الاثنين، ١٤ فبراير ٢٠١١

من 25 يناير حتى 11 فبراير جزء اول


البداية يوم 24 يناير
عيد ميلادى
الازهر بارك مع روح قلبى وعيد ميلاد مكنتش متوقع انه يتم بالشكل ده
25 يناير
روحت الشغل نزلت منه على دار القضاء ومعايا كريم صاحبى وقابلت اختى هناك ومن هنا تم عمل كردون امنى بشكل بشع لدرجة انى قلت لاحد الظباط انت ليه مش متخيل ان عدد العساكر اكبر من المتظاهرين بحوالى 4 مرات ومن هنا بعد عدد من محاولات الخروج خرجنا ومن هنا قررنا نروح على التحرير المركز الرئيسى للاحداث وفعلا روحنا التحرير ومع دخولنا للميدان اللى كان بشكل سهل عكس ما توقعت هناك قابلت رجالة صنعت التاريخ بجد قابلت مجموعه قدرت تغنى وتفرح فى عز الكرب .
المهم الساعه كانت وصلت 12 مساء منتصف الليل اتصل بيا حد اعرفه وقالى فى اوامر بضرب المتظاهرين وبما انى شفت الموقف وعدد المتظاهرين قولت فى قرارى صعب ضربهم ومع تحرك اول مدرعة امن مركزى قررت اكون فى اول صف وفعلا حصل وهنا بدأت ادافع وبدء الضرب اللى بجد كان شنيع وبما انى من ذوات الحساسية على الصدر وصل بيا الحال الى حالة اغماء وبعدها حالة غريبة حصلت مش قادر اوصفها وده بسبب المسيل للدموع الفاقد للصلاحية وبعدها جالى تليفونات من ناس كتير ومدونين كتير " اسف انى مش هقدر اقول اسم حد تقريبا لانى نسيت هم مين ؟ " المهم اختى وصاحبى مش لاقيهم اتجمعنا تانى وروحنا على رمسيس ومن هنا بدء الضرب تانى وقررنا نروح وننزل يوم 26 وفعلا تم .
26 كريم بيقولى مش متفائل واختى كذلك وانا العكس نزلنا محطة رمسيس مشينا لحد دار القضاء مشينا فى مظاهرة لمده 10 دقايق بدء الضرب جرينا دخلت فى حارة سد ومن هنا بدء ضربى بشكل وقح حتى دخولى عربية الامن المركزى " الترحيلات " .
اتصلت بيا اخواتى واهلى لحد ما نزلت من العربية .................................................. ؟
البقية تاتى ...................
ج 1

هناك ١٨ تعليقًا:

شمس النهار يقول...

انت فين اصلا مش عارفه اوصلك

يوم الخميس بتاع الخطاب الخايب حاولت اتصل بيك كتير
ورحت لك مكان اعتصامك

ويوم التنحي دورت عليك مالقيتكش

ومش هعلق علي البوست
علشان الكلام اللي فيه اكبر من اي تعليق
كلام ماينفعش يتعلق عليه غير بتعظيم سلام

شمس النهار يقول...

ملاحظة عارف لو رجعت تكتب حاجه كئبه تاني
ههددك بصورتك اللي السيجاره في ايد والموبيل علي ودنك
تقولش مكرم عبيد جنب سعد زغلول
:))

just waiting يقول...

ربنا يحميك ياكيمو انت واللي زيك اللي كان ليهم دور مشرف وبيحبو مصر
عايزين بقى حاجات فرايحي لو سمحت بامناسبة السعيدة دي

راء يقول...

شوقتني..مستنية الجديد

Foxology يقول...

الله عليك يا كيمو فى انتظار باقى الاجزاء

أسمعنى شكراًً يقول...

هاه ياراجل لية بسرعة كدة
الجزء التانى بسرعة بالله عليك

أنت ياض شبة قنوات الدراما بتاعة التلفزيون المصرى

حفيدة عرابى يقول...

مستنيين حكاويك يابطل
بسرعة بس متتأخرش علينا
تسلم وقفتكم فى الميدان اللى رفعت راسنا طول عمرنا بإذن الله

الازهرى يقول...

سلاااااااااااام سلاح

صباح الجمال
أيوه كده ارجع اكتب من تانى

وفى انتظار المزيد

match online free forever يقول...

مبروك علينا مصر ... ويارب يبارك فيك
تحياتي العاطرة

صوت من مصر يقول...

شمس النهار
من غير تعظيم سلام
ومن غير اى مضمون
لانى من ارض مصر
وسجدت فيها
رقمى اشتغل تانى
معلش كان تليفونى مسروق

صوت من مصر يقول...

هههههههههههههه
والله
شرف ليا انها تنزل

صوت من مصر يقول...

just waiting
لسه باقى الاجزاء
وشرف لى انى فى بلد حرة

صوت من مصر يقول...

طالبة مقهورة ..درجة أولى
دى حكاية من حكايات النصر

صوت من مصر يقول...

Foxology
والله عنيا ليك

صوت من مصر يقول...

أسمعنى شكراًً
حاضر يلا

صوت من مصر يقول...

حفيدة عرابى
انا مش بطل
بجد
كلنا ابطال

صوت من مصر يقول...

الازهرى
ماشى يا برنس

صوت من مصر يقول...

ويبقى الأمل
مبروك الحرية .........