الجمعة، ٢٣ يناير ٢٠٠٩

100 سنه هل هو عمرى ؟


ماسك سجار وكبايه شاى على مكتب عتيق مليان تراب
من اثار الزمن الى عمره مقدر يمحى افكاره من نفس اليوم فى السنه
يوم بيقول عليه مشئوم وغيره يقول لا
بص على المكتب لقى ورقه وقلم كتب كلام على ورق اصفر من تعب الزمن
بس مين يسمع ومين يقرا
قالوا عليه مجنون جنون دون حدود قالوا حب بلده قالوا فاشل
وكتير قالوا اهبل بس ليه عايش طفل عايش بدماغه وميعرفش يلبس قناع
مش بيكدب بيحب الشيطان احيانا لانه لايرى الحياه دونه لها طعم
يرى نفسه منذ 23 عاما وكانه كما ولدته امه
خارج من الرحم ببكاء ولكنه ظل يبكى 23 عاما ولد فى منطقه شعبيه لذالك فهو يهوى الشوراع
طعم البيوت والمناضله من اجل رغيف غير موجود وغاز يباع بالطوابير لكنه يذهب لغيره الى داخل المنزل بالمجان
هل هو انا ؟
الاجابه بنعم اكملت ال 23 عاما من الحزن والبكاء اكملتهم وساعات الرح تمر امام عينى دون الرجوع لاى اشرطه فيديو
احساس ياخذنى بانى قد اكملت ال 100 عام ارجو ان يظل عامى افضل مما انا عليه
واخيرا الدعاء لله من اجل الرضا والتوبه على ما فعلت منذ 23 عاما ؟

هناك ٣٨ تعليقًا:

وردشان smilyrose يقول...

احسست للوهلة الاولى

اننى اقرا لرجل كبير فى السن

من كثرة الاحزان والهموم بكلماته

والاثقال المحملة للنفس

يا صغيرى رفقا بنفسك

ولا تحملها اكثر من طاقتها

وعش عمرك ودع ما ياتى للخالق عز وجل

كل عام وانت بالف خير

عام جديد عليك به بريق من نور

smilyrose

روح الحب الصادق

وردشان smilyrose يقول...

وتلك ثانى تهنئة بعيد ميلادك

ايها الصغير سنا الكبير بكلماته

عقبال مليون سنة

وردشان smilyrose يقول...

والثالث حتى اكون

اول المهنئين

تفائل اخى فمازال العمر امامك

من امام الكمبيوتر

بس منين وفين مش عارفة

اختك

smilyrose

وردشان

القلب الحيران

روح الحب الصادق

أنا حر يقول...

عمرنا يقاس بتلك النظرة
بتلك الهموم التي تغزونا والافكار الائبة في اعماقنا وبمشاكلنا حتى بلحظات فرحنا وحزننا
مدونة رائعة
تحياتي

Gannah يقول...

ازيك يا محمد؟؟
كل مية سنة وانت طيب
بقى انت عندك مية سنة ..أمال طنط اللى هى أنا يبقى عندها كام بقى؟؟؟
ربنا يتوب علينا جميعا ويغفر لنا
ويجعل الباقى من عمرنا فى طاعته ولرضاه
ياعم الحاج متكبرش نفسك اوى كده أصلها لو اتقاست كده ومع كل اللى بيحصل تبقى 100 شوية علينا
تحياتى

Unknown يقول...

كل سنة وانت طيب....يارب السنة الجاية تكون احسن

romansy يقول...

مش انلوحدك اللى حاسس ان العمر بيجرى بسرعه وكاننا شايلين هموم الدنيا بحالها

romansy يقول...

نسيت اقولك كل سنه وانت طيب وخلى عندك امل

مهرة سالم يقول...

كل عام وأنت إلى الله أقرب ...
......
أخذتني بجوله في اعماقك فشكرا لك على إبداعك ..بالرغم من أن مصدره آلامك..

القلم السكندري يقول...

وأين أنت من المائة يا فتِيّ الشباب؟؟

لم يزل بعدُ أمامك متسعٌ من الأملِ في غدٍ يمسحُ عنك دموع الماضي وأرق السنوات



عش آملاً .. وانعم بأيامك.. فما فيها شئٌ يستحق أن نبكي عليه سوي الدين والكرامة



أمنياتي لك بعمر مديد علي الطاعة


تحياتي

رحــــيـل يقول...

عامه اى ان كان

كل سنه وانت طيب

انا حسيت الاحساس ده وانا بكمل 24 سنه

السنه اللى فاتت كانت غريبه وكل مدا سنينا بتزداد غرابه

مش عارفه ونعيش على امل
جايز جايز بكره احلى

بسمة انور يقول...

السلام عليكم
كل سنة وانت طيب
اسعدنى مرورى على هذه المدونة الرائعة وانشاء الله لن تكون الاخيرة
تحياتى
بسمة

kmt يقول...

السلام عليكم ورحمة الله وبركاته

ربنا يجعل العام افضل بيك وليك
ربنا يتقبل منك الدعاء
آمين

تحياتي
الى اللقاء

صوت من مصر يقول...

smilyrose
بجد احيك جدا للتعليق لكنى صغير سنا اه وصغير بكلماتى لكن اريدك ان تضعى عينك على انا العمر لا يحسب بالسن بل بكل ما تم انجازه ؟
وبصراحه نفسى اسالك مين ردشان ؟

صوت من مصر يقول...

أنا حر
تعليق رائع من شخص رائع جدا لكنك مكتئب مثلى

صوت من مصر يقول...

Gannah
طنط جنه صاحبه ال 1500 سنه بس فى نظر الناس لسه عايشه فى عمر 19 لانك بتحققى ما تحلمى بيه وبلاش تكتئبى انتى كمان لان كده مش هينفع ؟
صح

صوت من مصر يقول...

enjy
نوجا وانتى طيبه وعموما السنه الى جايه مش هكون صابر ؟

صوت من مصر يقول...

romansy
ياعم انا مش لوحدى بس معايه حيتان ومش حاسه برضه صح ؟
وانت طيب

صوت من مصر يقول...

نهــــــــــار
بجد اروع تعليق سمعته عن بوست عندى بس هل هو فعلا انا .

صوت من مصر يقول...

القلم السكندري
ياعم انا فى 101 تصدق بقى
وعموما العمر فات

صوت من مصر يقول...

رحــــيـل
يا رحيل بجد الاحساس تحفه بس بيزيد احباطك شكرا لكلامك

صوت من مصر يقول...

BA5MA
شكرا للتعليق يا بسمه الامل لينا

صوت من مصر يقول...

kemet
ربنا يتقبل دعائك
شكرا جدا

دعاء العطار يقول...

كــــــــــــل سنه وانت طيب يامحمد
وبإذن الله بكره هيكون احلى من النهارده بكتير

تفاءل بالخير تنله
وعقبال مليوووووووووون سنه

dina يقول...

استنى بقى....مش تقول انه عيد ميلادك...كل سنة و انت طيب و ان شاء الله تبقى سنة احلى و اسعد من اللى فاتت بكتيييييييييييييييييييييير اوى...مش متغمقهاش كدا...و الله بكرا تروق و تحلى

Hanan Elshafey يقول...

يا بااااي
كل سنه وانت طيب يا بني
ليه التشاؤم ده
انت بايدك تخليهم مش مية لا متين سنه
سعاده واحلام بتتحقق وكل هنا
اصل واقعنا مش هيعيشنا احنا اللي لازم نعيشه
غصب عنه مش هيكبرنا
احنا اللي هنكبره
دمت
وكل عام وانت اسعد والي الله اقرب

dodda يقول...

بص
لا تعليق

اغيب اغيب
واول ما اجى تضربنى بالقلم؟؟؟؟

روح ربنا يصلح حالك

طلاب من أجل مصر يقول...

كل سنة وانت طيب.... مدونتك حلوه

اول مه ادخلها وان شاء الله مش الاخيرة

فارس القمر يقول...

كل سنه وانت طيب وعقبال ال 100 سنه حقيقيه بس تكون فى طاعه الله


وخلى عندك ايمان بالله وثقه فى نفسك

وبإذن الله هتوصل للى انت عاوزوا

تحياتى لك يابو قلب كبيرة

mnoon يقول...

والله كلمات أكثر من رائعه

كفايه عليك دى فى عمرك

صوت من مصر يقول...

dodoo
دودو وانتى طيبه يا دعاء مبروك البلوج الجديد
( اعلان اهو ) ؟
؟
؟

صوت من مصر يقول...

dina
متاكد اها هتروق وتحلى وانا للمره السابعه عيد ميلادى كان يوم ما نزل البوست ؟

صوت من مصر يقول...

حنان الشافعي
والله لو بايدى يا حنان كان زمانى بقيت مريح الجمجمه نهائى بس للسف مليش ايدين

وانتى طيبه

صوت من مصر يقول...

dodda
يا دودو ده قلم رصاص مش قلم جاف
وبلاش الغيبه دى ؟

صوت من مصر يقول...

عبدالهادى_سارة
شكرا ده من زوقك
وانت طيب
ومستنيك دايما ؟

صوت من مصر يقول...

فارس القمر
لا ياعم قلب كبير ايه
انا زى بكار قلب رقيق وصغير
شكرا
وانت طيب

صوت من مصر يقول...

mnoon
يا مونى تعليقك نور البلوج
وعموما هموت عشان بجد كده كفايه صح ؟
نورتى

عاشقه الرومانسيه يقول...

ليه التشاؤم ده كله
ده عيد ميلادك
ومهما كان اسمه عيد
حاول تغير نظرتك للامور شويه انت لسه ما تعبتش من الدنيا ولا شفت منها قسوه
لما تكبر شويه هتعمل ايه؟
عيش حياتك وسنك قبل الزمن مايسرقهم منك
وترجع تندم على شبابك اللى ضيعته فى الاحزان

كل لحظه وانت بخير
واتمنى اشوف لك كلام اكثر اشراق وتفاؤل