كالعادة ساكتب لكن انتوا بتزهقوا منى انى دايما مش بغير الموضوع الازلى
اللى هو كره الحكومة وان مصر هى الموزه وحبى ليها قد ايه ووصفها ولكن
انا شخصيا زهقت وكرهت كده وعاوز اغير مش عارف فلما قولت اغير قولت اكتبلكم الاتى
ـــــــــــــــــــــــــــــــــــــــــــــــــــــــــــــــ.......
هنا القاهرة الساحرة العامرة اللى فيها هيلتون وجنبه بولاق
اللى فيها النيل فى المعادى وبيعدى على شبرا
اللى فيها دماء طلبة عين شمس والقاهرة
وفيها طابور سجل مدنى فى شارع الهرم
وفيها رقص وملهى ليلى يسمى بالصن سيت
وفيها قهاوى تقترب من 1265488 ولا ايه
وفيها السحر والشعوذة
وفيها الكورة وفيها سوق الجمعه وسوق الخميس والتلات
ومولد الحسين والسيدة عيشة والسيدة زينب
وحمص شام "" حلبسه "" ودخان شيشة عم احمد
وجلبية ام عصام وبقالة عم امام وبرضه لا تخلى من ماكدونلد وكنتاكى
وفيها جاد والشبرواى وعربية فول وكشرى وطاجن
وفيها تلاقى عربية قردة وعربية " خايف اقول اسمها حد يشتمنى "
وفيها كتب وكتاب ومثقفين
وفيها فرافير ومفرفرين
وفيها حسنى وابنه
وعمو حسنى بتاع الكبدة
ومارى جرجس والسبع كنائس وجامع عمرو
وفيها عرقنا على سقالات المقاولين
وفيها كبارى وفيها نواصى ومخدرات
تلك هى العامرة الساحرة الساهرة
ولولا عشقى ليكى ما كنت تذكرتك فى اى مكان لانك حتة من جوة عقلى .
كيمو
اللى هو كره الحكومة وان مصر هى الموزه وحبى ليها قد ايه ووصفها ولكن
انا شخصيا زهقت وكرهت كده وعاوز اغير مش عارف فلما قولت اغير قولت اكتبلكم الاتى
ـــــــــــــــــــــــــــــــــــــــــــــــــــــــــــــــ.......
هنا القاهرة الساحرة العامرة اللى فيها هيلتون وجنبه بولاق
اللى فيها النيل فى المعادى وبيعدى على شبرا
اللى فيها دماء طلبة عين شمس والقاهرة
وفيها طابور سجل مدنى فى شارع الهرم
وفيها رقص وملهى ليلى يسمى بالصن سيت
وفيها قهاوى تقترب من 1265488 ولا ايه
وفيها السحر والشعوذة
وفيها الكورة وفيها سوق الجمعه وسوق الخميس والتلات
ومولد الحسين والسيدة عيشة والسيدة زينب
وحمص شام "" حلبسه "" ودخان شيشة عم احمد
وجلبية ام عصام وبقالة عم امام وبرضه لا تخلى من ماكدونلد وكنتاكى
وفيها جاد والشبرواى وعربية فول وكشرى وطاجن
وفيها تلاقى عربية قردة وعربية " خايف اقول اسمها حد يشتمنى "
وفيها كتب وكتاب ومثقفين
وفيها فرافير ومفرفرين
وفيها حسنى وابنه
وعمو حسنى بتاع الكبدة
ومارى جرجس والسبع كنائس وجامع عمرو
وفيها عرقنا على سقالات المقاولين
وفيها كبارى وفيها نواصى ومخدرات
تلك هى العامرة الساحرة الساهرة
ولولا عشقى ليكى ما كنت تذكرتك فى اى مكان لانك حتة من جوة عقلى .
كيمو
.jpg)
هناك ٣٥ تعليقًا:
اكيد هي دي القاهره :)
تحياتي
طيب و أنا إيه إللى يجبرنى أحب عاهرة
ما الدنيا مليانة بلاد بنات ناس محترمين و مؤدبين و بعفافهم و شرفهم
أنا شخصيا مش عايز العاهرة دى
يا عم هراء عامرة عااااااااامرة
صلي ع النبي
دي مصر واللي ابوه نسي يطبعها في قلبه ميعرفش يطبعها كبير
واللي طبعها شقيان في حبها ومش بإيده حل
هي دي القاهرة :)
ههههههههههههههههههههههه
ال يعني كده طلعت من المود
ما هو كل ده بسبب اهمال الحكومه
ربنا ياخدهم
اللهم اني ماقولتش حاجه
اااااه .....
عااامرة
واضح إن أنا محتاج نضارة على عينيا الحيوين الفترة الجاية
لكن الصراحة بمراجعة الصفات المكتوبة فوق ( عاامرة ) ــ و هى حقيقة بالفعل ــ فمعتقدش إنى جانبت الصواب أو جافيت الواقع كثيرا
بكرهها علشان البشر وبحبها علشان لما تفضي منهم
مصر عاااااااااامره ساهره
بحب الناس ماليانه ومبهره
جاير عليها زمنهادلوقتى مش متغندره
لكن ب100 راجل مش زى ناس مدلدله
واللى مش عجبه بلدى يغور ولو غاير ياريت مايرجعش ويتهد ويغور بردو
كلامك جميل زيك واوعى تبطل تحبها وتدوب فيها زى صبيه حلوة ماشوفتش فى جملها حد
تسلم والله
تقبل مرورى
قل للعواذل إن رميتم مصرنا***بتخلف التصنيع والتعدين
مصر الحديثة قد علت وتقدمت***فى صنعة التعذيب والتقرين
وتفننت كى لايمل معذب***فى العرض والاخراج والتلوين
http://islamiatzidan.blogspot.com/
ايوة هى دى القاهره
تحياتى
بما أنى أسكندرانيه جدااا بأشكرك لتعريفى بالقاهره الأم .. :)
تحياتى لك ..
السلام عليكم
بفضل الله عدت بعد غياب عام كامل ع التدوين
موضوعك جميل
وياريت ربنا يثبت عقولنا ع اللى بنشوفه الحين بمصر
هى دى القاهرة يا كيو اللى بعشقها
واعشق كل تفاصيلها
بس انا زعلانه منك
فين مصر الجديدة يا كيمو ؟؟؟
انت مش معترف انها جزء من القاهرة ولا ايه ؟
انا مبسوطة جدا انى اتعرفت عليك وقعدت معاك يوم الجمعة اللى فاتت
وبجد كان يو حلو سيظل محفورا في ذاكرتى
ولولا عشقى ليكى ما كنت تذكرتك فى اى مكان لانك حتة من جوة عقلى .
ودى احسن حاجه فيك
انك بتحبهاااا اووووووووووى
ايه ده انت نسيت اهم حاجة
انها البلد الوحيد في العالم اللي العربيات الكارو ماشيه جنب العربيات المرسيدس والبي ام
جنبا الي جنب
:)))
(( الاخ هراء لادعي له ))
فعلا بجد اسم علي مسمي
هراء لاداعي له
:((
انا مقتنعه ان مصر جميله وهتفضل طول عمرها جميله
حتى لو كانت حالها مايسرش دلوقتي بكرة ترجع احسن من الاول بكتير كمان
فتاه من الصعيد
وممكن احلى
هراء لا داعى له .....
اسمحلى ابسطلك شىء
واحده وحشه جدا بس دمها خفيف ووحدها حلوة ودمها تقيل جدا
تحب مين ؟؟؟؟؟؟؟؟؟
ستيتة حسب الله الحمش
عارفه يا دكتورة
اهلى ربونى على ان مصر هى الوطن اللى عمرى ما اقدر انساه لانى هموت فى ارضها
كيــــــــــــارا
مش حلوان
سجود
فى حاجات بنحبها وهى غلط
والمدونة هنا ممكن تشتمى الحكومه عادى
راء لا داعى له .....
على راى شموسه
هراااااااااااااااااء لا داعى له
dr.lecter
وانا بحب زحمتها
richardCatheart
نورتننى كتير بكلامك
بس تعبير اوعى تبطل تحبها عمرى ما هوصل له لانى عاشق ليها
المسلم
مش فاهمك
ريمان
ايوه دى تاكيد
rovy
لو انا من الاسكندرية مش هوصفها هعشق كل عمود نور لان مفيهاش تراب فى الارض
نورتينى كتير
عاشقة الشهاده
رجوعك غالى
وربنا مش بينسى حد
reem
قبل اى كلام انا اللى ليا الشرف بجد
بس مصر الجديده عاوزة مش بوست عاوز روايه
دعاء العطار
وواثق ان حبك ليها اكبر واكبر
شمس النهار
وكمان البلد اللى البشر فيها نايمين 27 ساعه فى اليوم
شمس النهار
ناس طيبين جدا يا خال
Just waiting
شوفى حكمة ربنا مقهورين وبنضحك
فعلا احنا منها وهى لينا
بلدي وان جارت عليّ عزيزة
جميل المقال ده والصوره معبره
وبالرغم من اشفاقي علي من يعيش في القاهره وتعجب اانني اتعب اذا اقمت فيها يومين وليس عمري كله
الا اني ائما اشعر انهم يشعرون بالحريه عن اي مكان اخر في مصر
قد يكون هذا الوصف هو السبب
إرسال تعليق