الجمعة، ٧ نوفمبر ٢٠٠٨

العمده والشيخ فى حوار مشروخ ؟


هى الدنيا كده يا باشا

قاعد على دكه لابس عمه وجلابيه وشال وشنبه شنب بارم ديله يقف عليه الصقر يرفع لى الشيشه ويشــــــــــــــــــــــــــــــد نفس معسل سلوم نوع مصرى اصيل يجيله ابنه بيجرى ويقوله

يابا يابا العيال فى البلد جالولى انى هكون عمده بعدك ؟

هو انت هتموت امتى يابا ؟

العمده ؟

اجرى ياواد العب بعيد ال عمده ال وانا هنا بعمل ايه يا شيخنا قوله

رص حجر بسرعه ياواد وخلى الفحم حامى !!!!

عمال يشد ويشد والدخان حواليه مخليه مش شايف من كتره

الشيخ ؟

بقولك ياعمده انا سمعت ان فى قريه حدانا قريبه كده اسمها اميركوش عمله انتخابات للمره المليون وكانت حلوه كده واختاره عمده جديد

العمده : ايهى !

الشيخ: ياعمده ده ده الخامس من يوم ما انت بقيت عمده علينا ربنا يزيدك ؟

العمده : عارف يا شيخ هما الناس الى فى امريكوش دى مش حاسين بالنعمه الى انتوا فيها عشان كده بيغيروا حكام كتير لكنى عادل

الشيخ فى سره : يا اخى توكا

العمده : فى حاجه يا شيخ

الشيخ : لا يا عمده كنت بقولك الواد واد اختى

العمده : ماله

الشيخ : عايز يفتح غرزه ومعهوش ترخيص

العمده : خليه يفتحها ونباركله

يشــــــــــــــــــــــــــــــــــــــــــــــد ويشــــــــــــــــــــــــــد واحنا دخان ؟

دخان للبيع

هناك ٢٦ تعليقًا:

Gannah يقول...

ههههههههههههههه
لا مش ممكن يا محمد
دمها خفيف
بس الظاهر انك مشفتش ابن العمدة من زمان
دلوقتى بيتكلم وكأنه العمدة بيتدرب ما شاء الله فينا
حاجة ايه تفرح
بقى خمسه فى امريكوش
عيش عمدتنا ويدوب
الا نفسى اسألك من زمان
توكا دى يعنى ايه
بس بجد حلو البوست
تحياتى

HeBa يقول...

جامدة جدا يا محمد

تصدق كنت بفكر في ناس الحاجة

العمدة بتاعنا بقاله 27 سنة قاعد ومتبت

واتغير قصاده كام عمدة في امريكوش

بس بصراحة أنا مقدرتش افتكر غير 3

أنما أنت عملت دراسة على الموضوع

المهم عقبال عمدتنا ما يتغير هو كمان

تحياتي

romansy يقول...

ايه يا باشا دا كلاتو
العمده لو سمع الكلام دا هيزعل جدا
منك
بس اهم حاجه
انهم قاعدين على قهوه وبيشربوادخان
ههههههههه
جميله جدا
ودمها خفيف

Mona Shereif يقول...

ههههههههههههههههههههههه

جامدة وربنا

تسلم يامحمد يااااااارب

Unknown يقول...

فينك ؟
الرسالة وصلت يا فندم

صوت من مصر يقول...

Gannah
انا عارف ان ابن العمده بقى كده
بس حتى انى اقول معنى توكااااااااا
لا بجد لانها ضد المبدء

صوت من مصر يقول...

Heba
هما 28 يا هبه انا مش عملت دراسه دى مكتوبه فى الدستور علنا ؟

صوت من مصر يقول...

romansy
عارف ياريته يزعل لكنه معندوش دم
وانا مش بخاف للاسف ؟.

صوت من مصر يقول...

Sometimes
كويس انها عجبتك شكرا ؟

صوت من مصر يقول...

dalia
كويس انها وصلت بسرعه كده
بس انا موجود اهو مش بعيد بس ظروف الشغل ؟

كلمتى يقول...

ازيك يامحمد

أخيراً اتفك الحصار ورجعت وبقيت اعلق

بجد وحشتنى جو المدونه

والتوبك جمييييييييييييل جدااااااااا

وياترى العمده ده انى عمده بالظبط ؟

قلوب بتغنى يقول...

ازيك يا محمد والنبى ليك وحشة
بس هى الحدوتة فيها ثغرة صغنتوتة
ابن العمدة ما بيسالش
دلوقت الواد الصغنون يقتل ابوه او يسمه او ينفيه او يحجر عليه ولو كان ذكى يبعد الحرس القديم ويجيب حرس جديد ويسحب البساط ويحكم من ورا الستار

صوت من مصر يقول...

كلمتى
نورتى بجد يا دودو
وعموما انت عارفه ان العمده حداكم هو حدانا ؟

صوت من مصر يقول...

قلوب بتغنى
يا شيماء انا برضه الى مفروض انى اسال 100 مره
عموما حصل خير وللعلم لو هو الواد الصغنون عمل كده هيبقى فى نظر الناس خاين ؟
صح

مهرة سالم يقول...

هههههههههه
الله عليك يا محمد...
قويه .....

Unknown يقول...

مع ان دمها خفيف بس تحزن....... وبعدين ايه يعنى فكك كله هيعدى فى يومين تلاتة سبعة وعشرين سنة واهى كلها ايام ربنا......سلام يا محمد

mnoon يقول...

هههههههههههههههه

على فكره العمده لو قرا التوبيك ده
هيبعتلك الغفر علشان تقعدوا شويه مع بعض ..
إستعد ياكيمو
إنت قدها وقدود
وإحنا الأخوه المدونين
هنبقى نسأل عليك
من بعيد لبعيد
.........

رحــــيـل يقول...

هههههههههههههه

جميل يامحمد

بس ابقى اعمل اعلانات بعنوان الغرزه اكيد العمده هيحتاجها

يارب تكون بخير

صوت من مصر يقول...

M.K
شكرا بس على ما اظن ان الامرات العكس صح ؟

صوت من مصر يقول...

enjy
يا انجى والله لازم نحس بيها لاننا مصريين بحزن غيرنا يضحك عليها ولا ايه وال 27 سنه دول مش حرام

صوت من مصر يقول...

mnoon
وانتى عارفه عنى انى بخاف منه ولا ايه
يا ستى 1000000 طظ فيه ايه رايك بقى

صوت من مصر يقول...

رحــــيـل
هتبقى الغرزه مول على اول الكوبرى اصلها بلد كبارى كل حاجه فيها كوبرى او نفق ؟
شكرا

Dr. Ibrahim يقول...

طبعاً أمريكا هناك الناس فى حرية تامة

اما بالنسبة لأوباما انا اتخنقت

لانه مهواش نبى ولا المهدى المنتظر

ربنا يستر والخبر بكره يبقى بحجرين شيشة

هههههههههههههههه

تقبل تحياتى

د/هيما

نونو يقول...

ههههههههههههههههههههههه

دمك خفيف موووووووت

بوست تحفة

((..همـ قلب واحد يجمعنا ـسات..)) يقول...

.
.
.

المدون الفاضل : :
..نتمني لك مزيدا من التقدم والنجاح
وان تكون مدونتك معبرة عن صوتك في كل مكـــــان
.. .. .. ... ..
سعيا منا بأن نجعل للفتيات المدونات صوتاً أكثر قوة وانتشارا
وتأثيراً وبان نرتقي بفكرنا وثقافتنا وعلمنا وخلقنا

كان اقدامنا علي تأسيس رابطة واحده تضم جميع الفتيات المدونات
لتكون همســات هي من تجمعنا في قلب واحد

فندعوك للمشاركة معنا بأفكارك ومقترحاتك ....
كونك معاصراً لثقافة التدوين وناظرا الي ما تحتاج اليه
الفتاه المدونة .. .. .. لترتقي اكثر فأكثر

شاركونا .... لأنكم جزء منا . . . .

همــ قلب واحد يجمعنا ــسات


تحياتنا :::
(( فريق العمل بهمسات ))

Unknown يقول...

هههههههه
بوست ظريف جدا
ودمة خفيف
بس هى القرية اللى حدنا تغير واحنا
عمدتنا ما يتغير