الخميس، ١٨ ديسمبر ٢٠٠٨

يا اخى توكااااااااااااااا 3


ياريس هكتب كده على السريع كام كلمه اتمنى انك تشوفهم او تسمعهم

كام واحد جعان كام واحد بيتعذب

ياريس سيبك انا كارهك زى 80 مليون لو قولتهم اقفوا على جبل هيقولو ماشى مش خوف لا عشان تمشى وتسيبهم

يعنى ايه 28 سنه لا دول حبه بسيطه وياه بقى لو قفلت ال30 هقولك مبروك وهعمل فرح وكل المعازيم هيلبسوا اسود

اسود زى ال 28 سنه 28 كبارى صح ياريس عايز اتجوز ياريس عايز اكل ياريس توكا ولا انا اصلا قليل التربيه احااااااااااااااااااااا ياريس

اسف لاخوانى البلوجريه بس زهقت منه يعنى ايه الراجل ده عمل فينا زى سعاد حسنى فى الكرنك كلنا مش واحد بس

يعنى ايه مفيش تعليم يعنى ايه بلد يموت فيها الثقافه والفنون على ايد كبير كبراء الشذوذ فى مصر الاستاذ الدوك البروف ( فاروق حسنى ؟)

للاسف انتى فعلا تستحق كلمه الرئيس البوبو او الكنج لانك قدرت تخدع ال 80 مليون نسمه فى سنين كتير ياراجل بوش مقدرش يعملها

عارف لو ابنك مسك الحكم بجد هقلع وامشى فى الشارع ملط مستنى اى حد من ورا ضهرى افضل 100000 مره من انه يقلعنى لا انا قالع جاهز

بجد زهقت ياريس احنا خلاص قربنا نبقى منتهين الصلاحيه عارف ليه شوف تحت الكبارى الى بنتها بيحصل ايه تلاقى اطفال كتير نايمه ماسكين كيس جواه كوله عشان ينسى الهروب منك

بجد كفايه ظلم فينا كفايه 28 سنه مشوفتش غيرك طول عمرى كفايه الشعب يخاف من كلمه حكومه

كفايه انت بجد بكرهك لو شايف كلامى تبقى فعلا معندكش دم انك تسمع وتشوف وتسكت

ياريس هو الى خلق الكرسى ده مخلق غيره ياعم اطلع منها واجيبلك كرسى بسبع عجلات

بجد اسف 1000000 طظ

بجد اسف توكا

بجد اسف انا قالع وجاهز

مواطن مطحون

هناك ٣١ تعليقًا:

moory-mero يقول...

السلام عليكم و رحمة الله و بركاته

ايه ده ايه ده اول كومنت للمرة التانيه موث معقول

هقرأ وأجيلك تاني يا محمد

في رعاية الله

moory-mero يقول...

السلام عليكم و رحمة الله و بركاته

أديني جيت تاني برغم إن في ألأفاظ صعبه أوي وعيب اتكسفت أصلا أقرأها

بس بجد عزرتك مصري وجاب آخره بس حتى لو شايف صدقني هيبقى رد الفعل ده

لا حياة لمن ينادي ولو أبو الهول اتكلم كان هو اتحرك واتشال من كرسيه

صدقني موش في تغيير هيحصل غير بموته وحتى عزرائيل بعيد عنه

أنا هموت واعرف الراجل ده عملنا إيه أصلا مفيد خرب الدنيا وبس

دفعنا ضرايب وخلى كل السلع بقت مولعه نار لا برافو عليه بجد

وبعدين أكتر حاجه بتغيظني في حفلته النيلة لعيد ميلاده واخترناه اخترناه وصاحب أول ضربة جوية في حرب اكتوبر وكأنه هو صاحب النصر ولولاه موش كانت اسرائيل خرجت ونسيوا ان في دماغ فعلا تعبت ورجالة راحت ودمائها غرقت القناة

عمل ايه هو عشان يفضل ع الكرسي كده
انا مقتنعه بحاجه ان الناس هي اللي بتكبر الانسان وتقويه تخيل حتى لو رئيس لو مصر كلها ال 80 مليون قالوا لاء واتشجعوا وقاموا وثاروا عليه هيفضل فيها موش اظن ايه هيملى المعتقلات ب 80 مليون مصري لا أظن ذلك بس للأسف الشعب اللي قواه بخوفه وانطوائه وسكوته ياريتهم يتكلموا بقى كفايه عليهم كل العمر اللي فات والخراب اللي حل ع البلد ياريتهم يفوقوا قبل البلد بقية اللي فاضل فيها ما يتباع

جملة واحده نفسي اقولها للراجل ده اللي عمره ما معتبراه ريس أو انسان اصلا بيحس بالغلابه لكن حليفة شياطين

حسبي الله ونعم الوكيل وربنا ع الظالم والمفتري انت وكل اللي معاك وزيك

ولك يوم وهتتقلب على نار جهنم يوم الحساب العظيم

سوري للاطالة بس فعلا انا دمي محروق من الراجل ده

تسلم يا محمد ع البوست

في رعاية الله

صوت من مصر يقول...

بجد اسف لكن هعمل ايه ميرو انتى قوليها حسبى الله ونعم الوكيل بجد
عموما اسف للالفاظ لكن بجد انا اتخنقت
تانى حاجه مش هتسجن لوحدى ومتتاسفيش للاطاله

moory-mero يقول...

السلام عليكم و رحمة الله و بركاته

موش في داعي للاسف يا محمد الحالة اللي كتبت فيها البوست حسيت بيها وكتير مننا حسينها وعاني فيها بس انا ضيقتي ان موش في تغيير

وبعدين موش جبت سيرة سجن ولا حاجه ربنا مايجيبلك شيء سيء ابدا يارب ويحفظك

انا بقول موش معقول ال 80 مليون هتدخل المعتقل
وبعدين يا محمد موث تقلق موث هتتسجن لوحدك ههههههههه جايه معاك ياسيدي
ههههههههههههه

ربنا يسترها معانا ويفرجها من عنده ان شاء الله

في رعاية الله

kmt يقول...

السلام عليكم ورحمة الله وبركاته

مش لاقيه حاجة اقولها

تحياتي
الي اللقاء

حاسوباتيه يقول...

عندك حق والله فعلا كفايه اتخنقنا بجد اتخنقنا حرااااااااااااام

قلوب بتغنى يقول...

انا بقى مزعلتش منك علشان قولتها
اصلك كنت غايظنى قوى
فى كل بوست مش راضى تقولها لهم رغم انهم يستحقوها
بالنسبة للقلع كله هيقلع مش مزاجنا يا بابا دى سياسة بلد

غير معرف يقول...

شوف الحالة السوداء اللى انت فيها الواحد بيمر بيها كتير بل فى اليوم ماتعدش والله الواحد بيموت مرة واحدة احنا بلا فخر بنموت مليون مرة ياترى احنا اللى رضينا اننا نموت مليون مرة ولا الحاكم ناس يقولوا مش كل حاجة تجيبوها فى الحاكم امال مين السبب فى اللى احنا فيه دة ياهندسة طب لو الشعب فاسد الحكومة تبقى عدلة بقى
شوف الحالة دى بتجيلى كتير والواحد بيشرب لها مهدئات عشان تروح اللى مش عارف يتجوز واللى مش عارف يعيش
بس عارف لو انا شاب هحب بنت واتعلق بيها اوى واتجوزها رغم الظروف بس ماتضحكش عليها يافالح
بجد الظروف اللى احنا فيها دى مش تمام
رسالة للريس الجميل الشعب هيموت منك ياريس وهتقعد انت علها تلها

Gannah يقول...

محمد
انا قريت البوست من فترة
لكن مكنتش عايزة اعلق عليه
لكن انت اخويا ولازم اكون صريحة معاك
انا معاك فى مضمون الكلام لكن مش معاك ابدا فى الصيغة
المدونة بيدخلوها بنات زى اخواتك وزى سارة واعتقد ان الكلام ممكن يضايق كتير وبصراحة انا منهم
انا معاك فى اعتراضك لكن متخليش الغضب يوصل الى الحد ده
واوعى تفتكر انى مش حاسة بيك
ربنا يكرمك ويعملك اللى فيه الخير ويجمعك على خير بمن تحب
تحياتى

مسعدة يقول...

ربنا معاك
واهدى انت كدة ووحد الله
وقول ياباسط هتلاقيها هاصت
تحياتى بس ماتخليش الحالة دى تسيطر عليك

صوت من مصر يقول...

mero-moory
عارف لازم تكونى اول تعليق وتانى تعليق والخامس او الرابع صح
عموما شكرا للتعليق وياريت متكونيش زعلانه مش هى موش صح

صوت من مصر يقول...

kemet
كفايه انك حسيتى الموضوع صح ؟
بجد شكرا للزياره

صوت من مصر يقول...

حاسوباتيه
بجد فعلا حرام تخيلى انه فعلا 28 سنه ؟

صوت من مصر يقول...

قلوب بتغنى
يا شوشو بجد كنت عارف انك هتقوليها لانك نفسك تقوليها زيى تمام صح
احنا فعلا تفكيرنا قريب جدا من بعض بس الساعه كام دلوقتى

صوت من مصر يقول...

غير معروف
بجد رسالتك وصلت ةنورت البلوج بتعليقك الشيق
بس ممكن نعرف انت مين ؟
غير معروف دى معناها الخوف

صوت من مصر يقول...

Gannah
يا دكتوره فعلا انا اسف بس هعمل ايه وانتى هتعملى ايه اتخنقت بس فعلا الموضوع مش سافل للدرجه صح ؟
عارف انك هتقولى لا سافل لانك اختى فعلا
شكرا للنصيحه بس اخوكى اتخنق هيعمل ايه ؟

صوت من مصر يقول...

مسعدة
يا ستى يا باسط بس دعينا له بالهدايه متهداش دعينا عليه محصلش حاجه
نعمل ايه تانى
؟
لنا ربنا
شكرا لاول زياره اتمنى تتكرر

وردشان smilyrose يقول...

يابنى اااااااااااااااااااه

تخرج من القلوب تخترق عنان السماء

من كل تلك السنوات التى مرت علينا

من سئ الى اسواء

من ظلم الى ظلام دامس

من ضيق الى ضيق

ولكن ما الفائدة لعل الله يرفع عنا

لعل الله يرحمنا من هذا البلاء

يابنى دا حالك وحالنا

smilyrose

روح الحب الصادق

فارس عبدالفتاح يقول...

احب ارغي واقلك شكراً على الزيارة الجميلة الغير منتظرة .

واحب ارغي واقلك لن يتغير هذا الوضع الا في حالتين الاولى الجيش وهذا امر يكاد يكون مستحيل .

والثانية الشعب وهذا امر غير مضمون ولا تستطيع ان تعول عليه .


وهذا للاسف هو الواقع

شكرا لك تقبل كل التحية والاحترام

فارس عبد الفتاح ... قومي عربي

Desert cat يقول...

ده انت شايل فى قلبك كتير
:)

Unknown يقول...

عايزة اضحك...عارف انت الضحك المخنوق دة؟؟؟ عارفه اكيد انا واثقة انك عارفه ومتاكدة انى المفروض اقول عيب والفاظك صعبة بس انا مش هقول كدة عشان ابقى هندية لو قلتلك عيب يعنى هو كلامك عيب والواقع مش عيب؟؟؟
اتكلم وانا كمان هتكلم معاك انا كمان موافقة على كل كلمة انا كمان مش هاممنى انا كمان اتخنقت

صوت من مصر يقول...

smilyrose
بجد حرام فعلا اننا نفضل كده لازم يحدث تغير جزرى احنا كلنا كده فعلا
شكرا

صوت من مصر يقول...

فارس عبد الفتاح
بالنسبه للجيش انسى لكن فى امل فى الشعب وده الاقرب فعليا لان كتر الضغط يولد انفجار
عموما يا مسهل
شكرا لزيارتك

صوت من مصر يقول...

Desert cat...
شايل الطين
بجد تعبت بس عارفه انتى كمان زى حالى صح

صوت من مصر يقول...

enjy...
اولا الضحكه دى حافظها ضحكه بطعم الموت بحس بيها كل ما بضحك
وكويس لقيتك كاتبه بوست بطعم الشعب

تايه في وسط البلد يقول...

يا اخي ولو قلت قد كده عشر مرات مش هيكفي

لكن بس يا كيمو يا اخويا باقول بس لو الناس تاخد بالها ان الحديد لا يفله الا الحديد!!

عمر ما فيه حد يلاقي كرسي زي ده وهيسيبه .. ولو احنا انتظرنا لحد ما ييجي قدر الله فيبقي احنا مش نستحق اي حاجة ..اللي يستحق هو عزرائيل!!!

قول كل اللي انت عاوزه

صفــــاء يقول...

.
ٍسالخير يا كبيييررررر


معنديش اى تعليق غير ضحكه طووووويله

فى أخرها صفارة
.

صوت من مصر يقول...

تايه في وسط البلد
مقدرش اقول اى حاجه غير انك محبط؟
للاسف الحديد ممكن يفل بالشجاعه

صوت من مصر يقول...

صفـــــــاء
الى استنتجته انك نفسك تقوليها زيي تمام صح؟

mnoon يقول...

قالوا لفرعون إيش فرعنك
قال ملقتش حد يلمنى

ياريت كلامك ده يوصلوا ويحس بيه
ومتخافش كلنا معاك

:)

غير معرف يقول...

~................................