الأحد، 13 يناير، 2008

احلى خمس دقايق فى الهوا


والله انا مش عارف ايه الى فكرنى بالموضوع ده من زمان قوى وقتها كان عندى 6 سنين يعنى سنه 92 سنه الزلزال تخيلوا كنت قاعد على حرف الشباك ومدلدل رجلى فى الشارع ال ايه فى البحر يعنى وصاحبى كان فى الشباك الى قدامى تخيلوا انى اتزحلقت من الشباك لتحت وفجاه وبدون اى مقدمات لقيت نفسى ماسك حبل الغسيل وجسمى كله فى الهوا كان احساس رائع مكنتش بخاف ساعتها بجد لدرجه انى مسرختش ولا صوت ولا اى حاجه الى كان فى بالى انى ازاى انزل لتحت فى الشارع عشان ماقعش شوفتوا دماغ زباله كده صاحبى من الموقف ولانى مطلعتش صوت كان بيضحك ضحك هيستيرى وفجاه ودى المشكله الكبرى حبلين اتقطعوا ونزلوا فى الشارع وانا فاضلى تلاته بس فى ايدى لكن ربنا ستر اختى بتبص على الشباك لقتنى متعلق وفجاه ندهت لبابا وعمل الى عليه وشالنى لفوق ودخلت الشقه ودى كانت احدى العلامات عشان اكون طيار ولا ايه ؟

احلى خمس دقايق فى الهوا

هناك 3 تعليقات:

حنة يقول...

البلوج حلو قوي يا محمد ... بتكتب حلو ولمحاتك ذكية .. طيب ابعته للناس ع الفاس بوك وغيره خليهم يشوفوه.. وواصل ربنا معاك

no say يقول...

شكرايا حنه موت

همس الحياه يقول...

بجد رائعة البلوج بتاعك جامد ولذيذ انا قعد عليه مش قادرة اقوم غير لما اخلصه بس اعذرنى هقوم اذاكر شوية واجى اكمل تانى بجد جامد مووووت