الاثنين، ٢ نوفمبر ٢٠٠٩

شمس الحياه


فى الانتظار يوميا دوما انتظر اشياء لا اعرفها لكنى انتظر اهل تعرفها ؟
دخل الشتاء وانا افضل الجو الممطر البارد نعم افضله فيعطينى مزيد من المشاعر المكبوته واقربها الى قلبى هو الخوف الخوف من المستقبل فى ظل غياب شمس من الافضل ان تسمى بشمس الحياه فاعشق شكل السحاب فى السماء اعشق الهواء اعشق ندى الصباح ورائحته مع صوت طيور النيل التى تملئ مصر من اعلها لاخر قطره ماء تنزل من نهر خالد يذكرنى بكل شىء المى وفرحى وسكونى اتذكر الايام وانا انتظر
امر فى تلك الايام بشىء غريب على نفسى وهو افتقادى الى صديقى الدائم الاكتئاب استمع الى اغانى ليس لها علاقه بالحزن اقتربت من التصالح مع الحياه برغم من كرهى للحكومه وحركاتها وبرغم من تزايد اموات الانفلونزا h1n1 الا اننى اقرر انى غير متشائم ومتفائل والسبب هو تغير الجو من ساخن الى بارد فى انتظار الموزه بقى
ههههههههههههههههههههههههههههههههه
شمس حياتى اقتربت من الاشراق واعتبر ان ايامى القادمه افضل
اسف لكل مدون تعاملت معه على انه مكتئب
اسف لحالتى اللى بتمنى انها تدوم طويلا
كيمو

هناك ٣٩ تعليقًا:

wafaa يقول...

يارب دايما مبسوط

سجود يقول...

تاني تعليق
مع اني اعده بقالي يجي 6 ساعات
بس يلا خير

سجود يقول...

ان شاااااااء الله تكون ايامك القادمه افضل
انا مش بفضل الاكتئاب نظرا لانه مفروض علينا اصلا مش بيدينا فرصه نفضله ولالا
ههههههههههه

الشعب لابد له من حكومه تشكمه يقول...

مش فاهمه يعنى انت زعلان ولا مكتئب:)
متفقين ومختلفين:)
انا بعشق الشتا جداااااااااااا اكتر من الصيف.
مختلفين لانى مش بحس فيه بالخوف انا بحس فيه بالدفا:) اه والله تلاقى كله فى البيت قاعد مع بعضه دفا؟
تخرج بره كله حاطط ايده فى جيبه واى اتنين مخطوبين او غيره ماسكين ايد بعض بيحاولوا يحسوا بدفا:)
بحب ريحة الشوارع بعد المطر بيكون ليها ريحه معينه والجو كله ليه طعم معين زى اسكندريه وانت داخل من بوابتها تشم ريحة البحر فى الجو:)

سر بينى وبينك نفسى الدنيا تمطر خفيف يوم الجمعه يوم اللقاء اللى عندنا علشان كده يباه خلاص احلى يوم بجد:)
ههههههههههه يانهارى دنا لو بحب واحد مش هتكلم عليه كده:)؟

المهم انت جاى؟ ولا جاى وهتفرجنى على الكوتش الجديد ومش بعيد يغمن عليا من رباط الكوتش لما اشوفه فى الحقيقه:)

سجود يقول...

الحمد لله اني لحقت التعليق التاني قبل الشعب لابد له من حكومه تشكمه
وبعدين نسيت اقول ان عيد ميلادي 7/11 وكل المدونين معزومين عندي في المدونه هنتغدي مع بعض ونشرب شاي ونعد نتكلم لحد بليل وبعدين نتعشي وبعدين نعمل العيد ميلاد

دعاء العطار يقول...

مبروووووووووك يامحمد

اخيييييييييرا طلعت من الاكتئاب وسنينه

على كده بقى يارب الشهور كلها تبقى شتا لو الجو هيخليك متفاءل كده

مع انى بكره الشتا جدااااااا

هههههههههههههههههههه

بس ياااااااارب دايما كده متفائل ومبسوط لان الحكومه وظروف البلد مش بايدنا نغيرها الا لو غيرنا نفسنا

فابدا بنفسك وسيب الباقى على ربنا

دمت متفاااااااااااااائل

غير معرف يقول...

يااااااااااااااااه

يااااااااااااااارب الحاله الجميله دي تدوووووووم دايما يا محمد

وتفل في حالة سلام نفسي كده :)

donya يقول...

صباح الخير
الحمد لله انك متفائل
بس اكتئاب ايه اللي انت بتتكلم عليه انت تعرف ايه عن الاكتئاب ده موضوع طويل ومنيل بستين نيله بعد الشر عنك وعن كل اللي في البلوجر

*تحياتي

صفــــاء يقول...

لا يا بنى اجرى بسرعه شوف دكتور
قال مش مكتئب قال

غير معرف يقول...

اهلا يا كيمو حكومه

ازيك واخبارك ايه ؟؟؟؟؟

ربنا يسعدك يارب

وتكون ايامك اللى جايه كلها سعاده

النسر المهاجر يقول...

ربنا يديم عليك الشعور الطيب وتفضل كده على طول

جارة القمر يقول...

لرائحة الشتاء عبق خاص يحرك بداخلنا الكثير من المشاعر

قد تكون حزن وقد تكون دفئ

ولكني اعشقه


دمت بخير

HeBa يقول...

مش كل الناس مبسوطة في حياتها يا محمد

كل واحد عنده مشاكله

بس التفاؤل بيصبرك ويخليك تحاول تتغلب على الحاجات اللي مضايقاك

وبجد يارب تكون دايما متفائل وسعيد

ريمان يقول...

ربنا يسعد اايامك يا رب


ويكون شتا سعيد عليك وع الحكومه


ههههههههههه

م/ الحسيني لزومي يقول...

نعم عليك براحة البال فهي نعمه لا يدانيها الا الصحه.
----------

من اجل
وطن آمن مستقر...حياة افضل.
من اجل
محاربة الفساد....مقاومة التزوير
من اجل
ان تكون مقدرات هذا الوطن بأيدينا
شارك في الحملة الشعبيه للقيد بالجداول الانتخابية
ضع شعار الحملة علي مدونتك

حلم بيعافر يقول...

شمس الحياة تشرق من داخل الانسان
تحياتى

rovy يقول...

السلام عليكم
يا رب دايما سعيد سواء كنا فى الشتاء او الصيف ..
ربنا يرزقك السعاده و يارب دايما متفائل ..

تحياتى

وردشان smilyrose يقول...

السلام عليكم

كيفك اخى كمال

يارب دايما كدا متفائل على طول

على فكرة انا كمان بعشق جو البرد

وبحس فية بروح عن الحر

وبعدين يارب دايما كدا متفائل جدا

اختك وردشان

محاولة لكسر الصمت يقول...

كذلك أنا..أعشق فصل الشتاء..لكن لأسباب مختلفة, لا أدري لماذا هذا الفصل بالتحديد يذكرني بطفولتي, بتلك الأيام التي كنا نختبئ فيها داخل معاطفنا الصوفية في الصباح الباكر في طريقنا إلى المدرسة, أنفاسنا الدافئة التي تكثف البخار على زجاج حافلة المدرسة لنكتب بأصابعنا كلمات صغيرة عليه..ذكريات بسيطة عادية جدا, عادية لدرجة أنني أحن إليها كثيرا..
أتمنى لك شتاء سعيداوعاما سعيدا وعمرا سعيدا

تحياتي

forevar يقول...

wafaa
يارب
شكرا يا وفاء

forevar يقول...

سجود
6 ساعات بتعملى ايه

forevar يقول...

سجود
الاكتئاب مش بيدى اى حد فرصه
صدقينى
شكرا

forevar يقول...

الشعب لابد له من حكومه تشكمه
اولا شكرا لتعليقك الجميل يا شيمو
بس انتى سالتى سؤال هرد عليى
انا متفائل
ومش عارف ليه

forevar يقول...

سجود
كل سنه وانتى طيبه

صوت من مصر يقول...

dodoo
الله يبارك فيكى
بس على راى المثل انا زهقت عشان كده متفائل

صوت من مصر يقول...

Hager Za3bal
يارب اكمل اسبوع يا هاجر

صوت من مصر يقول...

donya
انا معرفش اكتئاب
دنيا اقرى الحاجات بتاعتى القديمه

صوت من مصر يقول...

صفــــــاء
غريبه صح

صوت من مصر يقول...

7annen
يارب
اسف على سؤ الفهم

صوت من مصر يقول...

المهاجر
يارب يا مهاجر يا احلي مهاجر

صوت من مصر يقول...

جارة القمر
لخصتى البوست فى جمله

صوت من مصر يقول...

Heba
بحكى عن نفسى يا هبه
فينك من زمان

صوت من مصر يقول...

ريمان
عليا اه الحكومه لا ارفض وبشده

صوت من مصر يقول...

م/ الحسيني لزومي
عجبانى صفحه الاعلانات

صوت من مصر يقول...

حلم بيعافر
اقرى البوست ارجوكى

صوت من مصر يقول...

rovy
بجد الف شكر

صوت من مصر يقول...

smilyrose
ورد شان والله العظيم
اسمى كيمو
محمد كمال
محمد
كيمو
محمد

صوت من مصر يقول...

محاولة لكسر الصمت
اقولك معلومه
مكنش عندى اتوبيس مدرسه
وكنت بكره فتره ابتدائى مع انى نت متفوق جدا جدا فيها
بس بفتكر هطول المطر على زجاج باب المترو وانا فى ثانوى وده بيبعث فيا الامل اكتر
منوره البلوج كله انتى والاتوبيس كله

محاولة لكسر الصمت يقول...

لا اصلي خدت ابتدائي في السعودية,فطبعا كان فيه أتوبيس,ولما جيت مصر تغيرت وسيلة المواصلات في اعدادي وثانوي من الاتوبيس إلى حذائي العزيز اللي دوبته من المشي..