ومسيفتش النمره ؟
شكرا يا اوشن
;;;;;;;;;;;;;;;;;;;;;;
استاذ شريف طلال
انا اقصد بمعنى كلمه انا ماهيه نفسى او نفسى الى مش لاقيها بجد
شكرا ليك
;;;;;;;;;;;;;;;;;;;;;;;;;;;;;
الشارد
شكلاا ليك
بس انا لسه بدور على الانا بتاعتى لما الاقيها هحافظ عليها

صحفية روشة يقول...

انا
ضمير يشير الى المتكلم
دة معناها اللغوى المجرد
لكن معناها اية بالنسبالك
انا لما بقول انا بيبقى قصدى انا اللى هو الصحفية الروشة
يعنى انا بتاعاتى غير انا بتاعتك
وميرسى على اضافتك ليا فى الليست بتاعت المدونات
(صحفية لروشة بتنم على الناس)
اسم فضيحة فضيحة يعنى
بس مش مشكلة انا اللى اخترت اسم نميمة اصلا
معلش طولت
سلام

shirry يقول...

انا عبارة عن شوية حاجات فوق بعض
واكيد انا غير انت
انا يعني كياني ونفسي وافكاري وتصرفاتي وخيالاتي وحياة تانية تختلف عن حياة اي حد تاني
ممكن انا دي تكون حلوة اوك وممكن تكون وحشة بس برضو انا
فهمت؟؟

فرنسا هانم يقول...

هو المدرس فاضى يهرش
انت غلطان
بتسأله ليه ؟؟؟
كنت خد فلوس حصه عربى واسأل مجرب ولا تسألشى طبيب
ويا عينى يا عينى ياعينى على الولد

صوت من مصر يقول...

صحفيه بجد كلمه انا بتعنى نفسى مش اكتر
ومعناها انى مش لاقى نفسى
وبعدين نميمه مش اسم البلوج ولا هنكدب
بجد شكرا للتعليق
;;;;;;;;;;;;;;;;;;;;;;;;
شيرى
كلنا شويه حاجات بالمعنى الاصح مسمط ههههههههههههههههههه
شكرا يا شيرى
;;;;;;;;;;;;;;;;;;;;;;;;;
فرنسا
يا عينى يا عينى يا عينى على الولد
ليه هو حد قالك انى اسمى عتريس ولا ايه

عبده الرايق يقول...

عبده الرايق
مدونه ساخره
عبده الرايق
لعب وجد وضحك وضرب ................
عبده الرايق
يقدم لكم احلى تشكيله من المكسرات والمفتفتات والمطحونات والتعلب فات فات وفى ديله سبع لفات
عبده الرايق
راااااااااااااااااااااااااااااااااااايق
ومرووووووووووووووووووووووووووق
والدنيا كاسحاه فى ديلها

عبده الرايق يقول...

انا
من الانانيه
ومينفعشى تسأل فيها مدرس عربى
لا
دى عايزه مدرس اقتصاد
علشان
الاقتصاد هو اللى بيتحكم فى الانا

إنسان || Human يقول...

انا
جايه من الآنا في علم النفس وتعودللفرد ..وجايه برده من الآنانية
وأعوذ بالله من انا

rommantic يقول...

انت سألت سؤال العالم كله ملش لاقى ليه معنى انا لكن انا ههحل المشكله انا بش اخطأواصيب شوفت سهله الزاى سلام

rommantic يقول...

انت سألت سؤال العالم كله ملش لاقى ليه معنى انا لكن انا ههحل المشكله انا بش اخطأواصيب شوفت سهله الزاى سلام

جميز يقول...

أنا ...... كلمة تكرارها مش ظريف

صوت من مصر يقول...

عبده الرايق هو انت بتعمل اعلان ولا ايه يا حاج وعموما يا سيدى شكرا لدخولك ؟
;;;;;;;;;;;;;;;;;;;;;
هيومان
قصدك ان انا انانى ولا ايه
وعموما مفيش حد مش بيحب نفسه ؟
;;;;;;;;;;;;;;;;;;;;;;;;;;

رومانتيك
لا بجد لازم اسال السؤال ده لانى بشر وعموما فى ناس لقت الجواب
شكرا ؟
;;;;;;;;;;;;;;;;;
جميز
هرد واقولك ايه مش عارف عموما شكرا يا باشا