الاثنين، ٩ مارس ٢٠٠٩

من زمان مووووووووووووووت


تحديث
للاسف يا جماعه والله البلوج معمول فى اكتوبر بس قولت افتكر ايام زمان ( شكرا ليكم جميعا )

من كام سنه كده ابتديت ادون يعنى من يوم ما جيت الدنيا غلط اسف لانى بكدب المهم من حوالى سنتين امبارح كنت بنخرب فى التعليقات والمواضيع القديمه بجد ولقيت حاجات كتير يعنى لقيت ناس اختفت معرفش راحوا فين زى اوشن ايز البلوج ده اتقفل بجد زعلت جدا جدا عليه ولقيت ناس مش عارف افتكر منهم مين ولا مين المهم افتكرت موضوع اسمه بلوتوث الموضوع ده تحفه جداااااااااااااااااااااااااا فكرنى ببنت اتعرفت عليها عن طريق البلوتوث وافتكرت موضوع تانى اسمه دبوس وواكل قطن فعلا كنت واكل دبوس وروحت المستشفى وساعتها الدكتور قالى كل قطن وعيش فينو مع انى مش بحب الفينو وافتكر حاجات تانيه كتير منها انى بعترض على الحكومه فى اى حاجه كل مواضيعى بكون فيها ضد الحكومه مع انهم مش غلابه خالص مالص والله ناس مفتريه
وافتكرت موضوع لما ضربت فيه ظابط او معرفش كان حاجه مهمه المهم كنت قاعد فى البيت وخايف موت بصراحه وافتكرت لما جت عينى فى عينوه سنينينى معاه ؟
لا ده انا كده بخرف صح
والاهم والله اكتشفت ان البلوجريه كلهم اخواتى وكلهم ناس زى الفل و100 مسا بقى يا معلمين

هناك ٢٩ تعليقًا:

دعاء العطار يقول...

انت اصلا مسجل خطر يامحمد

تعيش وتفتكر يافندم

صوت من مصر يقول...

dodoo
مسجل خطر على اساس انى ادهم الشرقاوى صح
شكرا يا دودو

حاسوباتيه يقول...

كل سنه وانت والبلوج طيبين وواضح ان لك مغامرات كتير اهو هههههههههه كل سنه وانت طيب كمان بمناسبه المولد

Hanan Elshafey يقول...

كل سنه وانت طيب ومدونتك صوتك

تحياتي

Foxology يقول...

تعيش وتفتكر :))

تحياتى :)

صوت من مصر يقول...

حاسوباتيه
والله البلوج مفتوح فى شهر 11 بس حبيت افتكر ايام زمان
شكرا حاسوباتيه

صوت من مصر يقول...

حنان الشافعي
شكرا يا حنان ماهو قلمى هو صوتى

صوت من مصر يقول...

Foxology
ياعم الذكريات جميله ولا ايه ..

رحــــيـل يقول...

هههههه

انا كتير قوى بقلب فى تدوينات قديمه عندى والتعليقات والناس اللى من زمان

واللى اختفوا

بس بجد الناس الى هنا كلهم زى الفل فعلا

يارب تكون خرجت من حالة البوست اللى فات وتكون بقيت احسن

وردشان smilyrose يقول...

كل سنة وانت طيب يا محمد

عارف فكرتنى بنفسى لما بهيس


هههههههههههههههههههه


وبعدين طلعت مسجل خطر كمان


مش بعيد تبقى زمل وليك ملف

ههههههههههههههه


دايما ذكريات حلوة واجمل مع التهيس

ايه دا شكلى هيست فعلا

معلش بقى

smilyrose

وردشان

روح الحب الصادق

EMMY BABY يقول...

يارب دايما تعيش وتفتكر

فعلا المدونات دى بتخلى جوانا روح حلوة اوى

وبجد بفرح اوى بحبنا لبعض

ربنا يوفقك

تحياتى

ايمى

سجود يقول...

هههههههههههههه
كويس التذكرات ديه
بس في شجاعه زايده لموضوع الظابط صح بس الصراحه مش حرام عليك هو خد جزاؤه
شكرا صوت من مصر
قل يا قلم

شمس النهار يقول...

هي مش الامتحانات خلصت
يبقا انت مهيس ليه بقا

wafaa يقول...

مانجيلكش فى حاجة وحشة

صوت من مصر يقول...

رحــــيـل
فعلا هو ده احساسى تمام الفه وموده مع ناس ممكن الاغلبيه منهم معرفش شكلهم وغير كده مشفتش حد منهم طبيعي ابدا فتخيلى

صوت من مصر يقول...

smilyrose
للاسف وانا بكتب البوست مكنتش مهيس وكنت فايق بس وانا بكتب التعليق ده حاسس انى مهيس موووووووووز
صباح الفل

صوت من مصر يقول...

EMMY BABY
شكرا ايمى بس الاحساس ده مش انا وانت بس لا كلنا صدقينى بجد
شكرا

صوت من مصر يقول...

سجود
للاسف مش هقولك شجاعه على قد ما هقول عدم فقد الانسانيه
شكرا

صوت من مصر يقول...

شمس النهار
اقولك ان الامتحانات خلصت من زمــــــــــــــــــــــــــــان
بس انا مهيس لانى مودى كده
نورتينى جدا

صوت من مصر يقول...

wafaa
انا لله وانا له راجعون
ملقتش رد اكتر من ده اكتبه يا وفاء

ريمان يقول...

السلام عليكم


هههههههههههههههه

كل سنه وانت ومدونتك طيبين وبخير دايما يا رب

وعقبال يا رب 100 سنه كمان

بس انت شكلك كده مسجل خطر على طول

ههههههههههههه

تضرب ظابط؟


هههههههههههه

لاء بجد ميه ميه

Gannah يقول...

هو انت بتحتفل بالمدونة قبل معادها
احلى حاجة اننا بنفتكر الناس اللى حذفوا مدوناتهم
اكيد كان لهم تأثير
هعمل زى كل الناس واقولك تعيش وتفتكر
بس هضيف
وتدون
تحياتى

أختكم فى الله يقول...

عارف انا مدونتى عيد ميلادها الاول باردو الشهر ده

يللا كل سنة وكلنا طيبين

mahasen saber يقول...

طبنخليها ميه صبح يابلوجرييه

بئه ضربت الراجل وافتكرتلما جت عينك فى عينه هههههههههههههه ضحكتنى على الصبح

تعيش وتفتكر

ويعيش صوت بلوجك مدوى يا صوت مصر

صوت من مصر يقول...

ريمان
اه مسجل خطر يا ريمان بس طول ما انا على حق ابقى ايه
( الزبون دائما على حق )
شكرا
ميه ميه

صوت من مصر يقول...

Gannah
دكتوره طبعا لازم احتفل بيها ولا ايه تعبت معايه رغى رغى وبتستحمل لانها من جوايا
تسلمى جدا

صوت من مصر يقول...

أختكم فى الله
طب اى شهر فى الاتنين شهرمارس ولا اكتوبر
عموما شكرا وكل سنه وانتى طيبه

صوت من مصر يقول...

mahasen saber
تصدقى مش هقولك الراجل ده من اكتر الناس الى مخوفانى معرفش ليه بس لانى افتريت عليه بس انا مغلطتش هو الى غلط فى امى اسكتله لا طبعا امى علمتنى كده زى ما امها علمتها كده ؟
الله يرحمك يا ابويا ضرب وكيل وزاره
شكرا

DoNyA يقول...

جميل اننا نقتبس لحظات الذكريات من حياتنا
لنتذكر ما فاتنا
فهذه بالتأكيد دفعه للامام