الأربعاء، ١٣ فبراير ٢٠٠٨

عجبى عليك يا زمن


عجبى عليك يا زمن بترسى ناس على البر وناس غلابه رزقهم من خرم ابره يمر وناس كده الوان شبعان يزق جعان


يا دنيا عيب اختشى طبعك رضى كده ليه بترفعى الندل يادنيا وتنزلى الاصيل كده ليه الى بيمشى بضمير تبيعى وتشترى فيه وانا اشتكيت لطوب الارض من حالى ياما جرالى الحمد لله ومن حمد الكريم زاده يعطى الغنى مال ويحلى للفقير زاده

مش عارف وانا بسمع تلك الكلمات يرددها احمد عدويه لى كلما استمعت الى اغانيه العيب على مين علينا احنا ( الجيل ) وعلى على الزمن الى بامنه شوفنا منه كتير بصراحه كده انا حاسس ان العيب علينا مش على الزمن بس الزمن غدر بينا بجد ازاى نتولد فى عصر كل واحد قاعد على كرسى مش عايز يسبه امنيه حياتى انى اشوف حد يحكم مصر غير مبارك هل فعلا ممكن اموت من غير ما اشوفه بجد ممع انى عارف انه ممكن يكون حرام انا حاسس ان ربنا غضبان منه ومش عايز يشوف وشه بجد مش عايز يخده ويوريه عذاب حاكم ترك زمام رعيته ولا احنا مش رعيته انا مش هموت ولا هو يموت بس لازم احس ان فى تغير فى حياتى منه مش لازم اشوف صوره كل يوم اهرام اخبار جمهوريه ولا يسعدنى بطله الغبيه على كل القنوات انا خايف يقول انا عايز امثل ويوسف شاهين هو المخرج

لو سالتك انت مصرى تقولى ايه ؟

مصرى ابن جدو مبارك وماما سوزان واخويا يبقى جمال بكار ( برايز ) سورى للفظ بس دى حقيقه ليه نهرب منها

يا زمن فكرنى هتنصفنى امتى على الندل ويادنيا بترفعى الندل وهتنزلى الاصيل ليه ويعطى الغنى مال ( وحكومه وجاه ) احمد عز وتحلى للفير زاده هيشيل الدعم خلاص يا دنيا يا دنيا عيب اختشى طبعك رضى كده ليه

عجبى عليك يا عدويه

ممكن سؤال ملح عليه هو مبارك وولاده معاهم بطاقه مكتوب عليها مواطن مصرى ؟
عيد حب سعيد على فكره انا مش متشائم

هناك ١٩ تعليقًا:

فرنسا هانم يقول...

لقيت مكتوب فى البروفيل بحب اللى بيشرب حشيش
قلت يالهوى
حشيش
ليه كده؟؟؟؟؟؟
المهم
عيد حب سعيد عليك
وعلى مصر كلها

Hedaya Al Haj يقول...

حكيتلي انه انت مو متشائم !!
كيف بيكون تعريف التشاؤم عندكو
عنا بفلسطين ما في شي اسمه تشاؤم حتى اذا بدنا نحكي هيك حكي بيكون برضو نوع من التفاؤل

ويمكن كمان ينختار خيار التشاؤل
تشاؤم+ تفاؤل

تحياتي لك\\

Heart Beat يقول...

معلش اصبر شوية و اكيد فرجه قريب

كلما استحكمت حلقاتها فرجت

يبقى هانت خلاص لاننا الحلقة بتضيق كل ثانية عن التانية لغاية لما بدأنا نحس بنفسنا بيروح مننا

يبقى هانت خلاص و قول يارب

كل سنة و انت طيب

اعتقد كده انهم معاهم بطاقات مكتوب عليها مواطن مصري عالمي بمعنى ينفع يكون مواطن لاي دولة في العالم

و ماتنساش جواز اسفر الجديد معاهم هم الاول و احنا مش مهم

خليك متفائل على طول احسن

سمر عبد الجابر يقول...

لا أسمّي هذا تشاؤماً.. بل تعبير عن واقع الحال.. و هو ضروري..

أظن أنّه أفضل أن نعبّر عن أفكارنا ..
حتّى و إن كان تعبيراً سلبيّاً..
و حتّى إن كنّا عاجزين عن التغيير حاليّاً.

كل عام و إنت متفائل :)

قلوب بتغنى يقول...

ازيك يا محمد اولا زعلانه علشان معدتش على المدونه بتاعتى
ثانيا كل عيد حب وانت طيب
اخيرا احنا لازم نبقى اصحاب جدا لان راينا واحد
شوف يا سيدى الدنيا بقيت مليانه تاس واطييييين جدا والناس الكويسين بقوا قليلين ومش واخدين حقهم
بس عارف اضحك وطلع لسانك للدنيا وغيظها
وقول بكره تتعدل

oceaneyes يقول...

ممممممممممممممممم

مش متشائم !!!

واضـــــــــــــــــح


كل سنة وانت طيب


تحياتى

قومى الى الابد يقول...

عجبى عليك يا زمن مش قادر اقول اكتر من كدا كلمة وراها كل المعانى المقصودة رائع الموضع يا اخى اتمنى لك التوفيق دائما

صوت من مصر يقول...

فرنسا هانم
الحشيش مش عيب العيب اننا نكدب ونخبى وعموما انا مش بشرب الا ؟
عيد حب سعيد عليكى وعلى نص مصر
;;;;;;;;;;;;;;;;;
عروبه
اولا انا اسف بس انا مفهمتش معنى كلامك فى الاول صح اعذرينى بس فعلا انا مش متشائم
وتانى حاجه الحمد لله ده شرف كبير انى بتكلم مع حد عايش فى وطنى المجروح وانا مش قادر اساعده
;;;;;;;;;;;;;;;;;;;;
Heart Beat
بجد انا عايز اقولك شكرا لزيارتك
تانى حاجه الناس دى مش بتيل بطاقه لانهم فوق القانون
;;;;;;;;;;;;;;;;;;;;;;
سمر
شكرا للزياره الكريمه وياريت تتكرر
واخيرا حد فهم انى بتكلم غن حقيقه وان ده مش تشائم
;;;;;;;;;;;;;;;;;;;;;;;
قلوب بتغنى
مش عارف اقول ايه بجد لكن والله لينك البلوج كان ضايع منى وخلاص حطيته فى ناس ليهم صوت واحنا صحاب من غير تكليف لاننا فكر واحد وربنا معانا على الجنان ده
;;;;;;;;;;;;;;;;;;;;;;;;;;
اوشن
والله مش متشائم ياميس بس حضرتك انا عملت الواجب وقاصص ظوافرى معلش بقى من مره تانيه
;;;;;;;;;;;;;;;;;;;;;;;;;;
قومى الى الابد
دى اغنيه لعدويه بحب اسمعها وبحس انها بتحكى الحال وفى اخرها تقول يادنيا خلاص زهقت وهسيبك ؟

غني يابهيه يقول...

بص ياعم
هاكلمك بلسان بهيه واقولك
يمكن الجو اللى حولينا كله وحش
بس ده مش معناه انه هايستمر وان احنا نسلم
لا انت لازم تفضل واقف فى وش الريح
ومش بس كده
وتنجح
بعد ما تفشل مييييت مره وتحاول تانى وان شاء الله هاتنجح
نجاحك فى اى حاجه
هايديك قوه وخلى بالك ان القوه دى هاتجيبلك فلوس من النجاح
وعشان تبقى عارف وعشان تعرف تعيش حاليا لازم من حاجه من اتنين والا مش هاتعيش
السلطه او المال وياسلام لو الاتنيين
هى ماشيه كده دلوقتى بس ماتنساش ربنا قبل السلطه وقبل المال

جميز يقول...

معاهم جوازات مكتوب فيها مواطن مصرى , و جوزات تانية بجنسيات مختلفة لوقت اللزوم

اللى انت بتقوله دا يبقى حال المواطن المصرى العادى , اللى هيعيش عمره كله يوفر فى لقمة العيش , و مش هيلاقى أى وقت لأى حاجة تانية

لكن هيعيش , عشان يدور فى ساقية عز و جمال و أبوالعينين

لكن .. يوم قريب إن شاء الله , هنعكس الأوضاع و مش هنسيبهم

أم أحمد المصرية يقول...

شكلك محبط مش متشائم و دي حاله كل سكان مصر تحت التمانين اما اللي فوق التمانين كلهم ماتوا الا واحد بس اللي يعطيك الامل انه لو دامت لغيره ماكانت وصلت له نفض عنك احباطك وواصل ايجابيتك في مدونتك علي الاقل و في العالم كله لو امكن ده ان حاطط صورة جيفارا يا عم

dina يقول...

انت معاك حق طبعا ان فى اوضاع كتيرة عندنا غلط و غريبة و مش مبررة و مش بتغير ولا فى حد بيفكر يصلحها اصلا انما احنا بشكل او باخر ممكن نكون سبب فى الاوضاع دى...الغلط مش بس فى الزمن انما فى الناس اللى بطلت تتكلم و استسلمت و بقت سلبية

Desert cat يقول...

انا اعتقد ان مصر وعيلته مكتوب فى بطاقتهم انهم من واق الواق ودجايين هنا يطلعوا البلى الازرق على جتتنا
هابى فلانتين ياباشا

yasmina يقول...

وعجبي عليك يا زمن
لكن لا تخف يمكن ان ياتي هذا اليوم الذي تحدث عنه

تحياتي

Unknown يقول...

الخط صغير
...................
صدقني
والله ما هاتتغير غير بايدينا
أو يستبدلنا الله
لياتي من يغيرها بيده ايضا

رفقة عمر يقول...

ماشاء الله كلامك جميل قوى بس ليا طلب صغير
ممكن تكبر الخط شويه اصل انا قرات بالعافيه البوست
ربنا يكرمك يارب ويزيدك من فضله اللهم امين يارب العالمين

صوت من مصر يقول...

جمهوريه مصر العربيه
تحلى سلام للسان بهيه كلام جميل بس الحياه هنا مختلفه عن التفكير بجد لازم نعمل حاجه
;;;;;;;;;;;;;;;;;;
جميز
انا حاسس انك جوه عقلى والله يا جميز
;;;;;;;;;;;;;;;;;;;;;;;;;
ام احمد
والله انا مش متشائم بس فعلا حاسس ان بلدى مش بين ايدى وانا واقف على الباب ومش عارف اخرج ولا لا وماله جيفاره
سلمى على احمد
;;;;;;;;;;;;;;;;;;;
دينا انا العيب مش على الزمن ولا البنى ادم العيب على الحظ شكرا يا دينا
;;;;;;;;;;;;;;;;;;;;;;;;;;;;;;;;;
ديزت كات
بجد هابى فلانتين بس ليه مقولتيش حسنى وعيلته
;;;;;;;;;;;;;;;;;;;;;;;;;;;

ياسمينا عجب عليك بجد
;;;;;;;;;;;;;;;;;;;;;;;;;;
انا انسان والله ده غلطه مطبعيه
;;;;;;;;;;;;;;;;;;;;;;;;;;;;
رفقه عمر بجد دى غلطه ومش هتتكر
شكرا لزيارتك وتكريمك الشريف

Empress appy يقول...

{بنا ياخد بايديك من الدنيا الضلمه دى وتشوفها بعين احسن شويه

صوت من مصر يقول...

ابى
الدنيا مش ضلمه بس احنا الى مضلمنها
ولا ايه