السبت، ٤ ديسمبر ٢٠١٠

لقد عاد صديقى


عاوزة منى ايه يا دنيا
انا خلاص مش بشر
انا ميت
ده قرارى
بدل ما هموت 100 مرة فى اليوم
لا انا خلاص ميت
على الاقل مش هلعنك
على الاقل هرتاح منك
على الاقل
هكون ليا حلم
هيكون ليا حياة جديدة
هكون عارف ان ليا مستقبل
ان كان جنة او نار
بس بصراحة ارحم منك
من ذحمتك
من قرفك
من خنقتك
من ناسك
من نفسى اللى كرهتها برضه
ازاى عاوزانى اعيش وانا مشلاقى حتة رغيف العيش
ازاى عاوزانى اعيش وانا مش لاقى نقطة ميا
ازاى عاوزانى اعيش وانزل الاقى الناس بيلعنوكى
ازاى فهمينى
....................
كرهتك زى ما كرهت نفسى
انتى مش ليا ولا انا ليكى
عشان كده
طظ فى الحياة
ومرحبا بحياة اخرى
وتانى حمدا بالسلامة يا صديقى
انتى وحشتنى كتير
ومشتاق لحياتك معايا
انت ليه " اكتئاب " وانا ليه بشر
مع ان علاقتنا واحده
بس احنا مش نفترق تانى ارجوك
بحس انى عبيط من غيرك
بحس بيا حد طظ فيه
حد متعجرف
حد بيحاول
حد بيعمل حاجات للحياة
ولكن قررت انى اقعد على الكرسى اللى انت صنعته بنفسك
عشان اموت عليه
:::::::::::::::::::::::::
كيمو

هناك ٥ تعليقات:

شمس النهار يقول...

بصراحه ياكيمو صديقك ده بئس الصديق

ياريت تفك الصداقه اللي بينكم

مش عارفه انت ليه دايما مكتئب
وانت لسه شباب والحياة قصادك
حاول تركز في شئ واحد وكرس حياتك له
ومجهودك وزكائك
شئ تكون بتحبه وشاطر فيه
وتوكل علي الله
وحاول تواظب علي الصلاة
بدعيلك ربنا يريح قلبك

أسمعنى شكراًً يقول...

لا أنت كدة يائس مش مكتأب
كيمو مايتأثرش بحد

روق وصلى على النبـى

sweet angel يقول...

اول مرور ليا
ليه الاكتئاب
اذكر ربنا واعرف انه موجود

قول كتير لاحول ولا قوة الا بالله
اكيد هترتاح وهتفرق معاك كتير

ربنا يرضى عنك ويزكي نفسك ويرزقك السعاده

بالنسبه للصديق ؟؟؟
صديق دي جايه من "صدق"

والاكتئاب ابعد ما يكون عن الكلمه دي

ربنا يكرمك

Maha Shahen يقول...

بلاش اكتئاب بلاش تكشر حاول بس تبتسم
بلاش تيأس بلاش تخاف حتى لو دموع عنيك علي الخدود بتترسم .. بس ابتسم

الصديق اللي يقوى اللي يحمى اللي يزرع الامل مش يحصده وعليك يسمى

WhItE HeArT يقول...

ياساتر ليييييييه كده بس ياابني

ده انا اكتئبت

:(