السبت، 6 مارس، 2010

مات المهرج


دائماَ اكتب لنفسى
ولكن اليوم لى إعتراف
أظن انى اكملت المهمة
مات الاراجوز
مات المهرج
مات من يضحككم
مات من يسخر على السياسات
على القيود
نعم انه انا
نعم انا ........... لا شىء سوى ملقى على الارض لا انفع باى شىء
مل جمهورى منى لاننى يومياَ اضحكهم
مل لانى لا اقدم الاحزان التى بداخلى
اعذرونى فى حديثى فانا المهرج الذى اضحككم
ولكن اليوم اكتشفت انى افتقدت لذالك
افتقد لمعنى حر على تلك الارض
فانا ميت
افتقدت الى معنى انى حبيب
فانا ميت
افتقدت لمعنى انا
اظن انى بذلك داخل تابوت اسود يحيطنى اوراق شجر خريفية
والعواصف تملئنى داخل نظراتى الى دموعى
للاسف يا ليتنى كنت واقع
للاسف ساتركك ايها الفنجان الذى كنت دائما اوفى صديق
ارى بك تخيلاتى لا تبكى على فانا كنت
ولكن تذكرنى امام الناس بما احسست به بصراحة كما تعلمت منى
وفى النهاية مات المهرج
ــــــــــــــــــ
كيمو

هناك 23 تعليقًا:

7annen يقول...

وحد الله يا كيمو
مفيش حاجه بدوم

فتاه من الصعيد يقول...

لحظات من اليأس اتمنى الا تدوم ان شاء الله

تحياتي

هراء لا داعى له ..... يقول...

كله بيعدى

و بنرجع نبصله بعد ما نعديه بمسافة و نقول يااااه
بقى الجبل الكبير دا إللى كان قدامى كان مجرد مطب !!


ذلك العبقرى الذى إخترع ( كله بيطلع فى الغسيل )

أود أن أحييه

فتحيوه معى أيضا ....سبع صقفات لمخترع هذه الحكمة



كله بيطلع فى الغسيل

ياااه

قد إيه الكلمة دى معبرة


مفيش حاجة بتفضل معلمة

بس يمكن الفرق إن أحيانا من كتر الغسيل قماشة الروح بتهترء



و بعد فترة من الزمن الواحد بيفاجأ بنفسه عايش بروح ممزقة و بالية


بس برضه حتى القطع و التهتك ...لو مصلحوش غسيل بتعدله الخياطة

romansy يقول...

انت ياد يا فقر انت
مهرج ايه يا اخى
صحح يلا كده وارجع لينا تانى وبطل كابه
والله يا اخى ربنا اعلم بالواحد بس بيحاول يكون حاجه وانت بسم الله ماشاء الله كفايه اصدقاءك الجمال
يا بنى
انت بسم الله ماشاء الله محبوبمن طوب الارض
ههههههههههه
يا عم فكها بقى

Just waiting يقول...

ان الدنيا ماهي الا دار ابتلاء من المفترض فيها ان نحزن اكثر مانفرح
ومع معرفتنا بذلك الا اننا نموت في كل لحظه امام المصاعب
الحل هو ان تنظر لأحزانك وتبتسم ثم تدير لها ظهرك واعلم ان الحبل عندما يشد فإنه ينقطع

محاولة لكسر الصمت يقول...

أنا ايضا أحب أن أحيي ذلك العبقري الذي قال كله بيطلع في الغسيل..


بعد قراءتي لكلماتك اشعر أن حالتك لا تحتمل أن أحدثك عن النار التي تحت الرماد وعن الفجر الذي يلي أشد لحظات الليل حلكة, لكن ربما استطيع أن اقول لك بعد أن "كله بيطلع في الغسيل" أن آلامنا صار شيئا عاديا في حياتنا علينا ان نعتاد عليه كي لا نتعذب أكثر وأكثر...وأن الله بجانبنا دوما


تحياتي

ريمان يقول...

السلام عليكم
والله الدنيا كده معانا

مش انت بس

والله كل واحد فيه اللى مكفيه وكل بيت مقفول عليه بابه محدش عارف جواه مصايب واحزان قد ايه


روق روق

شاب كــ طخين ـــــا يقول...

جميل جدا وصفك
بس بتمنى انك تطلع من الحاله دى

أحمد .. لو مخانتنيش الذاكره يقول...

كيمو

أول مره أزورك يا جميل .. و تأثرت بكلامك أوي ..

بس مش عايزك تيأس يا جميل .. لو انا و انت يأسنا و كل الناس يأست .. مين اللي هيغير بس ؟؟؟؟

معلش .. هو الفجر دايما بيطلع بعد أحلك اللحظات ظلمه .. بس كل ليل و له آخر ..

إن مع العسر يسرا


أول مره ازورك يا كيمو و اعذرني لو جيت من غير دعوه ..لكن هاجي تني لو تسمحلي .. رخامه بقا

بجد اتشرفت بيك و نفسي نبقا اصدقاء و تشرفني في مدونتي المتواضعه .. بس من غير تريقه .. لسه مبتدئ تدوين

http://ahmedabdulmohsin.blogspot.com/2010/01/blog-post_25.html


نورني

norahaty يقول...

ليه بس كدهـ؟
العمر الطويل
فى طاعة الله
باذن الله.

عايش... ولكن !!!! يقول...

ايه ياعم كيمو
صلى ع النبى فى قلبك
كله بيعدى ياعم

صوت من مصر يقول...

7annen
شكرا يا حنين
لا اله الا الله

صوت من مصر يقول...

فتاه من الصعيد
اتمنى انا ايضا شكرا ليكى

صوت من مصر يقول...

هراء لا داعى له ....
انت شايف ان دى بقعه شيكولاته مثلا
انا ابلغك بكلمة لا
اشكرك

صوت من مصر يقول...

romansy
طب لو محبوب اين هى الموزه
قولى بقى

صوت من مصر يقول...

Just waiting
لو اتقطع فعلا فانا ميت بالفعل
اشكرك

صوت من مصر يقول...

محاولة لكسر الصمت
مش محتاج كلام ولا حتى كلمة كله بيطلع فى الغسيل
احيانا الغسلاة بتخرف وتوسخ الهدوم

صوت من مصر يقول...

ريمان
اروق
انسى
انا مصرى
نورتينى

صوت من مصر يقول...

شاب كــ طخين ـــــا
وانا اتمنى ايضا
وشكرا ليك بجد

صوت من مصر يقول...

أحمد .. لو مخانتنيش الذاكره
احمد مش عارف اقولك ايه
دى مندونتك
برحتك فيها

صوت من مصر يقول...

norahaty
العمر يجرى وليس بالطويل

صوت من مصر يقول...

عايش... ولكن !!!!
مفيش شىء بيعدى يا ريس
كله موجود

الغاردينيا يقول...

احببت الكلمات هنااااااا

فلا يوجد اسوأ من ان نصبح مهرجين

و في داخلنا ألم !

و الأسوا ان نموت و لازال بداخلنا

ذاك الألم !

أحتفظ بالأمل يا عفريت ^_*

و أضفتك عندي بالمدونات الصديقة

اعذب تحية ,,