الخميس، ١٢ مارس ٢٠٠٩

ناولنى فرشه هرسم وطن

هاااااااااااااااااااااام جدا تم افتتاح بلوج صور من مصر لعرض صور من ارض الواقع المصري عموما الي يحب يشترك معايه ينورني جدا
ناولني فرشه هرسم وطن جالى احساس غريب جدا قبل ما بكتب البوست ده ان حال البلد هيتعدل يعنى هيحصل حاجه باذن الله من غير مقاطعه يعنى حسيت انى بحبها قوى جدا بجد مش كلام وسلام لكن ضاع منى احساس الكلام الى ضميرى كان بيقولوه ضميرى ( انت فاكر نفسك مين عشان تعدل الكون اوعى تكون صدقت نفسك اوعى فى اى يوم تقول انا بطل ) هو ده بقى كلام ضميرى قولت ادلع البلوج شويه قومت رخمت وحطيت صورتى ليكم عشان الى يدخل يحس انه لقى عفريت لابس بدله انسان طبعا فى ناس هتضايق نظرا للسيجاره بس والله منتج مصرى كليوباتره ( بوكس ام 3 جنيه والله ) بصراحه انا بحب السجاير ومش مضايق باذى نفسى وبس مش باذى حد تانى المهم مصر حاسس انها هتكون حره مش محتله نظرا للعيله المالكه وبجد نفسى الاقى شارع كده مكتوب عليه شارع الملك حسنى مبارك سابقا هفرح جدا لانه محتل البلد ولو فكرنا شويه هنلاقى انه سهل انه يتخلع ده حتى الرجاله الايام دى بقت بالجزمه ولا ايه عموما ربنا معانا انا فرحان لانى نجحت وجبت جيد جدا باركولى وهاتو حاجه ساقعه معاكوا انا بشرب كولا محدش يجيب برتقال او تفاح طب اسيبكم تتفرجوا على صورتى شويه وانام .................................................

هناك ٥١ تعليقًا:

romansy يقول...

اول تعليق


يا كيمو


ل


رومانسى

romansy يقول...

عجبنى العنوان قوى يا محمد
جميل اننا نرسم الشئ اللى نتمناه انه يكون وبعدها نحاول نحول الرسمه لحقيقه تلمس احساسنا ونحقق بها امانينا
الف الف مبروك يا محمد ويارب دايما تقق احلامك

Unknown يقول...

كيمووووووووووووووووووووووووو
بص مبروك على النجاح يا عم عقبالنا بقى
ثانيا الصورة تحففففففففففة والنعمة يا ابنى عجبتنى جدا اوى خالص يعنى
بلاش كليوباترا وحشة اوى الصراحة ومش لازم يبقى النتج مصرى فى السجاير ياعم مشيها روزمان ظريفة ومش مخنقة زى كليوباترا
اما بالنسبة للاحتلال فمساء الخييييييييييييييييييييييييييير هى السيجارة دى نضيفة وللا محشية؟؟؟؟؟

DoNyA يقول...

اولا مبروك علي النجاح
واتمنالك دوام النجاح والتفوق

واتمني ان ترسسم الوطن الذي ترغب فيه
ليصبح في النهايه
رسمه خاليه من العيوب
وكل امنياتي لان تتحقق هذه الرسممه
ويتجسد هذا الحلم

دعاء العطار يقول...

الف مبروووووووووووووووووووك يامحمد

وعلى فكره الصوره جاااااااامده

وكمان الاستايل الجديد حلو

ويارب تطلع الصوره اللى هترسمها زى مابتتمنى

شمس النهار يقول...

الف الف مبروك يامحمد
وعقبال الدكتوراه
وربنا يتوب عليك من محبوبتك السجاير
وكلنا نفسنا نرسم للوطن صوره تليق بيه
ادعوك عندي في المدونه تقرا يعني ايه كلمة وطن

dodda يقول...

ميروك ع النجاح

وربنا يتوب عليك من السجاير
الى مش بتأذيك لوحدك خالص واللى هى حراااام

والبيبسى مقاطعه بقى

يووووه احسن انك نمت

صوت من مصر يقول...

romansy
رومانسي اول و تاني تعليق
الله يبارك فيك
وفعلا العنوان متاخد من اغنيه لفريق بلاك تيما
وفعلا هو حلم جميل جدا

صوت من مصر يقول...

enjy
يا انجي لو محشيه كانزماني من الحاسيه ولا ايه بس الروزمان غاليه صح
يارب تنجحي

صوت من مصر يقول...

DoNyA
يا دنيا الحلم كلنا بنحلمه سواااااااا
وعموما الله يبارك فيكي دايما

wafaa يقول...

يا ابو كف رقيق وصغير وعيون فنان محتار
هات ريشتك هات الوانك وارسم ع الارض مكانك

صوت من مصر يقول...

dodoo
يادودو مليون ميرسي ليكي
الصوره حلوه يااااااااااه بكره اعمل لحضرتك احلي صوره للبلوج بتاعك
الله يبارك فيكي ويارب الي نتمناه يتحقق

صوت من مصر يقول...

شمس النهار
يا استاذه دكتوراه ايه مش لما اخلص الاول
تاني حاجه انا فعلا من عاشقي السجائر بس ارجع واقول عادي
طبعا البلوج عندك يعني ما هو الوطن بطريقه الكلام

صوت من مصر يقول...

dodda
طب اعمل ايه انا بقيت مدمن للاسف حاسس اني بهرش في دراعي لومشربتش بيبس
بس الايامدي بغير بقيت اشرب سبورت ولا منتج مصري تابع لشركه شويبس
عموما شكرا

صوت من مصر يقول...

wafaa
علي اساس اني اسمي بكار صح
عموما انا مش فارس ولا فتي احلام
انا زحمه وربكه وشغل جنان

حاسوباتيه يقول...

مبروووووووووك الف الف مبرووووووووك على النتيجه ويارب دايما كده وبعدين انت الي مفروض تعزمنا على حاجه ساقعه مش احنا هههههههه وبالنسبه للصوره حلوه بس انت قولت العيب الي فيها بالنسبه للملك حسني مبارك اتمنى ان قريبا يكون الملك الراحل هههههههه شكلي هروح امن الدوله بسببك

فوبيا - سايكولاند يقول...

بص يا كيمو انا قريت كتاب احمد العايدى ان تكون عباس العبد وقال فيه حاجه لذيذه اوى
ليه الدخان سموه كليوبترا والبيره سموها سقاره هو ما جاوبش بس انت ملاحظ ان كل الموبقات بقت باسماء فرعونيه اصيله بطل سجاير يا باشا وخليك زى كده بشرب شيشه

فوبيا - سايكولاند يقول...

بص يا كيمو انا قريت كتاب احمد العايدى ان تكون عباس العبد وقال فيه حاجه لذيذه اوى
ليه الدخان سموه كليوبترا والبيره سموها سقاره هو ما جاوبش بس انت ملاحظ ان كل الموبقات بقت باسماء فرعونيه اصيله بطل سجاير يا باشا وخليك زى كده بشرب شيشه

صوت من مصر يقول...

حاسوباتيه
الله يبارك فيكى
بالنسبه للعيب موجود فعلا بس موافق علي حالي
ياستي انا هكتب علي البلوج البوكس واقفلك بره
هههههههههههههههه
شكرا

صوت من مصر يقول...

phobia
ياعم موافقك بس هشيش ازاى وانا في البيت وامي وكده
بس تصدق صح
طب هما ليه سموا المعسل قص او سلوم او زغلول
نورتي بجد
شكرا

marmar يقول...

اولا مبروك على نجاحك مع اني اشك واقطع دراعي ان ما كنتش مقبول
"وش بيطلع لسانه"
اخيرا بقى ياريت كلنا نعرف نرسم وطنا بس بما انك حاطط صورة حبيبي عبدالناصر يبقى انت كده مليار في الميه صح

صفــــاء يقول...

الف مبروك على معرض الصور
ومبروك الكبيرة بقى على رحيل الاكتئاب
وحلول امل جديد فى القدرة على التغيير
تحياتى لك
.

Foxology يقول...

الأسم جميل جداااااا

هانت وقربت يا مسهل

تحياتى

صوت من مصر يقول...

marmar
مرمر
اقولك معلومه بجد الحمد لله
والله مش هبطل احب ناصر
ناصر ناصر ناصر
تحياتي لمحبي ناصر اجمع

صوت من مصر يقول...

صفـــــاء
يا صفاء والله الاكتئاب موجود بس بحاول ابعد عنه لانه كله بقي عادي
وشكرا للتحيه بتاعت معرض الصور

صوت من مصر يقول...

Foxology
والله هانت ايوه هانت في الكت كات هتكون اول ملامح المقاومه
شكرا

Hanan Elshafey يقول...

الف
الف
الف
الف
الف
مليووووووووووووووووون مبروك
عقبال كل امانيك تتحقق يارب
وربنا يتوب عليك من السجاير ويشفيك منها يارب
واحلي حلم
انك ترسم امانيك
احلي امنيه
انك تتمني وطن

بذرة امل يقول...

أولاً: مبروك على النجاح
ثانيا : بما أنى من محاربى السجاير
فما اقدرش اشوف الصورة واسكت
واضح جدا إنك انسان طموح ومتفاءل وبتحب بلدك ودى صفات نادرة مش فى اى شاب
بس موضوع السجاير ده ما بقاش فيها نقاش
حرام حرام
وطبعا انت عارف الإسلام لا يدعو إلى المجاهرة بالذنب .
هندعيلك ربنا يتوب عليك منها
وأنا واثقة إن شاء الله انك فعلا نفسك تبعد عنها حتى لو بتحبها زى ما بتقول
لإن أكيد انك بتحب ربنا والرسول اكثر منها

Mona Shereif يقول...

الف مليون مبروك النجااااح
ياسلام يا ولاد ارجع كده على اخبار جميله وشكل جديد

the others يقول...

ناولني فرشة هرسم وطن

معلش بما اني سهرانه وخلاص قربت أهنج

وانت حاطط صورتك وانت بتشرب سجاير

فقريتها - فرشة - بفتح الفاء

وصلتك ؟؟؟

بلاش السجاير انت بتضرك نفسك و كمان بتضرنا معاك
بتلوث الهواء الي احنا بنتنفسه
ثانيا بتضر صحتك اللي مفروض تستغلها في خدمة وطنك ودينك صح ؟؟
فاحنا كده خسرنا شاب زي الورد

ده غير بقى لو امتد بيك العمر وانت مش مبطل ..لستة أمراض لا حصر لها
so you must think again >>>smoking is silent killer

صوت من مصر يقول...

حنان الشافعي
الله يبارك فيكى يا حنان والحلم هنحلموا كلنا

صوت من مصر يقول...

بذرة امل
طبعا بحب ربنا وبحب الرسول بس انا من حقى انى اشرب سجاير ولا ايه ملهاش قرار تانى تانى
وشكرا

صوت من مصر يقول...

Sometimes
من الاخر مفيهاش كلمه تانى غير حمد لله على السلامه
الله يبارك فيكى

صوت من مصر يقول...

the others
هى موصلتش بس الاعمار بيد الله ولا ايه
وانا بحب لسجاير احس من انى ادارى العيب

أختكم فى الله يقول...

الف الف الف الف مبروووووووووك

ربنا ينجحك دايما ويحققلك كل احلامك

رحلتنا في الحياة يقول...

مبروك على النجاح وعلى المدونة الجديدة وعقبااااااااااال ما تبطل السجاير :(

رحلتنا في الحياة يقول...

انت بتعمل صور للبلوجر اوك اوك ان شاء الله هستغلك بس لما اكتب بتين حلوين كده عن المدونة :)

رحلتنا في الحياة يقول...

حلو اوى الجملة دى بس مش عارفة الاغنية دى بصراحة تعرف اغنية حنان ماضى شدى الضفاير ياما ياما شدى الضفاير عصبينى انا بمووووووت فى الاغنية دى وبتعبر وشوية عنى

صوت من مصر يقول...

أختكم فى الله
الله يباركلى فيكى يا رب
والاحلى الدعوه

صوت من مصر يقول...

ايوشة
بالنسبه لل 3 اولا الله يبارك فيكى
ثانيا
الاستغلال تم
وفى الاخير
الاغنيه حلوه فعلا لفريق بلاك تيما
شكرا ايوشه

ريمان يقول...

هههههههههههه


لالالالالالالالالالالالالالالالا


مكنش المفروض توقل نولنى فرشه

كان المفروض تقول ناولنى الولااااااااعه

هههههههههههههه


ربنا يتوب عليك من السجاير يا رب


عشان بس صحتك حاول تبطلها

عارف انا كنت برضه زمان برسم وطن كنت برسن سما فيها الشمس بتضحك ومن غير غيوم وناس ماشيه تضحك فرحانه بتسلم على بعضها وشجره وخضره وحاجات كده

الوقتى بطلت ارسم خلاص

kmt يقول...

السلام عليكم ورحمة الله وبركاته

كيمو
الف مبروك
ربنا يبارك لك

على فكرة مش مصدقه اني بقرأ البوست ده عندك

:)

تحياتي
الى اللقاء

صوت من مصر يقول...

ريمان
هقولك ايه غير اننا لازم نحلم ونرسم حلمنا على ورقه شجر من الى انتى رسمتيه وشمسه طالعه بتنده قوم ومتسكتش
شكرا معكيش محميتين زياده ؟
الولاعه فاضيه استنجدت بالشيشه

صوت من مصر يقول...

kemet
على اساس انى كئيب صح عارف والله
بس هعمل ايه قولت افكنى شويه كده واعمل اى حاجه جديده ملقتش جديد فى حياتى معملتوش غير انى مفرحتش
الله يبارك فيكى
شكرا

غير معرف يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

غروب يقول...

مبروك النجاح

عقبااااالي يارب

بس فعلا السجاره مستفزه اعتقد لو ان الصوره من غيرها كانت هتبقي اشيك

رحــــيـل يقول...

مبرووووووووووك ع النجاح بجد جميل جدا الاحساس بالنجاح احلى حاجه

ربنا يوفقك دايما عقبال لما تحلص خالص
حاول تبطل سجاير ههههههه صحتك يابنى

صوت من مصر يقول...

رابطه مدونون من اجل فلسطين .
شكرا شكرا

صوت من مصر يقول...

غروب
شكرا وعقبالك بجد
بس انا حاسس ان السجاره ولعت فى البلوج

صوت من مصر يقول...

رحــــيـل
للاسف والله بتضحكى عشان السجاير صح ماشى
ارب اخلص على رايك
شكرا

غير معرف يقول...

يا مؤمنين بالسلام الحق لا بالـــدم
غصن الزتون مدبوح جنب الرديع والام
اوم يا ضمـيـــــر الـــبشر اوووم
اصـــــرخ وســـوور على التتـــار
عدلـــك ميـــــزانـــة انكســــر
والكــــــــون كفيــــف واصــــم
البـــوم فى جنــــح الظـــــــلام
لابس قناع الحمام,مستنى يسمع همــس
وياعينـى علــــــى العصفــــــور
اللــــــى اتولــــــد فى النـور
تايه فى ليل مسعور ولا حد بيه اهتم
مانعينــــو مـــــن الاحـــــــلام
مانعيــــــن جراحــــــو تلــــم
طيـــر النخيـــــل لو قـــــــام
بيقـوم يوميــــــن وينــــــــام
قــــــوم يـا ضميـــــر البشـــر
اصرخ وســــوور علــى التتـــــار