الجمعة، ١٢ ديسمبر ٢٠٠٨

تلك القاهر (2)



تافه


اه تافه لانى بحب ارضى اه تافه لانى مصرى اه تافه لانى بدافع عنها بكلامى وحبى ليها سؤال انت بتحبها مش الموزه لا مصر


ياسيدى فكك من ده سؤال هتوه صح ولا مصر هى امى والى شتم امى يبقى ؟


ولا ايه ولا ايه ارجع واحكى عن حبى للقاهره تانى موافقين


عاشق ارضها ابتسم وانا ماشى جنب بيت قديم يدل على عمق التاريخ النيل مع الشمس مع ندى الفجر الذى يملء السماء


تنظر اليه ولا تريد ان تغفو تريد الذهاب الى السماء حتى تشعر انك قد وصله لقمه النشوه فى الحياه وهى الجلوس على ضفه النيل تنظر للسماء


والمطر يهطل عليك تراه قطره قطره تشعر وكانك على خط الاستواء تنشد اغنيتك المفضله بصوت عالى والسماء تتلألآ داخل عينك


ترى عجوز جالس ينتظر الفرج ومعه صناره ليمسك باحدى عشاق النيل اهل هى جنيه ام سمكه تظهر له السمكه وكانها جنيه من البحر


اتت اليه تنظر اليه ان يرجعها الى الماء حتى لا يفوتها منظر


سماء القاهره فى المساء ؟


لبرد القاهره شعور اخر

هناك ٣٤ تعليقًا:

moory-mero يقول...

السلام عليكم و رحمة الله و بركاته
هيييييييييييييه
حاجزة اول تعليق وتاني تعليق

هقرأ سريعا وأجي أقول رايي

احم احم

سي يو بعد ثويه

في رعاية الله

صوت من مصر يقول...

ايه السرعه دى يا ميرو
ليه كده هتجنن انا

moory-mero يقول...

السلام عليكم و رحمة الله و بركاته

الله انت بتتكلم عن القاهرة برغم اني موش بنزلها غير كل فترات متباعده بس بجد جميلة اجدا بالليل وبحبها اوي رغم زحمتها الفظيعه

بس بحسها بالليل عروسه بتترسم ملامحها بدقه وببراعه ربانيه وضحتها تبقى بتلعب على وش الماية

بحس بيها بتغني لوحدها وناسها وارضها بالليل بتدخل جوه حضنها ولو حتى في بردها حاسين بيه بيجروا جواها ويبقوا موش خايفين ولا حاسين بالبرد بسبب جمالها الرائع ليلا

يااااااااه لو قعدت احكي عن جمال ليل القاهرة عايزة سنين أحكي فيها

هي بجد جميلة وانا بعشقها ليلا جدااااا

ميرسي ع البوست الحلو ده

ي رعاية الله

moory-mero يقول...

السلام عليكم و رحمة الله و بركاته
هههههههههههههههه
ماهي السره مطلوبه وكمان حظك اني كنت في مدونتي ولقيتك ظاهر عندي انك منزل بوست نيو لسه

فقلت لازم اشوف العفويه بقى (وث بيطلع لسانه) ههههههه

بس بجد انا بموت في القاهرة جدااااااا بس بالليل لكن بالنهار بتعب على ما بوصل للماكن اللي عايزة اروحه هههههههه

في رعاية الله

صوت من مصر يقول...

mero-moory
الكلام الى قولتيه عن القاهره لا يستحق الا الاشاده ففعلا رايت بعينى من يكتب عنها بصدق لكن الزحمه هى سبب حبى لها فانها اعشقها فى حال
تانى حاجه بقى يعنى ايه وش بيطلع لسانه
عارفه وش الشيطان الاحمر ده
بجد شكرا وحسيت انى بكلم حد اعرفه من فتره

moory-mero يقول...

السلام عليكم و رحمة الله و بركاته

صوت من مصر قول اسمك اسهل

اقولك حاجه الاول بث موث تزعل
ساعات بحس انك بتتكلم بجديه اوي وانك مضايق من كلامي وساعات بحس انك طيوب وبتتكلم عادي حيرتني

وش بيطلع لسانه يعني بغلس عليك

اصل كنت فاكرة ان ساكني القاهرة مخنوقين منها بسبب زحمتها زي بالظبط الاسكندرانية في الصيف لما بيبقوا مخنوقين من المصيفين عشان محتلينها هههههههه

وبعدين انا بجد موش قدرت اوصف القاهرة في الوقت اللي انا بحبه

لاني شوفتها وانا في النيل وحاضناه وبلف فيه وشايفاها وانا ع البر وفي الحالتين كان بالليل وحبيتها جدا واتمنيت وقتها يكون معايا كشكول ارسم فيه او اكتب احساسي باللي شوفته فيها روعتها ربانيه سبحان الله بجد


سؤال

يعني ايه حد تعرفه من فترة ؟
حد مألوف يحني ولا ايه (وش بيستغرب وبيحث عن اجابه)


في رعاية الله

صوت من مصر يقول...

مش عارف ارد اقول ايه
اولا انا فعلا عمرى ما كنت جاد الا مع نفسى يعنى لو قاعد لوحدى انما مع الناس كلها بهزر واسمى محمد او كيمو نسبه الى محمد كمال وبعدين وش بيطلع لسانه افضل 1000 مره من وش بيبكى
واه حد مالوف مش معلوف للاسف ؟
شكرا يا ميرو ؟جدا وبجد القاهره عمرى مالقيت حد بيكرهها

moory-mero يقول...

السلام عليكم و رحمة الله و بركاته

تشرفنا يا محمد وانا اسمي مريم

وكويس انك جد حتى لو مع نفسك لان أكيد جديتك هتفيدك أكيد واهم شيء تكون جاد مع نفسك وراضي عنها وده يميز الانسان

وبجد انا سعيده بمدونتك جدا لسبب قلتهولك عفويتك وانا بحترم الانسان العفوي جدا

وميرسي لزيارتك مدونتي الصغيرة
وبشكر الصدفة اللي خليتني جيت مدونتك

واقلك تصبح على خير بقى

وهابي دريمز

الصلاة فالنوم

واشوفك في بوست جديد وجميل دايما
وعفوي دايما يا محمد


في رعاية الله

م/ الحسيني لزومي يقول...

اخي العزيز اقدر رايك واحترمه وهو يمثل اتجاه موجود لكن ليس اما منا سوي طريقين
الاول: التغيير السلمي عبر الوسائل الديمقراطيه وهذا يحتاج الي نفس طويل وقد يؤتي ثماره بعد عقود عديده.
الثاني: العنف وهو طريق فاشل يدفع ثمنه الشعب بكامله وهو محكوم عليه بالفشل وتجارب التاريخ القريبه تثبت ذلك.

وردشان smilyrose يقول...

ممكن بعد اذنكم

ادخل فى الحوار

ممكن

ايه رايكو حلو الادب

استاذان اهه

وردشان smilyrose يقول...

جميلة بلدنا برغم كل

اللى بيعنيه شعبها

حلوة شوارعها

حلوة اهلها

ماهو اللى بناها كان فى الاصل حلوانى

بس مكنش من ولاد ابو اسماعيل

ههههههههههههههههههههههه

يابنى حبها زى ما هى ومش تخلى حد

يسئ ليها حتى لو قاسيت فيها

دى بلدنا مصر حلوة

ويااااااااااااااه على جمال القاهرة

بس الساعة 4 صباحا كدا

بتكون هادية الله عليها

على فكرة انا مش مقيمة فيها

بس يوميا فيها ودايما بكون بدرى قوى

وساعات اتاخر بس بحب كل حاجة فيها

smilyrose
روح الحب الصادق

صوت من مصر يقول...

mero-moory
مش هسمى دى مجامله اوك
يامريم بجد فرصه سعيده ؟

kmt يقول...

السلام عليكم ورحمة الله وبركاته

اللي مخنوق من مراته بيطلقها
واللي مخنوق من صاحبه ينفضله
واللي مخنوق من امه يعمل ايه يالمبي
ههههههههههههههه

مش عارفة اقولك ايه بس الحاجات الحلوة في البلد دي عادة نادرة اوي
اووقات ما بشفش فيها غير اللون الاسود وبس
يلا ماتقولش ايه ادتنا مصر قول هاندي ايه لمصر

علي فكرة وصفك حلو اوي
تحياتي
الي اللقاء

صوت من مصر يقول...

م / الحسينى
بجد هقولك انا ضد العنف لكن فى مرحله اسمها مرحله الانفجار لازم تحس بيها فى اى وقت

صوت من مصر يقول...

smilyrose
والله نورتى بس الحلوانى نسى يحط شويه سكر ذياده ؟"
نورتى البلوج ؟

صوت من مصر يقول...

kemet
بجد شكرا وتانى حاجه متقولش هناخد ايه من مصر قول هندى ايه لمصر مصر تامر وانا انفذ يعنى لو عايزه كاكا فى كاكا لو عايزه كيوى فى كيوى

مهرة سالم يقول...

السلام عليكم..
إنت ناوي تنقطني يا بني....
.........
أن شاء الله كمان رسالتين زي دي ...
وإستقبلني بالمطار...

marmar يقول...

عزيزي
لست فقط من يعشق سماء القاهره
نيلها الساحر
شمسها الساحرة
شعبها الطيب
كلنا فداء وطننا مصر
بوست جميل ومعبر
يمكن لاني عاشقه مصر والقاهره بالزات



تحياتي ليك
مرمر

حاسوباتيه يقول...

عارف انا سالت نفسي السؤال ده كتير هل بحب مصر وكانت اجابتي هي ايوه طبعا سالت نفسي برضو ليه بحبها على ايه طيب وكانت اجابتي ماعرفش بحبها كده بكل مافيها بجمالها بسلبياتها بكل حاجه فيها ومن غير سبب بحبها

moory-mero يقول...

السلام عليكم و رحمة الله و بركاته

والله العظيم ما بجامل السبب الي قولته يا محمد فعلا

أكتر حاجه مخلياني متابعاك هنا

عفويتك في الكلام
ربنا يهيدك ويحميك

ويلا نزل بوست جديد عثان أجي انط هنا في اول كومنت ههههه

تصبح على خير بقى (وث مبتثم)

في رعاية الله

صوت من مصر يقول...

m k
انتى تنورى مصر والقاهره
عموما انا قاعد فى المطار

صوت من مصر يقول...

marmar
بالذات مش بالزات
وعموما شكرا على التعليق اكيد انتى من القاهره

صوت من مصر يقول...

حاسوباتيه
السؤال ملوش الا الرد ده اصلا
شكرا

صوت من مصر يقول...

mero-moory
على ما اظن ان وش بال ( ش ) يعنى وش مش وث صح يا اما ده اسمه دلع
وانا كده مش بجامل نهائ

Unknown يقول...

انا موافقاك ان بلدنا اللى هى الارض انا كمان بحبها جدا مش هقوللك لقاهرة لانى معرفهاش بس اسكندرية كمان حلوة والجو فيه شجن غريب...انا كمان بحب امشى فى الاماكن القديمة والبيوت القديمة بتخلينى واقفة متنحة ومبهورة انا كمان بحب بلدى بس مش قادرة الايام دى غير انى اقول اتخنقت وتعبت

marmar يقول...

فعلا من القاهرة بالززززززات من مدينةنصر وبحب مصر بالزات بالزات

Mona Shereif يقول...

ايه الكلام الجميل ده
بموت فى مصر
بس مش تافه

كل سنة وانت طيب يا محمد
الف شكر على التاج
بجد فرحت اوووووووووووى
ربنا يبارك فيك

mnoon يقول...

السلام عليكم ورحمه الله وبركاته

كن جميلاً ترى الوجود جميلاً
لو الواحد من جواه جميل أكيد هيشوف كل شئ حوليه جميل
يعنى نفس المكان ممكن ياكيمو إنت تشوفه حته من الجنه
وفى نفس الوقت يشوفه حد تانى مكان يخنق

سبحان الله

يارب ديما نشوف كل شئ حلو فى عيونا.

mnoon يقول...

إيه ده ياكيمو
هو أنا ليا تاج عندك
بس وقته فات ياخساره
عموماً
رخامه برخامه هجاوب عليه
ههههههههههههههه
هههههههههههههههههههه

صوت من مصر يقول...

enjy
انجى بجد انتى فهمتى معنى المقصود بسهوله جدا
بجد شكرا

صوت من مصر يقول...

marmar
تانى
وعموما مدينه نصر مش بعيده
انا فى المطريه يعنى الحياه الشعبيه .؟

صوت من مصر يقول...

Sometimes
لا تافه جدا
بس مصر كمان بتحبك

صوت من مصر يقول...

mnoon
انتى تقصدى انى جميل
طب لو جميل كنت اتعزمت على الفرح
عموما الف مليون مبروك والتاج هديه الجواز
مبروك ليكى يا منى ؟
وعقبالى

غير معرف يقول...

~................................