الخميس، 18 نوفمبر، 2010

زى ما تكون هى دايما بالشقلوب


زى ما تكون هى دايما بالشقلوب
فارده ضلوعها وفارده قلوعها
وقلوعى وانا عطشان فى بحرك دايما يا صبيه
مكتوب على مركب قلبى
مكتوب فى جبينى مخبى
مكتوب والعار مش دايما باالشقلوب
مكتوب وفى ضل جنينة
وردة وزينه وقلب بيجرى
وفراشه ماتعرف هى ليه دايما طايرة
بالمقلوب
مفتاح حياة قلبى
عملوه ايام زمان وضاع ومن ساعتها
مليش عنوان
ولما لقيته حطيته
بالشقلوب
محبوب
محبوب والحب ده غنوة غناها حسن لنعيمة
فى فرح انوار ووليمة وفى حته واسعه
ومش عتيمة
وانا لسه بسمع غناه وهو يغنى
بالشقلوب
ولما كبرت وشفت الدنيا
لقتنى صغير رافع ايدى بالمعوج
لانى بحب البت السمرا وبعشق عنيها الحور
وعنيها شايفانى دايما
بالشقلوب
ولما كتبت اسمى فى مدرستى وكراستى وصبورتى ودكتى
ورقم جلوسى فى امتحانى
كان اسمى
بالشقلوب
وهى دى قصتى وحكتها وغنتها وكتبت عنوانى فيها
بالشقلوب ......
كيمو

هناك 9 تعليقات:

غير معرف يقول...

كيمو كل سنه وإنت طيب كان نفسي أقولهالك من بدرى بس المهم إنى قولتها
كل سنه وإنت طيب وعايزه أقولك حاجه كمان



وحشتنى

أسمعنى شكراًً يقول...

.طيب.. وأنت سنة كل. ماتكتب حاجة لازم تبقى مبتكر معنى جديد فى حياتك
وأيوه كدة طلع الفن أللى جواك والموهبة أللى حسيت أنى مفتقدها فيك

وأدينى عيدت عليك بالشقلوب

شمس النهار يقول...

شقلوب ايه بس
ده الكلام زي الفل
ومعدول وجميل


كل سنه وانت طيب

ويارب دايما رايق وسعيد وكله في السليم ومعدول

:))

محاولة لكسر الصمت يقول...

عايزة اقول إن واحشني المكان هنا أوي


كل عام وأنت بخير

صوت من مصر يقول...

غير معروف
انت مين ؟
وطظ فى اخر كلمة

صوت من مصر يقول...

أسمعنى شكراًً
ببقى كده فى حالةواحده قررت اعيشها
هبقى اقولك عليها

صوت من مصر يقول...

شمس النهار يقول...
وانتى طيبة بس بجد
هى بالشقلوب

صوت من مصر يقول...

محاولة لكسر الصمت يقول..
شكرا قوى
ووحشنى تعليقك هنا والله .

غير معرف يقول...

شكرا