الاثنين، ١٤ أبريل ٢٠٠٨

تاج ولا اغرب


التاج ده جانى من بلوج كلمتى بس غريب بجد وتخيلوا انه ليه قواعد

وهى كلاتى

1 / أذكر 10 أشياء عن نفسك
2 / اختر 5 أشخاص تهدى لهم التاج
3 / لا تهدى التاج لمن أهداك اياه
4 / أترك لصديقك الذى أهداك التاج بان التاج نزل وتعالى شوفه

انا كمان اتزحلقت فيه

1 - مجنون وبحب اعيش بدماغى

2- محدش بيحب دماغى

3 - بحب سلمى وهى بتحبى بس جبانه

4- اكره الخوف اكتر من اى حاجه يعنى بحب البجاحه

5- مبحبش افتكر ايام اسوان لانها كانت نكد

6- انا الدغ من غير ما حد يتريق فى حرف السين

7- حمزه ونور وساره ولاد اختى حنان مش بيقولولى يا خالو بيقولوه محمد

8- بكره الحكومه بوجه عام لانى من يوم ما اتولدت ما اتغيرش الريس ابن ال؟

9- انا بشرب سجاير بوكس وبحب البيبسى وكمان بعاكسش بنات بس بتريقه

10- حاسس انى دمى تقيل بجد

بهدى التاج ده ل

1 - فرنسا هانم

2 - مصطفى فنان جولوجى

3-قلوب بتنزف شيماء

4- دواير

5 - دينا

ويا مسهل

هناك ٢٧ تعليقًا:

Gannah يقول...

أخى الكريم
كل شىء ماشى الا موضوع السجاير ده ليه بس كده؟ انت لسه شاب و السجاير دى مصيبه مش بس حرام لأ كمان بتخرب فى جسمك و تدعيلك عمر فوق عمرك. أنا عارفة ان تركها صعب جدا بس محدش قال انه مستحيل و انت قدها و اكتر
دمى تقيل صح بس و الله حاسة انك اخويا الصغير و لازم اقولك بصراحة
اوعى تزعل و ابقى زورنى

Ahmed Al-Sabbagh يقول...


رائع

تحياتى ليك يا محمد

احمد الصباغ

محاولة لكسر الصمت يقول...

تمام تمام....حلو أوي التاج ده وشكرا خالص عليه.....هجاوب عليه قريب اوي ان شاء الله....لما أعرف العشر حجات دول....بس العشرة بتوعك غريبين أوي..عجبتني أوي حكاية محدش بيحب دماغي دي...صريحة أوي....أما دمك تقيل دي....مش عارف...بس يمكن تكون غلطان ولا حاجة....أما باه بالنسبة لحكاية السجاير دي...فأنا مع جنة...ليه؟....أكيد انت عارف كل الكلام اللي هية قالتهولك عن أضرارها....ومع ذلك متمسك بيها....معلش هطول عليك وأحكيلك قصة...مرة قريت حكاية صغيرة عن مصطفى امين هو بيحكيها بنفسه....بيقول انه كان مدمن سجاير(حريقة يعني)...وفي يوم بالليل متأخر علبة السجاير بتاعته خلصت...المهم نزل بسرعة يشتري علبة...ولأن الوقت كان متأخر جدا...ما لقاش الكشك اللي جنبه فاتح...قعد يلف حوالي تلت ساعات وبرضه كله قافل....ولما روح البيت قعد يفكر....معقولة أكون ضعيف كده.!!معقولة السجاير تعمل فيا أنا كده وأكون عبد ليها!!!!...وساعتها قرر إنه مش هيشرب سجاير تاني أبدا...إيه رأيك؟؟؟

صاحب المضيفة يقول...

ماشي يا مان


اجبات رايقة زي صاحبها

سلام يا صاحبي

كاميليا بهاء الدين يقول...

هههههه

ده ألطف وأظرف تاج قرأته فى عالم التدوين
إجابتك صريحة وحلوه قوى

تحياتى وتقديرى

كاميليا

حنة يقول...

ايه يا عمنا الجو ده؟؟
جامد جدا
بس ما تزقش
وسارة بتقول لك يا محمد برضه ؟؟
اغه اغة
يعني خالوووو

صوت من مصر يقول...

جنه
موضوع السجاير ده موضوع مبحبش اجادل فيه للاسف وانا مقتنع بان كل واحد ودماغه صح ولا ايه
لانى بضر نفسى مش بضر البلوج كله ؟
شكرا ومزعلتش لكن هزورك اكيد ؟
;;;;;;;;;;;;;;;;;;;;;;;;
احمد الصباغ
شكرا يا خالو
;;;;;;;;;;;;;;;;;;;;
دواير
لسه هتفكرى التاج ده صدق وحقيقه
وبالنسبه للسجاير هبطلها واشرب بيب
خلصى امتحانات بقى
;;;;;;;;;;;;;;;;;;;;;;;;
صاحب المضيفه
اكيد انا مقصر معاك مع انك عادى جدا مش عارف ازاى
;;;;;;;;;;;;;;;;;;;;;;
كامليا
شكرا بجد ده شرف وعموما لازم الصراحه فى كل حاجه يعنى بجاحه بقى
;;;;;;;;;;;;;;;;;;;;;;
حنه
حنان اكيد ساره هتكبر وتقول محمد مش عارف ليه ولادك بيحبوا يقولوا محمد حاف مع انهم بيقولوا عمو تومى مثلا
وةبعدين يا ستى انتى عارفه انهم بيموتو فى محمد وانا راضى
اغووووو

محاولة لكسر الصمت يقول...

على فكرة انا هفكر عشان هو صدق وحقيقة لأني مقتنعة إن مافيش حد ف الدنيا يعرف يتكلم عن نفسه ...ويوصف شخصيته لكن أكيد هعملها...أما بالنسبة للأمتحانات هعمل ايه يعني...ربنا يسامح الدكاترة...وبلاش نقول ينتقم منهم....
وخليك على السجاير أحسن....

Unknown يقول...

3 - بحب سلمى وهى بتحبى بس
هههههههههههههههههه

ضجكتنى اوى الجملة دى

قولى هو انت الى باصص فى المراية ؟

بحبك يامصر يقول...

اجابات حلوه وصريحه
احييك على صراحتك

dina يقول...

و انا عمالة اقرا و منتعشة و عاجبانى الاجابات و هوبا اتصدمت..اهدى التاج لدينا قال...هههههههه
على فكرة انت شخصية دماغ و الله يا ابنى و مرسى جداااااااااا انك افتكرتنى بس بطل سجاير
هههههههه
تحياتى

قلوب بتغنى يقول...

صباحو يا محمد
عامل ايه
شوف يا سيدى انت مجزن دى حريه شخصيه
وشئ جميل واوعى تغيره
كله جميل الاحكاية معاكسة البنات دى بلاش نسميها معاكسه سميها اعجاب بالجمال
اشطات
محدش يقدر يتريق يا باشا على حرف السين

semsema يقول...

انا شا يفة ان اجاباتك جريئة
وفيها صراحة جدا

تحياتى

mnoon يقول...

محمد

بص بقى متقولش على سلمى جبانه
لأن البنات لها حدود فى علاقتها
كتير بيفتكروها جبن
وخلى بالك منها

تحياتى

كلمتى يقول...

بص يامحمد
عاجبانى قوى انك بتعيش بدماغك
لأن ده المفروض ان كل واحد يعمل اللى فى دماغه
بس مفيش مانع لو فى حاجه من اللى فى دماغك شايف انها غلط انك تصلحها
تانى حاجه انا مش اعرفك
لكن عمرى ما حسيت بدمك تقيل بالعكس
تالت حاجه موضوع كلمتك فيه ومش هكلمك فيه تانى ( السجاير )
لأن دى حريتك الشخصيه
بس حاول تعيد نظر فى الموضوع
اتمنى انى مش اكون مضايقاك
بجد حاجات كتييييييييييييييييييير من شخصيتك بتعجبنى
تحياتى

صوت من مصر يقول...

دواير
بجد ربنا يوفقك وتنجحى من غير الدكاتر حتى
;;;;;;;;;;;;;;;;;;;;
عاليا حليم
المرايا كانت صغيره مش على ادى
وبعدين هى الكلمه دى بضحك كده ليه
;;;;;;;;;;;;;;;;;;;;;;
بحبك يا مصر
مش هنكون صرحه مع نفسنا هنقول الصراحه لمين
;;;;;;;;;;;;;;;;;;;;;;
دينا لازم تنتعشى ده بلوج صوت من مصر
اه بلاش غرور المهم انتى الى حظك كده
;p;;;;;;;;;;;;;;;;;;;;;;;;;;;;
قلوب بتنزف
لازم محدش يقدر يتريق انا عارف
بس عموما شكر على الزياره ومستنى اشوف التاج عندك
;;;;;;;;;;;;;;;;;;;;;;;;;;;
سمسمه
دى مش جرائه دى بجاحه
;;;;;;;;;;;;;;;;;;;;;
منون
بصى انا عارف ان سلمى جبانه بجد وانا عارف نفسى مبحبش حتى المس ايد بنت بعاكس بس
;;;;;;;;;;;;;;;;;;;;;;;;
كلمتى
موضوع السجاير ده موضوع نهائى اوك ومش بزعل لكن مبضرش حد تانى حاجه انا بجد شاكر ليكى جدا جدا

فرنسا هانم يقول...

شكرا على التاج
وبجد اجابتك جميله جدا
واحسن حاجه ان البنت تفضل جبانه

walaa يقول...

ربنا يديم عليك حبك ويتوب عليك من السجاير
تحياتى ولاء

Rania Lelah يقول...

تاج و لا اجمد و لا احسن و لا الذ
و اجابتك الذ ما فيه

تحياتى لك

Tamer Nabil Moussa يقول...

كل تاج وانت طيب


تحياتى

محاولة لكسر الصمت يقول...

تنفيذا لقواعد التاج.....فالتاج نزل عندي وتعالى شوفه.....وشكرا عليه مرة تانية..

عبده الرايق يقول...

مين بس قال ان دمك تقيل
انت دمك شربااااااااااااااات
ممعكشى بفره ؟؟

صوت من مصر يقول...

فرنسا
العفو بس خوف او جبن ده شىء بالنسبه ليه مش كويس
;;;;;;;;;;;;;;;;;;;;;;;;
ولاء
دايما كده بتدعى مش عارف اقولك ايه بس بجد بحب اواى تعليقاتنك عندى
;;;;;;;;;;;;;;;;;;;;;;
رانيا
هو المطش خلص كام كام
هههههههههههههههه
;;;;;;;;;;;;;;;;;;;;;
تامر نبيل
ابقى تعالى تانى ليك حته جاتوه
;;;;;;;;;;;;;;;;;;;;;;
دواير
من عنيه الشمال
;';;;;;;;;;;;;;;;;;;;;
الرايق
بجد مش عارف اقولك ايه بس الصراحه حلوه
وبعدين هترول ايه عشان خرمان موت

مش عارفه يقول...

صوت من مصر

كلامك نغشش فى دماغى

وبصراحه دمك والله ماهو تقيل

وسيبلى سلمى بس وأنا أخليها

تقول بأعلى صوت بحبـــــــــااااااك

تبقى زور مدونتى اللى مفيهاش

أى حد علقلى

سلااااااام

د/اجدع بنوته يقول...

ياعينى ع الاجابات والفانتازياااا الهايله دى

لا طبعا دمك مش تقيل

تحياتى

Hossam Nasr يقول...

السيد الكريم

تابع على مدونة قولاً سديداً رد الحكومة الهولندية على حملة المدونة لدعوة الحكومة الهولندية لسن قوانين ردعية تمنع حدوث الإستهزاء بالمقدسات الدينية ورد المدونة عليهم على الربط التالي
http://kawlansadida.blogspot.com/2008/04/blog-post_18.html

وجزاكم الله عن نبيكم خيراً

صوت من مصر يقول...

مش عارفه
سلمى مبتروحش لحد عموما وانا كلامى نغشش فى دماغى ليه هو ايه كان فى ورق بفره
''''''''''''''''''''''''''''''
د اجدع بنوته
يا ياسمين شكرا وحلوه قوى فانتزيا دى