الجمعة، ٢٨ نوفمبر ٢٠٠٨

خوف من داخل قبر يسمى بوطن


خوف كلمه بتعنى كتير اتكلمنا عنها فى حياتنا كتير بتيجى علينا لحظات نحس فيها ان مفيش خوف .

صح مفيش بس ازاى اعيش وانا مش خايف ازاى مخافش من كيان بحاله

امريكا . اسرائيل . روسيا . نظم سياسيه باكملها من الممكن انها تكون سبب خوفك

نبعد شويه ونقول صعب بس بخاف

تخاف من بلدك حبك ليها خوف عليها . مستقبلك ازاى

فكرت فيه

مش هتندم فكر بس مترجعش وتقول ياريت الى جرى ما كان ؟

مخفش ازاى من قانون من دماغ ابن العمده

ويقولك ايه سك الملكيه ؟

هل هو ده صابر الطيب بطل فيلم خالد يوسف طب ممكن نعرف البلد هتتباع لمين .

ولا مش من حقى مع انها املاكى .

افتكرت كلمه فى الاخر احنا كاننا هوااااااااااااااااااااااااااااااااااااااااااااا.

بجد هوا محدش بيحس بينا ممكن اعرف ازاى هاكل انا وانا ونص انا من سك الملكيه

طيب انا موافق ممكن سؤال صريح شويه .

انا هاخد كام واحمد عز كام ولا هنتساوى ؟

ياعم فكك انا هشرب سجارتى وانا خايف احسن اموت من الخوف ..................................

بصراحه طظ فى كل قانون ملوش لزوم

هناك ٨ تعليقات:

قلوب بتغنى يقول...

قانون ايه يابنى
عاوز تساوى نفسك باحمد عز
الخدمة للغلابة بس
دخن واوعى السجارة تمسك فهدومك هى دى الى حيلتك

dina يقول...

هههههههه
موضوع جميل يا محمد
عارف هو الخوف احساس طبيعى...انما اللى بيحصل حوالينا هو اللى بجد مش طبيعى ....و مش يحيب خوف بس دا يجيب المرارة و الضغظ و السكر و كل امراض الدنيا...و فى الاخر يقولك الشعب بطل يضحك ليه
حنضحك من الخوف يعنى

حاجات جوايا يقول...

والله مش لوحدك اللى خايف
انا كمان خايفة
والشعب المصرى كله خايف وتايه ومعدش عنه اى احساس بالامان فى البلد دى
رغم ان المفروض انها بلد الامن والامان

خايفة من يوم ملاقيش هوا اتنفسه ويقولوا اتباع
أو يوم ملاقيش ارض امشى عليها ويقولوا مش من حقى

ربنا يآمن خوفنا وفزعنا ويبدلنا عن حكامنا خيرا

تقبل تحيتى
سالى

Gannah يقول...

عارف فيه حد قال زيك كده بس هو سأل
ازاى انا باخد 3 آلاف جنية فى الشهر اكون فى نفس الشريحة الضريبية مع أحمد عز
دا ظلم ليا واهانة لأحمد عز
دا كلام د.غنيم مؤسس مركز زراعة الكلى فى المنصورة فى العاشرة مساء
اكيد انت عندك حق ود. غنيم عنده حق
لكن أحمد عز أخد من زمان
لكن انا وانت مفضلناش حاجة ناخده
اما امريكا واسرائيل مش عارفة ليه مش بخاف منهم بحس انهم على الرغم من القوة الظاهرة فاضيين من جوه

كل سنة وانت طيب
ربنا يكرمك وتبطل سجاير
قول آمين
تحياتى

kmt يقول...

السلام عليكم ورحمة الله وبركاته

خيــــــــــــــــــر
فكك صدقت بس متسودهاش اكتر ماهي مهببه
خلي في كام نجمه من بعيد كده يضو في وسط السما السوده دي

ربنا يستر

تحياتي
الي اللقاء

WhItE HeArT يقول...

فكره برضه

عموما كل سنة وانته طيب

msafa يقول...

ههههههههههههههههههه
مش هارغى كتير بجد
انا خايف ارد
شوفت الرعب ده قد ايه ههههههههههههههههه
كل سنه وانت طيب
شكرا على الزياره

shorouk said شروق سعيد يقول...

إنت قولت أبلغ كلمة وردت في قواميس الشعب المصري
"طظ"
كلمة عبقرية ممكن نلخص فيها البوست كله