الأحد، ١٠ فبراير ٢٠٠٨

غريب على باب بلا معنى


مش عارف اقول ( حد هيقولى ارغى ياعم الامور ) بس انا مش امور بجد انا حاسس دلوقتى ان ادنيا دى ملهاش قيمه خالص يعنى انا هعمل بعد سنه مثلا مش عارف هفضل زى مانا اكيد طبعا ايامى كلها واحده حتى حياتى واحده لدرجه انى خلاص حاسس انى قربت اشوف ربنا وساعتها هقف قامه واكون لا شىء لانى معملتش حاجه فى دنيتى لا حلوه ولا وحشه بالمعنى الاصح عايش كده وخلاص معرفش من امتى لكن من ايام كتير ايامى اللى جايه الله اعلم ممكن هيحصل فيها ايه بس معرفش ليه انا حاسس انى ممكن اعمل حاجه كويسه من داخلى لكن الناس ممكن متصدقش لانى مبسبتش او الجوهر غريب مش باين منه اى حاجه لكن احاول حتى ولو محاوله مانا حاولت كتير وفشلت فيها ايه لما اجحرب تانى مش يمكن ولا لا استنى يمكن الحظ مستنى لما اكون انا واقف مش بحاول صعبه جدا معادله اوحش ما فيها انى انا الى بمثلها بلا معنى بلا اى شىء يدون فى حياتى عايش كده وخلاص شىء غريب ؟

هناك ٢٩ تعليقًا:

Soooo يقول...

اقولك على نصيحه
لو فكرت طول حياتك بالتفكير ده يبقى فعلا هتفضل غريب
لو قعدت تدور جواك وتقول انا كويس في ايه والكلام بتاع فتى الكراتيه لما كان بيعلمه ازاي يدهن السور قبل ما يعملو يلعب كراتيه .. يبقى برضه هتفضل غريب

احنا مش عايشين الدنيا عشان نفكر ونحارب
احنا عايشين الدي عشان نجرب
ننجح ونفشل
وبعد مانفشل نشوف فشلنا ليه
ونعلم على اسباب فشلنا .. وعرفها كويس
ونحاول تاني
زي ماتكون بتلعب لعبه وبتتعلم كل شوية حاجه جديده
هي الدنيا كده
لعبه
العب بقى .. وروق



سلاموووووووووووووز

د/اجدع بنوته يقول...

لااااااااااا اول زياره للمدونه

تكون ف بوست تشائومى بحخت كده

لا تفائلوا خير تجدووه

وطول مافى نفس داخل ونفس خارج (( ايه الغرزه دى ))

اكيد عندنا الوقت والطاقه اللى نعمل فيهم حاجه

شد انت بس حيلك وحدد اهدافك وربنا يقويك يارب

Unknown يقول...

انت فعلا صوت من مصر جيت على جرح كل شباب مصر ولاد و بنات ... مش عارفة اقول ايه ؟ لنا الله ؟ تواكل مننا و كسل برده ربنا عايزنا نتحرك احنا الاول
بس حنعمل ايه تانى حنتحرك اكتر من كده ازاى مش فاهمة و الغلط فينا و لا فى الحكومة و لا فى الكثافة السكانية و لا فى غول الواسطة و المحسوبيات و لا وحش التنازلات الاخلاقية ، مش عارفة

حتى يوم ما لقيت شغل ببلاش ما فيش عائد مدى و اهو قلت احسن من قعدة البيت برده و افضل كده محلك سر

صوت من مصر يقول...

سووووو فعلا ده مش اكتئاب ولا احباط ولا حتى فتى الكراتيه بس انت هتقول ايه هى الدنيا كده يوم ليك ويوم عليك ولكن معانا الايام دى على طول يا حزن ؟
شكرا لزيارتك
;;;;;;;;;;;;;;;;;;;;;;;
د اجدع بنوته

لو كنتى جيتى البوست الى فات كنتى هتلاقى فرحه ما بعدها فرحه لكن ده مش تشائم ده حقيقه ليه نهرب منها
شكرا لزيارتك
;;;;;;;;;;;;;;;;;;;;;;
عاليا حليم اجدع سلام يا جدع
عندك حق ولازم بكره هيبقى احلى لو غيرنا شويه حياتنا ولا ايه

Ahmed Al-Sabbagh يقول...

بسم الله

اولا دى اول زيارة لمدونتك الجميلة

واجمل ما فيها بجد انه الكلام طالع من القلب اوى

غير متكلف

وغير منقول

وهو ده اصل التدوين بعينة


انك تكتب عشان تعبر عن نفسك ومشاعرك

يطلع الكلام كئيب .. يطلع حلو وفرحان

كلة جميل

تسلم ايديك

واسمح لى اكون من زوارك دايما

تحياتى

أحمد الصباغ

None يقول...

يبنى يا حبيبى اهدا كده
وارجع زى زمان

:)


يبنى من ساعت معرفتك وانت فاشل
مش جديده انك فاشل يعنى

لا بجد

ركز فى حاجه واحده
وانت هتنجز
لكن انت زى حلاتى
بعمل خمسميت حاجه

وسلااااام

Bongo يقول...

طول ما انت متشائم عمرك ما هتقدر تعمل حاجة
اول انجاز تعملة انك تتفائل و زى ما انت قلت تعرف انك تقدر تعمل حاجه ..
و دي اول خطوات النجاح
و طريق الألف ميل يبدأ بخطوة ..
تفائل و ربنا اكيد هيبقي معاك و هيوفقك

تحياتي

صوت من مصر يقول...

استاذ احمد الصباغ بشكرك على زيارتك الكريمه وده شرف كبير جدا ان احمد الصباغ يقول مدونه جميله طبعا شكرا لزيارتك يا استاذ احمد وتانى حاجه فعلا لازم تكتب من جواك مش كلام الناس
;;;;;;;;;;;;;;;;;;;;;;;;;
الواد بتاع الجولوجيا هنا ايه الكرم ده وبعدين انت تعرفقنى من امتى من حوالى سنتين بس عادى فتره وهتعدى يا درش

صوت من مصر يقول...

بونجو
بجد انا مش متشائم بس ليه الحقيقه بتبا وحشه لينا لازم نكون صرحه شكمرا جدا لزيارتك وتانى مره هات برتقان معاك

صاحب المضيفة يقول...

لكن يكون احلى يا محمد لما يكون لحياتك معنى وهدف تعيش علشانه


مش حلو انك تعيش كده وخلاص

ده رايي على كل حال لكن قلت أقوله يمكن تاخد بيه في يوم


سلام يا صاحبي

walaa يقول...

لييه النظره التشاؤميه دى
الانسان بطبيعة الحال ساعات يبقى كويس وساعات كتييير بيبقى مش راضى عن نفسه
علشان ترضى شوف ايه اللى ممكن تعمله تخليك راضى ومتنظرش نظرة التشاؤم دى
والحياه اللى احنا بنعشها فيها حزن اااه بس اكيييد بيجى وراه احلى فرح ونجاح
تحياتى ولاء

صوت من مصر يقول...

صاحب المضيفه اكيد الحمد لله انى عرفت انت مين يا صحبى يالى كنت مدوخنى

صوت من مصر يقول...

ولاء هنا يادى الهنا اقول ايه انا مش متشائم لكن دى حقيقه بجد والله يا ولاء

Unknown يقول...

ايه ياعم ده
عايش ومش عايش وعمرو دياب
لازم تكون محدد عاوز تعمل ايه
وبعدين لو بطلت سجاير هقولك
لازم تسمع كلام ماما
انا برضه ام المدونين فى مصر
موتنى من الضحك بجد
تسلم ايدك يا سيدى على الشهاده الغاليه دى

جميز يقول...

جميل أوى ان الانسان يقَيم نفسه أو يقَيم حياته

محاولة غير موفقة أحسن ألف مرة من عدم المحاولة

محاولة غير موفقة هى أول طريق النجاح

تحياتى

صحفية روشة يقول...

انت واحد بتمثل حالة اغلب شباب اليوم
لكن هقولك عيش
افتح قلبك للحياة
حاول تعمل حاجات حلوة

صوت من مصر يقول...

يا لماضه منوره وعايش ومش عايش ولسه هعيش مش عمرو دياب ده صوتى احلى
ومش هبطل سجاير خالص
وتانى حاجه انتى ام المدونين لانك كل مدونه موجوده فيها ولا ايه يا مامى
;;;;;;;;;;;;;;;;;;;;;;;;;;;;;;;;
جميز اهلا بيك يا صديقى كان نفسى اشوفلك بوست جديد وشوفته وتانى حاجه الست قالت انما للصبر حدود
;;;;;;;;;;;;;;;;;;;;;;;;;;
صحفيه روشه اهلا بيكى فى البلوج
تانى حاجه هفتح قلبى اكتر من كده ليه وتانىة حاجه اعمل ايه حلو تانى ؟
مش عارف عموما نورتى البلوج

only spot يقول...
أزال المؤلف هذا التعليق.
only spot يقول...

سلام عليكم
مش عارفه اواسيك ولا اهنيك
متستغربش بجد بداية اى تغير بتبدا بحالة قرف وزهق وممكن تكون ياس عشان الانسان بفوق ويحاول بنظر قدامه
متحاولش تخلى الحاله دى تسيطر عليك
وفكر انك هتقابل ربنا فى يوم واعتقد ان ربنا اقرب منك لنفسك وعشان كده هو هيعينك وهيوفقك عارف ليه لانك منستهوش وانت فى حالتك دى وبالمناسبه مش انت بس الى بتعانى من الحاله دى وبما انى بعلق الاول وبعدين اشوف با قى التعليقات اعتقد ان كلامى ده مش جديد لان ده صوت الضمير والعقل صدقنى الجا لربنا وهو مش هيسيبك ابدا وخلى عندك امل ان دايما بعد العتمه ضوء وخيرجامد جدا
ازاح الله عنك الهم وفرج كربك وحباك بالخير حيثما كنت
خالص تحياتى

صوت من مصر يقول...

اونلى سبوت بجد ياريت تهنينى مش تواسينى على الاقل لان لقيت شىء اقدر افهمه ؟
شكرا على زيارتك

Desert cat يقول...

مش انت لوحدك اللى بتمر بالمرحلة دى تقريبا كل الشباب بيمر بيها بنات وولاد ... بس المهم انك مش تستلم لها ... حاول مرة واتنين وعشرة مش تخلى اليأس يدخل جواك او الفشل يتملك منك ... لأن وقتها حتكون أسير ليه ... دايما فكر وحاول محدش بدأ مرة واحدة ومحدش نجح من اول محاولة
ربنا يوفقك

Unknown يقول...

بنكسف مالحقيقة

او بنخاف

مش عارف

بس اكيد الخوف دة فى لحظة واحدة لحظة لما تتعرى الحقيقة


وبعد كدة ممكن نغيرها

او نغطيها تانى

انا بقالى كتير بحاول اغيرها

خايف يوم اقتنع انى لازم اغطيها

شريف طلال يقول...

دى حاله عامه صدقنى مش خاصه
كلنا بنمر بيها
و لازم نعدى المرحله دى و نقرب من ربنا اكتر
شكراً ليك و تحياتى

Hedaya Al Haj يقول...

بوستك ذكرني
باستاذنا العربي بالمدرسة لما طلب منا نكتب يومياتنا
كان الموضوع زمان سهل . لاني متعودة كل يوم اكتب يومياتي
بس فجاة حسيت ايامي كلها وحدة وشبه بعض
وانه حياتي بلا هدف

تحياتي لك\\

رحــــيـل يقول...

نصيحتى
حاول مره واتنين والف
متستناش الفرصه لغايه ماتيجيلك دور عليها وروحلها

اوعى تيأس
تحياتى لك

قومى الى الابد يقول...

ما فيش حاجة تيجى بالحظ القوة والمثابرة وكثرة المحاولة تحقق المستحيل بس مش كله عافية لازم شوية صبر على شوية فكر وهو الانسان ايه غير شوية ؟؟؟؟؟؟؟؟؟؟

alshared يقول...

أول زياره
الاحساس اللي انتا حاسس بيه كتير بحس بيه

ليه وازاي وامتي

عملت ايه؟ ايه تاثيري في الحياه دي؟

طيب أنا عايش الجياه دي بجد ولا ده كله مجرد حلم وهاصحي الاقي نفسي زي ما انا عايز

أسئله بتدور في مخي ومش لاقي لها اجوبه أو عارف الجواب ومتجاهله

علي العموم تعايش مع نفسك
ومعني انك بتكتب الكلام ده أنك غير ما انتا كاتب

عجبتني أوي صورة ناصر وجيفارا

تحياتي

صوت من مصر يقول...

قطه الصحراء
شكرا لوجودك بس الياس مش مالكنى ولا الحباط جوايه ده من خنقتى والى شفته فى دنيايا
وعجبى
;;;;;;;;;;;;;;;;;;;;;;;;;;;;;
انا مش عايز اغطيها والله انا فعلا حاولت وفشلت وهكمل ومش هخاف بس لازم ابكى واعرف الحقيقه
واحد مش فاهم ؟ شكرا
;;;;;;;;;;;;;;;;;;;;;;;;;;;;;;
شريف طلا
طبعا قربت لربنا وطلبت المغفره
شكرا لزيارتك
;;;;;;;;;;;;;;;;;;;;;;;;;;;;;;;
عروبه
بجد ياريت مكنش وجعتك بذكرى الكلام لكن دى الحقيه
شكرا لزيارتك
;;;;;;;;;;;;;;;;;;;
رحيل
انا مش يائس وهحاول وهفضل احاول هى الدنيا كده
;;;;;;;;;;;;;;;;;;;;;;;;;;;
قومى الى الابد
ياعم والله الدنيا دى مش عايزه غير العافيه بالصبر مش هتلاقى حاجه بالعكس هتتسرق
;;;;;;;;;;;;;;;;;;;;;;;;;;
الشارد
حسيت انه فى ناس زى حلاتى من كلامك وصوره جيفاره وناصر لانى بعتبرهم اكتر من اهلى
شكرا

oceaneyes يقول...

ليه التشاؤم ده بس !!!

هايفيد بحاجة يعنى ؟؟؟

اصله لو هايفيد بحاجة كنت انا اول واحدة عملت كدة ..

ريلاكس يا باشا وهدى اعصاباتك

الحياة حلوة