الخميس، ١٩ مارس ٢٠٠٩

متقولش امين شرطه اسم الله ولا دبلوماسى


بينى وبين الناس افكار بينى وبين الناس متهات وللاسف كل متاهه جواها الف حفره مليانه شوك اى بمعنى محدش يفهمنى لكن لو فهموا هيقولوا ايه ياعم سيبك انا انسان مش عارف بفكر مش عارف عايش مش عارف اقرص نفسى واقول اى بتوجع اهو وهم وحلم عشته حلمته وشوفته يمكن احس انى بنى ادم من يومين كنت راكب ميكروباص كنت راجع من عند صحبى سمعت كلام حلو قوى من السواق الى قاعد جبنبى ( انا كنت قاعد جنب السواق كرسيين يعنى ) السواق : العربيات دى كل يوم تموتلها عيل ولا اتنين
الراجل : صمت ثم يقول ياسطى عادى
السواق : لسه امبارح عيليين بيجروا بالعربيات عشان يلحقوا زبون قتلوه 5 ستات كانو قاعدين قدام البلوك بتاع المساكن
الراجل : ومسكوا السواقين
السواق : لا ياعم العربيات راحت القسم بالليل وطلعت على الفجر
الراجل : لفظ ابيح يتقال وبعدها ازاى
السواق : العربيه تدفع 2000 جنيه وبعدها تطلع تترش لون تانى جديد
الراجل: ليه هى بتاعت مين
السواق: بتاعت الامناء كل امين معاه عربيه ولا اتنين ملهمش نمر ولا حتى دوسيه فى المرور والعربيه ب 15 الف يعنى تكون العربيه عملت قدهم مرتين لا السواق هيزعل ولا الامين
الراجل : طب بتوع الكارته ملمهمش دور
السواق : بتوع الكارته بيبقى واحد مسجل الحكومه معيناه رخامه كده وبرضه يجى الامنا يبلعوا منه المعلوم
الراجل : الله يكون فى عونك يا مصر
ارجو المعذره على القصه الفاشله بس دى مش قصه دى حقيقه
متقولش امين شرطه ولا دبلوماسى

هناك ٥٣ تعليقًا:

kmt يقول...

السلام عليكم ورحمة الله وبركاته

القصة مش فاشله ياكيمو
دي قصه ممكن تتكرر بأشكال مختلفه كل يوم وفي كل مشوار بالميكروباص بالذات ممكن تسمع حكايات كتير بين السواقين والمرور لاول وهله ممكن تضحك عليها لكن اول متخلص ضحك ممكن تموت من الحزن

وارجع واقولك

عمار يامصر !!!!!!!!!!!!

تحياتي
الى اللقاء

حاسوباتيه يقول...

لا حول الله يارب والناس الي بتموت دي عادي لاحول الله هيروحوا من ربنا فين يعني بكره تشوف وحسبي الله ونعم الوكيل

mahasen saber يقول...

امين الشرطه فى بلدنا فاقت قيمته وسطوته الدبلوماسى

حسبى الله ونعم الوكيل فى النفوس البشريه القاحله دى اليى تزهق روح وعادى الامور معاها كده

romansy يقول...

عارف يا محمد اذا كان اقل واحد بيعمل كده يبقى بقى الكبار بيعملوا ايه الله يكون فى العون يامحمد
ليك حق تشرب سجاير من حرقه الدم دى

wafaa يقول...

ده امين الشرطة اللى هو مجرد امين
واطلع بالسلم لحد ما توصل للاخر هتلقا ايه؟؟
لو وصلت وشوفت ونزلت عشان تقول تعالى احكيلنا يا كيمو

صوت من مصر يقول...

kemet
عمار يا مصر
للاسف فى حاجات كتير حلوه لكن الوحش مغطى عليها
اه مت من الحزن فعلا
شكرا

صوت من مصر يقول...

حاسوباتيه
احلى جمله تتقال عليهم حسبى الله ونعم الوكيل

صوت من مصر يقول...

mahasen saber
للاسف احنا مش باينين لا لامين شرطه ولا حتى عقيدولواء
شكرا

صوت من مصر يقول...

romansy
ليه حق منا بيتحرق دمى مليون مره فى اليوم تانى حاجه الكبار حراميه علنى لكن دول فى النص مستخبى

صوت من مصر يقول...

wafaa
لو وصلت هتعب ومش هقدر انزل تانى اقولك لو اتجمعنا عشان نطلع كلنا هنقدر ننزلهم هما ولا ايه

شمس النهار يقول...

تصدق انا ساعات بحس ان البلد هتولع حريقه كده في نفسها من كتر الوان الفساد الموجود فيها والمشكله ان الناس عارفه وماحدش عايز يصلح حاجه حتي نفسه
المهم
علي فكره يعني ايه كلمة وطن اللي بقول لك تعالي عندي المدونه وشوفها ده كان بوستين عملتهم بعد شوية مناقاشات مع شباب من سنك واكبر شويه

dina يقول...

ايه دا؟
لا و الصورة جامدة
اتارى سعاد حسنى كانت نهايتها مأساوية من امناء الشرطة اسم الله و الدبلوماسيين
و فعلا لك الله يا مصر

kmt يقول...

السلام عليكم ورحمة الله وبركاته

على فكرة
شكرا

دي

مش

مرياحاني


ها

:D

تحياتي
الى اللقاء

Gannah يقول...

يعنى يا محمد عادى جداا
جزء من منظومة الفساد
ده امين الشرطة شوف بقى اللواء ولا وزير الداخلية ولا ولا...
حسبى الله ونعم الوكيل فى اللى يستهين بحياة انسان ايا كان
مش القصة اللى فاشلة
دى ناس تانية خالص هى اللى فاشلة
تحياتى

صوت من مصر يقول...

شمس النهار
اولا دخلت البلوج ملقتش البوستين
ثانيا يا ستى ياريت تولع على الاقل هيبقى عندنا احساس بالمسؤليه والخوف على البلد

Foxology يقول...

دى قصة معروفة ومن زمااااان جدا على فكرة وفى مواقف بحالها تخضع لسيطرة وتحكم أمناء الشرطة !

عااااادى

تحياتى

صوت من مصر يقول...

dina
يا دودو عارف انا بسخنك على الحكومه
عارفه فى اغنيه بتقول اه
مشربتش من نيلها
لا الامناء شربوا
تسلميلى

صوت من مصر يقول...

kemet
لا انا نيتى سليمه معرفش نيتك ايه بقى عموما شكرا تانى تانى تانى
؟

صوت من مصر يقول...

Gannah
على ما اظن يا دكتوره انك تقصدى اننا الى فشلنا صح
دى الحقيقه
مليون شكرا

صوت من مصر يقول...

Foxology
والله موافقك على الكلام ومعاك اننا نخضع لسيطره الامناء اجمع
بس ممكن سؤال
هتوصل للقتل ؟
صعب

WhItE HeArT يقول...

هي دي بلدك

تحياتي

غير معرف يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

سجود يقول...

جزاكم الله خير علي المرور عندي وتعليقك بحريه جدا

سمراء يقول...

ممكن تقرا حقائق ثانية عندي الاخر يا رجالة

السمراء شعرت ان هناك فجوة او حفرة بينها وبين الواقع بعد ان تركت سياؤتها وارتادت المواصلات


سمراء

Unknown يقول...

عايز اكتر؟؟؟؟
يا كيمو الضباط والامناء وكل ما يتصل بسلك الشرطة فاكرين نفسهو آلهة

رحلتنا في الحياة يقول...

مش قصة فاشلة ده للاسف واقع ومش عارفين امتى هيتغير علان تقدر تعيش فى البلد دى لازم تكون لما معاك فلوس لما تكون فى ليك ضهر وسند فى الحكومة والاتنين لازم يكون قلبهم ميت

رحلتنا في الحياة يقول...

انا بكره امناء الشرطة دول اخر قلة ادب ومفيش ادنى احترام ده بيمشى يتحرش بالبنات فى الشارع ويعاكس البنات ولا كان ربناااااااااا يتوب عليا ياااااااااارب

HeBa يقول...

ده عادي

أي حد بتبقى في ايده سلطة بيستغلها أقصى وأسوأ استغلال

ويبقى عبيط باللغة الدارجة لو معرفش يظبط نفسه في أي مصلحة

لا حول ولا قوة إلا بالله

z!zOoOo يقول...

السلام عليكم

عمار يا مصر

والله يا تايه كلنا بقينا تايهين في البلد ديه

تحياتي

صوت من مصر يقول...

WhItE HeArT
مش لوحدى بلدنا كلنا
لو سكت مش هتبقى بلدى
شكرا

صوت من مصر يقول...

رابطه مدونون من اجل فلسطين
الحمله تزيد بكره وبكره

صوت من مصر يقول...

سجود عضو رابطه مدونون من اجل فلسطين
العفو بس ده رائ بجد مش خوف ولا جوايا وبخبى ياريت كله يبقى كده
شكرا لمرورك

صوت من مصر يقول...

سمراء
انا مفهمتش حاجه خالص
اجرب تانى يمكن افهم

صوت من مصر يقول...

enjy
عجبتنى فكره كلمه الهه بس للاسف انى عمرى ما كنت عبد غير لله سبحانه وتعالى وياريت كلنا نبقى كده يا نوجا

صوت من مصر يقول...

ايوشة
حيث كده انا ضهرى ممحى جدا

صوت من مصر يقول...

ايوشة
عندك حق فعلا شوفت بعينى حكايه التحرش دى وبعدين عادى يعنى كلنا بنكرههم

صوت من مصر يقول...

Heba
للاسف مش كل من يملك سلطه يبقى حرامى اقولك حاجه احلى من ده كله شوفى حكام امريكا الجنوبيه

صوت من مصر يقول...

z!zOoOo

عمرانه بالحكومه
نورتنى

Hanan Elshafey يقول...

متاخره انا عارفه بس بجد اعذرني
الكمبيوتر بيموووووووت
الموضوع كويس جدا ليه خليته قصه فاشله هي فاشله صحيح بس مش في تناولها
لا
في سكوتنا عليها
في اننا بنشوف كل ده ونقول هنعمل ايه
بلد بتاعت ظباااااااط صحيح
قصدي امناء
وياريت علي قد كده
تعالا شوف عندنا كان في سوق شعبي
شالوه
كل يوم يجوا الامناء والظباط والناس الجامده دي كلها
يدخلوا عند اي محل ويشيلوله كام حاجه كده حلوين كام كيلو لحمه علي كام قفص فاكهه ويقولوهم اشغال للطريق
والله بتبقي الحاجات جوه المحل
بس تقول ايه
واكتر والله
مفيش غير حسبي الله ونعم الوكيل

تحياتي

مهرة سالم يقول...

السلام عليكم...
إزيك يا كيمو يا حكومه...
طبعا فاتني كتير ...
أن شاء الله ألاقي فرصه وعوض...
...
بس حبيت أسلم..
وألف مبروك المدونه الجديده..
صور من مصر..
دمت بخير

حلو المرار يقول...

ده ايه الكلام الجامد ده
بصراحه انبهرت
هي قصه مش فاشله اوي يعني
بس ده اللي عايشين فيه
كبير وصغير بيسرق
جت علي الامين
مع انه المفروض اسمه امين
من الاماااااااااااااااااااانه
يلا سيبوا يشوف رزقه

مستنيه زيارتك

صوت من مصر يقول...

حنان الشافعي
يا حنه اقولك والله انتو عندكوا سوق بياخدو كام كيلو لحمه
لكن اقول ايه فى شرطه الكهرباء والله كنت شايفهم بيقسموا 6 الاف جنيه ايراد يوم واحد بس ؟
شكرا

صوت من مصر يقول...

نهــــــــــار
الله يسلم
ولا فاتك كتير ولا حاجه انا الكسلان
شكرا

صوت من مصر يقول...

حلو المرار
التعليق خادنى مووووت فى المود بتاع الامانه
عندك حق المفروض اسمه امين ؟

صوت من مصر يقول...

Beram ElMasry
ياعم بيرم متاخرتش ولا مزورتش

(green eyes) يقول...

الكلام دا عادي بيحصل كتير في مصر للأسف

(green eyes) يقول...

الكلام دا عادي بيحصل كتير في مصر للأسف

فشكووول يقول...

ازيك يا محمد
تحياتى
وكم ذا بمصر من المضحكات
ولكنه ضحك كالبكاء
كل حاجه بايظه وكل حاجه متفشكله
وحاميها حراميها
تحياتى

صوت من مصر يقول...

(green eyes) ...
للاسف فعلا بس احنا ليه منوضحش ده للناس اكتر

صوت من مصر يقول...

fashkool
للاسف الكلمه دى حقيقه حميها حراميها بس ليه احنا نسكت على على الحراميه
ياعمو نورت البلوج وبجد ده شرف كبير

فشكووول يقول...

اهلا ياكيمو .. ازيك
تحياتى
اهلا بيك فى التعليقات فى فشكول
ونورت المدونه كلها وارجوا ان تدوم الزيارات

صوت من مصر يقول...

fashkool
كما قولت لحضرتك
ده شرف لى بجد
تحياتى

DoNyA يقول...

لا حول ولا قوه اا بالله العلي العظيم

والاروح اللي بتموت دي
ملهاش اي ديه عند حد

يالله
حاجه تجيب ضغط