الاثنين، ٨ ديسمبر ٢٠٠٨

تاج بطعم اللحمه ؟


تاج جالى وكمان فى العيد هى ناقصه ؟

اه انا مكتئب بس ده عيد برضه ولا ايه ؟
التاج من عند دينا
ضحك ولعب وجد وحب يلا بقى نجاوبه

ماذا يمثل لك العيد ؟ وما أكثر شئ يبهجك في مظاهر العيد ؟

العيد يعنى حاجات كتير اولها نوم عميق وتانيها نفسى اخرج ومش بخرج ثالثا بحب اشوف العيال بترخم على بعض ةتلاقى طفل وبيعاكس بينت موزه بفرح جدا واقول مستقبل الرخامه فى مصر بيتتطور وده فعلا الى بيبهجنى .

اوصف لنا طقوسك في العيد .. من ليلة العيد لآخر يوم ؟

الوقفه بنام لحد المغرب واصحى افطر اروح القهوه اشيش خوخ غالبا مع قهوه مانو اروح اكل تانى ( طفاسه ) اتصل باى حد صاحبى غالبا حسين نروح نصيع فى اى حته واول يوم انااااااااااااااااااااااااااااااااااااااااااااام تانى يوم اقعد على النت والشارع واشرب بيبسى وسجاير بس اليوم التالت والرابع حسب التساهيل بس غالبا مش بخرج

احكي لنا أطرف موقف حصلك في العيد ؟

مبلاشى

كنت خارج فى العيد مع اخواتى وكنت صغنطوطجدا ووقعت فى نافوره وهدومى بقت طينه والناس كانت بتضحك عليه

يرضيكم كده

بتحرص على تهنئة الأهل والأقارب والأصدقاء بالعيد .. ولا مش بتهتم ؟؟

مش بهتم الا بساره بس

مين أول حد تزوره أو تكلمه في التليفون /الموبايل عشان تهنيه بالعيد ؟

طبعا ساره ومن الاخر مش بشحن فى العيد عشان ببقى رخم جدا

إيه الفرق بين العيد الحالي .. وعيد (أيام الطفولة )؟

كان فى الطفوله بيخلص بسرعه دلوقتى ممكن يقعد ساعتين زياده

تفتكر الحياة من غير عيد .. هتفرق كتير ؟؟؟

طبعا مش هتلافى لحمه كتير ولا هتاخد اجازه من شغلك عشان تعرف تنام ولا هتصيع

إيه أجمل رسالة تهنئة بالعيد وصلتك .. قلنا طبعااا بتقول إيه ؟؟ ومن مين ؟؟

هى من ساره ومش هقولها عشان عيب وغير كده جالى رساله بتقول كل سنهوانت طيب يا اجمل قلب من نمره غريبه وحاولت اتصل مش بيرد غالبا موزه ؟؟؟؟؟؟

لسه بتاخد عيدية ؟؟ من مين ؟؟ وبتديها لمين ؟

مش باخد عديه ولا بدى اى مخلوق عيديه بس لو اولاد حنان اختى موجودين فى مصر كنت هبقى مفلس بس برضه حنان بتدينى العديه عشان مانكرش الجميل

إيه رأيك في التاج ؟

محتاج كرومبو عشان يحلوا

تحب تمرره لمين من المدونين ؟ اذكر على الأقل 10

محاولات للبحث عنى

ساعات ساعات

جنه

لا شى يستحق

حزينه

m k

حاسوبتيه

قلوب بتغنى

كلمتى

موجوده انا

وكل الى عندى واعرفه انا هفتكر مين ولا مين

كل سنه وانتم طيبـــــــــــــــــــــن

هناك ٤١ تعليقًا:

رحــــيـل يقول...

كل سنه وانت طيب
وربنا يتوب عليك من السجاير والشيشه
هههههههههههههه
شوف اولا شكرا جدا لتمرير التاج ليه
بس اصل انا بقضيها اكتئاب نوم برضه
مش عندى حاجه اكتبها غير ان احنا زمان كنا بنعرف نستمتع بالعيد اكتر من كده

وربنا يخليلك ساره


وعيد سعيد عليكم

م/ الحسيني لزومي يقول...

تقبل الله منا ومنكم
وكل عام وانتم بخير

اقصوصه يقول...

كل عام وانتم بخير :)

romansy يقول...

مش عارف يا صاحبى اقولك ايه
بس الواحد يعمل ايه لازم السجاير والشيشه لانها بننفخ فيها همنا

بس يا مان
تاج العيد
تاج سعيد

كل تاج وانت طيب

kmt يقول...

السلام عليكم ورحمة الله وبركاته

كل عيد وانت طيب

تحياتي
الي اللقاء

صوت من مصر يقول...

رحيل

شكرا بس النوم برضه ليه فوائد
صح اكيد انتىزى حالاتى كده ؟

صوت من مصر يقول...

م/ الحسينى لزومى
وانت طيب
وشكرا

صوت من مصر يقول...

اقصوصه
وانتم ياسيدى
شكرا للزياره

صوت من مصر يقول...

رومانسى
شكلك تبعى فى القايمه بتاعت دخن تكسب ؟
شيش ياعم وانفخ والهم مش هيطلع برضه

صوت من مصر يقول...

kemet
وانت طيب
وعموما العيد الجاى هستنى اللحمه ؟

Rania Lelah يقول...

ل سنه و انت طيب و حلو اوى موقف النافورة ده
عامه انا يرضينى :D

بحبك يامصر يقول...

كل سنه وانت طيب

Unknown يقول...

كل سنة وانت زى الفل وسارة كمان طيبة واجاباتك على فكرة دمها خفيف جدا وزى العسل

مدحت محمد يقول...

كل سنة وانت طيب ياباشا

م/ الحسيني لزومي يقول...

قلت انك مصري بالاسم فقط .
وانا اسال لماذ؟

Hannoda يقول...

كل سنة وانت طيب و بخير
ويارب يكون لعيد ده عدى عليك سعيد يااارب

تحياتي

صفــــاء يقول...

كل سنه وانت طيب
ينعاد عليك

وابقى سلملى على سارة عشان بقت موجود على المدونه دى اكتر منك
.

صوت من مصر يقول...

Rania
عموما متشكر ولو تحبى امثله تانى موافق
؟
كل سنه وانتى طيبه ؟

صوت من مصر يقول...

بحبك يامصر
وانت طيب والعيد الجاى ندبح خروف واحد ؟

صوت من مصر يقول...

enjy
الله يكرمك يا انجى شكرا
عموما كل سنه وانتى طيبه ؟

صوت من مصر يقول...

مدحت محمد
وانت طيب وبلاش باشا ؟؟؟؟

صوت من مصر يقول...

انت تسال والكمبيوتر يجيب
منور يابا الحاج ؟

صوت من مصر يقول...

م/ الحسيني لزومي
ليه لانى مصرى بلاسم اعيشفيها من غير ما بملك شبر منها وبعدين ده مش حالى انا بس ده حال كل مصرى ؟

صوت من مصر يقول...

Hannoda
وانت طيب كل سنه بخير وسلام

صوت من مصر يقول...

صفـــــــاء
انتى ليه محسسانى انك بتكرهى سيره ساره
على ما اظن ان البنى ادم لما بيحب حد بيتكلم عنه فى حاجه ؟
كل سنه وانتى طيبه ؟

حزينه يقول...

ليه بس مررته ليا
انا صالا مش اعرف يعنى ايه تاج
بس ححاول احله
انا بخاف من الاسئله اوى
بس ححاول علشان خاطرك

حزينه

Unknown يقول...

محمد............هو انا قلت لك قبل كدة انك دماغك حلوة جدا؟؟؟؟
بجد والله مقلتلكش؟؟؟؟ مش معقول ياراجل اكيد قلت لك انك دماغك تحفة وفعلا بتعجبنى....اتاكد كدة يا ابنى اكيد قلتلك والله

moory-mero يقول...

السلام عليكم و رحمة الله و بركاته

برغم اني في مود بسم الله ما شاء الله

بس صراحتك في التاج واجابتك يالهووووووووي عثثثثثثثثثثل

صراحتك لذيذه اوي وعفويتك كمان بحس انك بتكلم ناس صحابك م البلكونه او في الشارع

خفة دمك في الاجابات بتفكرني بحد زيك كده .. يلا هابي عيد بالانجليزي هههههه

كل سنه وانت طيب وعيد سعيد عليك ويارب دايما في سعاده

دمت بخير

في رعاية الله

moory-mero يقول...

السلام عليكم و رحمة الله و بركاته

نسيت اقول حاجه مهمه

حاجتين بكرههم الشيشة والتدخين

وربنا يعافيك منها ويبعد عنك كل سوء

كومنتين اهو احفظ الجمايل دي ههههههههه

يلا عيد سعيد عليك

في رعاية الله

صوت من مصر يقول...

حزينه
ليه الزعل اجاباتك حلوه جدا
وعشان نعرف كتير عن حد احنا بنحترمه ؟

صوت من مصر يقول...

enjy
وصلت
يا جماعه انجى تقصد انى مجنون
وانا فعلا كده ؟
شكرا ياانجى
؟

صوت من مصر يقول...

mero-moory
العفويه مطلوبه لانى بحب اكون عفوي افضل 10000 مره من انى اكون كاذب او مجامل ؟
تانى حاجه انزل السبت من البلكونه ولا ايه وتحطولى فلوس
شكرا على 2 كومنت
؟

moory-mero يقول...

السلام عليكم و رحمة الله و بركاته
العفوية موش مطلوبة بقدر ما تتحس ان اللي بيتكلم فعلا كده
وانا حسيت انك فعلا عفوي وكلامك كانه دردشة زي ما قلت وبعدين ماثي يا سيدي نزل السبت بس عايز كام بس ده عشان خاطر سارة بقى ربنا يخليهالك

بس على فكرة اللي بقولك عليه موش بحبه ده موش بعترض عليك انا بقولك رأيي بجد لأن والدي اتأذى منه وناس كتير وزي ما قلت انك بتأذي نفسك فليه طيب عموما أنا دعيتلك ربنا يبعدها عنك ويعافيك منها لأنها زي ما قلت أذى ليك

ثانيا سوري على التعب اللي سببتهولك بقى في البوست بتاعي انه طويل معلثي وتنور في اي وقت لاني بالفعل هتشرف بزيارتك وهضيفك للمدونات اللي برتاح فيها بث على ضرط تجيبلي مثاثه ها موافق

هابي عيد برده

في رعاية الله

Desert cat يقول...

كل سنة وانت طيب
والاهم من التاج هو طعم اللحمة

Kiara يقول...

حلوه الرساله اللي من رقم غريب دي

اجاياتك جميله

كل سنه وانت طيب

وردشان smilyrose يقول...

اولا كل سنة وانتى طيب

ثانيا شيشة يييييييييييييه

وكمان رومنس معاك فى القايمة جدى وحش

خالللللللللللللللللللللص

والرسالة اللى من رقم غريب

حصلت معايا بس مش طلبت الرقم

مع ان الرسالة حلوة ههههههههه

وربنا يخلى ليك سارة ههههههه

بس بلاش الشيشة وحشة جدااااااااااااا

اجابات جميلة ولذيذة بس من غير

التدخيييييييييين عشان مش بحبه

تقبل مرورى وعيد سعيد

smilyrose

روح الحب الصادق

صوت من مصر يقول...

mero-moory
مش لاقى رد
بس العفويه حلوه بجد لان الانسان بيكون صادق وكانه قدام ربه مش محتاج انه يكدب او يغير فى كلامه لان محدش ليه عنده حاجه
شكرا وشكرا على ال3 تعليقات
وهابى عيد والبوست عندك هايل ومحتاج انه يتقرى مهما كان طويل او اطول كمان ؟

صوت من مصر يقول...

Desert cat
وانتى طيبه شكلك جعانه صح

صوت من مصر يقول...

مولان
الرساله حلوه جدا بصراحه
شكرا
كل سنه وانتى طيبه

صوت من مصر يقول...

smilyrose
الشيشه تعبر عننا يعنى تراث
السجاير تعبر عننا يعنى ديجتال تدخين
ثانيا اتصلى بالرقم ولو موزه هاتى الرقم
شكرا

غير معرف يقول...

~................................