الثلاثاء، ٣ فبراير ٢٠٠٩

جنون


انا مجنون دى بدايه ولا ايه مش عارف بس على ما اظن ان الجنون شىء جميل كنت مريح دماغى وعايش تبقى مجنون تسكت متتكلمش تبقى مجنون تتكلم تبقى مجنون نظريه العالم اصبحت لهو من يبحث عن المال وعن العمل المادى دون الرجوع الى اى كان هذا العمل يمثل نوعيا روحا من الثقافه او به حتى القليل من الفن لكن اصبحت الحياه عباره عن وظيفه وانا لست اهوى الميرى وعلى راى المثل ان فاتك الميرى اتمرمغ فى ترابه لكنى ضد المثل والفكره كلها لانى بحب الجنون والفن اه ممكن اكون غبى اه ممكن اكون مش بفهم حاجه فى حياتى لكنى بعمل الى انا عايزه فى اى وقت دون التقيد بحكم الوقت والزمن لكنى مش بجرح حد بيتقال عليا مجنون انا موافق انا مجنون مجنون وجنونى ده اختيارى بصرخ بعلو صوتى يا عواصم انهارى بشرب سجاير مع انها غلط بحب اطنطت زى الاطفال لانى لازلت طفل اعيش بدماغى حينما اكون مع اصدقائى انسى همومى ومشاكلى لا اعرف لماذه اريد اكون جمعيه لمافيا الجنون تعبث تلهو لكنها فى الاخر لها نشاطها وهو حب الناس اانت مجنون ؟ ارجو ان تجاوب ولا تخف فالجنون ليس شىء مرغوب فيه لكنه ليس حرام

هناك ٤٠ تعليقًا:

حاسوباتيه يقول...

انا معاك في الجمعيه دي لان المجانين في نعيم صحيح والله

ريمان يقول...

انا متضامنه مع حاسوباتيه

وانا مشتركه برضه فى الجمعيه دى

وهكون ان شاء الله عضوه نشطه جدا

هههههههههههههه

تقبل مرورى

مع تحياتى

romansy يقول...

الجنون بقى شئ عادى فى الزمن دا ياريت نقدر نريح دماغنا شويه

عايش... ولكن !!!! يقول...

العالم من غير جنون شىء ممل وروتينى
متفق معاك

رحــــيـل يقول...

وانا كمان يامحمد
مجنوووونه رسمى طالا الجنان مش حرام يبقى حقنا اكيد نتجنن اهو بيهون علينا حاجات كتير

اجنن براحتك
فى موله لخالد كساب بيقول فيها
مشكلتك ملهاش حل جنونك عاقل جدا بس للاسف عقل العاقلين من حواليك مختل

Rania Lelah يقول...

الجنون بقى هو الحياه

أحــوال الهـوي يقول...

صوت من مصر
تشرفت بصوتك يا مصر

و شكرا لمرورك

تحياتي

أحــوال الهـوي يقول...

صوت من مصر
تشرفت بصوتك يا مصر

و شكرا لمرورك

تحياتي

صوت من مصر يقول...

حاسوبتيه
طيب يلا نبدا نعمل الجمعيه سوا

صوت من مصر يقول...

ريمان
انتى هتكونى عضوا مش فى الجمعيه فى اداره الجمعيه
يلا كله واحد مجانين

صوت من مصر يقول...

رومانسى
لو هنريح دماغنا هنبقى عاديين وانا رافض انى اكون عادى او روتينى

صوت من مصر يقول...

عايش ولكن
قول لرومنسى يا عم الروتين ده ملل وخنقه وتعطيل كل حاجه ؟

صوت من مصر يقول...

رحــــيـل
اذا انا اريد ان اكون مجنون طالما العاقلين عاملين فيها مجانين ؟.
عموما شكرا

صوت من مصر يقول...

Rania
اه يارنيا
متستغربيش ؟

صوت من مصر يقول...

أحــوال الهـوي
بس انا هنا مش بتكلم باسم مصر لو عايز محمود او جهاد اتصل ب 442
ياعم مصر نورت بيك

صوت من مصر يقول...

م/ الحسيني لزومي
باذن الله

محاولة لكسر الصمت يقول...

دائما تحتاج الحياة شيئا من جنون, لكن ما يزيد عن الحد.. ينقلب كما يقولون إلى الضد...

كما كنت وسيبدو أنك ستبقى هكذا دوما...

....................دواير

dodda يقول...

حمد الله ع السلامه
انت اخيرا وصلت؟؟؟؟؟


ههههه
من سنيييييين
وانا باكل واشرب واتنفس جنون....


ماله الجنون زى الفل
المهم منتحسدش والا يطلعوا عالجنون ضرايب وجمارك!!!!

مهرة سالم يقول...

بعد ماقريت كلامك ممكن تعتبرني إتجننت أنا كمان...
دمتا مجنونا بما أن الجنون بيجيبلك السعاده..

رابطة مدونون من أجل فلسطين يقول...

خليك ايجابي وشارك معانا

من اجل عزتنا من اجل كرامتنا

من اجل ارضنا المستباحه

من اجل الاقصي

فنحن

رابطة مدونون من اجل فلسطين

http://bloggersforpalestine.blogspot.com/

mahasen saber يقول...

الجنون فنون واغلب العباقره كانوا

لاسعيين وده سر عبقريتهم

شفت الجنون ساعات بيبقى حلو ازاى
ده لو بعدنا عن تحديف الناس بالطوب

ميرو انتكة يقول...

احلى ما فى الدنيا الجنان من غيرة تبقى الحياة ملل ههههههههههههه

المجانيين فى نعيم والله فعلا


تحياتى

صوت من مصر يقول...

محاولة لكسر الصمت
دواير او بلوج عرفته فى وسط مليون بلوج بجد كنت بشتاق لرؤيه كتابتاته لكن للاسف مش عارف ايه الى حصل ونعم ساظل مجنون وانا كنت مجنون ؟
بجد ليك وحشه ؟

صوت من مصر يقول...

dodda
للاسف لو فى جمارك هبقى ابو العاقلين ؟
يا جنون الحياه حلو قوى بجد صح

صوت من مصر يقول...

نهــــــــــار
على اساس انى مستشفى الامراض العقليه ؟
عموما منوره

صوت من مصر يقول...

رابطة مدونون من أجل فلسطين
هنعمل رابطه مدونون من اجل مصر المجنونه ايه رايكم ؟
..

صوت من مصر يقول...

mahasen saber
الحمد لله انى مجنون بس عبقرى دى صعبه شويه

صوت من مصر يقول...

ميرو انتكة
والله انا لو فى نعيم هتحسد للاسف ؟

أية الشقية الشعنونة يقول...

الله الله
يا سلام
ياريت الدنيا بالسهولة دى يا كيمو
ياريتنا نقدر نعيشها كده

لكن المشكلة انك من الأخر هتتبهدل فيها
هتنداس من غير الوظيفة وخلافه

ياريتنا فعلا كنا مجانين ومكناش عرفناها على حقيقتها ولا شفنا اللى فيها

عموما اكيد اكيد
كلنا معك لأننا نتمنى
بس إلى أين ؟

تحياتى
سلام عليكم

دعاء العطار يقول...

هو فيه احلى فى الدنيا دى من االجنون ؟

احسن حاجه انك تعيش بدماغك وتعمل اللى نفسك فيه وماتسمعش لكلام الناس مادمت اللى بتعمله مش حراااااااام

انا معاك فى الجمعيه دى وايه رايك بقى نعمل يوم نسميه يوم الجنون

بدل الفلانتين والاعياد التانيه دى

فكر كده وقولى

صوت من مصر يقول...

أية الشقية الشعنونة
لا بالعكس يا ايه يعطى المجانين من حيث لا تعلم ؟
بجد هتحسى بكده اهو انا قاعد من الشغل ومحنون امبارح ربنا كرمنى ب 5 جنيه يعنى علبه سجاير وكوبايه شاى

صوت من مصر يقول...

dodoo
حلو يوم الجنون قوى يا دودو بس قوليلى هيبقى يوم ايه او يوم كام ؟

شمس النهار يقول...

شوف ياسيدي
شوية جنون علي شوية عقل واهو الدنيا بتمشي
بس المهم تعرف امتي تكون عاقل وامتي تكون مجنون بس مش قوي

صوت من مصر يقول...

شمس النهار
عارفه حاسس انه مينفعش حبه عقل وحبه جنون
كده هتلخبط ؟

david santos يقول...

Brilliant posting!!!!
Congratulations!!!!!

mnoon يقول...

ده مش جنان دى عقل وبزياده قوووووووى

والله عقل

بدليل إن كل المبدعين إتقال عليهم مجانين

بس عموماً إحنا نعمل نفسنا قال إحنا

إحنا المجانين

وناخد الناس العاقله على قد عقلهم

___________

وإحجزولى معاكم فى الجمعيه

وبالنسبه ليوم المجانين العالمى

اللى دودو بتقول عليه

تيجى نخليه 30 فبراير

___________

dr_samarmar يقول...

جميل انك تعمل اللى انت عاوزه فى الوقت اللى يريحك طالما مش بتغضب ربنا

انا أصلا كدا... بس كونى بنت بيحجم جنونى حبتين

صوت من مصر يقول...

david santos
شكرا بس انا حاسس انك مش بتعرف تكتب غير الكلمتين دول بجد
ياعم ديفيد بجد احب اقولك حاجه مهمه احنا نعتز بعروبتنا وعربيتنا ؟

صوت من مصر يقول...

mnoon
اليوم ده هيبقى بدايه سنه 50 صح ليكى وحشه يامنون ؟

صوت من مصر يقول...

dr_samarmar
بصى يا سمرمر الحياه مش محتاجه اكتر من كده وكونك بنت ده فى حد ذاته كويس بس ليه مقولش انسان ؟
.