السبت، ١١ سبتمبر ٢٠١٠

اومليت تدوينى



بجد انا بقيت
"" اوفز "" والحدق يفهم
من الاخر الموضوع ده مستفز جدا بطريقة فوق الفظيع
الحكاية فيها فقع
من الاخر اكتشفت ان الناس العسل القديمة بتاعة زمان فى التدوين خلاص راحة ايامهم الحلوة بعد دخول العديد من المدونين الجدد
اللى من الاخر مش مدونين وما هم الا ناس فاتحة منتدى لكن من شخص واحد
بجد
ايه القرف ده
واللى يقولك شعر فقيع وخنيق
وملوش فيها مع انى مفقهش حاجه فى الشعر الا انى اعرف ان الشعر مش لازم كل حاجه فيه قافية بهطل وخلاص
وناس تكتب عن اكلها فى اليوم وناس داخلى تكتب اغنية لمغنى
ناقص الاقى مدون كاتب انا عاوز اتجوز بالمرة
والحكاية يا ساده يا كرام ان ايه ...............
الشباب المدونين تلاقى منهم داخل عشان يلاقى موزة وال ايه مدونة
ياعم ارحم نفسك من الافكار دى متبقاش اهبل فى مدونة هتبقى موزة بالسهل وفى مدونة :: موزة جامدة يعنى :: انت بتحلم بقفص عيش فى عز الازمة
والبنات اغلبهم واكثرهم يبحثون عن عريس من خلال التدوين على شرط انه مش هيشوف خلقهم مع انها ممكن تكون استغفر الله العظيم
بجد حاجه تفقع
وبعض الناس تقولك ( انا مش هكتب لما اتجوز ) هموت واعرف ايه السبب على راى ميرا
هو جوزى يقدر يخلينى مش اكتب انا ممكن ساعتها اضربه بالجزمة دى حرية شخصية
بجد
الفقع بقى كتير والموضوع بقى اومليت
بجد
اللى ميعرفش انى مدون سافل ميدخلش
واللى ميعرفش انى صريح يبعد
والناس اللى بحبهم وبحب اقرالهم حتى ولو وحش مع انهم مفيش منهم وحش مكانهم
( الكلام مش موجه لشخص بعينه )
كيمو

هناك ٣٦ تعليقًا:

ساسو يقول...

رسالتك وصلت يا كيمو

richardCatheart يقول...

ههههههههههههههههههه موتنى والله
هههههههههههههههه
انت مشكله

يا اخى كلامك صح انا معاك فيه
بس الفكره للتدوين اتغيرت مابقاش لكتابه مقالات عاقله او بسخريه قويه
كأن اللى كتبها انيس منصور
بقت من باب الفضفضه والتواصل مع الاخر
دا بقى جزء من التدوين

انا معاك ان فى كتير مالهمش فيها بس التدوين اضاف ليهم حتى لو هما ما اضفوش لحد

انا كنت جايه اعيد عليك
كل سنه وانت طيب يا كيموز وبالف خير

ميرا ( وومن ) يقول...

هههههههههههههههههههه ايه يا عم كيمو انا قولت اخلعه بس

انت عاوز تسوء سممعتي التدوينة ولا ايه ؟؟؟

وايه قصدك بقي ان المدونات مفيهومش واحدة مزة

بص دي وجه نظرك وانا احترمها طبعا وفيها كتير من الصحة فعلا التدوين أتغير قوي عن زمان

وبقت ليه أهداف كتير غير معلنة بس بلاش الطريقة الهجومية العنيفة دي حتي علشان نعرف نتناقش وناخد وندي

كل سنة وانت طيب وبوست بيناقش حاجات مهمة

Ramy يقول...

كيمو

أزيك يا باشا و لا يهمك

هتلاقى دوووول فى كل حته مش بس التدوين

بس المشكلة ان التدوين اخر حته تدور فيها على موزة لا موز

مش علشان وحشييين لا سمح الله

بس اللى داخل التدوين يتكلم مش يبصبص (:

المفروض يعنى

و لا هو المفروض من ساعتها عند المكوجى و مجاش (:

تحياتى يا باشا (:

غير معرف يقول...

امووووووووووووت
انا فى الصراحه
والله قلت كل الى فى بالى
ثوانى بقى اصقفلك
كل سنه وانت طيب ياكيمووووووو ياندل
عووووووووووووووو
كيكى

هي وظروفها يقول...

ياواد فكك من صراحتك

معاك اني مال اهلي لما الاقي واحده كاتبه انها لابسه لجوزها بيبي دول نبيتي وهو كان بيلعب بلاس ستيشن ونام من غير ما يلمسها ولا واحد بيكتب عن مذكرات عادته السريه ومشاهدته لافلام البورنو عالم تخصي

وبخصوص الشعر احب اقولك ان الشعر تذوقك والدليل واحد ملوش فيها بالنسبالي اسمه سمير عبد الباقي بيكتب رباعيتات ف الدستور والله ما له فيها بس ارزاق
اهدي وكده كده المجتمع ده اللي بيدخله يظبط موزه احب اقوله فكك لان اللي بتدعي او تملك الثقافه هتقرفك علبال ما تمسك ايدها
اديلو رقمي وننزل انا وهو كوبري النزهه نجيب موزتين وانت روق وتعالي معانا جتك الارف هتفضحنا

just waiting يقول...

اولا كل سنة وانت طيب رغم انها متأخرة
ثانيا ياسيدي كل واحد نفسه يقول حاجة بيعمل مدونة يكتب فيهاومحدش بيجبر حد انه يقرأ ليه
وبعدين ربنا يكرمك ياكيمو مافيش مدونة موزة حرام عليك
انا نفسي بجد اعرف هو ليه الولاد بيبصو للبنت الحلوة انها مالهاش في حاجة غير الوقفة قدام المراية
ودا بدون ما ابعد عن الموضوع اللي انت بتتكلم فيه
اما بالنسبة مش هكتب لما اتجوز
ليه يعني بجد دا يا اما فاتحين المدونة بجد بيدورو على عريس و عروسة
او الانسان اللي بيرتبطو بيه دا غير سوي
ومايفقهش شئ في الحياة وعايز يمشي كلمته ويفرض رايه وخلاص

мαησηα يقول...

انا اسمى مكتووووووووب يا كيموووووووو
ههههههههههههههههههههههه

انت ده انت مصيبة يا كيمو بس والله بجد معاك حق فعلا

المشكلة بس ف حتة اننا مش موزز دى وقعتك بيضااااااااا وقفت حالنا يا واد
هههههههههه
ال هو فى مدونة موزة

ومحدش خد باله يابنات الا انا ولا ايه ؟

انا جاية اهدى النفوس بس يا كيمو

المهم بس مايبقاش فيه خساير ف الارواح هههههههه

Foxology يقول...

ده انت معبى ومن زماااان :))))

معلش معادش فى حاجة على حالها يا عم كيمو وانت سيد العارفين

تحياتى

على باب الله يقول...

مقدرش أقول للي بيكتب أومليت يبطل كتابة لأن كلامي انا ممكن جداً يكون أومليت في نظر حد تاني
ببساطة خالص اللي بيكتب أومليت مش بقراله و بدور على الأصناف التانيه

م/ الحسيني لزومي يقول...

كل عام انتم بخير

شاب فقرى يقول...

صباح الأومليت ياريس
:)
عندك حق
بس الواحد مش عارف يقول دا لان فى ناس بتزعل
وشكرا :D

(green eyes) يقول...

جديده دي
فيه واحده او واحد بيدون علشان يتجوز
طب ازاي !!! عروستي D: D: :D

معاك حق المدونين كترو اوي
وياريت الكم دا يكون على اد المسئوليه

Kiara يقول...

والله كلامك في الجوووون :)

واكتب براحتك بس بلاش تتعصب بس

تعرف

واحشنى اوي مدونين 2008 و2007 وحشني الدفعات القديمة اووي

شمس النهار يقول...

شوف كلامك في حاجات كتير صح
وكلام جااامد بس قلته بطريقه فجه

يابني ممكن تقول الكلام ده واكتر منه بس بطريقه لطيفه وبعدين انت انسان كويس مش زي ماقلت علي نفسك
يكفيني في اخلاقك انك انسان صادق مش كداب حتي لما كدبت قلت انا بكدب
فاكر في بوست الكدب

اما موضوع البوست صح
الناس القديمه مشيت وادينا بنحاول نرجعهم تاني
علشان بصراحه الواحد برغم ان في ناس جداد بس منتهي الجمال بس برضه حاسه بالوحده في البلوجر
وماسالتش نفسك الناس القديمه مشيت ليه
ماهو من الهبل اللي كان حاصل
وانت عارف ايه اللي حصل لي انا شخصيا
وفعلا في ناس داخله تظبط بلغتكم الحديثه
بس صدقني اغلبهم اتعرفوا
وصدقني هيمشوا وفعلا فيهم ناس مشيت
ومش هيفضل غير الصح
الناس اللي بجد اللي كلامهم زي فعلهم
ماعندهمش شيزوفيرينيا

ياريت نعرف نرجع الناس اللي بجد
تحياتي

dodda يقول...

:)
بقالى فتره بلف على المدونات مش بحب اعلق وخصوصا انالكتابه بالعربىبقت صعبه جدا واللاب توب حالف ميت يمين ما يكتب عربى...
بس بجد الاومليت ريحته قلبت المنطقه...
ال عمل مدونه يدور بيها على عروسه ال!!!
بس تعرف اوحش حاجه ايه ان القله المندسه دى مش حتخلينا نعرف نعمل نقابه للمدونين

عاشقه الرومانسيه يقول...

عندك حق

غير معرف يقول...

أعتقد إن إللي عايز يتعرف موش هيدون .... ده غباء اصلا

وعندك حق :)

تحياتي

صوت من مصر يقول...

ساسو
الرسالة دى مش موجهة لشخص
وانا قولت كده .......................
شكرا

صوت من مصر يقول...

richardCatheart
فى مثل بيقولك
الدنيا مجرد لعبة اكسبها او اخسرها
هما كسبوا ايه انا شايف هطل ومنتديات ومفيش اى نوع من انواع الفانتزيا حتى
للاسف بقت سمك لبن تمر سورى
وانتى طيبة

صوت من مصر يقول...

ميرا ( وومن )
حبيت اسخنها شويتين
هههههههههههههههههههه
عموما نورتى وفعلا الموضوع كبير واكبر من انى اتكلم عنه

صوت من مصر يقول...

Ramy
سيبك انت
التدوين له ناسه يا رامى باشا
ومفهوش موزز
صدقنى

صوت من مصر يقول...

كيكى
وانتى طيبة
مش ندل وبس
اندل الاندال

صوت من مصر يقول...

هي وظروفها
لو مش بقيت صريح هبقى حد تانى
رقمى معاك هتصل بيك ننزل سوا

صوت من مصر يقول...

just waiting
معنى كلامى
مش انها وحشة بس مش موزة بمعنى
مش سهل يتلعب بيها
وبمشاعرها لانها عاقلة جدا
ولا عندك راى تانى
والمرايا بكرهها
وعيد سعيد عليكى

صوت من مصر يقول...

мαησηα
مش برجع فى كلمتى
وارفعى قضية الى دار التدوين الالكترونى
عادى

صوت من مصر يقول...

Foxology
زى ما بنطالب بالتغير نطالب ايضا بتغير التدوين الاومليت

صوت من مصر يقول...

على باب الله
موافق رايك بشده
ولكن لو هو فتح بابه عليك تعمل ايه

صوت من مصر يقول...

م/ الحسيني لزومي
اهو انت

صوت من مصر يقول...

شاب فقرى
اللى يزعل يتفلق

صوت من مصر يقول...

(green eyes)
انا نفسى برضه مش قد المسؤليه

صوت من مصر يقول...

كيــــــــــــارا
وهيوحشك ناس اكتر واكتر

صوت من مصر يقول...

شمس النهار
دى طريقتى مش هغيرها
ونحاول ونحاول
وبرضه ...................................

صوت من مصر يقول...

dodda
ملهاش لزمة النقابة ولو بقت نقابة هطلع منها وضدها
وللاسف
مش هتعرفى تعلقى عند اى شخص

صوت من مصر يقول...

عاشقه الرومانسيه
عندى حق

صوت من مصر يقول...

فتاه من الصعيد
عندى حق تحياتك