الجمعة، ٢٧ نوفمبر ٢٠٠٩

عن 2012 ونهاية العالم وجيمى


مش عارف ليه بكتب ومش عارف انى هبعد عن الرسميات وكلام العيد واللحمه مش عارف ليه بس السبب لانى بكتب
اولا كتير مننا سمع عن فيلم 2012 او نهاية العالم اتفرجت على الفيلم وانا فى السينما الناس كلها بجد كانت مرعوبة وخايفه من الاحداث الا انا كنت قاعد بضحك وحسيت انه مش الفيلم الذى يلاقى اهتمام من العالم اجمع بل بالعكس هو فيلم مبنى على تنبؤات البعض ناس كتير فى الخارج " اقصد الغرب " مقتنعه بان نهاية العالم هتكون يوم 21/12/2012 لكنى مش منهم واستندوا ده لتنبؤات قديمة منها واهمها بالنسبلهم هى معتقدات شعب المايا وهم المكسيكيون القدامى والذين اعتقدوا نهاية العالم نتيجه احداث فلكية منها شروق الشمس من الغرب اى بمعنى انعكاس دوران الارض وسيؤدى ذلك الى حدوث انفجار هائل فى براكين الارض وكذلك حدوث زلزال كل 5 ثوانى بقوه رهيبة وهناك من يعتقد بوجود كوكب غريب يقترب من الارض بقوه مغنطيسية وانا هيهبط على الكوكب بتاعنا عام 2012 وطلع واحد مسؤال فى وكاله ناسا الفضائية يكدب ده .
المهم من حوالى سنه تقريبا كتبت بوست بعتب على الرئيس القادم للجمهورية اللولبية بتاعتنا " جيمى " انه بيبنى مدينه فضائية بحجم 50 مليار جنية مصرى طب فين بقى الاستكشافات دى يا برنس
حد يقوله انى عرفت قبله ان العالم كله مستنى اليوم ده اللى انا ناوى اقضيه فى الحمام بتاع المعتقل
انا مش مصدق كلام الغرب " لان ببساطه ده هبل وخرافات "

هناك ٣٢ تعليقًا:

امل يقول...

ازيك يا كيمو
وحشتنى
انت فين
كدا تنسى مدونتى بعد ماكنا بقينا اصحاب
انا جايه ااقولك كل سنه وانت طيب ومش فى المعتقل
وبالنسبه للفيلم
ياريت بجد تيجى نهاية العالم ونخلص
بس دا كله تخاريف طبعا
يلا مش هاعطلك
عيد سعيد عليك

امل يقول...

ازيك يا كيمو
وحشتنى
انت فين
كدا تنسى مدونتى بعد ماكنا بقينا اصحاب
انا جايه ااقولك كل سنه وانت طيب ومش فى المعتقل
وبالنسبه للفيلم
ياريت بجد تيجى نهاية العالم ونخلص
بس دا كله تخاريف طبعا
يلا مش هاعطلك
عيد سعيد عليك

امل يقول...

ازيك يا كيمو
وحشتنى
انت فين
كدا تنسى مدونتى بعد ماكنا بقينا اصحاب
انا جايه ااقولك كل سنه وانت طيب ومش فى المعتقل
وبالنسبه للفيلم
ياريت بجد تيجى نهاية العالم ونخلص
بس دا كله تخاريف طبعا
يلا مش هاعطلك
عيد سعيد عليك

غير معرف يقول...

لأ دا مش هبل وخرافات .. دا علم ..
بس مهما علي العلم ميعلاش علي ربنا .. هو الوحيد اللي معاه سر ومعاد نهاية العالم ..

romansy يقول...

كل سنه وانت طيب يا كيموووو
احنا عندنا ايمان بالله
وايمان بالقضاء والقدر
بس ليه نخاف
طالما عندنا امل فى ربنا
اللى فى ايديه نهايه العالم

donya يقول...

صباااااااح الخير
ياصباح التهييس الهليووودي
الامريكان فضلوا يعملوا افلام كوارث ويوروا الناس ازاي همه منظمين وبيتعملوا مع الكوارث بدقه
لحد ماكل شويه جيالهم كارثه وبيحتاثوا فيها زيهم زي العالم التالت بالظبط

اما موضوع الفيلم انا سمعت عنه لكن ماشوفتوتش بس واضح انه تهيييسه من تهييس الامريكان

كل سنه وانت طيب

تحياتي

shoshta_ joker يقول...

السلام عليكم.....
جاية اعيد عليك بس يا كيمو ......كل سنة وانت طيب .....عايز عدية ولا ايه النظام ولا اقولك مفروض انا الى اخد العدية عشان انت الى عيدت عليا الاول.....فى رعاية الله....فى دومت بخير .
shemo

غير معرف يقول...

لازم نؤمن بالقدر
وكل سنه وانت طيب
عيد سعيد عليك

سجود يقول...

السلام عليكم
ازيك يا كيمو عامل ايه
كل سنه وانت طيب
وبالنسبه للبوست كده كده احنا هنموت في 2012 في 2100 هنموت هنموت
ههههههههههه
فمش هنخاف
وتعددت الاسباب والموت واحد

وردشان smilyrose يقول...

السلام عليكم

يا عم كيمو

كل سنة وانت طيب

وعيد سعيد عليك

وبعدين ايه حمام المعتقل دا

انت مش بتقول الفيلم تنبئ بالنهاية

يبقى هتلاقى حمام ولا غيره ههههههههههه

ياعم ياما تنبؤات

Migo Mishmish يقول...

كل سنه وانت طيب ياكيمو
عيد سعيد ...
بالنسبه للفيلم ..انا بحب اتفرج على الحاجات دى لكن بنوع من الاثارة والغموض زى حكاوى العفاريت الى زمان بنسمعها ..سيبها على الله وكل واحد له معاد ...
ميجوووووو

أميرة علي كوكب مهجور يقول...

الله وحده اعلم
المدونه حلوة خالص
والرباط عامل شغل يا معلم :)
كل سنه وانت طيب
وعيد حلو عليك يارب

رحلتنا في الحياة يقول...

ازيك يامحمد اخبارك ايه
معلش مش بسال انا عارفة بس ظروفى بقى
موضوع نهاية العالم دى اكيد وكل شئ فى الدنيا مصيره للزوال بس كل ده بعلم ربنا محدش يقدر يعلم الغيب ابدا

dina يقول...

ازيك يا فندم؟
كل عام و انتم بخير
فاكرة جدا يوم 7/7/07
كان بردو فى توقعات انه يكون نهاية العالم...أخدت صحابى و قضينا مع بعض يوم زى العسل و فضلنا مستنيين العالم يخلص مش عايز يخلص...احنا اللى حيتخلص علينا قبل الدنيا دى ما تخلص.....طب يا ريت ننجز فى 2012 بس انا نفسى يقموها سنتين عشان ملحقش اشوف الانتخابات و يجرالى حاجة

صوت من مصر يقول...

ماما
على فكرة مش نسيتها
بس فعلا بمر بظروف ضيق الوقت
وانتى بخير
وطبعا مقتنع بالتخريف

صوت من مصر يقول...

Hager Za3bal
يا هاجر محدش قال غير كده
بس متحددش اليوم

صوت من مصر يقول...

romansy
للاسف مش بخاف
وكمان مؤمن بالله
بس الاهم ان الموضوع شاغل عقول الناس كلها

صوت من مصر يقول...

donya
لست بالجاهل الذى ينظر للفيلم على انه حقيقه انا ابحث عن عقل الشارع الغربى فى البوست

صوت من مصر يقول...

shemo
العدية ربع جنيه موافقه

صوت من مصر يقول...

7annen
اذا فهمتى قصدى كويس

صوت من مصر يقول...

سجود
ممكن الحكومه سبب
صح

صوت من مصر يقول...

وردشان smilyrose
هكون ساعت الحدث فى المعتقل
مش اكتر على الاقل هوفر ليكم وجع الدماغ

صوت من مصر يقول...

Migo Mishmish
اظن انى مش بحب اتفرج عليها لكن

صوت من مصر يقول...

أميرة علي كوكب مهجور
هشرح الطريقه قريب
شكرا

صوت من مصر يقول...

آيوشة
الندلة
على فكرة انا مش زعلان
وعموما لا يعلم اليوم اللا الله

صوت من مصر يقول...

dina
وفى سنه 98 قالو كده برضه وكنت بسمع باك ستريت بويز ومكبر دماغى

Lady E يقول...

طبعا الكلام خرفات لأن محدش يعرف معاد انتهاء العالم ويوم القيامة الا ربنا سبحانه وتعالى

---------

بالنسبة لتعليقك في مدونتي انا مفهمتوش ياريت توضحه اكتر

صوت من مصر يقول...

Lady E
وضحت المضمون
واظن ان العلاقه بالنهاية شىء غير معروف للمخلوقات اظن انى بوضح فكرة الغرب مش العرب

Lady E يقول...

أكيد فهمت من كلامك ان الفكرة فكرة الغرب مش العرب :) ومكتبتش الكومنت الا لما شوفت مقاطع من الفيلم عاليوتيوب

صوت من مصر يقول...

Lady E
للاسف انا حضرت العرض الخاص للفيلم ولا يهمنى الفيلم لكن همنى اكثر المضمون وهو ما بحثت عنه
بجد شكرا

مدونون من اجل الاقصي يقول...

السلام عليكم
كل سنة وانت طيب
ربنا يعيدو علينا جميعا بالخير
اللهم امين
العالم حينتهي اكيد
بس مش ف2012
كده قريب
ده لسه ياما نشوف
ربنا المستعان

غير معرف يقول...

سبحان الله عاوزين يتدخلو كمان فى الغبيات بتاعت ربنا وبس

انا اتفرجت على الفيلم شدنى شويه فى اخر كام مشهد بس هو فعلآ سناريو فاشل بالنسبه لنهايه العالم او ( يوم القيامه )

وعمر ما حيجى يوم القيامه وحيفضل حد عايش زى ما هما حاول ينجدو نفسهم وفاكرين انهم حينتصرو على ربنا

قال تعالى:
"يريدون ان يطفئوا نور الله بافواههم والله متم نوره ولو كره الكافرون"
صدق الله العظيم

فشل ما بعده فشل الامريكان غلبو اللى بيعبدو المعيز :D