السبت، ١ يناير ٢٠١١

بلا وطنية بلا بتاع


انا مش عاقل
ومش غافل
ومش هايل
ومش مظبوط
ومش متكيف
ومش هقول كلام عيب غريب مريب
كلام يكيف العقل اننا كمصريين
" طظ " كفاية ولا تانى " طظ "
ايوة طظ
ومليون طظ
لاننا بنسكت
ازاى مبقاش ارهابى
ازاى مش هبقى جاسوس
ازاى مش هكون حرامى
ازاى مش هكون ( عاطـــــــــــــــــــــــــــــــــــــــــــــــــــل )
اسف بس استفزنى حوارين
اولهم
اعلانات الحزب الوطنى اللى كان وطنى
ان فرص العمل فى تذايد
ياخى ...
بجد
ازاى فرص العمل كتير
وازاى لسه فى ناس مش لاقيه تاكل
لو افترضنا ان اللى نفذ العملية اى تنظيم خارجى
مع انى معرفش
بس برضه
اللى عمل العملية اكيد مصرى
واكيد مش لاقى ياكل واتعرض عليه اغرائات
وده نفس السبب اللى قلته فى الموضوع اللى فات لما قلت ان طارق سببه انه فقير ومش لاقى ياكل ومش لاقى يشتغل
للاسف
ياريت الحكومة تنظر بمنظور تانى لو مش عاوزة تمشى ومش عاوزة حد يعترض عليها
ان الفقر بيولد منظومة تسمى
يلعن ام البلد دى
كلمة بتنتشر
وكلمة بيقولها اغلب الشباب اسرائيل افضل من هنا
وده انا شايفه طبيعى لانى لو فى اسرائيل هلاقى اكل
ومع انى هكون خاين فان الوطنية متعلمتهاش فى مدارس
لان المناهج عندنا مزبلة تاريخية فى تاريخ بلد لسه بتاكل على قفة الفراعنه
يعنى جدى فرعون سابلى جزء من ثروته
انا بالتالى بطالب الحكومة بجزء منه
ثانيا هو السيد احمد عز وجيمى مبارك وكل الاغنياء بيحوشوا فلوس هيعملوا بيها ايه ما هى الا شويه ورق
طب شغلها واعمل مصانع وشغل مليون فقير
وطالبوا بالوطنية وحاسبه
للاسف
محدش يزعل منى لما اقول ان الوطنية " محدش درسهالى "
بس برضه بلدى عملتلى ايه عشان اكون باقى عليها
للاسف
العيب الاوحد هو عيب الحكومة
وبرضه
مش عاوز افهم ومش طالبة وطنية وهطل
بجد
بس
حسبى الله وعم الوكيل
بالمرة احب اسمع غنوة
باباى يا مدرستنا للرائعه ماجده الرومى وفيلم عوده الابن الضال للعبقرى جو

هناك ٩ تعليقات:

dr.lecter يقول...

مافيش وطن اصلا

غير معرف يقول...

حسبى الله ونعم الوكيل

وأنا كمان بقول
طظ
ومليون طظ

richardCatheart يقول...

بس يا يا كيمو اللى يقدر يقول طظ مايجيش تانى ويقول بلدى وفينو وكيزر

ماهو ياطظ على طول يا تخليك باقى عليها

واحد من الناس يقول...

السلام عليكم

إنفاعالك طبيعي

وإنك تلعن أم البلد دي بأى - للأسف - منتشر ، بس مش طبيعي

لكن في رأيي البلد ملهاشذنب إن شوية لصوص ماسكينها

وملهاش ذنب إنها مخطوفه ومغتصبه

يا أخي لو أمي أو أختي اتخطفت هاعمل المستحيل عشان أرجعها ، وممكن أموت لو ده هايخلصها من الللي هي فيه

هتقولي أمي وأختي دول ادوني اللي محدش يقدر يديهولي

معاك

جايز البلد ماديتناش كتير ، وفيه ناس مخدتش حاجه خالص

بس مش معنى كده أخونها وأبيعها بالفلوس

وبعدين هي هتدينا إزاي وهي أساسا من يوم ما اتولدنا مغتصبه ومش عارفه تخلص نفسها

البلد مش هي النظام ، والنظام مش هو البلد ولا يعبر عنها بصوره من الصور وبحال من الأحوال

وبحب مصر وبنتمي ليها كليا ، والحب والإنتماء والوطنيه عطاء فقط بدون مقابل

والعلاقه بين المواطن والموطن ، يجوز أن تكون "خد" بس مش "خد وهات" طالما ظروف البلد كده

ربنا يخلص مصر من اللي هي فيه


أعجبني انفعالك الصحي

وأعجبني البوست

خلاف الرأي لا يفسد للود قضيه

تحياتي لك :)

صيدلانيه طالعه نازله يقول...

انا فى تعليق فى الفيس بوك من شويه قلت كده
انهم بينقوا الاشخاص اللى ظروفها تعبانه عشان يبقى اختراقهم سهل و يقدروا يوصلوهم لحاله من الرفض و كره للمجتمع المحيط
ساعتها حيقدروا يخلوه ينفذ كل اللى هما عايزينه
ربنا يرحمنا و يستر ان شاء الله

sony2000 يقول...

عم ياااااا
شويه تفكير بس
هما عوذين يطلعوك منها
هتسبها؟
براحتك
بس خلاص

اتمني الشهادة يقول...

حسبنا الله ونعم الوكيل

بلدي وان جارت علي عزيزة واهلي وان ضنو علي كرام

إيمان هلال يقول...

تصبحونا على وطن

dodda يقول...

finak ba2aaaaaaaaaaaaaa????
fin