الثلاثاء، ١٠ فبراير ٢٠٠٩

ثلجه .....


سكوت مش عايز اسمع صوت ده احساس كويس بس احساس تانى لو انت فى وسط زحمه وحسيت نفسك تلجايه مش عايزه تخرج من التلاجه هتسيح صح بس انا كده هبقى فراغ تحس نفسك جوه كبايه وصغير ومش قادر تخرج احساسك ايه مشاعر تجاه الاخريين من غير كلام بتطلع بس العيون تتكلم نظره لحبيبك تبقى ايه طفل مستنى يوم عيد ميلاده هديه يفتحها يلاقى جواها كل حاجه هو ده احساس الحب ؟ ولا ولا ولا تقدر تقولى مشاعرك ايه بتحب ولا هتغنى وتسمع بجد انا بحب مصر بس مش لاقى الهديه قرار نفسى اخده اننا زى ما بنعمل عيد للحب نعمل عيد حب مصر هل انفع اقوله لا طبعا لانى حقير او مصرى فقير كده التلاجه بتطردنى من جواها وهسيح بس من غير سياح كونك ملكش لازمه غير ممتع لكنى مستمتع بده اهو عايش لا اقدر اخرب ولا اقدر اصلح ؟ كون سعيد وارقص غصب عنى ارقص ولا انهزام ولا انكسار بدون فايده ؟ ارجو التمييز ارجو العنصريه حتى اكون بطل لكن راح زمان الابطال

هناك ٣٠ تعليقًا:

مهرة سالم يقول...

كيمو يا حكومه ...
كميت أحاسيس ...
وتشبيهات رائعه...
بس أنا مفهمتش حاجه...
...
راح زمن الأبطال ....
أي نعم..
بس إحتمال يرجع تاني..
...
البت مؤه ..إنتحرت ولا إيه..
...
دمت بخير

صوت من مصر يقول...

نهار
طبعا مؤه مش انتحرت وهكملها بس بفكر
وللاسف راح زمن الابطال بجد وحكايه كيمو حكومه ده نتيجه عن كرهى ليهم مش اكتر ؟

حاسوباتيه يقول...

والله فكره برضو عيد حب مصر ده بس افتكر تنفيذها صعب ولا اقول صعب ليه ماهو تامر حسني عامله مشوار في حب مصر باين وعمال يلف عليه قال الي هربان من الجيش والمزور عاملي مشوار في حب مصر هههههههه ياعم خلينا في الفالتين ده الي نقدر عليه

kmt يقول...

السلام عليكم ورحمة الله وبركاته

اولا لو سحت مش هاتكون فراغ الماء لما بيتبخر بيكون السحاب اللي بينزل المطر في ارض ميته فتحيا من جديد علموهالنا كده :)

اما بالنسبه لكونك مش قادر تخرب ومش قادر تصلح فسامحني ده كلام مش مظبوت ومايدخلش عقل عيل صغير :)

لو مش قادر تخرب غير او تصلحه فانت قادر تخرب نفسك او تصلحها
ويمكن الهديه اللي ممكن تقدمها لمصر في عيدهااللي اقترحته انك تكون صح بمعني انك تصلح نفسك انت لو انت كونت انسان صح دي اكبر هديه ليها
صح ازاي يعني
انك تعمل اللي عليك في حدود الامكانيات المتاحه
اعتقد انك فاهمني بي بالله عليك يابني متحاولش تدور على الجانب الاسود اللي ترد بيه على كلامي
حتى لو الكوبايه فاضيه ادامك قول انها هتتملي
بص للجانب الايجابي
واعرف ان ربنا خلقنا مكرمين حتى لو اتهانا من حكوماتنا ومن الناس احساسك بكرامة نفسك وانك مش حقير ولا حاجة انك الانسان مش عشان انت عايز كده لأ لان ربنا خلقني كده ومش لازم اتخلى عن ده

طولت عليك بس يمكن مجتش البوست اللي فات يلا بعوض :)

تحياتي
الى اللقاء

wafaa يقول...

اما مصر تحبنا هنعمل عيد لحب مصر

romansy يقول...

عارف يا محمد احنا كلنا بنحب مصر بس اوقات بنكون خايفين نسيح
ونخرج من الثلاجه

احسن ندوب ونصبح هواء ومفيش حد يحس بينا

بس فى اوقات تانيه خلاص بقى
بنكون مش خايفين
الاحساس دا بيجى لما نكون عندنا هدف وعاوزين نحققه

شيماء زايد يقول...

للاسف احنا بنتربي في تلاجات
والسقعه بتاكل مشاعر حبنا لمصر

او بتاكل كل حاجه محنا جعانين
ما علينا
تحياتي لكل تلجه قررت متعش تلجه

Unknown يقول...

انا بصراحة مفهمتش كويس لكن اعتقد انك عايز تقول انك متكتف ومش عارف تعمل حاجة لبلدك اللى بتحبها؟؟؟ لو دة قصدك يبقى انا كمان زيك بس لو لقيت حد يفك تكتيفتك ابقى تعالى فك تكتيفتى انا كمان

صوت من مصر يقول...

حاسوباتيه
طبعا احنا مهما عملنا عمرنا ما هنبقى فى شهره تامر لكن انا نفسى اعمل شىء يقال عنى بعد مماتى حتى يظل اسمى يذكر
لكن ليس بالهروب والتزوير
خلى بالك انا كاره تامر جدا ؟

صوت من مصر يقول...

kemet
مش عايز اقول اكتر من انى بستنى تعليقك بس للاسف مش مهم تطول لكن لا تخرجنى من تلك الحاله التى طالما لا ابحث عنها بل اريد افقدها ؟
لكن لست مكتئب بل انا بفتره تجعلنى اكثر تركيزا عن سابق

صوت من مصر يقول...

wafaa
للاسف يا وفاء مصر ملهاش دعوه ولا برضه العيب فينا لكن الى مكتفينا

صوت من مصر يقول...

romansy
المعلومه وصلت بسرعه
ده فعلا احساسى احييك

صوت من مصر يقول...

شيماء زايد
للاسف يا شيماء نحن ثلج لا يملك ثمن الثلاجه
لكن بنحاول نقعد فى الظل

صوت من مصر يقول...

enjy
انجى ده مش تكتيف ده شنق مع سبق الاصرار
بجد تعليق مهم

Unknown يقول...

تعرف اني بحب التلج الصغنن اوي مش عارفه ليه

زمن الابطال اقري عليه الفاتحه خلاص
راح مع زمن الاخلاق و المباديء و الضمير
بقي مجرد ذكريات و بس

جميل موضوع يوم في حب مصر ده و يتم التحضير ليه طول السنه

و نقدم في اليوم ده تصليح مدرسه حكوميه او مساعدات لدار ايتام او مستشفي او او او في مليون حاجه نقدر نظهر بيها حبنا لمصر

تحياتي

صوت من مصر يقول...

EmY
للاسف كلامك يوحى بالاستقراطيه او الناس الى معاها فلوس عشان تعمل ال ايه نظبت المدارس ودار الايتام
طب عارفه فى كام يتيم خارج دار الايتام عارفه اننا كلنا محتاجين كل قرش عشان ناكل ؟
دى صراحه
شكرا

قلوب بتغنى يقول...

محمد
ايه الدماغ الممششه دى
وحشتنى جدا

أية الشقية الشعنونة يقول...

عيد حب مصر

المشكلة إننا يا كيمو مبقيناش عارفين احنا بنحبها ولا لأ

نبعد عنها نتعذب ونشتاق لها
واحنا فيها متبهدلين
العيب فينا ولا فى مين

شكلى هكتب بوست مش تعليق
هههههههههههه

يعنى حكومتنا دى أوحش من حكومات زمان أيام الملوك والمملكة ؟؟

ولا إحنا اللى مبقاش فينا حد جدع يقوم ويشدنا

ولا مبقيناش نحبها

انا مستبعدة الأول والأخير بصراحة

انتا ايه رأيك ؟

ومن غير هزار مش زى كل مرة

تحياتى
سلام عليكم

dodda يقول...

مش عارفه حتفهم انى بخاف عليك اوى اكتر من اى حد !!!

جواك مليان مشاعر يتلف فى الخلاط

وخايفه من كتر الخلاط ما هو مليان يتفتح الغطا فجأه وفووووووو


مش عارفه حتفهم انى عندى فيك امل اكتر من اى حد!!!
لان رغم الضغط اللى عليك واللى بشوفه فى كل كلمه بتكتبها...
محافظ على الخير اللى جواك فى صورته النقيه..

مش عارفه حتفهم مع انى انا مش فاهمه
انك انت يالذات مستنيه منك حاجه كبيره اوى
وانك بتفكرنى بعبد الناصر!!

ولازم تعرف انك تقدر تخرب
لانك ممكن تركب اوتوبيس وتقطع الكراسى
وممكن تمشى فى الشارع تستبيح بنات الناس
وممكن وممكن
ولازم تغرف انك بالفعل بتصلح لما ما تخربس..لان اكيد فى ولد اصغر منك معجب بيك وشايفك اكبر حاجه فى عنيه
وانت بتعلمه الصح
حتى لو انت مش شايف الولد ده بعنيك...
فكره رائعه عيد حب لمصر
والله تستاهل جايزه

دعاء العطار يقول...

كونك ملكش لازمه غير ممتع

هو مش بس احساس غير ممتع ده احساس سىء جدا

احساس انك بتتفرج وبس

احساس انك نفسك تعمل حاجه بس عاااااااجز

:::::::::::::::::::::::::::

ع فكره انا مقصره كتير ومش بزور المدونه كتير بس النت فاصل ومش بيجى الا كل فين وفين

صوت من مصر يقول...

قلوب بتغنى
يا يا شيمو ليكى وحشه مبروك على الجواز
وخلى بالك انتى دماغك تعتبر النص التانى مع دماغى ولا ايه ؟
مش

صوت من مصر يقول...

أية الشقية الشعنونة
ايه لازم اهزر لانى مش بعرف اكدب
بس حبها لسه جوايا وعمره ما هيطلع نهائى
نورتى بتعليقك اقصد البوست

صوت من مصر يقول...

dodda
قريت التعليق اكتر من 7 مرات وللاسف محتار منه
بجد لاتعليق على التعليق

صوت من مصر يقول...

dodoo
موافقك الراى وعارف ان معندكيش نت اصلا
نورتى البلوج للمره المليون

Rania Lelah يقول...

عجبنى اوى البوست دة يا محمد
كلماتك و احاساك فيه بجد رائع و ملوش حلاما عن مصر فاكيد بتحبنا و الى بيحصلنا منها دة مش ذنبها و لا عيبها
صح ؟

تحياتى

Unknown يقول...

الحوار فكرنى بالفيلم الرائع أسف ع الإزعاج

Gannah يقول...

ازيك يا محمد؟؟
كويس انك مش مكتئب
وبصراحة مشفتش حد مع كل اللى بيشوفه فى مصر بيحبها كده
بس بلاش موضوع كيمو حكومة ده هتخوفنى منك ليه؟؟
ابقى حط فواصل بين الجمل يا محمد علشان الكلام ورا بعضه كده ساعات بيتوه
تحياتى

صوت من مصر يقول...

Rania
صح يا رانيا لا زنبها ولا عيبها
شكرا

صوت من مصر يقول...

عاليا حليم
لكنى مش سايكو مع ان كل المصريين سايكو صح

صوت من مصر يقول...

Gannah
يا دكتوره مهما حصل هنحبها حتى لو متنا او خرجنا منها بس حبها موجود
وللاسف انا كاتب كيمو حكومه تعبير عن مدى كرهى للحكومه