الخميس، ٢٦ فبراير ٢٠٠٩

الفرق ايه


فاكر ايام زمان كنت بتقف قدام الشبك تبص عليه وتقول كلمه امتى هطول واقف فى الشباك وتقعد تشب والسنين بتمشى لحد ما كبرت انت لا طولت ولا الشباك قصر وبالعكس هيفضل مقفول ليه مش عارف جربت اكون انسان محب للحياه فشلت جربت اكون شرير مش عارف
حاسس انى غريب بصراحه حاسس انى ممكن اطلع كائن فضائى ( بس بحب مصر ) المهم نكمل فاكر زمان مازينجر واخته افريديت الى انا كنت فاكرها البت بتاعته مش اخته هل حلمت انك تقابل مازينجر عشان يحرر فلسطين من اليهود
ده كان حلمى بجد
عداوه ليس لها منطق سوى اننا اتولدنا فطريا كارهين اسرائيل
وفجاءه يمر الزمن بينا وتلاقى فضليح كتير مكنتش تتخيلها من بيع غاز لكهربا لذل وقهر وفقر وايضا تلاقى البلد بتتحول للاسؤ فى ظل ظروف جميع الدول بتتقدم هل هنفضل متخلفين بفضل سياسه دكتور برايز
المهم ياريت نعمل مقارنه بين جيلنا الى هو اسؤ جيل فى تاريخ البشريه والاجيال الجايه

هناك ٤٥ تعليقًا:

شمس النهار يقول...

ماتجرب تبقا نفسك سيب نفسك علي سجيتها
هتلاقي نفسك بتعمل لاحاجات انت مقتنع بيها تماما مع قليل من التوجيه لنفسك الامور هتمشي
كره اسرائيل ده فطري فعلا من كتر ما بتطلع في الدنيا بتفتح عينك علي بلاويهم اللي مابتخلصش
بس جيلكم مش اسواء جيل اطلاقا انتم عندكم من الامكانيات الكثير بس للأسف ما حدش من الكبار بيوجهكم عشان تعرفوا تمشوا لوحدكم هي دي المشكله
بدليل ان اللي بيلاقي فيكم التوجيه الصح والقدوه السليمه بيكون اكتر من ممتاز

dodda يقول...

!!!
تفكر؟؟
اسوء جيل...
طب دى بشرة خير
يعنى اللى جاى حيبقى احسن ؟؟؟
والله دى تبقى حاجه حلوه
يعنى فى امل؟؟؟

حسام غانم يقول...

همممممم

لا جيلنا مش أسوأ جيل

الجيل اللي قبلينا أسوأ كثيرا

dina يقول...

انا زيك..جربت اعمل حاجات كتير...و جربت احب الدنيا و جرب ابقى شريرة بردو..جربت اغير مصر...و جربت اكرهها و ابقى زى اغلب الناس...و اللى اتعملته من التجربة بقى ان اريح حاجة قبول الاوضاع زى ما هى....اقبل الواقع و اقبل نفسى و اقبل كل امر واقع وانا باصة على بكرا..و راضية بدلوقتى مهما كان صعب و وحش و متعلمة من امبارح

صوت من مصر يقول...

شمس النهار
للاسف جربت بس والله هى جت كده فعلا احنا اسؤ جيل هتعرفه البشريه
شكرا

صوت من مصر يقول...

dodda
فى امل بس مش فى الجيل بتاعنا
بس ياريت جيلنا يفتكر ان الجيل الى جاى يقولوه على بلاوينا
شكرا

صوت من مصر يقول...

حسام غانم
للاسف يا حس كانت ايام حرب وخلافه بس كانت جميله ورخيصه ولاايه
شكرا

صوت من مصر يقول...

dina
كويس انك متعلمه من امبارح يا دوده بس للاسف انا امبارح معايا زى بكره زى النهارده
شكرا

Unknown يقول...

جيلنا مش اسوأ جيل بالعكس.........احنا كويسين اوى والله وبنفهم كمان مينفعش نعمل مقارنة...عيش واعمل اللى عليك وخلاص سيبها لله

kmt يقول...

السلام عليكم ورحمة الله وبركاته

:)

كيمو الاطلاق في الحكم على الاشياء مش صح
احنا مش اسوأ جيل
احنا من ده وده
الحلو فينا والوجش كون اللي ظاهر الاسوأ فده مش معناه اننا جيل سيء

وبعدين مافيش حاجه بتدوم
الحزن بيعدي والفرح بيعدي

كفايه كده خليني ساكته احسن وخليني اعدي في هدوووووووء

D:
تحياتي
الى اللقاء

دعاء العطار يقول...

ممكن يامحمد فعلا احنا تكون ظروفنا صعبه جدااااااا

بس الله اعلم هيكون فيه اصعب من كده

ولا احنا فعلا اسوا جيل ؟؟

المهم ان مفيش اسوا من كده قبلنا

سلااااموووووز

صوت من مصر يقول...

enjy
لو قررت انى اعيش وخلاص ابقى ميت مش عايش لانى هبقى ملغى التفكير فى حالى

صوت من مصر يقول...

kemet
للاسف انتى بتيجى هنا بحس انك مغلوله وهتفشك غلك هنا عندنا فى البلوج بس للاسف فعلا احنا جيل زفت

Hanan Elshafey يقول...

يا محمد
تكون مين مش هتفرق كتير
غير بس معاك
اعمل اي حاجه مش مهم ايه هيا
بس المهم انها تكون ترضي ربنا
وفكر ديما انت نفسك مش هيرضيك غير اللي جواك وبس خرجه بس حاول ديما ربنا يكون راضي عنه

التمسلي العذر لغيبتي غير المتعمده
قرأت كل ما فاتني
كان ليك اتجاه معين كنت بعدت عنه او بمعني اصح عدلته
رجعتله تاني
التعديل احسن

علي فكره
الشرير عمره ما بيشوف نفسه شرير


الهمك الله الخير وسدد خطاك

صوت من مصر يقول...

dodoo
للاسف بصى انتى كلامك صح بس انا مش حزين ولا كلامى حزين ماشى

romansy يقول...

عارف يا محمد دا كان حلمى طالما مش عارفين نحرر فلسطين نشوف ما ذنجر
بس صدقنى الجيل اللى جاى احسن بكتير
زى ما احنا احسن من اللى فات
هى دى الدنيا يا محمد

صوت من مصر يقول...

حنان الشافعي
الاهم والمهم انك رجعتى ومفيش داعى للاعتذار وثانيا تعليقك فعلا دخل دماغى بس مش لاقى تعليق ليه ؟

صوت من مصر يقول...

romansy
بس للاسف احنا اسؤ من الف جيل فات ودلوقتى نقول ونعيد احنا فعلا جيل موكوس

Kiara يقول...

لا جيلنا مش اسوا جيل

kmt يقول...

السلام عليكم ورحمة الله وبركاته

انا هاخد كومنتك على الطريقين

الاول انه هزار :)

التاني انه بجد
ونتكلم جد
انا مش مغلولة على فكرة ويمكن لو الكلمة دي طلعت من حد غيرك انا كنت قاطعته نهائيا لان معني الغل مش قاموسي اطلاقا
لكن انا هاخدها بمعني الغضب
ومين فينا مش غضبان
هو انت مش عامل البلوج ده علشان تطلع غضبك فيه
لو كانت كلماتي عندك بتضايقك بجد





لا مش هامشي
بس هاعلق على هواك لو كان ده هواك يعني
واقولك معاك حق دي حكومه كذا وانحنا كذا وعادي جدا
بس دا مش انا



هافضل اجي واعلق واطلع غضبي عندك وان عاجب سيادتكم
:D


تحياتي ليك ياكيمو
الى اللقاء

mahasen saber يقول...

وبعد ده كله تقلى انك اتعقدت
من الجواز لما دخلت البلوج عندى

اسمحلى ااقولك
يا ظالمنى

هــــــــــــايدي يقول...

واحنا صغيرين كنا بنحلم بحجات كتير
بس لما بتكبر بتلاقى كل احلامك بقت كوابيس واكتر
على فكره جيلنا مش اسوء جيل لان اللى جى اسو بكتير
ومش هتلاق مزينجر جى كام شويه لا احنا لازم نكون كلنا ما زينجر علشان قبل ما نحرر فلسطين نحرر نفسنا

Unknown يقول...

عملنا المقارنة
وهنعمل غيرها
وفى الاخر
مفيش غير قول واحد
ياما مصر تصحى من اللى هيا فيه
يأما احنا نصحى بنفسينا
البوست جميل تسلم ايديك
والمدونة اكثر من رائعة
تقبل مرورى
إسلاام ديو

صوت من مصر يقول...

كيــــــــــــارا
للاسف يا كيار جيلنا ازبل جيل بجد لاننا فى عهد رائع وجيد من الامنياغت اتمنى واعكس حلمك

صوت من مصر يقول...

kemet
طبعا الرد وصل عندك بس بصراحه تعالى البلوج غى وقت وعلقى برحتك

صوت من مصر يقول...

mahasen saber
لا انا مش ظالمك
ومتععفتدش من الجواز عشان البلوج عندك
لا ده عشان مفيش مفيش مفيش

صوت من مصر يقول...

هــــــــــــايدي
اقول ايه تعليق جامد بصراحه فيه كل الى بنتمناه

صوت من مصر يقول...

اصحى يا مصر
ياعم اسلام
بص يا كبير لا مصر هتصحى ولا احنا كمان عارف لما يكون الجو برد وانت متغطى تحب تقوم طبعا لا ده حال الشعب كله خايف يقوم من البرد
كلامك عن البلوج شرف كبير ..

صفــــاء يقول...

.
لا استنى
أفرودايت مش اخت مازنجر
مين اللى قال كدة
لا معلش دى كانت البت بتاعته ايوة
ولو مش مصدق فالمسلسل بينعاد على دريم حتى شوف بنفسك وانت تصدق
.

ريمان يقول...

عارف


انا برضه زيك

انا حاولت اغير حياتى بشتى الطرق

وبجد جربت طرق كتير اعيش بيها حياتى

ولا طريقه رضيت بيها

وفى يوم اما لاقيت طريقه اعيش بيها حياتى واقتنعت بيها معجبتش الناس للاسف

اقولك على حاجه

سيب نفسك على راحتها

وبلاش تبقى شرير دى

عارف

انا ساعات كتير اوى بتظاهر بالقسوه قدام الناس

لكن بتكشف طبعا

ساعات بحس انى اما ابقى قاسيه هبقى قويه ومفيش حاجه ممكن تهزمنى

مبدأ برضه مش تمام اوى ومش عارفه ايه مدى صحته

انمت بقه بالنسبه للجيل ده

هو ممكن يبقى اسوا جيل فعلا

يا ترى الجاى احسن ولا اسوأ واسوأ؟


الله عليم

رحلتنا في الحياة يقول...

ليه ليه احنا اسوء جيل للاسف احنا اللى بنتصور كده
لو فكرنا صح احنا جيل متوفر ليه كل امكانيات علشان يبدع وينهض ببلده بعيدا عن الحكومات وغيرها ان بس السبب الاساسى فى الجيل انه فاقد الامل والياس مليه لو تفائل شوية هيتغير ويغير مرسيى للمرورك على المدونة
بس على فكرة انا مكنتش فاكرة افرديت اخته انا كنت عارفة انها البت بتاعته كنت عيلة اروبئة :)

صوت من مصر يقول...

صفـــــاء
متعرفيش المسلسل بيجى امتى ؟
بجد وحشنى موت موت
شكرا ومستنى انك تقولى امتى

صوت من مصر يقول...

ريمان
للاسف نفسى مش هترضى غير بنفسها بس برضه الله اعلم نفسها هى ايه
شكرا للتعليق بجد

صوت من مصر يقول...

ايوشة
يا جماعه انا كنت طفل برىء على كده طب الايه اتغيرت ليه لما كبرت
عموما شكرا

عاشقة الشهاده. يقول...

المدونه رائعه والصراحه متناهيه وقول الحق علي لسانك ظهر في موضوعاتك
نحن في زمن لن يتغير الا بوجود اشخاص مثلك ومثل كثير من الشباب يفهمون وضع مصر ويفهمونه للباقي

اختكم
عاشقه الشهاده

غير معرف يقول...

انا بقي متفائله وان شاء الله الزمن هيتغير بينا والرئيس ده هيمشي ونرتاااااااااااح بقي
المدونه جميله ما شاء الله
مدونه قل يا قلم

Rania Lelah يقول...

ادام عارف و متاكد انك لسه بتحب مصر تبقى انسان طبيعى و عنده قلب
و جميل اوى اننا نحاسب نفسنا و نعرف احنا ايه و نحالو نتغير بالايجابيه يا محمد
و اسرائيل هتغور عن بايدنا او بايدن الاجيال الجايه
المهم النتيجه انها هتغور
تحياتى

صفــــاء يقول...

اسفه يا محمد طلع مش مازنجر اللى بيتعرض طلع جريندايزر
وبيجى على قناة او تى فى اللبنانيه مش المصريه

صوت من مصر يقول...

عاشقة الشهاده.
للاسف كلام كبير جدا مقدرش اشيله على عاتقى بس ده بجد صعب بس هنتغير مع الوقت للافضل
شكرا للاشاده

صوت من مصر يقول...
أزال المؤلف هذا التعليق.
صوت من مصر يقول...

سجود
سجود اسم جميل وتعبيرك برضه اجمل طب يارب يموت ليه واحنا نقدر نخلص منه

صوت من مصر يقول...

Rania
هو انتى عندك شك يا رانيا ان فى حد بيكره بلده او وطنه

صوت من مصر يقول...

صفـــــاء
يا صفاء انا بحس ان جلنديزر مش مصرى بحس ان مازينجر هو بس الى مصرى وجلينديزر ده من لبنان
شكرا بس تخيلى قعدت اتبع دريم كتير

WhItE HeArT يقول...

عندك حق

تحياتي

صوت من مصر يقول...

WhItE HeArT
شكرا بجد
بس تعليقك بسيط وواضح جدا