الثلاثاء، ٨ أبريل ٢٠٠٨

اصحابى وفرحه بلقاهم بعد 5 سنين







اسف لكل الى بينتظر منى ان اكتب عن الاضراب الى كنت بداخله كمضرب عن النظام ومعلش المره دى لكن كالعاده هوضح امر واحد بس ان الاضراب نجح وان عكس ما كل القنوات قالت انه فشل لا انه نجح وعمل بلبله فى البلد كفايه ان واحد عربجى ( سواق عربيه بحمار ) قالى يعنى ايه اضراب وانا قاعد ع القهوه يعنى من الاخر للحكومه الكلمه دى



الشعب عرف طريه وهدفه وهو العصيان المدنى العام والذى اقترب منه ال 70 مليون مواطن يعنى بجد خاليكوا نايمين فى العسل كلوا فى حقنا وغلوا الاسعار علينا واحنا هنوافق لكن بشرط ( محدش يزعل )



الموضوع النهارده ان من يومين كده حصل ان واحد صحبى خطب صاحبى ده كان معايه فى اعدادى وثانوى وتخيلوا ان فى فرحه لقيته عازم كل الشله بسم الله ماشاء الله كلهم فشله الثانوى على سن ورمح بجد الموقف ده كنت منتظره جدا اه ليه صحاب كتير بس تخيل بقى عشره 3 سنين وشنا فى وش بعض وتخيل ان مرحله الثانوى دى الفتره الى كلنا بنبقى فاسدين بمعنى الكلمه فى اليوم ده شوفت اصحاب كتير منهم سعيد شمس وعمر بانجو وهانى صاحب شركه ( الرقابه ) وحسين ومشوفتش اطول منه واحمد سمير البودى جارد الخاص بالعريس احمد وجدى او كئيبه لما شوفتهم افتكرت الايام الى قبلها فى الصغر خالص افتكرت الشله الرباعيه المجنونه احمد بودا ووليد ابن الناس المحترمه وعادل الكبير بتاعنا لانه كان اكبر مننا سنا كل واحد راح لحاله بس كل ده لسه بيراودنى جوه افكارى دايما انى ممكن عبر الزمن الاقى واحد من اصحابى القدام مفتكروش



مش عارف

هناك ٣١ تعليقًا:

فرنسا هانم يقول...

ممكن تلاقى واحد بعربيه كارو بحمار
او سباك
او سمكرى
او اى حرفى
او بتاع بطاطا
وبيتكلم فى السياسه زى اجدع سياسى وممكن ذكائه يعدى بمراحل ذكاء ناس كتير
عموما
مبروك لعوده الشله

محاولة لكسر الصمت يقول...

لسف ما لحقتش أول تعليق..مش مشكلة ملحوقة....المهم بصراحة أنا فعلا كنت مستنية مضوع جامد عن الاضراب..بس مش مشكلة ربنا يخليلك أصحابك وتفضلوا دايماقريبين من بعض.....

صوت من مصر يقول...

فرنسا
دايما بلاقيكى تقعدى تتريقى المره دى بجد خالص بس انا بحكى الواقع وعارفه انا واثق من كلامى وكلامك بس فى ناس متعرفش ده يبقى لازم نظهرلهم ولا ايه ؟
نورتى وابعدى عربيه البطاطا دى الخان بتاعها وحش
;;;;;;;;;;;;;;;;;;;
دواير
يا دواير معلش اصل موضوع الاضراب ده مش صغير وانا برضه مهما كان صغير عليه تانى حاجه ابقى شوفى القنوات ومش هتعرفى اى حاجه وملحوقه هكتب عن السياسه تانى وتالت ورابع انا مبزهقش لانها بلدى ولا ايه ؟
مش كلامك انها بلدك ؟

أغوغا غوغا يقول...

انا داخل اقولك موضوع جميل وخارج بسرعه.. بالتوفيق

المستنصر بالله يقول...

مبروك لصديقك وعقبالك
احساس جميل لما تقابل اصحابك القدام

المستنصر بالله يقول...

مبروك لصديقك وعقبالك
احساس جميل لما تقابل اصحابك القدام

alshared يقول...

كيمو

كيفك يا معلم

أنا معاك أن الاضراب نجح

فيه فئات كثيره جدا من الشعب شاركوا في الاضراب ده وده اللي خلاه ينجح بالشكل ده الشوارع في القاهره كانت فاضيه

وتحولت المظاهرات اللي المفروض كانت تتعمل اللي مظاهرات بالاسود اللون الشهير للخوف المركزي

تعرف يا كيمو الوقت وأنت قاعد مع أصحابك بيبقي وقت جميل بجد

حاجه كده صعب تلاقيها مع حد تاني

الف مبروك لصاحبك وعقبالي وعقبالك وعقبال الشباب كلهم يارب

صاحب المضيفة يقول...

تعيش وتشوف يا عم محمد

أيام جميلة في ذاكرة كل واحد فينا



تحياتي

emad.algendy يقول...

كفاية ان الداخلية خوفت الناس من الاضراب
على الاقل بداية كويسة
وحركنا ناس كتير

يارب دايما تقابل ناس بتحبها
وعقبالك

mnoon يقول...

ياعم ما علينا من الأضراب

إتكتب عنه كتير

وإنت قلت المفيد فى الموضوع ده

فعلا الموضوع نجح إنه يوصل للشعب

وبالنسبه لأنك خايف

إنه يجى يوم تنسى

فيه حد من صحابك

فمجرد كلمتين مع صحابك دولا

هتفتكر كل زكرياتك معاهم

سلاااااااااام

عبده الرايق يقول...

عمر بانجو
عمر بانجوووووو
مش فاكر
بيتهئلى انى عارف الشخص ده قبل كده
هو بيلبس بدله خضراء بعرانيس

mostafa rayan يقول...

مبروك ياعم لصاحبك وليك انك قابلت صحابك بعد طول فراق

قلوب بتغنى يقول...

صباحو اناناس
عامل ايه يا محمد والنبى ليك وحشه
بالنسبه للاضراب
فى الحقيقه اعرف ناس كتير لما سالتهم اذا كانوا هيشاركوا فى الاضراب ولا لا
ردوا انهم مبيشتغلوش اساسا!
بالنسبه للاصحاب
ففى ناس كتير تاهو منى ومعتقدش انى ممكن الاقيهم تانى

ftafeet يقول...

ازيك يامحمد ايه اخبارك

يامحمد اى حد بيتكلم فى السياسه دى حاجه عاديه يعنى


ومبروك لصاحبك يامحمد وعقبالى ياااااااااارب

نوناااا

همس الاحباب يقول...

ازيك يا محمد
كتر البكى بيعلم النواح
يعنى بكرة اتلاقى عامة الشعب بقم محللين سياسيين واقتصاديين كمان
مبروك لصاحبك ودمت بخير وسعادة
تحياتى خالد

صوت من مصر يقول...

اغوا اغوا
شكرا ليك وحاسب وانت خارج السلم عليه صابون احسن تتزحلق
;;;;;;;;;;;;;;;;;;;;;;;;
المستنصر بالله
الله يبارك فيك يا باشا وعقبالك كده
;;;;;;;;;;;;;;;;;;;;;
الشارد
بس يا بقى اخر كلمه دى ضايقتنى موت عارف ليه
هتجوز ازاى وانا مش لاقى اكل
صح
;;;;;;;;;;;;;;;;;;;;;;
صاحب المضيفه
دايما كده بحرجنى بكلامك الخفيف جدا

صوت من مصر يقول...

نور
عندك حق كفايه كل حاجه
;;;;;;;;;;;;;;;;;;;;
منون
بجد زيارتك بتسرنى جدا واه كل الناس اتكلمت عن الاضراب لكن الاضراب منتهاش ولسه 4 مايو اليوم الاسود
وعقبالك لما تلاقى صحابك برضه
;;;;;;;;;;;;;;;;;;;;;;;;;;;
الرايق
عارف ده مش هو التانى كان ملفوف فى ورق بفره
;;;;;;;;;;;;;;;;;;;;;
مصطفى ريان
الله يبارك فيك
;;;;;;;;;;;;;;;;;;
قلوب
حمد لله على السلامه خرجتى امتى
وتانى حاجه انا زى الناس الى انتى سالتيهم
تانى حاجه لازم ادور عليهم عشان عمرى ما هنساهم
;;;;;;;;;;;;;;;;;;;;;;;;
فتافيت
السياسه مش فلفل اسو=د وكمون السياسه دراسه ولا ايه
عموما شرفتى
:;;;;;;;;;;;;;;;;;;;;;;;
همس الاحباب
خالد
بصراحه كده عندك حق لكن انا نفسى اعرف انهى مدونه فى الخمسه بتعتك

Rain man يقول...

موقفك مع سواق الكاروا فكرني بموقفي مع سواق الميكروباص لما قال و الله يا بيه المفروض الناس كلها تضرب
قولتله و الله يا باشا لو السواقين بس يضربوا البلد كلها مش هتروح شغلها
:)
اما بالنسبة لاصدقاء ثانوي فالسبب في نسيانهم بيكون الجامعة غالبا
و حالة التمزق اللي بتحصل
انا مثلا دخلت كلية ما دخلهاش و لا واحد من دفعتي في ثانوي
آداب
كان طبيعي اني اتأقلم مع اصدقاء تانين من الجامعة و اكيد ده اللي حصل معاك
مبروك لصاحبك الخطوبة

Soooo يقول...

انا مش هعلق على موضوع الاضراب لانه لي رأي هيخالف ناس كتير وهيتم اتهامي اني حزب وطني او اخوانا وانا والله على ما اقول شهيد .. بعيد كل البعد عن الاتجاهين دول
وهكتفي باني اعلق على شلة ثانوي
تعرف .. احنا الشلة بتاعتنا من ايام ثانوي اتفقنا اننا نعمل حاجه ولغاية دلوقتي بنعملها ومحافظين عليها
اتفقنا اننا نتجمع كل يوم جمعه بالليل .. كلنا
واللي متجوز ياخد اجازة من بيته والتزاماته ويجي
مش عايز اقولك ان قد ايه التجمع ده بيفيدنا قوي في اننا نقعد نقيس دماغنا ونشوف حياتنا ونقارن ده بايام زمان


الا ليت ايام ثانوي تعود تاني .. بس من غير مذاكره




سلامووووووووووووز

فزلوكة يقول...

حاجة جميلة جدا إنك تلاقى صحابك بتوع زمان
لإنك بتلاقى معاهم الذكريات البريئة

بجد حاجة حلوة جدا

Ahmed El-Agouz يقول...

بجد انا مبسوط ان الاضراب ده خلاني احس ان في ناس لسه احياء في مصر
وبخصوص اصدقائك فبجد من اجمل الاشياء في الحياة هي الصحبةوالاصدقاء

وتحياتي علي مدونتك الجميلة
واتمني ان نتواصل دائما
العجوز
9 xالخير

كلمتى يقول...

ما اعتقدش ابداً ان حد ممكن ينسى
صاحب ليه كان في بينهم ذكريات حلوه
لاننا دايما بنحن للماضى
ممكن تنساه لو العلاقه كانت سطحيه
وحلوه قوى فكرة انكم تتجمعوا وترجعوا بالذكريات
لو منك كنت شكرت صاحبى وخطيبته
تحياتى

مدحت محمد يقول...

محدش يزعل
واللى يزعل يتفلق

المهم مبروك لصاحبك وعقبالك

كاميليا بهاء الدين يقول...

مبروك لقريبك وعقبالك

الاضراب نجح .. مفيش كلام

والجاى آكتر

موعدكم الرابع من مايو
مقاطعة الجرائد الحكومية
وأفتكر ده هيكون درس مؤثر
لإن الخسارة هتكون حكومية

تحياتى

بحبك يامصر يقول...

صح انا معاك ان الاضراب نجح وهو نجاح نسبى
واحنا كنا عايزين ايه اكتر من ان الناس تفوق وتشيل من قلبها الخوف طبعا شئ يستحق اننا نعلق عليه
ومبروك لمتكم انت واصحابك وميروك لصاحبك اللى خطب عقبالك

همس الاحباب يقول...

انه مدونة فى الخمسة بتاعتى ازاى يعنى
انا ما عنديش غير مدونة واحدة هى همس الاحباب هو انا ليه مدونات تانى وانا مش عارف
يا ريت تقولى
خالد

مصر اللى مشفتهاش يقول...

أولا :مبروك خطوبة صاحبك .. واحلى حاجة فى الدنيا انك تقابل صحاب زمان وتفتكر معاهم ذكريات زمان .. يااااا بجد حلو اوى وخصوصا لو قابلتهم صدفة..

ثانيا الاضراب الحمدلله نجح بنسبة أعتقد اكبر من اللى كان متوقعه وخصوصا عندنا فى اسكندرية محدش نزل من بيته .. وكنا بنقول ياريت كل يوم اضراب عشان كل المشواير متخدش غير 3 دقايق..:)

momken يقول...

اه متقاقلش

واحد اصحابه اشرف كوخه ..وعلى علوكه
هيطلع ايه طيييار؟

هههههههههههههههه

الذكريات دى فعلا روعه
وعندك حق ايام ثانوى عمرها ما تتعوض تانى
برغم كميه المذكره الرهيبه والضغط النفسى بس كان روعه

كلامك عن العصيان المدنى عجبنى
كفايه ان المصطلح اتوجد عند الناس وفهموا معناه اخيرا

تحياتى

سمراء يقول...

بالنسبة لموضوع الاضراب فالشعب فعلا اضرب عن الاضراب ودة بونط يتحسب لية
اما عن الاصحاب فمسير الحي يتلاقي

ساعات كثيرة ممكن نشوف ناس كانوا قريبين منا جدا ويكون الزمن غير ملامحهم ومنعرفهمش من الوهلة الاولى لكن لو كانت علاقاتنا بيهم قوية بعصر دماغنا لحد ما نفتكر ونقرب منهم والزمن يدوب وكاننا سايبين بعض امبارح
لكن لو كانت علاقتنا بيهم سطحية لما بيفكرونا بيهم بتستخدم كلمات المجملة سواء افتكرناهم او مفتكرنهمش ( فينك ياراجل من زمان وحشني والله اتجوزت عندك اولاد مبسوط في شغلك بتعمل هنا ايه )
ومبننتظر اجابة
وختام الحديث ( مبسوط اني شفتك )
ونرحل دون ان ناخذ ما يجعلنا نتواصل مرة اخري
فالعلاقة كانت سطحية

جميلة الفكرة بتعاتك
اشكرك على المرور
سمراء

صوت من مصر يقول...

ريان مان
عارف انت كده بتاكد كلامى
وعقبالك كده عشان انت صحبى برضه
;;;;;;;;;;;;;;;;;;;;;;;;;
سووووووو
بجد نسينه فكره الاجتماع دى مش عارف ليه
شرفتنى جدا
;;;;;;;;;;;;;;;;;;;;;;;;;;;;;;
فزلوكه
بجد كان شىء جميل جدا
;;;;;;;;;;;;;;;;;;;;;;;;;
احمد العجوز
بجد فعلا مصر لسه فيها ناس عيشه منهم انا وانت وناس كتير زينا
;;;;;;;;;;;;;;;;;;;;;
كلمتى
فعلا شكرته جدا كفايه انى عملتهم صورهم فوتو شوب صح
;;;;;;;;;;;;;;;;;;;;
مدحت
هما هيزعلو ليه
;;;;;;;;;;;;;;;;;;;
كامليا
الله يبارك فيكى
بس فعلا ان الاضراب نجح بعيدا عن المدى
ومعدنا 4 مايو اليوم الاسود

صوت من مصر يقول...

بحبك يا مصر
مش لاقى رد لكلامك لكن لسه فى امل للتغير كبير جدا
;;;;;;;;;;;;;;;;;;;;;;;;;
همس الاحباب
خالد اسف الكلام مكنش ليك الكلام كان ل مدحت اسف جدا
;;;;;;;;;;;;;;;;;;;;;
مصر الى منشوفتهاش
بجد الاضراب نجح عندنا وعندكم وعند كل حته فى مصر صح
وعقبالك كده
;;;;;;;;;;;;;;;;;;;;;;;;;;;;;;
ممكن
ومين قالك ان مكنتش عايز ابقى طيار
;;;;;;;;;;;;;;;;;;;;;;
سمراء
بجد جميل جدا تعبيرك عن ضياع الصداقه وفى الاخر برضه تعبيراتك انسانيه جدا