الأربعاء، 10 نوفمبر 2010

تهيس من جهنم


بعد التحيات والسلامات والذى منه ................ يا خت من زار وخفف
اولا الموضوع ليس له اى علاقة بالدين من اى الطرق ولكنه فانتزيا
ثانيا نبدأ بقى
المكان : البورصة
وصف للحالة : طاولة حمراء اللون " وكرسى لونه احمر للسلامونى "
وكرسى لونه موف لون السويت شيرت بتاعى ..
قاعدين منتظرين فقرى بيه افندى بعد جدل واتصالات وخطوط وكده عشان يجىلنا واهو شرف بجلاله قدره .
المهم الفكرة والمضمون
السلامونى كان قاعد يحكيلى على النار " جهنم " وهاتك بقى يا وجع دماغ ورعب وركب بتخبط فى بعضها نظرا لاعمالى الزبالة فى الدنيا
البداية بقى ان جهنم بتبدأ من 7 طبقات كل طبقى حسب مستوى الشخص وايمانه و ظلمه وفساده وانا شخصيا نازل طالع نازل طالع على الطبقات .
فى الطبقى السفلى او الاخيرة قابلت ناس كتير يا جدع ناس كان نفسى اشوفهم زى موسولينى وكريستيانو رونالدو وبراد بيت وهتلر وده اللى شد انتباهى فى كل دول وروحت قدمت عليه كده وسالته
- يابرنس ايه الاخبارات على حسك هنا ؟
- امشى ياض يا ابن ـــــــــــــــــــــ هتلر شتمنى يا ناس
وطبعا بما انى فى جهنم ومفيش هناك واسطه ولا محسوبيه روحت مطلع الحته ال 36 من جنب البنطلون الجينز المقطع بتاعى " جاب وره دوغرى ابن التيت "
ولسه زى مانا فى نفس الطبقى بلفلف وهوب ايه بقى الاقى مين " مزيكا تصويريه بتاعه فيلم وره الاطلال بتاع عماد فاهمى وشادية لطفى " لقيت سيده الكفار الاولى ( السيدة الفاضلة / مراة ابو لهب ) وبدات الحكاية بغمزات وغمزة من هنا على غمزة من هنا روحت فاتح الموبايل بتاعى الطشط الجديد وفاتح البلوتوث وبعتلها الرقم فى الخبلص ومن هنا بدأت حكايتى مع الست دى وجوزها ابو لهب بذات نفس نفسه وعرفت ان الواد """ جيمى مبارك """ وشلته اللى فى النار محكوم عليهم بمؤبد بلغوه انى على علاقه مع مراته وطبعا الراجل ما صدق عاوز يخلص منها اصلها رغاية ونكدية قعد يدور عليا بقى وابتدى من الفيس توووووك ومن جوجل ( Google Hell ) وعلى ياهووز وسبحان الله يا جدع الواحد ربك بيكرمه حتى ولو فى النار لقيت اشخاص من حركة 6 ابريل ومعاهم مجموعه من الحركة الوطنية للتغير وكانزا خلصوا مده العقوبة الاولى وطالعين للطبقى اللى فوقها عشان فى قلق هناك وهيشوفوا الحكم اللى عليهم المهم لقيت نفسى معاهم وبسبب كده اتكتبلى خروج مبكر حسن سير وسلوك وطلعت للطبقة اللى بعدها ............................
حرامية .. فاسدين ....... طاغين فى الارض
هناك بقى يا خال قبلت ناس كتير كتير كانت زحمة كان منهم شارون بعنيه الخربانة وبوش وكان معاه الجزمة ماسكها فى حضنة ومتبت عليها ابن الجزمة فاكرها مامته وهنا بقى قبلت زميلى فى الكفاح " السلامونى " وايه يا جودعان الواد اصلا كان دراعى الشمال فى كل نصباية اعملها فدخل طبقة متاخرة وفضل ماشى معايا لحد ما لقينا تظاهر وفى راس كبيرة واقفة " اكبر من الراس الكبيرة بتاعت الفيلم " واللى مخلى محاسيبه هناك يلقبونه بالريس .
المهم الريس هنا جمع شوية حرامية على نصابين على نشالين وكون جماعة محظورة تسمى بال ( الحزب الوثنى البيروقراطى ) وبدء البرنس بجمع توقيعات عشان عاوز يمسك حكم تلك الطبقى فى جهنم ( عند مامته ) المهم قابلته واول كلمة طلعت منى هى
( زى ما سبتلك الدين فى الدنيا هيطلع دين مامتك فى الاخرة )
المهم سمعت ان الامم المتحده بتاعت جهنم عامله مكفاءة للى هيبلغ عنه روحت مبلغهم قوام وصعدت طبقة لاعلى ومنها كل ما بصعد طبقى الاقى واحد منكم .
الفرق بين مصر وجهنم ايه بقى .................................
ياريت اللى قرى الكلام ده لتانى مره
ملوش علاقه غير بالتهيس
والله الحمد لله انا مسلم ومش ناقصه استخفاف من حد

هناك 12 تعليقًا:

عمرو يسرى يقول...

هى درجه الحراره فى جهنم كام دلوقتى

صوت من مصر يقول...

عمرو
مش برد على تعليقات حد ولكن تعليقك جامد
36 تحت الصفر

richardCatheart يقول...

مثتر مثتر ممكن اجاوب

جنهم فوق

ومثر تحت

ثح ثح

او

الفرق بين مثر وجهنم

الوااااااااااااو

dina يقول...

الحزب الوثنى البيروقراطى
:D :D :D :D
الفرق بين هنا و هناك ايه؟
ان جهنم مش حتتدهور عن حالتها دى...انما احنا لساااااا شغااااال يونيفرسال

صوت من مصر يقول...

richardCatheart
اول اجابة
3 ونص من 10 يا ريتشارد

صوت من مصر يقول...

dina
تصدقى صح

Lady E يقول...

صباح الورد

مكنتش فاهمه في الأول هو في ايه لكن فهمت في نهاية البوست

وأنا بعلق ليه أصلا دلوقتي ؟ علشان بجد بشكرك على أغنية منير أول أغنية في كلام فيها ليه معايا ذكريات طعن الخناجر ولا حكم الخسيس فيا مكنتش اعرف انها أغنيه بس كان عاجبني المعنى وكنت حساه أيام الكلية الأغنية بجد رائعة واختيار منير نفسه اختيار رائع

شمس النهار يقول...

جهنم حته واحده

اصلا اي حد هيدخل جهنم مش هيقابل حد منهم

دول ربنا عاملهم جناح مخصوص مش هيدخله غيرهم


:))))))

صوت من مصر يقول...

Lady E
العفو يا فندم بس بساطه
بساطه الاغنية اوفر من معنى جملة اتقالت فيها
يا مصر وانتى الحقيقة
وده اصعب

صوت من مصر يقول...

شمس النهار
وبسبب انى بسبلهم فى كل لحظه هدخل معاهم
نورتى

دعاء العطار يقول...

حلوه بوش ماسك الجزمه دى

هههههههههههه

عارف الفرق بين جهنم وهنا ايه

جهنم ع الاقل فيها عدل

يعنى مش هيدخلها الا اللى فعلا عمله اسود

اما فى المحروسه فكووووووسه

وفى جهنم اللى فيها الفاسدين والظلمه والاشرار بياخدوا ع دماغهم

اما فى المحروسه فالخير هو اللى بياخد ع دماغه

تحياتى

صوت من مصر يقول...

دعاء العطار
هو لسه فى خير