الثلاثاء، 21 يوليو 2009

شباك وقصه


اذا كنت من مواليد مصر من التمانينات والتسعينات يبقى اكيد شوفت الحاوى وشوفت كمان الى عمر ما اى بنى ادم تانى فى العالم شافه انا اتولدت فى القرن الماضى فى منتصف التمانينات عشت زى اى حد عايش انا اتولدت فى اوضه فى حى شعبى الزيتون عشت فى 12 سنه مع ابويا اومى واخواتى لكن اتذكر دائما ابويا وهو راجع من الشغل فى اول الايام الشهر واتذكر ايضا انها كانت تعتبر لمده يوم واحد سعيد امامه 29 يوم قبيح من ذل ومجاعه لكن ابويا كان بيقول عادى الزمن بكره يتصلح حاله وعلمنى ان كل الايام شبه واحد بدون ذكر مال ولا سجن ولا ولا لا للاسف لما كبرت فهمت ده كنت وانا طفل اتمنى وانا راكب مع والدى المترو انى اجلس بجانب الشباك واقعد اشب وانط عشان اشوف لما كبرت لقيت الشباك كمان صغر بس مبقتش طايق ابص منه على الدنيا من الى انا شوفته دى مش قصه ابو زيد الهلالى ولا الزناتى خليفه دى قصه حد عاش زمن المترو والميكروباص ونسى ان فى اختراع يسمى بالتاكس وانه غير مسموح غير للاغنيه فقط ( معلش انا فقير ) وهو ده حال الزمن سؤال باقى سنتين تمام وكمال عشان نعرف مين الى هيذلنا ويرجعنى للشباك تانى غصب عنى ياترى هيبقى مين ياترى هيكون رد فعلى ايه يا ترى ممكن يكون كويس او ممكن ميحصلش تغير ياترى هرجع اكل لحمه ولو مره فى الشهر انا وغيرى ياترى هقدر اسمع صوت ابويا وهو يقولى جملته التى لا تفارقنى مهما طال الزمن ( انت ماشى فى طريق صح خليك كده ومتخفش ) اخر جمله سمعتها منه اتذكرها كما اتذكر كل يوم عشته اظن الايام ستضح لنا خلال دقائق معدوده لكنى ارسل لوالدى بتلك الرساله اسف على 4 سنين فاتو من عمرى فى الى انت قولتهولى اختيار خاطىء ورجعت تانى ممكن حد فيم يجاوب سؤالى ولا محدش قادر يجاوب ولا هتخاف عليا او منهم على نفسك
اسف لانى خطرفت معاكم شويه

هناك 58 تعليقًا:

شمس النهار يقول...

كيمووووووو
ازيك
اخبارك ايه
البوست جميل
وصادق
جدا
ربنا معاك
ويريح قلبك وعقلك

شمس النهار يقول...

سلم لي علي محاسن كتير
انا مش عارفه هي فين غايبه اصلا
وانت اكيد هتسمع الكلام وتشتغل اللي قلت لك عليه زمان ومحاسن قالت لك اسمع كلام شموسه
:)

EMMY BABY يقول...

مش عارفة بجد عجبنى البوست ده اوى حاسة فيه بصدق صعب الاقيه فى الايام دى

على فكرة ده حال تقريبا 3|4 مصر لان للاسف الحالة الاقتصادية منخفضة جدااااااا عند معظم الناس

بجد ربنا يتولانا برحمته

بس بابك عنده حق طول مانت ماشى صح متشلشى هم حاجة الرزق بيجى بيجى
واحلى حاجة لما تحط راسك على المخدة وانت مظلمتش حد وبص للدنيا بنظرة تانية وربنا ييسرلك الاحوال يارب

احلى خطرفة شفتها على فكرة

تحياتى
ايمى

hager za3bal يقول...

ياترى هقدر اسمع صوت ابويا وهو يقولى جملته التى لا تفارقنى مهما طال الزمن ( انت ماشى فى طريق صح خليك كده ومتخفش )

يااااه
تصدق كلامه صح اوي ..
تصدق البوست ده حلو اوي يا محمد .. تصدق انا عايزه اعرفك بجد ..:)

مش عارفه اقولك ايه بس بجد عجبني اوي ..


وخطرف يا سيدي براحتك .. احنا هنسمعك

اه صحيح
الصوره حلوه اوي :)

smilyrose يقول...

السلام عليكم

ازيك يا عم كمال

اخبارك ايه

ويارب تكون بخير

وبعدين عادى يا عم احنا لزمتنا ايه

لو مش هنكون مع بعض فى الحلوة والمرة


وبعدين مش عين اننا نغلط لكن

العيب اننا مش نتعلم من خطأنا دا

ربنا ييسرلك الامور

Nora 7wades يقول...

على فكرة
الفكرة من الموضوع وصلت
ان زمان ساعة الظلم الاووووى اوووى
اوووى كنا بنحب نبص ع الشباك عشان نشووف منه الدنيا
دلوقتى اعتقد ان الظلم خف شووية مش اووى يعنى
بس ع الاقل بنعرف نبص
بس على قولك هانبص على اية ياحسرة..؟؟

Sweet Violet يقول...

رغم ان البوست حزين v_v
الا انه حلو و مش خطرفه بالعكس

كلمة والدك صح و صح وصح كمان
بس اللى انا مش فهمته السؤال
هو فين ؟؟ ولا انت اصلا مش قولته
الصراحة قريت البوست كذا مرة علشان اعرفه جايز اقدر اجاوب عليه
لكن مش فهمت بردو انهى سؤال v_v
ممكن اكون مش فهمت كلامك قوى حتى الاسف مش عارفة سببه
لكن
هقولك زى والدك مدام انت ماشى صح يبقى خليك كده و متخفش

ريمان يقول...

ماتشيلش اى هم مادام انت ماشى صح


ولا يهمك روق كده

بس بجد مش عارفه ليه اما بنكبر كل شىء بيصغر اوى فى عنينا

انا بحس بكده كتير اوى

ريمان ونوسه فى هاكونا مطاطا يقول...

انت لسه هنا؟


لا لا تعالى بسرعه عندنا


تيمون وبوبما عايزينك


كل ما تضحك اكتر كل تاكل بطاطا اكتر

هاكونا مطاطا

مش هتقدر تغمض عنيك

هاكونا مطاطا هديتنا لكل المدونين عشان نخرج من حاله النكد

هاكونا مطاطا تهييس للصبح

هاكونا مطاطا ... لااااا للملل


هاكونا مطاطا... قول لاء للهم

هاكونا مطاطا.... اوعى تزعل ابدااا

هاكونا مطاطا... ارمى الماضى ورا ضهرك


انسى الماضى اللى يغيظ


يلاااااااااا تعالى مستنى ايه

بنجاواتى يقول...

السلام عليكم

ازيك يا محمد ويارب تكون بخير

بصراحة انت كاتب كلام صعب جدا على النفس لكن اعتقد انك ممكن يهون عليك شوية انك تعرف ان فى ناس كتيير اوى زيك

فى ناس ماشيين صح بقالهم زمان وبرضه الحال ما اتصلحش معاهم واكيد ربنا له حكمة فى كده

لكن انا قصدى انك مش لوحدك ومادام بتعمل اللى يرضى ربنا وراضى باللى كتبهولك يبقى ما تقلقش وكفاية انك تعرف ان دلوقت فى ناس بتشاركك فى مصابك لكن عند ربنا كل واحد مشغول بحاله

يقول تعالى: ولن ينفعكم اليوم إذ ظلمتم أنكم فى العذاب مشتركون

خليك على مبادءك واوعى تفرط فيها وافتكر ان النبى صلى الله عليه وسلم كان يمر على بيوته الهلال والهلالين ولا يوقد فيهم نار للطهى

يعنى يا رب يكون كلامى خفف عنك شوية ومش مشكلة يا سيدى لما تركب ميكروباص او مترو ..احنا حتى المترو ده مش لاقيينه ولازم نركب ميكروباص او تكتك بعيد عنك

الحمد لله على كل حال

romansy يقول...

كيموووو
ايزيك خطرف شويتين يامه خرفنا
على فكره انا بقولك خليك فى طريقك بس حاول تبقى ايجابى تتفاعل مع الزمن اللى عايشينه اوقات بنحتاج نكدب علشان نقدر نعيش
تصدق لو قولت الحق فى الزمن دا تبقى مجنون ومتخلف وتتسجن

صفــــــاء يقول...

بلاش الصور السوداويه دى
اعمل زى تحيه كاريوكا فى لعبه الست
قول انا نشأت وترعرعت فى العزبه بتاعتنا فى اسكندريه
وقضيت شرخ الشباب فى فرنسا حيث أدرس
قول أى حاجه متخليناش متمررين كدة

صوت من مصر يقول...

شمس النهار
اولا لما يكون اول تعليق عندى هو من شمس النهار يبقى حاجه جميله جدا وشرف كبير ليا انا
والبوست صادق ده اعتراف منك محتاج مليون تحيه لبلاد الفرنجه عندك

صوت من مصر يقول...

شمس النهار
محاسن موجوده وده كده رسمى هيوصلها سؤالك
بس هى اقنعتنى وانا لحد دلوقتى عامل زى المجنون تخيلى بقى

صوت من مصر يقول...

EMMY BABY
ايمى الخطرفه لو عجبت ابقى كده وصلت للمعادله
بس ابويا كان بيقولى كده لانه حاسس انى ممكن يوم اخذل كل الناس وابقى حاجه
و90% من المصريين كده مش 3/4 ومستعد احلف

صوت من مصر يقول...

hager za3bal
هاجر اى حد فى الدنيا بتبقى فى كلمه لازم يحطها قدامه دايما انا قدامى مليون كلمه من كل حد عرفته
واظن انك عرفتى مين هو محمد كمال مش هيختلف عن اى حاجه غير ان شكلى وحش
هههههههههههههههههههههههه
عموما يا اجر مش عارف اقولك ايه والصوره فعلا معبره عن موقف عشته

صوت من مصر يقول...

smilyrose
تصدقى بقى
عروستى
وكمان كمال ه ابويا
ترجمى يا ورد شان

صوت من مصر يقول...

Nora 7wades
انتى عكستى الايه
ارجعى واقرى البوست تانى
بجد

صوت من مصر يقول...

Sweet Violet
ضد
على ما اظن انك دايما معترضه وعليا انا بالذات المره دى متفقه معايا فى كده
عموما السؤال موجود فى البوست نفسه اقرى تانى بهدوء اعصاب

صوت من مصر يقول...

ريمان
صح لما بنكبر بنشوف كل حاجه صغيره
اظن ان الشباك بقى ضيق فى عيننا

صوت من مصر يقول...

ريمان ونوسه فى هاكونا مطاطا
لا انا بشجع شركه المرعوبين المحدوده وكمان مارد وشوشنى

صوت من مصر يقول...

بنجاواتى
كلامك كان خفيف جدا
بس انا معترضتش على ربنا انا اعترضت على الحقيقه نفسها ليه دايما تبقى وحشه
بجد نورتنى يا بنجاواتى كتير جدا

صوت من مصر يقول...

romansy
انت شايف ان انا سلبى
وضح

صوت من مصر يقول...

صفــــــاء
انا قولت الحقيقه تحزن ناس كتير
صح
يا صفاء لو انا قولت حاجه غلط عايز اعتراض لكن سودوى لا والف لا

أبو كريم يقول...

خطرف براحتك المهم أننا كلنا حاسيين بلى بتقوله والفقر يا سيدى ليس فقر الموارد الماليه بل فقر الحيله وانت كما ترى تستطيع أن تنفس عن فقرك المادى بغناك الأدبى

وكما قال ياسر قطامش

إن كان يجمع بالأساتك خزنة
وترى مرتبك الهزيل قروشا
فربأ بنفسك أن يغرك جاهل
يقتات تبنا أو يلوك حشيشا
وأكتب كما شئت القصيد روائعا
وتغن وأبن من الخيال عروشا
يامن تحب من الحياة فلوسها
إنى لأبصر كل ذاك فشوشا

العصفورة يقول...

السلام عليكم
ما شاء الله على حضرتك
رائع كعادتك
خالص تقديرى

اتمني الشهادة يقول...

الي اهم من الفلوس الرضا
ارضي وبعدين فكر في الطرق الصح
واعرف انه لا يصح الا الصحيح وان الدنيا مهما هتتغير دينا والحلال والحرام ثابت ما بيتغير
وفي الاول وفي الاخر الدنيا ما تستاهل اننا نبيع اخرتنا ونشتريها لانك في لحظه ممكن متبقاش فيها
ربنا يريح بالك ويصلح لك حالك ويرشدك طريق الصواب ويبعد عنك اي هم وحزن ويوسع رزقك ورزق المسلمين جميعاً
معذره للاطاله فقلوبنا معك

kmt يقول...

السلام عليكم ورحمة الله وبركاته

كيمو
عارف انت لو تذاكر عربي ونحو شوية بجد هاتطلع مش خطرفة هاطلع ادب

حسيت كلامك قوي
وعذرني ع الغياب واعذرني اكتر لانه كان غياب متعمد

حسستني انك حد مهم
مواليد القرن اللي فات منتصف التمنينات

زي ما بتكلموا ع العظماء وعن الحقبه الزمنيه اللى اتولدوا فيها

عارف
الموضوع اللي اختك حنان اثارته
هوا اللي خلاني ارجع اكتب ع المدونه عمدي على الرغم اني بجد كنت مقرره مش اكتب تاني

لكن الكلام اللي ع الجروب بيحسسك ان في خير
الطريق صعب ومحتاج صحاب تقوي مش تكسر في الجاديف
محتاج منستناش نشوف نتيجه
محتاج نشتغل وبس
والنتيجه والاجر على الله

اعمل الصح
ساعد
واجتهد
واسعى
وخليها على الله

وصدقني شعاع النور ممكن ينور لكتير طريقهم

متستناش نتيجه

تحياتي
الى اللقاء

صوت من مصر يقول...

أبو كريم
استاذى
دى اشاده لا استحقها لكن يستحقها ملايين غيرى
اظن ان حضرتك وصلك التوبيك بسهوله

صوت من مصر يقول...

العصفورة
اسف لكن ده مش تعليق
التعليق انك تتكلمى على الموضوع

مصعب صلاح يقول...

السلام عليكم

هي دي البلد

صوت من مصر يقول...

اتمني الشهادة
اطالتك مفيده لحد ماااااا
لكن كيف ارضى وانا فى وطن سجين
ده الى بقوله على ما اظن
مش الفلوس
انا مش مادى

صوت من مصر يقول...

kmt
مش عايز اقولك انى فى تالته ثانوى سبت سؤال التعبير فى العربى
والنحو مجاوبتش ولا حاجه صح فيه
عموما نورتى وعارف ان وصلك الفكره بسلاسه
وحنان طبعا بفتخر بيها
لكن انا مش حد عظيم عشان اتكلم عن زمن بحاله
لكن انا بتكلم على الى انا عشت فيه
نورتى يا غايبه دائما

صوت من مصر يقول...

مصعب صلاح
عندك اعتراض عليها قوله

(green eyes) يقول...

عافاه شباك المترو دا كل يوم بقعد جنبه ولا مش لاقيت مكان جنبه بستنى اللي بعده
بس انا مش زيك
انا بحب اشوف الناس منه واقول الحمد لله انا احسن من غيري كتييير واكيد انت كمان هتلاقي نفسك احسن من غيرك
زكمان علشان اخد شوية هواء منه :)
دي بقى قصتي انا مع الشباك

تقبل مروري

GiGi world يقول...

لا بجد البوست ده مؤلم قوى
بجد بتمنى تبقى عندك امل فى الله اكتر من كده
انت انسان رائع ةتستاهل كل خير وبكره لما ربنا يكرمك وهيحصل باذن الله لانك من الناس الممتازه هتقول جيجي قالت
يارب يابركلك فى عمرك ويرزقك الخير كله
تحياتى

أنا حر يقول...

ياباشا براحتك قول كل اللي نفسك فيه محدش واخد منها حاجة
وكلنا في الهوا شوا
تحياتي

اتمني الشهادة يقول...

عفوا استاذي لم اقصد اطلاقاً ان مافهمته وليس كل من يريد حقيه يكون ماديا فكل منا يعلم ان لهه الحق في ان يعيش حياه كريمه وان ما نحن فيه
كان سببه اكل اموا شعب باكمله ولكني اقصد ارضي مد داخلك اي اجعل قلبك مطمئنا بالله حتي تستطيع التفكير السليم فكلنا نمر باوقات يختلط فيه الصواب من الخطأ وخاصه في زمن اصبح الخطأ ظاهره صواب والصواب ظاهره الخطأ واكرر اسفي لاني لم اجيد التعبير في ما اردت قوله
تحياتي لحضرتك

mimi يقول...

لا ....

خرف براحتك


كلنا كده برده


ومحتاجين لده بين وقت والتاني

تحياتي

الازهرى يقول...

يااااااااا رحلتك طويلة قوى يا صاحبى

تعرف كان لى صاحب زمان بيقول
مفيش حد يذلك غصب عنك
دايما الانسان المذلول بيكون بارادته
وهو دا حال الشعب عندنا
مذلول وبيتكلم على الفاضى والمليان
لكن وقت الفعل
صفر
صحيح له مواقف فى التاريخ كتير كويسة
لكن برضه معظمها ضد الغزاة الخارجيين
انما لةو الى ذله منه بيفض مطنش والا اكن فى اى حاجة

عمرو يقول...

كيمو صباح الخير :)
بقى يا راجل أقولك طمنى عليك ألاقيك ناشر بوست بيقطر حيره و مراره ؟؟
ليه كده يا كيمو ليييه ؟؟
تعالى نعمل زى ما الخواجات اللى مش عاجبنا و بنقول عليهم ناس وحشين و منحلين و حيروحوا النار .. تعالى نعمل زيهم و نجرب ناخد منهم الحاجات الكويسه و بس ..
هم عندهم كل بنى آدم كيان قائم بذاته مختص بحياته بينميها و بيهذبها و بيطورها و مالوش دعوه باللى بيحصل من حواليه .. دى مش سلبيه .. لأ
لأن كل فرد فيهم بيعمل كده فبالتالى المجتمع كله بقى كده .. المجتمع كله بقت ناس نشيطه بتقوم بدرى تشتغل و تتعلم و تكسب و تبنى حياتها و أقرب مثال لده فى مصر مجتمع دمياط العجيب !!
كل الناس اللى فيه كيانات قائمه بذاتها .. كل الناس اللى فيه بيشتغلوا و بيخلصوا و بيجودوا فى أشغالهم و ماحدش قاعد يندب على حظه و مستنى الدوله ينصلح حالها علشان هو كمان ينصلح حاله ..
كانت أيه النتيجه ؟؟
النتيجه اٍنه لا توجد و لا حتى شبهة بطاله فى المجتمع الدمياطى .ز
لا يوجد شاب و لا بنت مش قادرين يتجوزوا و يعيشوا كمان فى مستوى كويس ..
أصبح الشغل المصنوع فى دمياط بينافس فى الأسواق العالميه كل المصنوعات المشابهه حتى اللى جاى من دول عريقه فى الصناعات الخشبيه ..
معلش يا كيمو طولت عليك بس اٍبقى طمنى بقى فى البوست الجاى ..
تقبل تحياتى و تقديرى ..

كيــــــــــــارا يقول...

كلمة باباك صح جدا والبوست صريح جدا وفيه شفافية عاليه بس ياكيمو اه هو السؤال ؟؟

ابن الإخوان والأزهر يقول...

ربنا ييسر لك الأحوال

حاول بس و إن شاء الله حتتعدل

محاولة لكسر الصمت يقول...

ربنا معانا

حاسوباتيه يقول...

بوست حلو قوي وقصه مؤثره فعلا بجد ربنا يوفقك يارب وينجحك في حياتك

صوت من مصر يقول...

(green eyes)
للاسف انا مش بقول الحمد لله انا احسن من غيرى انا عاوز الناس تبقى كويسه كلها حتى انا
انا بحمد ربنا على النعمه
بس اظن اننا كلنا واحد

صوت من مصر يقول...

GiGi world
البوست مش مؤلم
البوست واقع بنعيشه صح

صوت من مصر يقول...

أنا حر
عسشان كده انت حر

صوت من مصر يقول...

اتمني الشهادة
كنت بنسى اجاوب على التعبير فى الدراسه تخيلى بقى بفهم بالعافيه
عموما وصلت الكره ونورتى يا فندم

صوت من مصر يقول...

mimi
انت شايف البوست كده

صوت من مصر يقول...

عمرو
استاذ عمرو مش ذنبى ان يبقى حالى كده
صح

صوت من مصر يقول...

كيــــــــــــارا
السؤال جوه البوست يا كياره

صوت من مصر يقول...

ابن الإخوان والأزهر
احاول فى ايه
اقرى البوست لو سمحت

صوت من مصر يقول...

محاولة لكسر الصمت
ومعاكى

صوت من مصر يقول...

حاسوباتيه
شكرا لدعوتك

عمرو يقول...

لا يا كيمو مش ذنبك بس صدقنى بلاش نستسلم للواقع بسهوله ..
أكيد فيه خطوات عمليه ممكن ناخدها فى حياتنا و تفرق معانا كتيرررر

جارة القمر يقول...

حتروح بداهية يعني انت رايح رايح

ولو عايز محامي شاطر

اهو انا ممكن اساعدك حجيبلك حكم ممتاز

:)

Hossam يقول...

سلام عليكم
دخلت اسلم واقول رمضان كريم واقرا موضوع جديد
اتمنى انك تكون بخير وتكتب قريب
كل سنة وانت بخير
تحياتى