كلامى ممكن يكون مش منطقى
ممكن كان قبيح واسف بجد
اى حد مكانى بيقولها بس فى سره
ممكن خوف وممكن عشان هو مؤدب وده غالبا
قبل اى حاجه ده امتحان صغنون كده على الماشى واجابته موجوده ؟
السؤال الاول :
السؤال الاول :
عرف او عرفى معنى كلمه حزب وطنى؟
الاجابه سرقه نصب بلطجه عربجه تنفيض جيوب الغلابه اهوحكم والسلام والى قال انه وطنى يبقى كداب هو وثنى او كوسه او سلطات
السؤال الثانى ؟
علل
قتل اطفال فقر ومجاعات لايوجد خدمات وكوارث عام 2008 ؟
بسبب الحكومه طبعا ولو حد تانى يبقى احنا عشان نكدب وناخد نتيجه حلوه ماهى كوسه او محسوبيه
السؤال الثالث ؟
اكمل
الرئيس حسنى مبارك هيقعد لغايه امتى ماسك الحكم ..............
هيدفن وهو على الكرسى
السؤال الرابع ؟
حاسس انك مصرى
الاجابه لو كنت غنى او ابويا وزير او احمد عز
السؤال الخامس
السلطه المصريه تتكون من ؟
حراميه نصابين
وفى اخر الامتحان نقول الدرجه بقى من غير زعل 100 %
وهتدخل اقتصاد وعلوم سياسيه وتطلع تشتغل على ميكروباص راما خط حلوان 15 مايوه او تقف فىت مطعم فول لو تحب
هى دى مصر والنتيجه وساعه الامتحان يكرم المرء او يهان واكيد يهان يهان يهان
.jfif)
.jpg)
هناك ٤١ تعليقًا:
موقفك موقف بس تعبيرك جارح ليك ولينا كأننا مش عارفين وسوري علي صراحتي بس معرفش اجامل
للاسف يا حنان انا صريح برضه زياده عن اللزوم وعشان كده معرفش ليه كان تعبيرى رخم وسافل بس زى ما تقولى انفجرت من الى فيا
وانتى كمان معايه صح
؟
شكرا
السلام عليكم ورحمة الله وبركاته
بص ياكيو ماتخدش الحياة علي صدرك كده هاتتعب اوي والتعب هايزيد يوم عن يوم
الحكومه الدولة كل دي حاجات موجوده وعلشان تتغير عايزة ثورة ومش عارفه الثورة دي ممكن تفور امتي
لكن اللي مؤمنه بيه اوي ان ربنا مش هايحسبني غير علي اعمالي انا واعرف ان الله مش بيحط انسان في مكان هو مش قادر عليه بمعني ان ربنا بيبتلي الانسان على اد طاقته مش اكتر منها لان ربنا العدل والدنيا مش دار الراحه الدنيا دار العمل
فلو هانعد نبكي ونلطم ونلعن الحكومه والسلطه والطرشي يبقي هانكون معاهم دنيا واخرة
لكن اعرف ان ربنا عارف طاقتك ممكن توديك لحد فين وانت كمان عارف ومحدش تالت يقدر يعرف دا
بس
حاول تستخدم السلبية اللي حواليك في خلق ايجابيه سيبك من الحكومة خليك فيك انت عايز تكون ايه وليه وفعلا واثق في نفسك ولا مستني المصباح
من الستعان بالله اعانه وخد بالاسباب
بس آمن بالله قوي في انه هايعينك واعرف انه مش هايفرش لك الارض ورد وفل كان عمل كده مع سيدنا محمد بس سيدنا محمد صلى الله عليه وسلم انضرب واتجرح وتكسرت اسنانه في سبيل رساله وانت عارف اد ايه هو غالي علي ربنا وكان ممكن يحميه باشارة منه سبحانه وتعالى
لكن خلاه يعاني علشان اللي زي وزيك يعرفوا ان لو عندهم رسالة لازم يتعبوا ومش لازم كمان يلاقوا النتيجه علي حياتهم ممكن يموتوا كمان وغيرهم يكمل الرسالة
سامحني
بس مش عارفه الكلام الكبير دا طلع ازاي دلوقتي
بس انا حاسه فيك بطاقة الطاقة السلبيه دي يوم مابتحرق مابتحرقش غير صاحبها يبقي الاحس استعين بالله واوجهها للايجابية
تحياتي
الي اللقاء
kemet
كلامك دخل دماغى جدا وطبعا الرسول صلى الله عليه وسلم قدوتنا كلنا لكن اى بنى ادم ملوش غير الى فى ايده وانا ربنا خلقلى لسان اتكلم بيه وصوت يطلع عشان احرك النايم ونفسى اى حد ظالم يتكلم معايه لانى على حق وساعتها ربنا هيقف معايه وعمرى ما كنت سلبى وللاسف مش بحبها
وبجد تعليقك مبهر جدا ؟
السلام عليكم ورحمة الله وبركاته
كيمو انت قريت البوست عندي ورديت عادي
بس بجد احساس البنات بالرعب في ان رجالة بلادها ماعادوش يقدروا غير عالكلام داشيء قاسي قوي
لو انتوا الشباب اللي هاتعيشوا معاهم المستقبل مش قادرين غير ع الكلام احنا نعمل ايه
الكلام مش حل ما كل المصرين بيتكلموا
ايه اللي اتغير
ولا شيء
كل ع المدونات كلام طالع من ادمغه زي الورد
بس الفعل فين
يمكن بحطك في مسئولية بس انتم فعلا مكشباب البلد ي مسئولين عننا
واحنا مسئولين منكم
لوانتم مش ضهرنا يبقي مين ممكن نديله الامان
مش عارف انا اسفه بس
صعبانين عليا اوي
ومش بايدي اعمل حاجة
غير اني اغير من نفسي واحاول اكون الاتنين اكون راجل ضهر نفسي واكون بنت وقت مااحتاج حنية على نفسي
اسفه للمرة التانية
تحياتي
الي اللقاء
انا معاك فى كل الكلام اللى انت قولته
وبشجعلك على صراحتك لكن انا بقولك المدونات ليها ودان
ههههههههههههه
دى مشاعرك وانفجرت ومن حق اى واحد يقول اللى فى نفسوا
ديمقراطيه بقى بس لها انياب
وفى الاخر هقولك دى اخرتها الميكرباص وكمان مش هيهنوك عليها وتلاقى ظابط رخم يرخم عليك
هههههههههههه
السلام عليكم ورحمة الله وبركاته
كيمو متزعلش مني
انا اسفه ان كنت حطيت فوق كتافك حمل مش حملك لوحد
بجد انا اسفه
تحياتي
الي اللقاء
السلام عليكم و رحمة الله و بركاته
اسيك يا محمد يارب تكون بخير
ميرسي على سؤالك ومعلش أنا موش قادرة أكتب الفترة دي بسبب الظروف اللي عندي لما أطمن على عمو الأول وبالي يهدى من ناحيته بس أكيد متابعاك إن شاء الله
قرأت البوست مرتين وزي ما قلتلك حتى لو فيه جرأة شوية لفظيه بس بحترم عفويتك حقيقي وروح الحماس اللي عندك
وبتمنى الروح دي تتوظف صح في حياتك لان عندي احساس انك ممكن تعمل حاجات كتير
على فكرة شكل دمك حامي جداااااا
والنوع ده بحس فيه مقدرة ربانية عجيبه ربنا يوفقك يارب
تعقيبا على بوستك زي ما قلتلك جرأة منك وصراحه مطلقه بحييك عليها
بالاضافة ان الحكومة والسلطة والريس دول قوم أينعم فيهم فساد كتير لينا وللبلد بس ربنا بيقول لا يغيرو الله ما بقوم حتى يغيروا ما بأنفسهم ويمكن ربنا بيعمل فيهم كده عشان يختبرهم يفضلوا في شرهم لينا وفسادهم للشعب وظلمهم وطغيانهم للبشر وسكوتهم على الظلم كتير ولا ايه ويكون شايل لينا الخير بعدين اينعم احنا مظلومين بس تعرف انا جوايا احساسين متناقضين بشفق على الناس من اللي هما فيه وبقول يستاهلوا ماهم ساكتين ولو البلد كلها اتحدت واتكلمت موش معقول هتتحط كلها في معتقل ايه هيموتوها كلها ولا ايه هما ماشيين على نظام الفردية ان واحد او اتنين هيتكلموا ويقولوا موش عاجبنا عمايلكم وعلى راي المثل اللي بيقول اضرب المربوط يخاف السايب صح ولا ايه ولما يكون واحد متعذب ومتمرمت وطالع عينه بسبب انه اتجرأ عليهم مصر كلها هتخاف بس نسيوا ان في الاتحاد قوة وكم من فئة قليلة غلبت فئة كبيرة باتحادهم
يارب يكون المعنى اللي قصدته وصل
وبجد انا بقيت محتارة في الناس في البلد دي عايزين البلد تتصلح صلحوا من نفسكم كل واحد يبدا بنفه ولما حالكم يتصلح اتحدوا د ظلمهم وبرجع واقول كل واحد خايف على حياته وولاده ومستقبله وراضي باللي بيحصل فينا
انا عن نفسي نفسيا تعبت بجد من كل ده وياريت اشوف تغيير
هتصدقني لو اقولك زمان ايام المظاهرات والثورة وكده كنت بتمنى اكون مولوده وقتها احتجاجا على الظلم والطغيان فين ناس زمان من دلوقتي رغم ان زمان كان الملك وموش مصري سبحان الله
ربنا يتولانا برحمته يارب
وتاني مرة بشكرك على سؤال عني وبحييك على جرأتك
ربنا يبارك فيك
وايه موش عندك امتحانات ولا ايه ؟؟
في رعاية الله
ههههههههههههههه
انت صح وانا معاك في صراحتك دول يستاهلوا اكتر من كده كمان
جرأة.............بس للأسف هو دة الواقع
معاك طبعا وربنا يكون في عوننا
kemet
بجد عندك حق بس لو لفيتى الناس الى انتى عاوزاها تستحمل ابقى شاورى عليهم هرمى عليهم همى ؟
فارس القمر
مش عارف اقولك ايه بس لو انا راكب ميكروباص ولقيت ظابط هيبقى كويس
بقى امين او عسكور ؟
شكرا والمدونات ليها ودان الى ودنى بترمى بره اقوله طظ
شكرا ليك
kemet
لا عادى
ولا داعى للااسف
mero-moory
ميرو
عندى امتحانات بس مش بذاكر
عموما كلامك جميل جدا وشكرا للتحيه ومستنى البوست عندك ؟
حاسوباتيه
الصراحه بضحك
طيب شكرا مش هتحبس لوحدى صح ؟
A.SAMIR
عندك شك فى ان ده الواقع يا احمد
حنان الشافعي
شكرا جدا والله الحمد لله فى مصر ناس تشجع لقيام ثوره التدوين الوطنيه ؟
خلى الطابق مسطور
اكيد كله هيسقط بالتلاته
اخى صوت من مصر بعيد عن الارض عايش فى
ألالامها وجراحها اخى برغم كل ما
ذكرته الا اننا نجد انفسنا صامتون
مستسلمون الى متى لا يعلم ذلك الا الله
ولكن هناك سؤال دائما يدور
بمخيلتى هل نحن نستحق ذلك ام لا
فدائما كان يقول لى والدى من اعمالنا
سلط علينا هل نحن نستحق هذا الظلم
هذا الجبروت فليرحمنا الله
ومنى لك يا اخى لا تدع كلمة الحق
بداخلك فذلك أضعف الإيمان
تقبل مرورى
smilyrose
روح الحب الصادق
خلاص يبقى لازم نسقط فى الامتحان عشان نجيب درجة وحشة ونطلع نشتغل سواقين اهو حتى نحلل الشغلانة والبنات ممكن يقفوا فى سنترالات...منور
السؤال الرابع ؟
حاسس انك مصرى
*********
ايوه طبعا مصرررررررريه
غير كدا مش هجاوب
تحياتي
حسبنا الله ونعم الوكيل
رومنسى
للاسف محدش هيسقط عارف ليه لاننا بنحب مصر وخلى الطابق مفضوح
smilyrose
فعلا هو جبروت
ربنا ياخده
وكلمه الحق منى ومنك ومن كل مصرى
enjy
فى شغلانه تحفه للبنات عتالين لان السنترالات فلوسها قليله برضه
والرجاله تتجوز وتقعد فى البيت
كياره
شكلك معاكى فلوس او بنت وزير ؟
ولا ايه
كلنا مصريين
اوعى تفكر
احلى دعوه
بجد شكرا
والله ام امين
ههههه
صح هى دى مصر
وهما دول اللى فى مصر
حزينه
ومن صنع مبارك ؟
ومن صنع الفساد
ومن صنع الصمت ؟ رجال جربوا النار فخافوا من العصى
للاسف دا حال بلدنا واحنا صامتين عليه
اجمل ما فى أسألتك انك لقيت اجاباتها
اجاباتك صح الصح و تستحق جايزة الطالب المثالى كمان
ربنا يلطف بينا
سنه سعيده عليك
غزة تحترق..غزة تباد
عجزة الأنظمة علي إنقاذها
أو تواطئوا علي إبادتها
من أجل سلطانهم الزائل
نحن ماذا نقدم حتي لو كنا مكبلين بالحديد والنار
شاركنا مقترحاتك العملية لنا كشعب من أجل
نصرة إخواننا الذي سوف نسأل عنهم
أمام الله وأمام التاريخ وأمام الإنسانية جمعاء
نتلقي اقتراحاتكم علي مدونة مواطنون ضد الشعب
www.moatnondedelsh3ab.blogspot.com
محمد
عام هجرى جديد سعيد
يعنى مش عارفة اقول ايه
حكومتنا مافيش كلام يعبر عن شعورى ناحيتها وخاصة بعد موقفنا من اللى بيحصل فى غزة
يتهيألى حتى سواق ميكروباس برضه بقت حلم مش سهل
تحياتى
Blogger
كويس انك عارفه مصر مصر وده طبيعى لانك منها ؟
شكرا
نهر الحب
نحن من نصنع الاوهام ونحن من نصنع الفساد وايضا نحن من نحاربه
عاليا حليم
الاجابه موجوده فى عينينا كلنا ؟
Rania
طالب مثالى
على اساس انى اسمى زوزو والخفى سعاد حسنى ؟
ده كان زمان ؟
م/ الحسيني لزومي
شكرا للدعوه
Gannah
وانتى طيبه ؟
وعام سعيد معرفش ازاى بدايته باينه
希望大家都會非常非常幸福~為您介紹世界最知名私家偵探公司................................
إرسال تعليق