الخميس، ١٥ يناير ٢٠٠٩

غبى بيموت 100 مره كل يوم


lمش هقول تلك القاهره ولا هقول اى حاجه مش لاقى حاجه اقولها غير انا امتى ينصلح حالى انا والى زي حالى مش هستنى تغيير لان التغيير متوقع انه هيبقى للاسوء بس برضه هتقولولى انى عايش هقولكم اه عايش لكن بموت 100 مره فى اليوم الى اعرفه ان فى ناس اسمها بيبقى موجود مع انها مش بتعمل حاجه او عملت لنفسها كويس مع انها مش بتموت 100 مره فى اليوم بس عايشه واسطه شغل وظيفه تترقى فى خلال اول شهر يقبض بدل القبض مره اتنين ومش ببيعمل حاجه ازاى معرفش تعالى نقول اننا هنموت نموت لاننا ناس مش من حقها انها تتشكر ولا حتى تسمع كلمه شكرا لاننا بنفكر ولا عشان احنا ناس مكتوب عليها تموت اخر حاجه كلمه هقولها اتقلتلى خليك فى نفسك وهى الناس كده يا فوق يا تحت اقولكم انا بقى هفضل تحت لانى بفكر وناس بتقولى انى غبى مع ان الناس دى ممكن تكون عايشه كده وخلاص انا بقى هفضل كده ولو مت 10000 مره مفيش حد هيمشى ورايا لانى مش معروف ولانى ماذتش حد للاسف فاشل اسمى فاشل فاشل ليه لانى مصرى ؟ اسف لحالتى المكتئبه واسف للتاخير بمتحن ؟

هناك ٢٣ تعليقًا:

حاسوباتيه يقول...

اولا بالتوفيق في الامتحانات
ثانيا ما انت برضو غلطان ازاى يعني مالكش واسطه وازاى ماتعرفش حد كبير في البلد شفت ادي اخره غلطك شفت انت الغلطان اهو مش الحكومه ولا حاجه يا ظالم

بعد كده اشتغل انك تضور على واسطه خلي دي شغلانتك ماشي وهيكون شغلنا كلنا

تعرف اني بشوف ناس فعلا كل شغلانتها انها بتضور على واسطه

ربنا يرحمنا

رحــــيـل يقول...

شوف هو انا كمان مكتئبه
بس تحاول تفك لحد الامتحانات متخلص
هى الكأبه هتروح فين
لا هى هتروح ولا احنا هنروح

صوت من مصر يقول...

حاسوباتيه
بجد عندك حق هدور على واسطه بس تكون ضدى لانى ميت ميت بجد

صوت من مصر يقول...

رحيل
هقولك بجد فرحت انى كنت بعيد عن الاكتاب
لكن فهمت انه اتوجد عشانى ؟.

kmt يقول...

السلام عليكم ورحمة الله وبركاته

مش عارفه اقولك ايه ؟

بس الحاله اللي انت عايشها دي الواحد عاشها كتير ويمكن بيعشها
والسبب فيها في الغالب بيكون فقدان الهدف من الحياة
هو انا عايش ليه ؟
وفقدانه الاحساس بانه اغلي مخلوق خلقه الله ومش لازم يعرتف بالحقيقةدي امثالنا من البشر يكفي ان الله عز وجل هو اللي غلانا وفضلنا على سائر المخلوقات
لما نفقد احساسنا بالانسانية نفقد الهدف من الحياة
احنا اتخلقنا لسبب واحد عبادة الله و السؤال هو كل الناس اللي حوالينا ونجحت في حياتها كلها نجحت بالواسطه والمحسوبية ما فيش واحد من بعييييييييييييد حد حكالك عنه ان نجح بقدراته هو ؟!!!!!!1
ولو واحد ؟؟؟؟؟؟
سؤال هو انت ليه مكتئب
سؤال سخيف مش كده بس بجد عايزة اجابه
ممكن اجاوبك عن نفسي لما بكتئب
ا- بكون بعيدة عن ربنا
2- بكون مقصرة في شغلي
3- بكون متواكلة وبرمي همومي علي غيري
4- بكون مستسهلة الاكتئاب والاستسلام عن اني اعمل المطلوب مني ادام نفسي وادام ربنا
بكون مستحلية الضعف وطبطبة الناس
كيمو
الاكتئاب مش حل
بالعكس واجه نفسك وشوف هي عايزة منك ايه وانت عايز منها ايه
لان ماحدش هاينفعك في الدنيا والاخرة غير نفسك
الاكتئاب مش عقاب كافي لتقصيرنا في حق نفسنا
وافتكر انك اغلى مخلوق عند ربنا عارف عند ربنا وتحتها مليون خط

يمكن اكون ازعجتك
لكن .....
تحياتي
الى اللقاء

مهرة سالم يقول...

السلام عليكم...
بدايتا بالتوفيق بالامتحانات...
....
واسطه..
دي في كل مكان..
بس أكيد فيه من يغرد خارج السرب وبما إنك منهم
يجب عليك العمل أكثر لإثبات وجهة نظرك وموقفك..
مكتئب محبط...
مش مهم المهم إنك تتعلم من إلي إنته فيه ...وترجع أقوى..
.........
دمت بخير..

Hanan Elshafey يقول...

ربنا معاك في الامتحانات
ومعانا كلنا ياااااااااااااااارب
الباقي بقي
بعدييييييييييييييين

romansy يقول...

كلنا كده يا محمد
بس الجميل اننا نكون نفسنا


بس

الله يكون فى عونك ويوفقك

dalia يقول...

محمد كيمو
يا راجل كنت قول من الاول وخلاص انك بتمتحن ؟ علشان كده انت مكتئب زى ما بيقولو كبر الجمجمة وصحصح كده وخلى بالك من مذكرتك
كنت عايزه اقولك لا تستعمل كلمة الفشل في حياتك لا توصف نفسك بالفشل دايما قل انا لست فاشلا انا ناجح وتوكل على الله بجد في كل حاجه في حياتك وقل بسم الله قبل ما تبدء أى حاجه في حياتك وبلاش والنبي يا كيمو حكاية انا فاشل لاني مصري ،ومصر مالها بس يا راجل حرام عليك خليك مع الله وده مش معناه انك ترضى بالظلم لا لكن بص الاول في نفسك حقق ذاتك لانك بده حتكون اسعد واحد وتقدر تحقق بعد كده التغيير بس من منطق القوة وليس الفشل دمت بألف خير

صوت من مصر يقول...

kemet
للاسف اجابتك الرابعه هى فعلا اجابتى بس انا قريب من ربنا وفى نفس الوقت حاسس انى بجد فشلت بمعنى الكلمه ؟
شكرا لوقفتك وتشجعيك بس بعد ايه ؟

صوت من مصر يقول...

نهــــــــــار.
اوك معاك فى الردوالتعليق الواسطه فى كل مكان
لكن انا لا اقبل بالمهان ؟

صوت من مصر يقول...

حنان الشافعي
شكرا يا حنان وربنا يوفقك ويوفقنا كلنا

صوت من مصر يقول...

romansy ..
كلنا كده بس الظروف بتستحملها لحد ما نطرقع بجد
انا فرقعت

صوت من مصر يقول...

dalia
مش عيب انى اقول فاشل لان لو عيب يبقى انا بكدب وبصراحه انا بحب الصراحه ومش بعرف اكدب نهائى وبجد فاشل لانى مصرى دى حقيقه لان ابويا كان زى انا تمام بنحلم بس مش اكتر

Unknown يقول...

ربنا معاك فى الامتحانات...دة مش اكتئاب دى حقيقة واقعة

وردشان smilyrose يقول...

يامحمد

اولا ياريت تبطل سجاير ممكن

نصيحه من اخت لك


ثانيا ايه الجديد فى حياتنا

بقالنا عمرا كامل على ا الحال

بس المهم اننا مش نكون تكملة لتلك

الدائرة الغريبة

المهم اننا نكون انفسنا

محمد يعنى محمد مش تقليد لحد تانى

ورد يعنى ورد مش صورة لوحدة تانية

ربنا يصلح حالك وحالنا

smilyrose

روح الحب الصادق

DoNyA يقول...

حالة اكتئاب عامه
تسيطر علي الامزجه هذه الايام

يارب تمر بسلام

رابطة هويتي اسلامية يقول...

شارك معنا في حوارنا
غزة في قلب مدون
مع المهندس : الحسيني لزومي
الحوار موجود علي الرابطة شارك معنا في الحوار
كن إيجابيا وحاول المشاركة في إنشاء بلوجر فعال
حوارنا مستمر مع المهندس
متي دخلت سجل تعليقك بسؤالك أو إستفسارك بالنسبة للمهندس
مع تحيات
رابطة هويتي إسلامية

dina يقول...

لا الاحباط دا بقى حاجة عادية جداااااااا فى البلد دى...انما انا بردو حقول اللى بقوله كل مرة...بايدينا نخلى الفاشل فاشل عشان مصرى ناجح لانه مصرى....لو احنا حلمنا ببكرا و عملنا حاجة بجد عمر الوضع ما حيفضل كدا
يا محمد(ان الله لا يغير ما بقوم حتى يغيروا ما بأنفسهم) و الكلام ليا قبل ما اقوله لاى حد تانى....لو فى تغيير لازم يطلع مننا احنا

صوت من مصر يقول...

enjy
انجى انتى كمان مكتئبه صح ؟

صوت من مصر يقول...

smilyrose
للاسف انا مقتنع بالتدخين واتكلمت كتير عن كده فى البلوج
الدائره لازم تكمل بينا طب ليه احنا نتعب ومش نلاقى
بجد شكرا يا اختى يا صغنونه

صوت من مصر يقول...

DoNyA
يا معلم تعليق فى الجول بجد بجد هو ده الحال هنعمل ايه ؟

صوت من مصر يقول...

dina
دينا خليتى للبلوج طعم بجد
بجد للعلم انا بتعب وبغير نفسى يعنى الحمد لله واثق فى ربنا انه يخلصنى من محتنى بس تعبت بجد