زى ما تكون هى دايما بالشقلوب
فارده ضلوعها وفارده قلوعها
وقلوعى وانا عطشان فى بحرك دايما يا صبيه
مكتوب على مركب قلبى
مكتوب فى جبينى مخبى
مكتوب والعار مش دايما باالشقلوب
مكتوب وفى ضل جنينة
وردة وزينه وقلب بيجرى
وفراشه ماتعرف هى ليه دايما طايرة
بالمقلوب
مفتاح حياة قلبى
عملوه ايام زمان وضاع ومن ساعتها
مليش عنوان
ولما لقيته حطيته
بالشقلوب
محبوب
محبوب والحب ده غنوة غناها حسن لنعيمة
فى فرح انوار ووليمة وفى حته واسعه
ومش عتيمة
وانا لسه بسمع غناه وهو يغنى
بالشقلوب
ولما كبرت وشفت الدنيا
لقتنى صغير رافع ايدى بالمعوج
لانى بحب البت السمرا وبعشق عنيها الحور
وعنيها شايفانى دايما
بالشقلوب
ولما كتبت اسمى فى مدرستى وكراستى وصبورتى ودكتى
ورقم جلوسى فى امتحانى
كان اسمى
بالشقلوب
وهى دى قصتى وحكتها وغنتها وكتبت عنوانى فيها
بالشقلوب ......
كيمو
.jpg)
هناك ٨ تعليقات:
كيمو كل سنه وإنت طيب كان نفسي أقولهالك من بدرى بس المهم إنى قولتها
كل سنه وإنت طيب وعايزه أقولك حاجه كمان
وحشتنى
.طيب.. وأنت سنة كل. ماتكتب حاجة لازم تبقى مبتكر معنى جديد فى حياتك
وأيوه كدة طلع الفن أللى جواك والموهبة أللى حسيت أنى مفتقدها فيك
وأدينى عيدت عليك بالشقلوب
شقلوب ايه بس
ده الكلام زي الفل
ومعدول وجميل
كل سنه وانت طيب
ويارب دايما رايق وسعيد وكله في السليم ومعدول
:))
عايزة اقول إن واحشني المكان هنا أوي
كل عام وأنت بخير
غير معروف
انت مين ؟
وطظ فى اخر كلمة
أسمعنى شكراًً
ببقى كده فى حالةواحده قررت اعيشها
هبقى اقولك عليها
شمس النهار يقول...
وانتى طيبة بس بجد
هى بالشقلوب
محاولة لكسر الصمت يقول..
شكرا قوى
ووحشنى تعليقك هنا والله .
إرسال تعليق