الأربعاء، ٢٥ مايو ٢٠١١

الموضوع عن الاخوان وعن مدونه سبايدر مان













اولا الموضوع موجه لشخص بعينه ولمجموعه كامله ايضا ومستعد انى اتقابل ذهنيا وسياسيا وفكريا وكل شىء امامه او امام احد منهم وعلى يقين من كلامى .

الشخص الذى يناقض نفسه دائما لا افضله ....... الشخص الذى يتحدث دون وعى اعلم انه جاهل بغض النظر عن انتمائه ام لا لاى المجموعات التى اكن لها احترام ولكن انا لست متكلم عن شخص احد ولا اميل لاى التيرات ولكنى بطبع الحال انا شخص من اليسار الاشتراكى والكل يعرفنى بذلك ولن اخفيه يوماَ .. وقبل كلامى احب اوضح حاجه انى هشكر اشرف اللى قعد معايا 3 ايام فى المعتقل وكان يملك من الجراءه ما يكفى وهو من نفس المجموعه .


اولا هتكلم عن سبايدر مان ... زميل مدون ولكن بصراحه لا اكن له اى احترام ولا اى شىء سو انه يجهل تمام الابعاد السياسيه المحيطه بالوطن والذى نتقاسمه جميعا ومع ذلك فهو داخل " جماعه اسلاميه " وليست دينيه كما نعلم وهى جماعة الاخوان المسلمين وهى الجماعة الوحيده المنظمة فى مصر من ايام النظام السابق الذى كنا نعانى منه جميعا حتى الاخوان المسلمين ولكن بسببهم فشلنا فشل مهول فى 2005 عندما عقدوا صفقه مع النظام وايضا اكتسحوا اكتساح كامل وهم باعو ارض الوطن من اجل 80 مقعد على ما اظن ولكن الغريب ان لهم اتجاهات غريبه ..... فعلمت بعدم مشاركتهم فى جمعه 27 مايو والتى اجمع عليها جميع القوى الوطنيه وقولت ده طبيعى لانهم فعلوها يوم 25 يناير العظيم والاغرب انى وانا مروح من ميدان التحرير يوم 11 فبراير سالت واحد منهم انت شاركت قالى بكل ثقه اه الاخوان شاركوا ابتسمت قائلا ( كنا بنهتف نقول ايه ) قالى بكل ثقة ( ارحل ) اصابنى الذهول وكنت قد قررت وعلمت من داخلى ان الشعب يفعلها واخذها الاخوان لحسابهم الخاص ولكن السؤال الاهم لسبايدر مان رايه ايه من تصريحات صبحى صالح احد قيادات الاخوان المسلمين . يقولى رايه بس مش اكتر .


ده كان الجزء الاول الجزء التانى خاص بيه هو سبايدر نفسه ..............


سؤال يلح عليا اشد ما يلح على الاخرين اسمك محمد ودكتور وانا عارف ده ال 18 يوم بتوع الاعتصام كنت فين ... ليه كاره دكتور محمد البرادعى وهاجمته بشده وبشكل وقح .. تفهم ايه عن الاستقرار والامن الطبيعى والحريه والعاداله التى ينادى بيها حزب الاخوان وانت لا تعلم ان كلاب امن الدوله يعملون فى مكانهم الطبيعى .... لما اتسالت عن قضيه خالد سعيد على الفيس بوك كان ليك راى واحد

مش عارف لانى مش متابع ( طب حضرتك بتابع مين ) ... حضرتك التدوين هو تعبير عن اراء وعن وجهات نظر وعن نظريات وعن تدوين لحياتك الخاصه وليس للربح كما اتوقع منك وليس ايضا لفكره برامج مجانيه افلام اغانى ...الح فالتدوين يا صديقى العزيز ليس بالشكل الذى تعرفت عليه وليس بجمله منقول وليس بجمله تبادل اعلانى .................. الاهم لى فى الاسئله كلها ما هى وجهة نظرك من انك ترغب فى احمد شفيق رئيس للجمهوريه مع انه سيتم التحقيق معه فى قضايا مال عام ( اهل انت غير متابع ايضا ) وتقريبا غيرت وجهتك بعد فشله وروحت لمرتضى منصور والذى هو ايضا من هاجم الثوره باسم الاستقرار ؟ ارجو منك الرد ليس اكثر فانا اعلم حجمى الطبيعى ومكانى .

كيمو " مصرى " مش يسارى او ليبرالى او علمانى الاهم مصرى

هناك ٧ تعليقات:

Foxology يقول...

عادى يا عم كيمو ايه الجديد من نوعيات البشر المتناقضة اللى عايشين معانا ؟؟

ربنا يرحمنا بأة

Mahmoud Ahmed يقول...

انت اولا جبت منين ان انا من الاخوان ؟؟؟
انت بتخترع حاجات ولا ايه ؟؟؟

انا مليش اي نشاطات سياسيه و ده اولا

ثانيا دخولي للجروبات ، فده مش معناه اني موافق عليها كلها ، و لكن انا عايز اعرف الناس بتفكر اازاي ، كل واحد عمل وجهه نظره على اي شكل

ثالثا لو اخذت بالك هتلاقي زي ما انت معلم على جروب نعم للفريق احمد شفيق و هتلاقي جروبات مع الثوره و ضد الثوره عندي كتيره اوي

بص على الصوره الى انت واخدها كده هتلاقي فوق جروب الاهلي و الزمالك مع اني اهلاوي ، طب انا منضم لجروبات الزمالك ليه ؟؟

رابعا : انا اسمي محمود مش محمد

خامسا : لو بتسال عن متباعتي للحاجات ، فده اصلا حاجه تخصني انا ، متخصكش انت ، انا اتابع الى عايزه و متابعش الى انا عايزه ، انا حر ، و اكتب عندي الى عايزه و مكتيبش الى مش عايزه ، ده حاجه تخصني انا ، محدش له دخل بيها ، انت مش عاجبك كلامي ، متدخلش عندي ، هو انا غصبتك انك تدخل عندي .

سادسا : انت شتمتني و قلت انك مش بتحترمني و ان انا جاهل لكل الابعاد الساسيه الى في الوطن ... اعلم فقط اني مش مسامحك

سابعا : مين قالك اني روحت لمرتضي منصور ؟؟؟؟؟ هل تعرف ان مرتضي منصور من بلدي ؟؟ هل تعرف ان كل انتخابات برلمانيه بيرشح نفسه ، و مش بروح انتخبه ؟؟ ... انت بتألف كلام ؟؟؟


في النهايه :
انا ردي وصلك اهو
انا مش هقولك غير حاجه واحده بس
حسبي الله و نعم والوكيل

اولا على انك شتمتني
ثانيا على انك عمال تالف كلام عني
ثالثا : ان فيه واحد دخل رد عليك لمجرد انك بتالف كلام

حقي هاخده ان شاء الله منك
و ان مكنش دلوقتي ، يبقي في آخرتنا ان شاء الله

آه نسيت اقول حاجه صحيح
مدونتي الى مش عاجباك ، مفيش فيها شتميه لأي شخص ولا صوره لأي بنت ، ولا فديو خليع ، ولا تعليقات فيها تعصب لشخص او ضد شخص ولا فيها اي شتميه لأي حد

باختصار مدونتي على قد ما بقدر باخد منها حسنات

سلام عليكواااا

Tears يقول...

الاخوان لم يكونوا سبب فى فوز مبارك فى 2005 بل اللى حدث ان الانتخابات تم تزويرها مش بس فى الصندوق لكن كان فى ممارسات لترويع البسطاء ابسطها ان كان واحد من الحزب الوطنى بيهددهم انه بياخد الاسماء اللى داخلة اللجنة و بيطابقها بالاصوات لمبارك و انه ح يعرف يجيبهم...ألكلام ده عليه شهود غيرى و عملت بيه محضر رسمى و طبعا لو طبقت ده على دوائر عدة فى محافظات مختلفة لتخيلت الوضع

Mahmoud Ahmed يقول...

قال تعالى
وَمَن يَكْسِبْ خَطِيئَةً أَوْ إِثْمًا ثُمَّ يَرْمِ بِهِ بَرِيئًا فَقَدِ احْتَمَلَ بُهْتَانًا وَإِثْمًا مُّبِينًا}.


وقوله تعالى: {والذين يؤذون المؤمنين والمؤمنات بغير ما اكتسبوا} أي ينسبون إليهم ما هم براء منه لم يعملوه ولم يفعلوه {فقد احتملوا بهتاناً وإثماً مبيناً}


قال رسول الله صلى الله عليه وسلم لأصحابه ;
أتدرون من المفلس؟ . قالوا ; المفلس فينا يا رسول الله من لا درهم له ولا متاع . قال رسول الله صلى الله عليه وسلم ; المفلس من أمتي من يأتي يوم القيامة بصلاة وصيام وزكاة ، ويأتي قد شتم هذا ، وقذف هذا ، وأكل مال هذا ،وسفك دم هذا ، وضرب هذا ، فيقعد فيقتص هذا من حسناته ، وهذا من حسناته ، فإن فنيت حسناته قبل أن يقتص ما عليه ؛ أخذ من الخطايا أخذ من خطاياهم فطرح عليه ، ثم طرح في النار .
الراوي; أبو هريرة - خلاصة الدرجة; صحيح - المحدث; الألباني - المصدر; صحيح الترمذي

شمس النهار يقول...

هو في ايه هنا

معقول المدونين يبقا الحوار بينهم كده

اومال بنادي بالراي والراي الاخر ليه

وايه اصل المشكلة اختلاف راي
مالازم نختلف
لكن للأختلاف قواعد يجب ان تبعها
ماهي الفائدة اللي هتعود علي القراء
من هذا الحوار
ياريت تصفوا سوء التفاهم وبروح جميلة بينكم
ويعرض هذا ويعرض هذا وخيركم من بدأ السلام

-_- يقول...

استهدوا بالله يا جماعة
بس على فكرة انا عمري مقرتش حاجة لسبايدر تخليني اقول انه اخوانجي فمستغرب ليه قلت عليه من الاخوان ؟؟

و يا كيمو برضه في صفحات مينفعش انك تتابعها الا لو عملت لايك للبيج , يعني كان في صفحة اسمها عشاق الشرطة او مساندي الشرطة او اسم كده مستفز و كنت عايز اعرب بيكتبوا ايه فإضطريت اعمل لايك للبيج لغاية ما قريت المقالات اللي كانوا ناشرينها , و للاسف الشئ ده بيستغلوا اصحاب الصفحات انهم يزودوا بيه عدد معجبينهم ..

kamr يقول...

افضل شركة كشف تسرب المياه فى الجبيل