الخميس، ٩ أكتوبر ٢٠٠٨

ال ايه ؟ wanted


اول مره احس انى فعلا بتخانق او فى موضوع خانقنى مش عارف ليه نا بكتب البوست ده بعد المشكله ما حصلت بحوالى ساعتين يعنى نتكلم بقى فى المهم زمان كان نفسى ابقى مناضل او اضرب اى حد تبع الشرطه ولا اله الا الله ربنا حققلى امنيتى بجد بلاش نحرق لموضوع وهحكى الحدوته توته توته ؟
كنت ماشى فى الشارع زى اى مواطن عادى ودخلت القهوه سلمت على واحد صحبى واتكلمنا شويه وسبته وقومت عشان كان عندى مشوار لازم اعمله ولسه خارج من القهوه طفلين معرفش طلعوا منين

كل طفل ماسك كيس زباله وشكلها زباله زباله بجد يعنى وهباااااااااااااااااااااااااااااااااااااااااا ارمى يلا الكيس وكان الكيس جاى عليا روحت انا اتحركت عشان ميلمسنيش

المهم الكيس مجاش نحيتى نهائى بس راح زى مالعيلين عايزين تمام فى وش الشخص الى بيسوق العربيه الفخمه الى كانت ماشيه جنبى وانا عادى جدا كملت طريقى ولقيت العربيه ركنت ونزلت شخص ولقيته بيشتمنى ومعاه اتنين جاين معاه ولقيته هيضربنى كمان طبعا انا عملت فيها عنتر واظهرت شجاعتى وروحت مسبق انا بالضرب والى سبق اكل النبق المهم واحد اسمه حسام سواق تاكسى سمع الصوت راح يبص لقانى انا وهباااااااااااااااااااااااااااااااااااا مسك الراجل وهاتك يا ضرب بالاقلام وفى ثانيه لقيته بيقول انتم مش عارفين انا مين وصاحبه مسك التلفون وبيتكلم ولقيته بيقول انا عمى يبقى وائل طاحون ( مأمور قسم المطريه ) حسام سواق التاكسى قاله لفظ مش هينفع اقوله طبعا

حسام هرب بالتاكسى وبعدها بثوانى لقيت الامناء بتوع القسم واقفين جنبى وكانى قاتل قاتيل الراجل عمال يزعق ويقولى مش هسيبك وانا لسه زى مانا فرحان انى ضربت شخص تبغ الحكومه بجد المهم فهمت انه شغال فى نيابه المطريه وهباااااااااااااااااااااااااااااااااااااااااا انا عمال اضحك وحاسس انى خلاص هتمسك وهاخد علقه موت جوه القسم ولكن ممكن اعمل فيها روبن هود واحرر المساجين من عذاب السجن المهم نكمل الراجل ده ولا عجبه يمين ولا شمال وعمال يزعق فى امين شرطه بيقعد على القهوه اسمه رومانى والله فيه الخير معجبوش الكلام راح هو كمان زعق معاه وبقينا بدل اتنين حوالى 5 مطلوبين القبض عليهم وحاسس انى بكره هيتكتبلى ورقه تتعلق فى ارجء المطريه مكتوب عليها wanted لكن نكمل لقيت صاحبه بيقولى امشى والامناء بتوع القسم قالولى كده برضه امشى روحت مروح وكما لم يحصل شىء ولكنى مطلوب القبض عليه ؟

وعجبى على الضحك بجد اخيرا ضربت حد من اتباعك ياريس

اول ضحكه ليا كده النتيجه بقت كام

99 /1 ليك بس انا قريب موت

لو تقبض عليا النهارده بجد يبقى نهار امه اسود عشان حبايبى البلوجريه هيفضحوا امه طبعاااااااا ؟

نهاركم سعيد

روبن هود

الموضوع ده حصل فى شارع البلسم المطريه الساعه 7 ونص

امام قهوه العوامه

هناك ٣١ تعليقًا:

مهرة سالم يقول...

والله مش عارفع اأقولك ايه...
على العموم...
مبروك تحقيق حلمك يا مسترwanted...

HeBa يقول...

يعني نحضر العيش والحلاوة والذي منه

ده إذا كنت هتروح على القسم أصلا

عموما كويس أنك قدرت تحقق حلم من أحلامك

عقبال الباقي

romansy يقول...

ولا يهمك انت قدها وقدود

Gannah يقول...

ههههههههههه
هو احنا عايزين نفرح فيك
نجوزك يعنى مش نزورك فى المصيف
بس شكلك فرحان قوى
استوقفنى جداا اللى عمله الأطفال
ياترى دى مجرد شقاوة ولا هما كمان ليهم طار عند الحكومة
تحب عيش وحلاوة
ولا طعمية
تحياتى

صوت من مصر يقول...

m*k
شكرا بس اى حاجه هتقولها حلوه
شكرا

صوت من مصر يقول...

Heba
لا يا هبه متحضريش حاجه لان اخوكى مشبيسكت عن حقه انتى عارفانى والباقى قادم وانتم معايه موافقين ولا لا بتخافوا

صوت من مصر يقول...

romansy
كلمتك محسسانى انى خلاص بقيت روبن هود بجد صح
شكرا ياعم كاظم

صوت من مصر يقول...

Gannah
فة مثل بيقولك من اعمالك هتلاقى
انا زمان رميت ازازه بيبس على عربيه وجريت رضه وافتكرت ده كويس شوفتى بقا الشقاوه
دى لعبه كنا بنلعبها زمان
واسكتى بقى لانى عايز اتجوز بجد وفرحى انتى عارفه هيبقى فى المصيف برضه
شكرا

رحــــيـل يقول...

هههههههه

يعنى يامحمد احضر عيش وحلاوه

ولا ادور على محامين من دلوقتى؟


ربنا يستر بس خليك موجود عشان لو اختفيت كام يوم هنقلق عليك

son's egypt يقول...

السلام عليكم
الحمد لله حلمك اتحقق وضربت واحد يبقي من طرف الحكومة بتاعتنا
مبروك مستر زورو

مجلة سيكولوجية مصرية يقول...

جميل عنوان مدونتك

فالصوت هو كل شئ

وهناك الكلمة الخالدة

" تحدث كى أراك "

-----------------------------

أنت على موعد لزيارة مجلة سيكولوجية مصرية

وهذه موجهه لكل زوارك

http://psychologyegypt.blogspot.com

فى انتظارك

أسرة المجلة

canary يقول...

يعنى عملت مصيبه سودة وقعدت تضحك

طيب كدة احنا عاوزين نطمن عليك كل ربع ساعه عشان انت كدة بقيت وانتد
ولما يتقبض عليك عاوزين نعرف عشان ننفذ طلبك ونفضح الدنيا على البلوجر بس والنبى بلاش عنف ومقاومه سلطات
أستسلم بالذوق ومتخفش بطلو ضرب فى الاقسام دلوقتى

dalia يقول...

قول الحمد لله انك خرجت من القسم بالسلامه بلا خسائر انا بصراحه بقيت اخاف من احلامك ربنا يستر

صوت من مصر يقول...

رحيل
بقولك انا عندى برد وهختفى ليه انا مش بخاف لكن لو دخلت الفسم هختفى طبعا
شكرا

صوت من مصر يقول...

son's egypt
اده هى الحكومه دى بتاعتكم
والله معرف بس انت كاتب انك ابن مصر ازاى الحكومه تبقى بتعتكم اولا ثانيا انا مش زورو انا رقبته كلها

صوت من مصر يقول...

احمد مصطفى
شكرا عهلى مدح العنوان وباذن الله ليه زياره للبلوج

صوت من مصر يقول...

canary
اولا شكرا على تعليقك
ثانيا انتى حسستينى فى كلمتك بتاعت استسلم انى خلاص بقيت احمد ذكى فى فيلم الهروب
عموما شكرا

صوت من مصر يقول...

dalia
اولا انا مش كنت فى القسم ثانيا انا حلمى على قدى ولانى مصرى بحلم ويحلالى ومش بعرف احقق حاجه
بس ربنا الهمنى وحققت 1 % شكرا

Mona Shereif يقول...

طيب كويس انها جت على خير
وانك حققت حلم من احلامك
وكويس انه لسه متقبضش عليك بدليل ردك على التعليقات
بس العيال دول عملوا كده ليه
واشمعنى هما جم اتخانقوا معاك انت بالذات؟

kmt يقول...

السلام عليكم ورحمة الله وبركاته

الف الف الف مبروك والله فرحنا لك

تحياتي
الي اللقاء

Unknown يقول...

وااااااااااو تصدق حلم عمرى انى اهزق ضابط و اعرفه مقامه يا ابنى قول اللى انت عايزه وانا شخصيا ورااااااك... بس سارة هتسيبها لمين؟؟؟؟

صوت من مصر يقول...

Sometimes
اولا اتخنقوا معايا لانى كنت اقرب واحد للاطفال وافتكروا انى الى حدفت الزباله عليهم
ثانيا انا موجود الحمد لله
ثالثا الاطفال عملوا كده رخامه وخلاص
او تلاقى الواد عايز يعمل مظاهره فبيبدا

صوت من مصر يقول...

kemet
فرحنالك
والف مبروك
ناقص تقولى يا حلوه يا بلحه يا مقمعه شرفتى اخواتك الاربعه ؟

صوت من مصر يقول...

enjy
اوك انا موافق نعمل تنظيم ونسميه قفا الظابط ايه رايك ونقعد نهزقهم بالضرب على قفاهم
هههههههههبالنسبه لساره هسيبها لمين
هسيبها تكتب فى غيابى لانها مش هتنسانى
دى ثقه

حاسوباتيه يقول...

ههههههههه كويس انك فلت لو اتقبض عليك ماتخفش وراك بلوجريه على رايك وهنجيبلك عيش وحلاوه كمان يلا

ريمان يقول...

هههههههههههههه


مبروك على تحقيق حلمك

بس بجد انت غريب اوى

بلاش تيجى ناحيه الحكومه دى خالص

ابعد عن الشر وغنيله

بس غريبه اوى هما ليه يعملوا معاك مشكله عو انت اللى رميت عليهم الزباله

بجد دى حاجه عجيبه

بس المهم حمد الله ع السلامه

صوت من مصر يقول...

حاسوبتيه
عيش وحلاوه وفى بلوجريه ورايا
ده تمام بس انا مشبحب الحلاوه لو مش ممكن
شكرا جدا

صوت من مصر يقول...

ريمان
عارفه كلامك حلو جدا بس للعلم هما عملوا كده ليه
عشان رخامه وخلاص اولا وتانى حاجه عشان نفهم انهم اغبيه ؟

Desert cat يقول...

يعنى لما اطفال ويعملوا كدا لما يكبروا هيعملوا ايه وياترى اهاليهم مش ربوهم على الصح من الغلط ولا عرفوهم انهم بكدا قلالات الادب ؟؟
كمان انت موقفك برضه خطأ كان المفروض أنك تفهمه اللى حصل مش انك تضربه ويبقى انت اللى بدات واخدت حقك وعملت حاجه
انت زعلان من الريس واللى بيحصل فى البلد الشخص الى اترمى عليه زباله ده ذنبه ؟؟ ولو انت مكانة كنت هترضى باللى حصل ده اعتقد انك لو كنت فهمته ان الاطفال اللى عملوا كدا كان زمان الموضوع اتلم عموما هو مش هيعملك حاجه لانهم مهتهم اكبر من كدا
تحياتى

صوت من مصر يقول...

للاسف نسيت اكتب انى قولتله كده ؟
وهما فعلا مش متربيين على رايك بس برضه معاهم حق لو عارفين انه ظابط ؟

mnoon يقول...

هههههههههههههه
هههههههههههههههههه
هنيالك ياعم ضربت الحكومه