الخميس، ٢ أكتوبر ٢٠٠٨

وطنى اتريد ان ابكى """



حينما اعشق الوطن حالما بوطنى حالما بوطن ابى كما كان يحكى عنه يحكة كم كان رغيف لعيش متوافر يحكى كم كانت الحياه سهله


يحكى ويحكى


يجعلنى افتخر انى من تلك الارض لكن هى من الممكن ان احلم انى قد اكون مصرى حقيقى ليس مصرى بالورق ليس مصرى وانا لا امتلك شبر منها وهل لانها اصبحت بلد الاغراب


غير معقول ان نقول ان الرئاسه اصبحت لشخص غريب لكن فى عصر الاتراك كانت الحياه جميله فكان اجدادى ياكلون ويلهون ويفعلون ما يحلو لهم وايضا يناضلون من اجل حقهم فى ارضهم لكن الان ارى وبعينى الصغيره الضيقه ان عصر الاحتلال الخارجى كان افضل مليون مره من عصر الاحتلال الداخلى


وطنى هل ابكى عليك ام انتظر الفرج


وطنى هل تريحنى وتقول لى ابقى فهى ارضك احمها


ام ستقول لى امشى فهى اصبحت ملك لمن يملك فقط


وانا كما تعلم كما خلقنى الله لم يعد لدى ملابس


اسف للكلام لكنك اصبحت وطن من يملك كل شىء


من يملك المال فى ذالك الوطن يملك السلطه وانظروا الى الاخ الكريم احمد عز


اسف اسف لكنى اريد انى احيا على وطن كما قال لى والدى عنه


وطن يجمع من يملك ومن لا يملك ؟


وطنى ــــــــــــــــــــــــــــــــــــــــــــــــــــــــــــــــــــــــــــــ عجبى "
ابن الوطن محمد كمال
للاسف انا مش محبط ولا مكتئب لكن عايز حقى

هناك ٣٨ تعليقًا:

ليكوريكا يقول...

هيقولك امشي

بس انت متمشيش

وطن جدودنا مكنش احسن حال من وطننا

طول عمرنا لازم نحارب عشان نعيش في ام الدنيا

بس لو خلاص زمن السلام ابتدي

يبقي احسنلنا نلم عزالنا ونمشي

كل عيد وانت سعيد

ليكوريكا

romansy يقول...

لازم الصبر
كل حاجه تيجى بالصبر
احنا يا اخى حتى فى شهر اكتوبر
شهر الانتصارات
وشهر الروح اللى احنا خدهناه منه
بس لاسف الروح دى مستمرتش كتير
بس يكفينا شرف المحاوله

dalia يقول...

الوطن سيظل وطني لا احد يستعبدي فيه لا أحد يطردني منه لا احد يحبسني فيه سأظل احبه وأعشقه وادافع عنه حتى آخر قطرة في دمي ، هذا الفارف بين وطن مستعمر وغير مستعمر

صوت من مصر يقول...

ليكوريكا
انت كده بتقولى اقعد ونحارب فى بعض صح ؟
عموما
عيد سعيد

صوت من مصر يقول...

رومنسى
عارف انت بتفكرنى ببرنامج بانورما بتاع القناه التانيه بكلامك ده
ياعم اكتوبر ده مش بتاعنا

صوت من مصر يقول...

داليا
احيك على تعليقك الجميل اولا ثانيا فعلا هو وطننا وسندافع عنه حتى اخر نقطه دم ؟

أختكم فى الله يقول...

لنا الله

اللهم اصلح احوالنا

كل سنة وحضرتك طيب

Mona Shereif يقول...

عجبتنى " للاسف انا مش محبط ولا مكتئب لكن عايز حقى "

بس هقولك حاجه
انا وطنى ده انا راسماه فى دماغى زى مانا عايزة واتمناه وبدعيله يكون فعلا كده
علشان انا بحبه

كل سنة وانت طيب
ها قولى بقى عملت ايه فى العيد؟

ِِAdem El-Mahdy يقول...

حقك منها انك تزاكر علشان تخليها فوق

انك تؤل لا بإيجابية

يخنى تبدأ تغير اللى حواليك سواء بالقدوة او النصيحة

تحياتى

رحــــيـل يقول...

محمد

انت بجد مش مكتئب ولا محبط

واضح فعلا

احنا وغيرنا اللى بنصنع وطن

اكيد هايجى يوم كل واحد ياخد حقه

زى ماكل واحد هياخد عقابه

قوووووووووووول يارب

Gannah يقول...

محمد
شوف حب الوطن ميمنعش ان الانسان يكون واقعى يعنى لو ماليش رزق فى بلدى لكل الاسباب اللى انت قلتها يبقى مش عيب انى اسافر والدنيا واسعة
وبرضه نحب مصر ونعيش مشاكلها
لكن علان يكونلك ولو جزء فى الوطن لازم يكون معاك فلوس
طبعا عمرنا مهنكون زى عز لاننا عايزيين فلوسنا تبقى حلال بش بالاحتكار والاستغلال
لو جتلك فرصة للسفر سافر ولغاية ما تيجى الفرصة اصبر الصبر اخرته خير
انا خلاص عرفت انك مش مكتئب ودا شىء كويس
تحياتى

عايش... ولكن !!!! يقول...

انا بقيت بكبر دماغى بصراحه
ولو جتلى فرصه اسافر هسافر وهسيبها فله شمعه منوره
بلدنا مبقتش لينا والكلام ده بقاله سنين
تايهين على طول ضايعين واحنا مستسلمين

علشان تقدر تحارب لازم يبقى معاك حاجه تحارب بيها بس للاسف الناس دى جردتنا من كل حاجه
سافر يمكن تقدر تعمل حاجه وترجع وتساعد الناس الغلابه
اهو امل بردو

alshared يقول...

كيمو

بعيدا عن الرثائيه الجميله المحزنه دي

كل سنه وأنتا طيب

ولا حياة بدون قدر من الأمل

دمت بكل الود

أخوك

صوت من مصر يقول...

اختكم فى الله
عارفه احلى كلمه بسمعها
لنا الله
بجد صح لان ملناش حد فى الدنيا
شكرا

صوت من مصر يقول...

Sometimes
عارفه بجد وطنى مش لقيله لوحه فى دماغى ؟
صعب
شكرا

صوت من مصر يقول...

ِِAdem El-Mahdy
الكلام ده كلام ناس عواجيز او بالمعنى الاصح تبع الحكومه الى بتقولنا كل حاجه تمام
كل حاجه حلوه ؟
كل سنه وانت طيب

صوت من مصر يقول...

رحيل
لو اخدتى حقك ابقى تفى على قبرى لانى هكون ميت مفروس
وعندك حق انا مش محبط

صوت من مصر يقول...

Gannah
مشكلتى انى بحب اعيش داخل القاهره بس
مش هينفع اسافر ؟
للاسف مصرى

صوت من مصر يقول...

عايش... ولكن !!!!
حلوه كلمه هسيبها حلوه شمعه منوره
بس برضه هتحتاج تشم ريحه نيلها وانت مع الموزه على الكورنيش ولا ايه ؟

صوت من مصر يقول...

alshared
انت عندك شك انى معنديش امل يا محمود الحياه صعبه
عيشها بمرها بس اخزن وافرح ؟

Unknown يقول...

والله انا فاتحة التعليقات بقالى خمس دقايق بس مش عارفة ارد اقول ايه

مهرة سالم يقول...

الوطن سيظل دوما لمن لايملك قبل من يملك....
لا تيأس و لا تقنط ...
لكل زمن مشاكله ولهذا الزمن حلول سأتي بوقتها ...
لتسعد انت ومن يشارك ذات الهم بها..
عليك بالصبر والتفاؤل..
تحياتي

kmt يقول...

السلام عليكم ورحمة الله وبركاته

كيفك يامعلم
عندي ليك حكاية صغنونة
في يوم اخويا كان راجع كاالعادة بعد نص الليل وحكالنا ان في واحد بيقف للناس بالليل في الشارع اللي ورانا يقطع عليهم الطريق بس هما عاريفينه عيل اهبل لو مسكوه هايقطعوه المهم العيل ده طلع ليهم بس مسك منها واحد صاحبهم واخد اللي معاه بس الغري مش ده الغريب انهم كانو شلة محدش فيهم حاول يجيب له حقه مع انهم كتير ولو اتلموا عليه هايقطعوه بس لما سألت اخويا قالي جملة مش ممكن انساها قالي اذا كان هو خاف من المطوة ومحاولش حتي يزعق او يشتمه او يدافع عن نفسه عايزانا ندافع عنه ليه .

يمكن هو حكي الحكاية ومافهمش اللي انا فهمته

الموضوع وما فيه لوخفت من حتة سكينه ومحاولتش ترفع حتي صوتك بالدفاع ماطالبش حد بحقك حقك انت اللي لازم تجيبه لانه حقك لما تحاول هاتلاقي الف ايد علي ايدك بتساعد .

تحياتي
الي اللقاء

نونو يقول...

براااااااااحة
وكل حاجة هتيجى
بس ندعى ونبقى ايييد واحدة
كل سنة وانت طيييييييييييييب

engy يقول...

فعلا للاسف انت عندك حق
على القل الاول كان فى كرامه
اوانتماء للبلد كانوا بيحاربوا علشانها
اما الان فمابنصدق نخرج منها
تفتكر بعد كده ايه اللى حيحصل ربنا يستر
سلام

أختكم فى الله يقول...

عندى تاج فى المدونة ياريت لو عجب حضرتك تاخده تحله

kmt يقول...

السلام عليكم ورحمة الله وبركاته

هو الواحد حاسس ان في تغير فيك
المهم معلم مش ليها حكاية بس يمكن حسب المود بتكون الالقاب

عموما شكرا جدا علي الاهتمام والمتابعة للبلوج
تحياتي
الي اللقاء

HeBa يقول...

للاسف انا مش محبط ولا مكتئب لكن عايز حقى

عجبتني الجملة ولو أنها مش واقعية

وعجبتني أوي القصة اللي قالت عليها kemet

المغزى بتاعها هايل

فكر فيه

Desert cat يقول...

جميعنا نبحث عن وطن تاه من مواطنيه

صوت من مصر يقول...

انجى
طيب كنتى خليتهم ربع ساعه
عموما اى تعليق هيفيد طبعا

صوت من مصر يقول...

m.k
بجد بشارك وهتعرفى مشاركتى كانت ايه فى البوست الجاى

صوت من مصر يقول...

kemet
معلم معلم مش فارقه
هقولك انا عمرى ما بخاف من سكين ولا حتى اى سلاح حتى لو كان على رقبتى
شكر وقصه جميله

صوت من مصر يقول...

نونو
وانتى طيبه وكل حاجه بتيجى بالصبر لكن البنى ادم من طبعه انه غير صبور
شكرا

صوت من مصر يقول...

engy
اخيرا حد مشاركنى الراى عموما يا انجى متخفيش من احنا هنتحبس قريب نظرا لكرهنا لمصر او حبن ليها

صوت من مصر يقول...

اختكم فى الله
بجد عجبنى جدا بس ممكن شويه وهحله ؟
ميرسى او شكرا او سانكس
الى يعجبك

صوت من مصر يقول...

kemet

حلو يا معلم وانا فعلا متعريتش بس خرجت من حاله بكره انى اكون فيها تانى ؟
ولازم اهتم بالبلوج ده

صوت من مصر يقول...

هبه
عارفه الجمله واقعيه جدا
شكرا

صوت من مصر يقول...

Desert cat
عجبنى جدا التعليق
وهو فعلا حلو قوى لانه مننا
شكرا