السبت، ١٩ أبريل ٢٠٠٨

مفيش عيش من غير غموس


من الاخر قبل ما ابتدى اتكلم فى حاجه فى ناس ممكن تقول عليه انى رجعت مكتب تانى لكن العكس صحيح انى فعلا لسه متفائلا والحمد لله بدرجه عاليا

ممكن سؤال نفسى الحكومه ترد عليه ولا مشينفع

جبتولنا العيش وفرحنا اننا لاقيناه فين الغموس يا حكومه ؟
السؤال ده محير كل شخص نفسه ياكل لانى مش هاكل عيش حاف لانى عايش فى مصر مش فى ليبيريا ومعنديش مجاعه لكن المجاعه فى مصر قريبه موت وانا جعان

بالنسبه بقى للاكشاك الجديده بتاعت العيش الملاحظه عنها كالاتى لسه فى زحمه ولسه فى سرقه دقيق طبعا بس فى عيش موجود بططريقه او باخرى يعنى مش مهم الواحد يضع اليوم فى انه يشترى بجنيه عيش وممكن يكون جواه مسمار وممكن يكون جواه عود كبريت وما ادراك من الاخر

نرجع تانى لمنطقه الغموس الحكومه بتقول انها وفرت العيش للشعب واصبح لا مشكله تمام ونحن موافقين فهل الشعب هياكل عيش حاف لا لازم يكون فى اكل رئيسى زى الفول والعدس والحجات دى بلاش نقول لحمه ولا فراخ نظرا للحمار الى بيزعل من السيره دى المهم طبعا هيقولنا اعتمدوا على نفسك عشان الغموس الرد كالاتى هو مرتبى ساعتها هيكفى يومي ياريس يعنى احنا البلد الوحيده على مستوى العالم الى الفاكهه فيها ارخص من الاكل ومن الاخر يا حكومه ممكن ترفعوا الاجور شويتين عشان نلاقى عموس نتغدى بيه

هناك ٣٤ تعليقًا:

غير معرف يقول...
أزال أحد مشرفي المدونة هذا التعليق.
AHMED SAMIR يقول...

عيش............وغموس كمان
لا بقى دة طمع

مدحت محمد يقول...

فين الغموس ياحكومة
ياعم الحمد لله انى فى عيش اساسا

نسيـــــــان يقول...

يا زلمة نعمه الي في خبز
اسكت

د/اجدع بنوته يقول...

اسكتتتتتتتتتتتتتتتتتتتت

وقووووول الحمدلله

واحنا كنا طايليننننن

انت كمان بتدور ع غموس

ده ايه الجشع دده

عبده الرايق يقول...

غموس ؟؟؟؟؟؟؟؟؟؟؟؟؟؟؟؟
ليه انت بتغمس العيش بغموس ؟؟؟؟؟
ناس فايقه ورايقه

غير معرف يقول...

"مكتوب ليس بالخبز وحده يحيا الإنسان
و لكن بكل كلمة تخرج من فم الرب"
انجيل متى 4/4

و لا بكشك العيش يا حكومة يحيا الإنسان و لكن بكل كلمة تجعل من الإنسان "إنسان"

هانِضرِب ..و هانطنشكم زي مانتو طنشتونا و رميتونا في الزبالة الخمسين سنة اللي فاتوا
واحدة بواحدة يا حكومة

صوت من مصر يقول...

احمد سمير
ايوه طماع عشان عايز حقى بجد صح
؟
;;;;;;;;;;;;;;;;;;;;
مدحت محمد
ياعم بحمد ربنا بس لما اطلب بحقى ابقى مش زعلان
;;;;;;;;;;;;;;;;;;;;;;
نسيان
ايوه هى نعمه وربنا يحفظها من الزوال بس برضه نفسى اكل جبنه فرانكفورت
;;;;;;;;;;;;;;;;;;;
اجدع بنوته
والله ساكت بس عايز حقى
;;;;;;;;;;;;;;;;;;;;;;;;;
عبده الرايق
ياعم انت عشان معاك قرشين صح مش مهم عندك
جبتلك البفره
;;;;;;;;;;;;;;;;;;;;;;
ادهم يوسف
مش عارف اقولك ايه لكن فعلا انا بحترم النجيل جدا ودايما اى مقوله تعبر عن السياسه يعنى مش لازم تكون دينيا او حتى اغنيه ملهاش لزوم

محاولة لكسر الصمت يقول...

يعني وبم ان كل الناس قالتلك بلاش طمع وكفاية العيش.فأنا مش هقولك كده...هقولك حاجة اهم..انت وقعت في غلطة كبيرة..لازم يعني تقولهم الفاكهة ارخص من الأكل..طيب دول يمكن ما كانوش واخدين بالهم...وكده انت هتبقى السبب في رفع أسعار الفاكهة كمان....كده الشعب مش هيحبك خااااااااالص...

ftafeet يقول...

ايه يامحمد لا بجد انت رجعت للاكتئاب تانى


انا طبعااااااا مش هاقر اقول غير ربنا يعدل حال البلد للاحسن

Gannah يقول...

هو ايه اللى حصل فى الدنيا الشعب ده ماله؟ اوعى كمان تقولى عايز لحمة و لا عينك هتروح على حتة جاتوه يعنى و لا حاجة زى كده اعقل يابنى و خليك ماشى جنب الحيط يوم تشترى عيش و يوم تشترى فول و اهو برضه حلو علشان الرجيم و دنه عامر بحس الحكومة
تحياتى

walaa يقول...

لا انت كده طماع عيش وعايز كمان تغمس الراجل تعب نفسه وفر العيش احنا هننهب يعنى
طحسبنا الله ونعم الوكيييل
ولاء

WhItE HeArT يقول...

غموس ؟؟

هوه انته لحقت تحل مشكلة العيش وبتدور على الغموس


تحياتي

سنووايت يقول...

اهو دا الطمع بقي
يعني قولتوا عايزين عيش جبنالكم عيش
وبعد العيش عايزين الغموس
وبعد ما نجيب الغموس يقولوا عايزين نحلي
وبعد ما يحلوا عايزين الشاي
وبعد الشاي بقي يبقي ناقص اييييييه
صحيح شعوب بتتدلع

canary يقول...

غموس ؟؟؟؟ يعنى ايه غموس؟
اااة هو دة الحاجه اللى بتبقى فى الطبق عند بعض الناس وبياكلو منها؟؟
يا حلاااوة . هو انت بتغمس لما تيجى تاكل؟
انت منهمممم؟

غير معرف يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Plotter, I hope you enjoy. The address is http://plotter-brasil.blogspot.com. A hug.

بحبك يامصر يقول...

حاضر من عنينا حاضر هنزود الاجور والمرتبات

فى فكره حلوه بالنسبه للغموس ممكن تغمس العيش بالعيش ايه رايك ادام العيش اتوفر بقه
تحياتى

سلوى يقول...

عيش بمسامير يعني غني بالحديد

بالاضافه الي العيش بعيدان الكبريت يعني فايده اقتصاديه تطلع العود وتولع .. لأ مش في نفسك أقصد تستخدم الكبريت يعني

طيب الحكومه تعكل ايه أكتر من كده

خالص تحيااااتي

صاحب المضيفة يقول...

كلام منطقي فعلا

فين الغموس


حد يرد علينا يا بشر


سلام يا مان

صوت من مصر يقول...

دواير
يعنى هى فاكهه سليمه معرف انها كلها مسرطنه
;;;;;;;;;;;;;;;;;;;;;;
فتافيت
انا مش مكتئب ولا حاجه بس زى ماتقولى كده انتى فى دبى واحنا فى مصر زى كينيا وكندا
;;;;;;;;;;;;;;;;;;;;;;;;;;;;
جنه
بجد مش عايبز لحمه بس عايز اكل فول بس من حقى ولا لا
;;;;;;;;;;;;;;;;;;;;;;;;;;;;
ولاء
ليكى حق تقولى حسبى الله ونعم الوكيل
;;;;;;;;;;;;;;;;;;;;;;;;;;
وايت هير
الحمد لله مشكله العيش اتحلت بنسب من حقى ابص لبكره ولا ايه
;;;;;;;;;;;;;;;;;;;;;;;;;;;;;
سنو وايت
بجد طمع ناقص كمان بعد ده كله اسيبهم وامشى
;;;;;;;;;;;;;;;;;;;;;;;
كنارى
كنت بغمس دلوقتى لا
;;;;;;;;;;;;;;;;;;
بحبك يا مصر
او عيش بميه سقعه على اساس اننا فراخ
;;;;;;;;;;;;;;;;;;;;;;;;
سلوى
ممكن اكل رغيف واولع سجاره صح عندك حق
طب والعيش ابو ورق هنعمل بيه ايه
;;;;;;;;;;;;;;;;;;;;;;;;
صاحب المضيفه
اخيرا حد فهمنى يا جدعان ولا هو عشان صاحبى فعلا

mnoon يقول...

بما إنك سألت الحكومه
نجيب الغموس منين
تبقى خلى الحكومه ترد عليك

ولو حصل وردت عليك

أمانه عليك تعرفنى
أصل مشكله أمى عندنا فى الغموس

سلااااااااااام

alshared يقول...

أيه الطمع ده

طيب يوفروا عيش الاول

أه فيه جزء من المشكله أتحل بس مش كل المشكله
فيه أماكن كتير جدا مافيهاش عيش لحد دلوقتي

عموما بلاش أفترا
هيه الحكومه هاتعمل أيه ولا أيه
ناقص كمان نقولهم تعالوا حطوا اللقمه في بقنا

واقع مرير يا محمد اللي عايشين فيه دلوقتي

تحياتي

only spot يقول...

سلام عليكم
عارف انت فكرتنى بامبراطورة فرنسا ايام ثورة الجياع لما قالولها الشعب مش لاقى الخبز قالت لهم لم لا ياكل الجاتوه
احنا بقى حكومتنا الذكيه راحت موفره لنا الفاكهه الى ماهياش رخيصه برضه زى منت متصور
الحمد لله احنا بنهبهب فى وادى وهم عايشين فى وادى تانى خالص
اقولك بكره احسن اكيد خليك متفائل واوعى تكتئب يا راجل
خالص تحياتى

Desert cat يقول...

عيش وغموس كمان
هو مش كفاية عليك رغيف عيش فى الاسبوع يابنى انت هتنهب
ده كدا مدلعينك اخر دلع

الدرعمي يقول...

سلام لكم
أول مرة أزورك وعجبني أسلوبك

لذلك قررنا نحن محكمة آدم الإلكترونية

ضمّك لقائمة المفضلين عندي

وعاوز أقول لك :

دُمت َلمصرَ صوتا حُرًا


عن البوست :

والله يا صاحبي هو الطموح حلو

وأنا دايما بقول :

مفيش شيء مستحيل

بس تعرف إنّ الغموس موجود قدامنا واحنا اللي مش واخدين بالنا منه ؟

حتى ريحته تجنن !!!

العالم كله شامم ريحته
وهيتجنن عشان يدخل في الحسبة
ويغمّس معانا

بس أنا شايف الشعب خلاص حواسه اتشلّت

من الوقوف في الطوابير
وفي حفلات تامر وعمرو
ومباريات الأهلي والزمالك
والباقي انت عارفه

وبعدين الشعب ده
فيه رأي بيقول إنه مظلوم جدا

بجد

يعني هيشتري غموس ولا يشتري شريط إليسا ؟

يشتري الغموس ولا يدخل كركر
وعمر وسلمى ؟

يشتري الغموس ولا يلبس كوتش توكيل ؟

طبعا الشعب المصري معذور
لأنه بعد ما يعمل ده كله

مسكين مش بيلاقي فلوس يجيب بيها

غموووووووس

وعشان كده
أنا بقترح
إنّ الناس تجرّب موضوع الجاتوه
بتاع إمبراطورة فرنسا ده

هينفع معانا ومش هنشتكي أبدا


مع تحياتي لك


آدم

مغمّساتي كبير

مواطن زهقان يقول...

احنا هنطمع فى غموس كمان
كفاية العيش
بس علينا ياعم الحاج
اتمنى الزيارة

غير معرف يقول...

محمد اول قكره حاخدها عنك انك مفجوع ولا مؤاخذه مفترى...كل اللى بتفكر فبه الاكل..ومن الافترا..بتطالب الحكومه بغموس وجاى عليا انا اللى من الفقيره الى الله وتطلب جاتوه!!!!
افترا...بس حقك فى الجاتوه محفوظ
وليا سؤال هو يعنى ايه غموس؟؟؟؟
ده كان مقرر فى سنه كام؟؟
dodda

dodda يقول...

نسيت اقولك ان السونج جامده

رحــــيـل يقول...

دخلت بصيت على التعليقات
ادور على رد الحكومه ملاقتش فى رد

طيب جايز محدش اقلهم على السؤال؟

انا هاجى تانى يمكن يردوا اصلى بجد معنديش رد

خالص تحياتى لك

FaceMoon يقول...

طيب احمد ربنا ان فيه عيش اساسا
واسكت بقى الا ياخدوة منك ومتلاقيش ولا عيش ولا غموس
وبعدين لو مافيش عيش او غموس كلوا جاتوة بجد بجد انتوا شعب مش بيعجبكوا حاجة خالص مالص
كلمة اخيرة بلاش طمع انا حروح اكل بقى عشان جوعتنى

صوت من مصر يقول...

منون
والله انا عارف ان لا حياه لمن تنادى لكنت اهو اى حاجه
;;;;;;;;;;;;;;;;;;;;;;;;;;;;;;
الشارد
عارف ان كلامك صح بس لازم يكون فى تحذير عشان محيصلش مشكله زى مشكله العيش الى لسه متحلتش
;;;;;;;;;;;;;;;;;;;;;;;
اونلى سبوت
يا ستى حته الجاتوه بقت غاليه ايامهم كانت رخيصه
;;;;;;;;;;;;;;;;;;;;;;;;;
قطه الصحراء
رغيف فى الاسبوع ليه هو انا ايه نمله
;;;;;;;;;;;;;;;;;;;;;;;;
ادم
دى ثقافه شعوب
وشكرا على تقديرك ليه يا ريس
;;;;;;;;;;;;;;;;;;;;;;
مواطن زهقان
ياعم هنقضيها عيش طب نخلى معاه طعميه
;;;;;;;;;;;;;;;;;;;;;;;
دودا
اولا عموس دى كلمه من الفلاحين او الصعايده او الارياف عموما لكنها معبره لانك لما تيجى تاكلى بتغمسى صح
وبحيث انى مفجوع متصورش ده
وبالنسبه للسونج تعالى خديها
;;;;;;;;;;;;;;;;;;;;;;;;;;;;
رحيل
انتى مستنيه الحكومه ترد على واحد زى حلاتى انسى بجد عمرهم ما هيعبرونا
;;;;;;;;;;;;;;;;;;
فيس مون
جوعتك ازاى ازا كان انا بقول مفيش غموس

قلوب بتغنى يقول...

محمد
وحشتنى والله وحشتنى
وعارفه انى نادله وواطيه ومحدش بيشوفنى بس عارف انا محتاجه حد يدعيلى اعدى من الظروف الى زى الزفت دى على خير
المهم
ايه يابنى الى جرالك غموس ايه
روح يا حبيبى اتوضى وصلى واستغفر ربك

afuoneyiat يقول...

يا أخي ده أنت طماع عايز عيش وكمان غموس بوس ايدك شعر ودقن أخوانك في الصومال لايجدوا حتي العيش الحاف.
وعلي فكره الحكومه ماشيه بسياسه ياتاكل عيش ياتاكل غموس........
صديقك الجديد/afuoney

dina يقول...

هههههههه
اه و الله صحيح...مراحل ما بعد العيش بقى مين اللى حيفكر فيها...جبنا الرغيف بمساميره و الحمد لله..حنعمل بيه ايه بقى؟