يئس خوف غضب شجن حب ضحك لعب ...................... الخ كلها مشاعر هنحطها جوه شنطه ونرميها هتحس بايه مش هتلاقى احساس ليه لاننا بشر تدوس علينا نزعل وتدوس علينا نفرح البدايه رخمه فى الكلام لكنها فى الاول والاخر بدايه لخبطه الافكار التجارب وكل شىء هين لكن تلخبط عقلك اصعب هدوء نسبى بعد سماع فيروز ومحمد عدويه ولكن متى تحين ساعه انتظار القطار الذى ياتى بشنطه المشاعر كيس ملىء بالمنيات ملى باشياء نحتاجها ولكنى فى الاخر بشر ؟
انا تايه بجد ؟
مش عارف اقول ايه تانى بجد ؟
انا تايه بجد ؟
مش عارف اقول ايه تانى بجد ؟
.jpg)
هناك ١٩ تعليقًا:
اول تعليق
هييييييييييه
عنوان البوست و الصورة بجد يخلوك عايز تفكر...شنطة المشاعر ما هو البنى ادم اصلا عبارة عن ايه غير شنطة مشاعر هو نفسه مش فاهمها و بجد انا لما بفكر زيك كدا مش بخرج بحاجة غير انى بقول سبحان الله اللى خلقنا بالتركيبة دى اللى حتى مش قادرين نفهم نفسنا بيها
تحياتى
هى فعلا شنطه وطول ماحنا ماشيين بنمليها مشاعر ونفضى مشاعر
بس هى عمرها ماتفضى خالص
يارب تخرج من توهتك دى بسرعه اصعب احساس بجد فى الدنيا
ربنا معاك
واضح ان المشاعر كلها متلخبطة عندك جامد جدا
بس المهم ان الشنطة تيجي وتفضيها وتحتفظ بها داخل قلبك علشان يبقي يه هدوء واستقرار نفسي بجد
يارب توصل بسرعه
هو لازم يعنى ارغى !!!!
شوف هو انا شايفه ان البوست بتاعك دة لازم يتقرأ بسرعه كده بس انا هبطت قوى من كتر الجرى فيه
مش عارفه وصلك كدة ولا لأ
لكن لو على شنطة المشاعر دى فأنا شايفه ان مفيش حد يقدر يعيش من غيرها
وياريت لو يلبسها يبقى أضمن
تقديرى لشخصك الكريم
طيب ولما كلنا نرمى شنطة المشاعر تفتكر حتبقى الحياة حلوة لان اللى بيخلينا مختلفين عن كل المخلوقات اللى ربنا خلقها هو العقل والمشاعر ومتهيألى لو رميت الشنطة حتحس انك تايهه اكتر خليها معاك احتياطى برضة
تحياتى
ازيك يامحمد
تعرف انا نفسى فى شنطه املاها بكل المشاعر السلبيه اللى جوايا من نكد وزعل ونرفزه وخلافه وارميها فى البحر
لاء احرقها احسن
واجيب شنطه تانيه املاها بكل المشاعر الجميله
واللى يفضلى بس هى المشاعر دى
صعبه دى صح ؟
بجد بوست جميل جداً
ومش انت لوحدك اللى تايه
سلااااااااااااام ياكيمو
ايه يا أخى مالك ؟
ليه كل اللخبطة دى
بس عارف مش انت لوحدك كلنا عندنا تضارب فى مشاعرنا وافكارنا
يا ريت تحاول تلاقى شنطة جديدة مافيهاش يأس ممكن زعل...خوف...غضب بس بلاش يأس
يارب نفسى مرة الاقيك فرحان وسعيد
يا رب
تحياتى
مش عارف اقول ايه غير كلنا مرينا بالظروف دي
تحياتي
السلام عليكم
الانسان عبارة عن خليط من المشاعر المتناقضة
الحزن والفرح
الحب الكره
هذا هو الانسان
متقولش حاجه
الدنيا مش مستاهله
الغريب إن الواحد فى لحظه ممكن رغم الحزن ده كله
ورغم إنه مش لاقى حاجه يقولها من زهقه
تلاقى كده على فجأه منك لنفسك سعيد
بدون أسباب
لما بيحصلى كده
مبيبقاش عندى شك إنى خلاص إتجننت
ربنا يفك كربك
ياكيمو
انا دلوقتى بمر بظروف وحشه قوى
ومخنووووووووووووووق
بس اقلك على الحل بجد
ارمى كل حمولك على الله
واتوضى ووانت ساجد ابكى وادعى ربك
وكمان اقرا قرأن وأدعيه قلبك هيرتاح جدا
ميتهيقلى انا بعمل كده وهروح اعمل كده
وبيتهيقلى محدش ممكن يقلك على نصيحه اجمل من كده
يعنى فى رحاب الله
ربنا يفك كربك وكربنا أمين يارب العالمين
وبعد اما نحط مشاعرنا فى شنطه هيجرى ايه؟
او ايه التغير اللى هيحصل؟
انت باين عليك امبير الاكتئاب عالى عندك اوى
وانا لسه راجعه بعد عودة النت المحمودة ووالنبى مش ناقصه
باه الحكمة الهايلة و الفلسفة العالية الى طالعة من البوست ده و تايه برده ؟
عايزاك بس تتفائل و تخلى الاصرار و الطموح مصاحبينك و هى اللخبطة حتنتهى باذن الله
بس اكتر حاجة دايقتى حكاية فيروز و محمد عدوية
فيروز و محمد عدوية ؟
لا دى باه اللخبطة الغير مقبولة
:)
من غير ماتقول حاجة تانية فكرتك وصلت
بس تعرف ياريتنا فعلا كنا من غير مشاعر على الاقل ساعتها هنبقى معذورين يعنى لو حد جرح حد او اخد حق حد مش هنلومه لكن تخيل ان يكون عندنا مشاعر وبرده مش بنحس
تحياتى
السلام عليكم ورحمة الله وبركاته
علي فكرة هوا تقريبا فيرس في الجو صايب كل شباب البلد دي
ومش هاقولك زي كلام الكبار والنصايح الخايبة
بس هاقولك حاول تلاقي وقت قريب تكون فيه لوحد كلمها بصوت عالي ناقش نفسك مع نفسك لان الحل في نفسك والطريق انت اللي لازم تحط رجلك عليه لان للاسف كل واحد مش هايفيده غير نفسه .......اكيد الصحاب لمتهم حلوة ساعات بينفعوا في مشوار في رحلة في كلام او حتي فضفضة لكن في حل هم نفسي انا ماعتقدش
الحل جواك وربنا يظهره جواك
تحياتي
الي اللقاء
هو انا اللى غبيه ولا انت اللى عبقرى زياده عن اللزوم
عالعموم ولا تشيل ف نفسك
شنطه كيس طاسه مش فارقه المهم يبقى معاك اى حاجه تشيل فيها بدل ما تشيل ف نفسك
ازيك يا محمد والنبى ما تشتم
عارفه انك تقريبا نستنى
بس والله الحق مش عليه الحق على الواد الواطى بتاع النت قطع علينا منه لله ادى شهرين
المهم عامل ايه
ليه تايه
وايه الصوره دى انت بقيت سريالى ياد ولا ايه
عموما سيبها لربنا يحلها
هي المشاعر اللي بتعمل للحياة طعم
خوفك على أهلك
رغبتك في تحقيق هدف معين
افراحك وانكساراتك
كلها حاجة مهمة ومينفعش تعيش احساس من غير التاني
الشنطة كلها على بعضها مهمة
أنا اللي مش عارفة أقول ايه بجد لأني بقيت آخر توهان....
إرسال تعليق