الأربعاء، ٢٧ أبريل ٢٠١١

تعجب ليس اكثر

اتعجب كثيرا من اننا انتفضنا ولكن لازلنا كبشر مثل السابق لم نتغير ويستفزنى البعض من البشر لانهم لم يتعلموا احترام ثقافة الغير . اعلم انى احلم بمدينة افلاطونية ولكن لما لا فالحلم ما هو شىء سهل تحقيقة فكنا نحلم بالتغير وحصلت ثورة ولكن فى تغير اشخاص وليست تغير نفوس ولا حتى تغير عقول فلا اتعجب حينما كنت ذاهب الى وسط البلد يوم شم النسيم وركبت المترو وجالى صداع من كتر الموبيلات اللى شغالة زن فى اغانى غريبة والاغرب انى شفت طفل بيردد الاغانى دى ومنها اغنية مستفزة اسمها الدبوس " اى خابور الحشيش " معلش لو ابنى طلع بيغنى الدبوس ده حبيبى ... وكمان انا شارب سيجارة بنى .. واغنية العظيم اللى قال البنات اللى ماشية بحملات .......... اظن من حق ابنى انه يطلع مدمن او تاجر مخدرات لان الدبوس ده حبيبه واكيد هيمشى يغتصب اى بنت لان اغنية البنات اللى ماشية بحملات تشجعه على ده .
الفكرة هنا الغلط فى مين ..؟
1. وزارة الثقافة ......... نظرا لانه حتى الان منذ الانتفاضة مشفتش اى مكتبة مفتوحة او اى عروض مسرح شارع او اى شىء يدل على نشر ثقافتها ........... الا الافلام الثقافية اللى بتتنقل يوميا من مليون موبايل الى موبايل اخر .
2. الاهل ..... لانهم بجد ازاى سايبين ولادهم كده يتمادو فى الغلط ................ ويقولك انا عاوز ياخد حقة .. عاوزه يبقى من شباب الثورة .... هو حد قاله اننا كنا بلطجية .
3. المدارس ....... لما بتفرج على فيلم اجنبى بتشل وبيجيلى رعاش فى ودانى من ازاى الناس دى بتطور نظم التعليم عندهم عن طريق فيلم بيشرح الفكرة ولكن حتى الفيلم الوحيد اللى عملناه عن كده " كان تهيس للاسف " وبرضه لسه مفهمناش ان التعليم فى مصر عاوز يتعدل كلياَ ولابد من اعتماده على نظرية التفكير مش الحفظ .
فى الاخر مش هلوم حد نهائى ......... بس هلوم نفسى لانى لسه ساكت على كل ده ..... اختى لما ربتنى ربتنى على اغنية حاحا للشيخ امام مش على اغنية حاحا بتاعة مروى " فيلم حاحا وتفاحة "
.............................
كيمو

هناك ٢٢ تعليقًا:

شمس النهار يقول...

اهلا اهلا

شوف يابني المدونات دي حاجه مسبكة كده مش تيك اوي
يعني ان شاء الله كله هيرجع هيرجع
هتزهقوا من التيك اوي قصدي الفيس
:))

بوست جااااامد ياكيمو
والثقافة بصورة عامة في مصر عايزة تغيير اي عايزة ثورة لوحدها
عايزين نقاطع الفن الهابط
وموفقاك علي كل كلمة في البوست
ربنا يهديك كده علي طول وتكتب لنا بوستات كتير زي دي
:))

rack-yourminds يقول...

النظام السابق كانت كوارثه في كل المجالات ,وبعتقد بعد سقووط النظام سينصلح الحال

"طبائع الناس من طبائع ملوكهم"

"ان الله ليزع بالسلطان مالم يزع بالقران "

___

احييك علي هذا البوست

Foxology يقول...

مهو مستنى ايه من ناس دماغها بتتنسف يوميا لمدة 30 سنة واكتر ؟؟؟

ربنا معانا

كريمة سندي يقول...

مسألة التغير تستغرق وقت أطول مما نعتقد موضوع قيم تققبل مروري

sony2000 يقول...

مافيش حاجه
هتتغير بين يوم وليله
ولتغيير انسان دا بياخد وقت طويل
المهم اننا نقرر اننا نتغير بجد

Tamer Moghazy يقول...

بص يا كيمو..
مرة شوفت واحد المفروض انه برستيج يعني وكده.. ولقيته بياكل بطريقة همجية جدا..لمجرد انه (لوحده)
ومرة تانية شوفت واحد برضه بيرمي علبة البيبسي من العربية في الشارع اللي (محدش يعرفه فيه) برضه..
ومرة شوفت واحدة بتلبس الحجاب قبل ما تنزل من التاكسي لانها وصلت المنطقة (بتاعتها)

بصراحة انا شوفت كتير يا كيمو اكتر من كده.. والمشكله اني باخد بالي من كل التفاصيل..!!

تفتكر المشكله فين..؟؟
المشكله جوة كل واحد مش عنده (مبدأ) لان المبدأ مش بيتغير من وقت للتاني..
والثقافة مبدأ..
محتاج يتغرس جوة الناس من بداية التربية..

حمد الله على سلامتك يا كيمو..
انا ديما متابعك..بس في هدوء :)

نزار الاقطع يقول...

كل ماتقوله حقيقي ونلمسه جميعا ونراهباعيننا ونحاول مقلك تصحيح والنصح بكل وسائل الاقناع لكن نحن نحتاج فعلا لهيئه مثل هيئة الامر بالمعروف والنهىن المنكر التى تطبق في المملكةالعربية السعودية وهى تأخذ طرف المبادره وونحن في احوج مايكون لمثل تلك الهيئه لنعيد الاخلاق الىالشارع وكل اماكن تجمعات الناس العامه.

حزينه يقول...

بجد عندك حق
فعلا مش عارف ليه حاسه ان الشعب
المصرى مش حيتغير ابد
وربنا يخيب ظنى

رحلتنا في الحياة يقول...

التغيير مش هيجى فى يوم وليلة لسه قدامنا كتير والثورة غيرت بعض وشوش مش كل النفوس
بس انا متفائلة اللى جاى افضل والناس هتتغير للاحسن

Not-Three يقول...

الزمن جزء من العلاج، انتظر قليلا وسوف يتحقق ما تريد

صوت من مصر يقول...

شمس النهار
مش عارف اقولك ايه بس محتاج دعوتك كتير اولا ...... ومش هكون مهاجم كده تانى لابد من وقفه مع العقل .......... ليس اكثر واعطى نظرياتى للناس حتى يعلمون انى فى الاساس .. صايع بعقل

صوت من مصر يقول...

rack-yourminds
اشكرك جدا
ولكن لابد من المعاجلة ولا سنظل اسوأ اظن انى فى بداية الانهيار .......
شكرا

صوت من مصر يقول...

Foxology
احنا معاهم هما مش لوحدهم

صوت من مصر يقول...

كريمة سندي
اتفهم ذلك لكن العمل الميدانى الثقافى صعب مما نتخيل

صوت من مصر يقول...

sony2000
اظن كلنا قررنا ده
واظن ان الصعب هو اعطاء الصحيح والسهل اعطاء الخطاء

صوت من مصر يقول...

Timo..
اشكرك وامثالك صحيحة
وارى الاكثر ........ والاكثر ولكن ؟ ما الحل

صوت من مصر يقول...

نزار الاقطع
بالعكس انا عملت ثورة عشان الحرية والعدالة والامر والنهى فى السعودية شىء وقح وارفضه وده راى انا الخاص مش بعبر عن شخص .
اشكرك

صوت من مصر يقول...

حزينه
تصدقى نفس شعورى

صوت من مصر يقول...

ღ أحاسيس آيـــوشـا
اظن انك متفائلة جدا

صوت من مصر يقول...

Trutheversearcher
سئمت فعليا

نزار الاقطع يقول...

نحن نحتاج لافعال لا اقوال وهذا يتطلب وجود هيئات منظمه لسلوكياتنا و الدعوه الفعليه للتماسك والدعوه بكل ما اوتينا من قوه لنكون على قلب رجل واحد وان ننأي عن التحزبات و الانقسامات فكل واحد واتته فكره ان يترشح للرئاسه او تأسيس حزب هو شخص يريد ان يكون له دور ووجود فقط على الساحه فالاحزاب هى هى الاحظاب اللافاعله و التشرزمات هى ابلغ دليل اننا لن نتغير ابدا ابدا.

صوت من مصر يقول...

نزار الاقطع
للاسف اسمحلى بكلمة بغض النظر ده مش ردك على تعليقى اللى سبتهولك ............... ارفض الامر بالمعروف والنهى عن المنكر اللى فى السعودية.... لانى فى مصر ومن مصر