الأحد، ١١ مايو ٢٠٠٨

{ يا اخى توكا }


مش عارف اقول ايه غير حسبى الله ونعم الوكيل قريت موضوع مهم جدا عن دراسه تؤكد ؟

تؤكد ايه ان كل الوزراء الى بيستقيلو او بيتقالو بسم الله ماشاء الله طبعا من غير تقسير يعانون من مرض الثراء الفاحش

ياخى توكا طبعا مفوم معناها بس عشان الناس وكده بجد زهقت يعنى ايه هفضل طول عمرى زى مانا عشان ليه ضمير وبحس بغيرى ولا عشان عايز اكون انسان زى اى حد بره بره مصر يعنى لازم حاجتين يا افكر اهاجر بره مصر زى ما كلنا عاوزين يكون حرامى او نصاب وفى الحالتين هفشل لانى معنديش مقاومات البعد عن الفقر لانى فقرى بحب مصر زيكم تانى حاجه مش هعرف انصب لاننا شعب ناصح ولو نصبت هنصب على ناس فقرا هاخد منهم ايه غير الفقر بجد انتم ناس وانا منكم لنا الله عبه السجاير بقت ب 3 جنيه قولنا هنبطلها وعادى جدا منها نرجع لصحتنا الحقيقيه ونوفر ال ايه السواق زود الاجره نص جنيه مش عجبك متركبش لانك مش هتلاقى اى مواصلاه تانيه والساعه 2 باليل طبعا اتخنقت ورجعت تانى اشرب سجاير وافرح واسمع شرين ونانسى وكل مطربين مصر وبالتكيد الاغنيه بتاعت يبقى انت اكيد فى مصر يبقى انت اكيد فى مصر لما تلاقى الفقرا هم كل البلد يبقى انت اكيد فى مصر لما تلاقى الشباب مش لاقى ياكل وكلهم عندهم انيميا لامؤخذا يا سووووووووووووو بجد يبقى انت اكيد فى مصر يبقى هتنام من غير عشا وهتضحك موت على نفسك ومش هتبكى لانك مصرى فقير بالنسبه للحكومه شخص حقير اسف اسف لانى منكم واسف جدا لانى مصرى واسف اكتر لانى جعان واسف موت لانى بكره حكومه بلدى من الى انا شوفته طول عمرى الى انا بقدر انه صغير بس محتاج وقت يتشاف

بجد زهقت منك يا حكومه { يا اخى توكا }

هناك ٣٨ تعليقًا:

صحفية روشة يقول...

اول تعليق
بحجز مكان وراجعة تانى

صحفية روشة يقول...

تانى تعليق

صحفية روشة يقول...

والتالت
وجول وجول وجول وجول وجول والتالت

صحفية روشة يقول...

هجرب كدة يمكن اكون الرابع

صحفية روشة يقول...

الخاااامس
(امير الانتقام)

صحفية روشة يقول...

الله دى لعبه حلوة اوى
السادس

صحفية روشة يقول...

تعرف
لازم تيجى ترد على التعليق عندى
عاوزة افهم منك اكتر
السابع

صحفية روشة يقول...

مفيش غيرى على البلوج ولا ايه
الثامن

صحفية روشة يقول...

هيييييييييييييييييييييييييييييه
التاسع

صحفية روشة يقول...

العاااااااشر
ذنبك انك بتحب مصر
وانك بتخاف من ربنا
وحتى لو اوز تبقى حرامى مستحرم تسرق الفقير
ويا تبقى حرامى فى مصر
يا باشا برة مصر
اقولك
توووووووووووووكا

كاميليا بهاء الدين يقول...

بوست جامد قوى
مؤلم كمان

سبحان الله
انا حقيقى مندهشة
ازاى بيقدروا يناموا
ازاى عايشين مع ضميرهم

حسبنا الله ونعم الوكيل


تحياتى واحترامى

Desert cat يقول...

انت لازم تقلب علينا المواجع يا محمد
والله كلنا فى الهوا سوا ومش عارفه ليه احنا ساكتين ومكممين لحد دلوقتى
انا مش قصدى اعمل ثورة
انا بس جاية اهدى النفوس
ههههههههه

بحبك يامصر يقول...

ايه يا محمد هى صحفيه روشه واخده المدونه بتاعتك لحسابها
البوست فعلا واقع اليم هو ده حالنا واللى بيحب مصر يفضل فقير

Hedaya Al Haj يقول...

اللي باع ضميره بيسهل عليه يعمل أي شي ..

" عادي "

بالنسبة النا .... عاجبني كوننا بسطاء ، وحنظل هيك ، مش بحلم غنية ولا بحلم أملك فلوس كتيييييييييرة ،، كل اللي بحلمه ، أظل " انسان" ، وتظل جارتنا مبتسمة لي متل كل صبح ... .

وأضل كما أنا حيث أنا ..

تحياتي ..\\

و القادم....أجمل يقول...

بس أنا بحب مصر
و بحب كل حاجة فيها
بس كل واحد مسئول عن منصب
و قصر فيه
هو اللي بيخلي مصر ترجع ورا

التقصير منا


إحترامي و تقديري

:)

محاولة لكسر الصمت يقول...

تعرف يا محمد فكرتني ببيت شعر كتبته واحدة صاحبتي بيقول (والذنب فينا أننا يوما ولدنا في بلاد مالنا في دفء عينيها مكان)...بس تعرف برضه أنا كمان بحب مصر وبكره الحكومة بس عمري ما كنت ولا هكون آسفة على كده...عشان البلد دي بتاعتي أنا...يعني أكيد لو عندك حاجة بتحبها أوي وجه حرامي وسرقها منك وبعد ما سرقها راح مبوظها....طبيعي إنك تكرهه..لكن مش طبيعي إنك تكره الحاجة دي..بالعكس المفروض تحاول عشان ترجعها تاني ليك وتصلحها كمان.......
أما بالنسبة للوزراء اللي بيستقيلوا بعد ما يلموا فلوس...خليهم يستقيلوا...بدل ما يبقى موت وخراب ديار.....
..على فكرة الصورة اللي حاططها دي.....مالهااااااااااااااش حل...

محاولة لكسر الصمت يقول...

صحيح....فيه حاجة نسيت أقولها....ودي تقدر تعتبرها تحليل نفسي...واضح إن الحالة اللي انت فيها دي عشان لسة بادئ شغل جديد...اسألني أنا...أصلي أعرف واحدة عندها نفس الحالة بالضبط....شد حيلك..وربنا يكون في عونك يا مصر

FaceMoon يقول...

كلنا بنحب مصر
بس ربنا يستر علينا يااما حنتجنن يااما حنتجنن
اصل هو حل من اتنين
تحياتى

سلوى يقول...

تبقى أنت أكيد في مصر فعلا

ولا تعليق

رحــــيـل يقول...

حسبى الله ونعم الوكيل
حسبى الله ونعم الوكيل
انا بستغرب بجد هما ازاى مش حاسين اللى بيحصل فى البلد
فعلا بحس انهم عايشين فى معزل عن الشعب
ربنا ينتقم منهم

صاحب المضيفة يقول...

ولسه الجاي هايكون ايه .... الله اعلم


يارب يا تهديهم يا تاخدهم بقى


سلام يا صاحبي

مدحت محمد يقول...

ياخى توكا ياخى اوبجيكشن

ياخى احيــــــه

حسبى الله ونعم الوكيل

Gannah يقول...

أخى الكريم
السفر هو اخف الاضرار لانك عمرك ما هتسرق و لا هتنصب و انا شخصيا ربنا وفقنى فى السفر و بحب مصر و ما فيش تعارض بالعكس دا احنا هنا حاسيين بمشاكل بلدنا زى ما نكون فيها و اكتر و انا شخصيا كل ما اروح عمرة ادعى ربنا انه يصلح حال البلد و يرزقها بحكومة تخاف ربنا
و متكونش اسف لانك بتكره الحكومة هما اللى وصلونا لكده
خلى عندك امل كلنا عدينا بمراحل اليأس و الاحباط دى و هتفرج بس انت متقفلهاش و تقول مش هسافر اصلى بحب مصر
انت لسه شاب وبتمنالك كل توفيق
تحياتى

Unknown يقول...

بص يا ابنى سعد زغلول قال مفيش فايدة

و مصطفى كامل لما قال لا ياس مع الحياة و لا حياة مع الياس .. مات

سنووايت يقول...

ياااااربي ليه بس بتقلب علينا المواجع
الناس ماشية تكلم نفسها والله

HeBa يقول...

مش أجرة المشروع بس اللي غليت

السلع كمان

ده أنا بسمع إن قزازة الزيت بقت ب 13 جنيه


يعني من الأخر الزيادة طلعت من جيبنا قبل ما نقبضها

شغل حلق حوش

وحكومة واعية صحيح وميتخفش عليها

بس برضه مصر ملهاش دعوة

مهواش ذنبها

جيفارا المصري يقول...

طب و بعدين ؟؟؟؟؟؟؟؟؟؟
ايه الحل ؟؟؟؟؟؟
هنفضل نقول يا اخي توووووكا لغاية امتي ؟؟

Rania Lelah يقول...

لكنا بنحب مصر يا مصرى
و ربنا يفرجها قريب
كلنا منها و مش هنعرف نتغير و نكون نصابين او حرامى
و الحمدلله دى نعمه

تحياتى

WhItE HeArT يقول...

يااخي توكااا

طيب لحد امتى

احنا خلاص يعني

بوست رائع

تقبل تحياتي

dodda يقول...

كلامك نفس كلامى فى اخر يوست كتبته باختلاف الاسلوب!!!
مش حاجه غريبه ابدا مل لحنا فى نفس الظروف!!!
تعرف كمان كنت بفكر فى موضوع النصب ده...يا ريت النصابين يخفوا عل الغلابه ويركزوا على اللى هم مش غلابه...
لنا الله

غير معرف يقول...

ممكن اسأل سؤال محيرنى بجد
يعنى ايه توكا دى !!

ابو العربى يقول...

يا خى مليون توكاااااااااااوطويله بحييك على انك فى الاول كيلوبتراوى زىى ومهما يكون معايا فلوس كيلوبتراوى بردو عاشق للفقر والفقراء ومفيش حل ومش قادر ابعد وسافر ليه كل اصحابى الى سافرو جوبو على السؤوال ده انا غاوى فقر
اثبت يا بطل وخليك على مبدئك وقول اصل انا عندى مبداء هيقولو يا حول الله يارب ملكش دعوه ولا يهمك
عجبتنى يا بطل
تحياتى
ابوالعربى

إبن مصر يقول...

ايها الصوت المصرى السلام عيكم
طبعا مش تعرفنى لأن ده اول كومنت لى
عموما هنتعرف بعدين ولكن انا الكومنت بتاعى انى اقولك مدونتك جميله لذيذه خفيفه علينا نحن الشعب
ثقيله جدا على الجماعه اياهم اللى مش عيشين على ارض مصر
وزى ما الجميع بيقولوا لى الجميع للأمام وربنا يسترها معاك
هقولك برده ربنا يسترها معاك وللأمام دائما
وان كنت عايز تزورنى اتفضل المدونه بتاعتى تحت امرك وتنورنى

كاميليا بهاء الدين يقول...

هههههه

ايه ده؟

صحيفة روشة إحتلت المدونة يامحمد

على كل حال

إن شاء الله الفرج قريب

لان الضيق اشتد قوى
وبعد الضيق فرج

بإذن الله

تحياتى

قلوب بتغنى يقول...

صباحو عسل يا محمد
والله ليك وحشه
مش هتبطل ياد سرقة الصور من عندى
انا بس ليه تعليق واحد يا محمد
ليه تكلف نفسك عناء انك تبقى مؤدب فى الفاظك مع حكومه مش مؤدبه معانا فلقمة العيش

dawar يقول...

دول عاوزين الولعه

مصطفى حسان يقول...

أصلا مافيش وزرا بيستقيلوا في مصر من بعد الثورة

Unknown يقول...

هو الشغل خلاص واخدك للدرجة دى
و لا انت زهقت مننا