الجمعة، 21 مايو، 2010

زى القرد بتاع موبينيل


ما هو الفشل
اظن انى خبير فى الكلام عنه
ما هو الاحباط
اظن ان بروفسور فى احباط اى شىء
لكن هل العيب منى ولا من الناس
لكن هو المشكلة انى مقتنع بغير اقتناع البشر اظن ان البشر عاوزة الاشياء العادية
وانا بدور على الجديد

هو فشلى لانى منفعش ادارى او تحت ادارة شىء
اظن انى مش هتغير
وطظ فيكى يا حياة حتى لو اصبحت .........................................................
انا فاشل من يومى ايه الجديد
اظن انى بقيت فوريجى
للاسف دى الحقيقة
بقيت زى القرد بتاع موبينيل اخد الشهرة وخدتها منه الموزه

يا حراااااااااام

هناك 14 تعليقًا:

Foxology يقول...

ايه يا عم كيمو مالك بس ؟؟؟؟؟

شوف دى حالة عاااامة وشعور شعبى عارم عرمرم :)

متشغلش بالك وركز شوية هتلاقى جواك حاجة انت ناجح فيها جداااا دور بس وانت تلاقى

تحياتى

Haytham Alsayes يقول...

عاقولك حاجة
لو اقنعت دماغك ومخك انك فاشل فتأكد ان مخك عيترجم دة ويبرمجه علي اساس انك فاشل
ابعد عنك الافكاردي وربنا يكرمك بالنجاح في حياتك بس المهم العمل والتوكل علي ربنا

تحياتي ياكيمو

مي يقول...

يمكن نجاحك انت مش شايفه عشان ظروف وقتية مؤقتا او شعور با كتئاب لكن مش شرط يكون الناس مش شايفة نجاحك


خد راحة من التفكير شوية يا كيمو

فتاه من الصعيد يقول...

الاختلاف ليس فشلا ... ولكنه نوع مميز من النجاح

تحياتي

الزهرة البرية يقول...

حقيقى الحالة دى منتشرة بشكل كبير فى معظم جيلنا لدرجة إنى فى أغلب الأوقات حساها ظاهرة عادية بنخرج منها وبرجع لها تانى بس حقيقى بتمنى إنها تخلص بسرعة لأنها أخدت أكتر من حقها

دمت بكل الخير والسعادة

richardCatheart يقول...

ايه وجه الفشل وانك مختلف

انت مختلف علشان انت شايف الدنيا غير

انا معاك ان اللى زيك بيتأخرو شويه فى الدنيا
بس دا مش مهم ياعنى اللى سبقو عملو ايه

المهم انك تعمل اللى انت عايزه واللى انت شايفه واتاكد يا كيمو ان كل حاجه هاتتظبط فى وقتها
بلا موزه بلا سوزه دوام الحال محال
ومادايم الا وجه الله
روق كده وفكها

richardCatheart يقول...

على فكره انا فتحت بلوج ايون هى جات عليا يام اهو تغير بس ربك يستر بقى

ابقى تعالى غير عندنا يمكن تفك شويه
وهانجبلك هناك الاراجوز وكله بس روق

وادى العلوان اوعى تتوه

http://richardcatheart.blogspot.com/

Just waiting يقول...

انا دايما مؤمنة ان النجاح في الفشل دا في حد ذاته نجاح :)

(ست* جنى* الحسن) يقول...

سلامو عليكو..
كلامك كله احباط مش كل حاجة نقول الظروف ولاالناس هى السبب دور فى نفسك.
لك تحياتى

احاسيس آيوشه يقول...

ياربى عليك يامحمد يابنى بطل الاحباط دا شوية
اقولك حاجة انت بتتدى رسايل سلبية لنفسك تفضل تقول انا فاشل انا فاشل
انا محبط انا معرفش ايه
لغاية ما تقنع بانك كدا فعلا
مشكلتك نفس مشكلتى على فكرة نفضل نحبط فى نفسنا ومش بنحاول نتغير
حاول تتغير بجد وابدا
صديق قالى حل المشاكل كلها فى كلمة واحدة هى أبدا
عايز اى حاجة ابدا فيها على طول وبلاش تحبط نفسك هتعيش الحياة كلها بتجرب وبتتعلم وتفشل لغاية ما توصل للنجاح

أسمعنى شكراًً يقول...

محمد كمال

الشهير بــ(كيمو)

عدى وفات
لا تكتب عن الأكتأب
الأكتأب بة سـُم قاتل

وياريت تبتسم للحيااة
شكراًََ

الشـوكة الــنـاعـمـة يقول...

سمح لى الفشل اكيد ليه اسبابه
مش معقول وانت شغال وعمال تغير فى نفسك قام الفشل حالل عليك
احنا ليه بنرمى كل حاجه ع الظروف
احنا فى ايدينا لسه حاجات كتير
والفشل فى حد ذاته مش عيب
بس عارف امتى اما نتعلم منه ونتغير
ونقوى نفسنا
ودوام الحال محال ماحدش بيكون ناجع دايما وماحدش بيقشل على طول
اكيد نفسيتك مصوره لك الفشل واليأس
لكن خد نفس عميق واتحداها
تعرف فى دراسه بتقول اننا لما نفضل نردد بالسانا كلمه معينه
زى مثلا انا فاشل مع انك مش فاشل ولا حاجه بس المخ بيتقبلها ويترجمها وبيمشى عليها
عشان كده اللى بيعمل كده بيفضل محلك سر
غير الحال قول انا نا جح واسعى انك تبقى ناجح واكيد ربنا مش هايسيبك
تحياتى

engy يقول...

لا لا لازم تحاول تخرج من الجو ده
لو انت فاشل مكناش جينا نشوف انت اتحفتنا بايه المره دى ولا ايه
ده ياريت كل الفشلة زيك

engy يقول...
أزال المؤلف هذا التعليق.