الأربعاء، ٢٩ أكتوبر ٢٠٠٨

تلك القاهره .

اتاخرت اه انساكم لا والف لا لما بعدت عن البلوج لمده اسبوعين بس حسيت احساس غريب وهو انى مفتقد العائله جدا بجد بجد اسف اسف ـــــــــــــــــــــــــــــــــــــــــــ وارجو تقبل اسفى
نبتدى منين الحكايه مش عارف ارغب فى شىء جديد لكن اين

دخل الشتاء واخيرا تذوقت طعم المطر
اركب المترو وهى المواصله المفضله لدى انظر الى جميع الوجوه بجانبى ارى طعم الانسانيه المصريه بحق
فترى من هو متحاذق ويكره رائحه العرق ومن هو منهك من عمل شاق طول اليوم وشاب فى اذنيه هيدفون
وهناك ايضا شباب وبنات فى وقت خروجهم من الجامعه متوجهين الى منازلهم لكنهم لايرغبون الذهاب الى المنزل
يريدون تكمله اليوم مع بعضهم فما افضل من الصداقه وترى بدله وفى يدها شنطه
هاند باج واليد الاخرى موبايل احدث موديل وفى الجانب الاخر ترى جلباب يحمل شوال به الكثير من العرق
تلك القاهره من رائحه عرق الى افضل انواع البرفان لكنها ثقافه بلد او عاصمه فيها كل شىء تريد ان تراه
بامانه انا من عشاق القاهره فى وقت ليس بليل او بالنهار كما يقولون لكن تنويه ارغب ان نعامل الجلباب مثل البدله
فكلها كسوه ليس اكثر
المطر ينزلق على زجاج باب المترو وانا الهو باصبعى عليه وارغب فى النظر الى السماء داعيا الله بكل ما فى قلبى .
تلك القاهره
محمد كمال

هناك ٣٥ تعليقًا:

Unknown يقول...

نعامل الجلباب زى البدلة اممممممممممم
عارف الناس اللى بيلبسوا بدل دول بيبقوا طالعين فيها على الاخر بس العيب مش عليهم العيب على اللى بيميز البدلة ويسيبه من اللى لابس البدلة......... كل شتا وانت طيب

Gannah يقول...

محمد
بوست صادق جدااا
شاعرى جداااا
يعنى لن اكون مبالغة اذا قلت انه أحلى ما كتبت
وبيعجبنى دايما احساسك بالناس الغلابة
لكن هقولك على حاجة الانسان بطبيعته عنصرى وعلشان كانت جاءت الأديان لتهذب من اخلاق البشر
ولكن تظل العنصرية فيهم موجودة
ومن الصعب ان يساووا بين البدلة والجلباب
تحياتى

A long distance يقول...

حلاوه مصر في كده
الروح المصريه الجميله
اللي موجوده في نفوس المصريين
سواء كنا بنمر بفترات حلوه او صعبه

kmt يقول...

السلام عليكم ورحمة الله وبركاته

حمد الله ع السلامه
احي فيك حبك لقاهرة
اصل ليها ف قلبي معزه تانيه خالص

تحياتي
الي اللقاء

صوت من مصر يقول...

enjy
كل شتا وانت طيبه ممكن واحد لابس بدله يبقى عادى مننا بس فعلا فى ناس مش بتميز ؟
شكرا

صوت من مصر يقول...

Gannah
ليه يا دكتوره نقول صعب ومنقولش ممكن على الاقل مش احنا برضه مصريين
وشكرا على الاشاده ده اكتر من وسام

صوت من مصر يقول...

A long distance
احنا كده المصريين بنحبها لاننا هى وياعم من امتى مفيش عندنا وقت صعب ؟
عيشها
شكرا جدا ؟

صوت من مصر يقول...

kemet
ومن منا لا يحب القاهره بجد انا مش عارف اقول عنها ؟
بلدى بقى ؟
بحبها بدخان عربيتها بتلوثها بكل دوشه فيها ؟
شكرا

romansy يقول...

انت عارف يا محمد انا حسيت معاك بكل كلمه قولتها عن القاهره
البدله والجلباب والعرق والبرفان
يعنى يا محمد مصر جميله
بكل ما فيها
بس انت عارف اوقات بيكون قلب الراجل اللى لابس بدله اطيب من قلب الراجل اللى لابس جلابيه
ممكن تستغرب
بس بقولك فيه ناس كويسه كتير

م/ الحسيني لزومي يقول...

شارك في الحملة الشعبية للقيد بالجداول الانتخابية وادعو غيرك.
ضع بنر الحملة من علي مدونتك البنر موجود علي مدونتي

HeBa يقول...

بوست حلو أوي يا محمد

حسستني أني راكبة معاك بجد

يمكن أول تكتب بوست متكونش بتنقد فيه حاجة

بس بجد كلامك فكرني بمصر اللي بنحبها وساعات المشاكل بتنسينا الصورة اللي أنت بتتكلم عنها

صوت من مصر يقول...

romansy
عارف المشكله انى مش بتكلم عن راجل لابس بدله انا بتكلم عن روح البدله وروح الجلبيه ولا ايه؟
شكرا

صوت من مصر يقول...

ياعم المهندس الحسينى
اسف بس هنا مش لوحه اعلانات ؟

صوت من مصر يقول...

Heba
هو انتى هتنزلى فين يا هبه ؟
انا عموما نازل المطريه
تانى حاجه لازم نحس اننا مصريين شويه بقى ولا ايه ؟

Desert cat يقول...

مصرنا من شرقها لغربها بتمر بجميع التناقضات يمكن سمة اساسية
مودتى

عين فى الجنة يقول...

انا مختلف معاك لانى لا احب القاهرة ابدا
:)

صفــــاء يقول...

.
تلك هى القاهرة كما تفضلها انت وتهواها

وهى القاهرة التى لا ترغب ولا ترضى بغيرها بديل

ولكن ليس كلنا يحبها بهذا القدر

حزينه يقول...

انا مش من القاهرة
ولما نزلتها نزلتها
فى عز الضهر
وطبعا مش حقولك على القاهرة فى عز الضهر
بس بحبها

الانسان اللى لابس الجلباب
ممكن يكون جواه احسن من مليون بدله


الشتا جميل والمطر الاجمل

بوست جميل



حزينه

صوت من مصر يقول...

Desert cat
يمكن التاقض شىء مهم عشان يبين الفرق بين الناس ولا ايه؟

صوت من مصر يقول...

راجى
الاختلاف لايفسد للود قضيه ولا ايه ؟
بس برضه بحبها

صوت من مصر يقول...

safaa galal
لكل مننا حب ولكل مننا شغف لشىء
شكرا ياصفاء بس فين العصافير

صوت من مصر يقول...

حزينه
عارفه حسيت ان البوست فوقك شويه من حاله الاكتئاب

مهرة سالم يقول...

السلام عليكم...
جميل جدا الموضوع...
وأنا أيضا أعشق القاهره...
شوقتني أنزل مصر...
.....
ودوما لن نفرق بين الجلباب و البدله
كما قلت كله كسوه فقط لا غير..
...
دمت بخير

ابراهيم بكر يقول...

السلام عليكم
____________
هذه زيارتى الاولى للمدونة واظن انها ستستمر ان شاء الله

اكتر ما عجبنى هو انك عندك نظرة جميلة للاشخاص
لا تنظر لصورهم ولا لملابسهم
بجد برافو عليك
وياريت كلنا نتسم بهذه النظرة

حاسوباتيه يقول...

جميل قوي كلامك ومعبر فعلا بالتوفيق

صوت من مصر يقول...

m . k
يلا تعالى والقاهره تنور

صوت من مصر يقول...

hinger
شكرا للزياره اولا ثانيا ياريت دعوتك تستجاب وعجبنىجدا كشف حساب ؟

صوت من مصر يقول...

حاسوبتيه
شكرا مش اكتر من كده
وياريت موضوع المتخلفه مش يقصر عليكى
؟

اقصوصه يقول...

تصدق

انا يحياتي ما ركبت قطار!

وانتظر افتتاح مترو دبي على احر من الجمر

بس عشان استمتع بهالتجربه:)

احب بعد اشوف الناس حوالي

اللي تشوفه سرحان

واللي ماد بوز( يعني مكشر )

واللي نايم

واللي يتكلم بالتليفون!

اشكال والوان :)

تدوينه ممتعه:)

mnoon يقول...

يابختك يامحمد بالقاهره
لك حق تحب الشتا والمطر
ولما الدنيا تشتا عندنا
هقولها روحى إشتى فى القاهره
علشان إنتى بتبسطى الناس هناك
وأمانك عليك
تبقى تبعت لنا الشمس لما تطلع عندك

وبالنسبه للجلبيه والبدله
فدا مجرد cover
يعنى المفروض منحكمش على الناس بلبسها
وإلا هنبقى سطحيين قوى.

متغبش بقى على المدونه تانى

Rania Lelah يقول...

جميل اوى اوى احساسك ده صادق و رقيق يهز المشاعر
المطر و الجو
بحبه بجد

تحياتى

صوت من مصر يقول...

اقصوصه
المترو متعه اه لكن جمال القاهره هو الذى لا يوصف وعشان اكون صريح معاك من غير كدب القاهره احلى من دبى لانى بكره الحياه البلاستيكيه ؟
وتحياتى ليكى ؟

صوت من مصر يقول...

mnoon
عارفه يا منى السطحيه نظريه موجوده فى مصر منذ الاذل
ومش هغيب تانى بس بامانه عليكى انتى ندله وانتى عارفه ليه ؟

صوت من مصر يقول...

Rania
شكرا يا رانيا بس ايه الغيبه دى ؟

رحلتنا في الحياة يقول...

والله عندك حق ياكيمو هى دى القاهرة انا زورتها مرة وبجد عجبتنى جدا بكل تناقضاتها والصور الغريبة اللى فيها تحس ان التناقض ده هو اللى عاملها طعم اياااااااام ياريت ترجع تانى اجمل حاجة اننا كنا سهرانين لغاية الساعة 2 فى الشارع عمرها ما تحصل فى بلدنا طبعا :)