صوت من مصر

بلد واحدة فقط ولكنها تجمع الأغلبية الصامتة والشيوخ وأحنا ولاد الكلب الشعب

2012-01-12T18:06:00.000-08:00

بالنظر الى الأيام التى قد عشت فيها خلال 25 عاماً إقتربت على الرحيل من زمن ماتت فيه الكلامات من أجل حب الذات , وأيضاً الخوف الذى سيطر على عقول البعض من الهواجس التى دام النظام وأدواته وتجار الدين على بعثه الى داخل نفوس من لايدرى بالمواقف , أعترف بأنى كنت مخطىء فى كل بشر ...
وبالتالى فأنا أختلفت مع كل جنس بشرى فى فكرة أننى اكره السلطة وأرفض كل ما يثمى بدواعى أمنية , فالبشر المؤمنين بالسلطة هم من يحبون العذاب من الجلاد فى ليالى أكتمل النور فيها بسبب بعض من الناس الذين يكهرون السلطة ويكرهون الذات التى تمجد فلا مجد سوى للأله الذى يعبده البشر والذين يجتمعون فى كونهم بشر لا يفضل الله شخص عن أخر فكلهم سواء فكلهم سيحاسب لأن الله " عادل " وهكذا نعرفه دائماً , أما تجار الدين فهم يلعبون اللعبة دون أى دراية بالسياسة أو معانيها ولكنهم يطمعون فى ركوب الكرسى الذى ظل لمدة 60 عاماً وأكثر تحت جذمة العسكر , ولأن البشر هم بطبهخم يخافون الله ولأننا شعب إعتاد على الخوف ورفض العديد منهم حكم العسكر فهناك ثلاثة أجزاء ...
الأول : بشر تعودت أجسادهم وعقولهم على الكذب وعلى العقول التى تخاف دوماً من جذم العسكر ومن بطشهم لو تركوا الحكم وهم بدورهم مغيبون بسبب السلطة الإعلامية التى تنشر كذب العسكر , وهم من أطلقوا على أنفسهم " الأغلبية الصامتة " وذلك نظراً لكونهم صامتون عن كل شىء ويرفضون ما فعله الثوار من ثورة هم لا يقتنعون بها نتيجة لما كان فى يدهم من موارد نتيجة لأنهم يقبلون يد الحاكم .
الثانى : الشيوخ .. الأخوه والأخوات وهم من يريدونهم إسلاميه إسلاميه ويعقدون صفقه مع العسكرى حتى يأخذوا الكرسى ومن معه , ولكن فى العديد من الدول تنتفض الثورة دائماً ضد الحكم الدينى لأنه دوماً ما يكون فاشى مثل الحكم العسكرى لأنه يتكلم كأنه " يد الله " ولكن الله عز وجل رفض أن يكون له رسول سوى الرسل عليهم الصلاة والسلام ولو هم شيوخ كما يفضلون أن يطلق عليهم " فالشيخ شاخ عن الفكر وشاب رأسه " فلو كانت ذو هوية دينية فماذا سيكون الحكم فى النقد , فى تلك الحالة سيقال عن الرافض أنه " كافر " وسيعدم لأنه خارج عن الدين " الحاكم " وأيضاً فى تلك الحالة مات الأزهر منبر الإسلام .
الثالث... إعترف بإنى منهم وهم بشر مقتنعون بإنهم بشر ولهم الحق فى السلطة وليس جزء من الكعكة لأنهم قاموا بثورة ضد كل من هو خاطىء ضد كل من هو ظالم ضد السلطة الواحدة .. فدائماً رافضين لحكم العسكر لأنه يريد كتم أفكارهم , ورافضين للحكم الدينى لأنه سيتعامل بنفس المنطق , وفى تلك الحالة أعترف بأننا أقل عدداً من الكل ولكننا نحلم بوطن نحلم ببشر .
وفى النهاية ...""" يسقط يسقط حكم العسكر """ .
محمد كمال

تونس تطبع صورة بوعزيزى على طابع البريد ومصر تنسى خالد سعيد شهيد الطوارىء

2012-01-03T21:10:00.000-08:00

دائماً الإجابة هى تونس , حتى عندما قامت ثورات الربيع العربى أجمع كانت البداية تونس حتى فى سرعة الإنتخابات وإحترام صندوق الإقتراع دون وجود أى قوى تقرر ما هو حلال أو حرام أو ماده ثانية و ما شبه كانت تونس , وحتى الأن لم تقم السلطات المصرية بتكريم خالد سعيد شهيد الطوارئ بينما قامت تونس بتكريم البوغزيزى بوضع صورته على طابع البريد , وأيضاً بوضع أسمه على أكبر ميداين تونس .

هل لازال النظام الحالى يتعامل معنا على أساس أنه لم تكن هناك ثورة , فالأجابة هنا هى تونس أيضاً فخالد سعيد لازال يتم تشويهه من قبل بقيا النظام السابق بتهمة لفافة البانجو الشهيرة , وأيضاً يتم القبض على العديد من النشطاء الذين قاموا بالثورة المصرية وأيضاً فى تونس وزيرة البيئة عمرها 26 سنة وهو فارق السن بينها وبين وزير البيئة فى حكومة الجنزورى , فدائماً الإجابة تونس .

اكفر

2011-12-18T19:06:00.000-08:00

يبدو أننا نشاهد مشهد أخر من يوم ثورة مصر البهية 25 يناير فى العام الحالى والتى أسقطت مبارك وحاشيته فقط , ويبدو أن الثوار الأن فى معركة جديدة وهى معركة " العسكر " والمطالب بإدارؤة مدنية .. فالثوار منذ أيام وهم فى معركة دامية مع قوات الجيش , مثلما حدث فى أحدث محمد محمود مع قوات الشرطة .

وقامت القنوات الفضائية والنشطاء وغيرهم من بث الأحداث التى تصور إنتهاكات بشعة ضد المتظاهرين وسط رافض وصامت من الشعب لما يحدث , ولكن انا أعلنها دائماً أرفض فكرة الحكم أصلاً فأنا كبنى بشر ليس لى من يحكمنى لأننى وجدت على الأرض بعقل أفكر فيه ... ومن البداية أقول دائماً أنى ارفض كل الإنتهاكات ولذلك أشهد بأنى ..

.. : اكفر بما يسمى عسكر .. اكفر بكل السلطات الغاشمة .. اكفر باى يدين يعتبر ذلك طبيعى .. اكفر بالمنابر الكاذبة .. اكفر باى سلاح تم إختراعة لقتل البشرية .. فانا ما يسمى بانسان ولى حقوق ,,, ليس ما يسمى مواطنة يعنى الاهانة " كيمو "

هبايا

2011-09-29T00:21:00.000-07:00

خير الله ام اجعله خير ... ياريته حلم

حد يفهمنا البلد رايحة على فين ؟

البلد كل مادا بتنزل بينا لتحت

والله شكل يوم القيامة قرب .

بس برضه مش هنقول الله يرحم ايامك يا مبارك

ده كان ظالم وحرامى وسرق

انا كنت بقول عنه انه ابن 60 * 70 ولكنى اكتشفت ان الثورة دى بنت وسخة .

كلهم حرامية اعم مفيش حد شريف .

............................................................................................................

الكلام ده بيتردد على ودنى بقاله حوالى شهرين واكتر يوميا العجيب ان الكلام من ناس المفروض تكون بتفهم عن ناس تانية , ببساطة الموضوع ده عن شخص ما يدعى " هبايا " شخص قضى نص عمره فى سجون مصر باختصار كمان ممسوك بمخدرات ومقتنع انه مذنب وهو اصلاً نوع من البشر كده تخاف منهم ومن أساميهم ولكن لما اتكلمت معاه اكتشفت انى بتكلم مع شخص فاهم وواعى للكون .

بداية كلامى معاه كانت بسبب انى بحب اسمع عدوية بشكل كبير وهو طول النهار مشغله على عربية " كبدة على برجر على حات توجع البطن " بتاعته ساعتها فتحت حوار مع واحد جارنا لقيته بيقولى كلمة بقالى 8 شهور مش سمعتها من شهر فبراير بصراحة وهى كلمة " اجندات " ساعتها انا كان بصراحة ضحكت ضحك هستيرى ولفيته دخل فى الحوار واتكلم معايا كانه كان متواجد فى الميدان كانه كل شخص قابلته .... كانه الدكتور اللى كان بيوزع علينا الإستحلاب كانه حد مثقف باللاب تونب قاعد بيقولنا الاخبار كانه زعيم فى الميدان الراجل فاهم بشكل كبير وشرح قانون الطوارىء حلو جدا بس الأغرب مش فيه , الاغرب فى ناس عادية بتقول الكلام اللى فوق .

انا والطمطمايه

2011-06-24T19:01:00.000-07:00

مش هتغير .. انا هو ده ... بحب اللى احبه اكره اللى اكره حالتى تكون ازاى عامله ايه شايف ايه وليه ومين وكام وبكام ودخلى ايه مش عارف بس ده انا مش حد تانى ايوه انا ايون هكون انا ومش هكون حد تانى غير انا .. اه انا مش متدين بس ربنا عالم بحالى وافعالى واللى هيحصلى واللى اصلا جرالى واللى مكتوب ليا فى مستقبل مجهول مش معلوم والمعلوم منه مظلوم بين جناح الامنيات من اللى فات من عمر مات وهموت معاه مع كل دقه بين ضلوعى بين خوفى وجهل فى عيونى وفى عيون الناس ليا بس ده انا مش حد تانى ومش خايف ومش جعان ولا هرضى انى اكون تعبان ولا مزنوق بين حروف الحياه اللى هى ... كنت اتمنى تبقى فرعونيه باصلها بجمالها بعقلها بدنيا مش دنيا لا عشتها ولا هعيش قبلها ولا شفت حتى دنيا تانى زيها ... اكتشفت انى مخلوق فضائى للمره المليون ونزل على كوكب غريب عشان يلم تراب الدنيا فى عقله اللى شايفه كبير مع انه صغير ... دخان فى سجارته اللى بتخنقه قبل النوم ولكن حالم شايف الكون من غير ترامدول افضل .. للاسف زمن مات وزمن عاش وهو لسه فى النص بين الاتنين محتار يموت يفضل قرر انه يفضل فى النص عشان يتحول لطمطمايه مفعوصه .... يصرخ ينده يرد عليه عقله التايه ويقوله ............................. انت بتحلم يا حلولو ... ولكن انه انا ؟؟؟؟ بغض النظر عن الامنيات وعن سيجاره وحضاره وجنون ومكسب وخساره بس نفسه فى كبايه عصير بطيخ باللوز والفسدق ..........
مش فاهم تقريبا انا كتبت ليه " بس حيره "

الوهابيه فى مصر بشتى الطرق

2011-06-19T22:31:00.000-07:00

فلسفه غبيه .. نظريات مؤامره تنطلق من السنين وتمر عبر الزمن ولن ينكشف امرها الا بعد سنين طوال من القرون والافق البشريه التى تعلوا ما بين ثقافات واخر تنهمر واخرى تحاول وتصارع من اجل البقاء واخرى تجد ما لديها وتحوله لتجعل ثقافتها هى الافضل فى عيون الناس ولكن لن اتطرق اليوم الى فلسفه غريبه او فلسفتى الخاصه التى امتلكها بل ساتكلم عن الثقافات المجاورة ومدى تاثرنا بيها خاصه ثقافه شبه الجزيره العربيه " السعوديه " السعوديه هى ارض الرسول عليه الصلاه والسلام ولكن ليس كل من يعيش بها او بالمعنى ليس كل اهلها انبياء بل هم مجموعه من البشر لا يمتلكون سوى حقائب وبطون عميقه ملئيه بالاموال التى جلبت لهم من تجارة البترول او الذهب الاسود وهو ما جهعلهم يبدؤن بالتفكير فى كيفيه محو ثقافه معينه وهى الثقافه المصريه عن طريق المال والجهل وذلك بسبب اننا عانينا بشده من الفقر والجهل الفكرى فى ظل العصر الماضى واظن اننا سنظل نعانى منه الى فتره قادمه ايضا فالفكره تتمحور حول اواخر السبعينات ودخول الحركات الاسلاميه المتشدده مصر امى رحمها وهى ست اميه لم تدخل اى نوع المدارس قط روت لى فى مره ان الحجاب كان ليس بالضرورة وكان اللبس القصير موجود وكان ايضا البنات موجودين فى الشوارع مع اصدقائهم الشباب فى زمن ما ولكن بعد دخول الحركات الاسلاميه والتى اثرت بشكل كبير على تفكير الاغلب من شباب مصرنا فى تلك الفتره جعل كل شىء يبدو حرام وجعل افق لحركات بدات فى مصر مثل حركات الجهاد وغيرها وايضا دخول الراسمليين بشكل الدقن وتلك الاسالين الدينيه ويمثل على ذلك الريان وغيره من تجار الدين والفراغ وايضا محلاات التوحيد والنور والتى تجعلنى اضحك بشكل هستيرى ولكن من اين ياتى كل الشيوخ فى تلك الفتره بالاموال مع ان مصر فى تلك الفتره كانت تعانى مر المعانه من الدين العالمى وايضا كنا على شاطىء واحد وهو اعلان الافلاس الرسمى لدى البنك الدولى ولكن مع دخول الشيوخ فى اللعبه قامت نهضه جديده ولكن يبدو ان العزيز الغالى مبارك اكبر المستفادين فى ذلك من جميع النواحى هو دخول الاسلاميين ثم ارهاب وقانون طوارىء لم ينته لوجود الارهاب .... دخولهم بالمال لانه سرق كل مال البلد ومن ثم مال اكثر ياتى من كنز الذهب الاسود حتى يحلو له السرقه من جديد ... الاهم هى غزو الثقافه تبدء فى عصرنا الجديد " او ما بعد ال25 يناير " بشكل محدد 1 _ زرع شيوخ يفتون ويحرمون ويحللون ووووووووو . عن طريق قنوات تمتلكها الحركه الوهابيه .. عن طريق حب المصريين للتدين بشكل عام .
2- زرع افات الانترنت ... لقد حلمت وجائتنى فى الحلم مش عارف مين وليه وفين ابعتها ل15 شخص هتخش الجنه ......... سؤال هو الجنه فى ايدهم هما ولا ايد الرساله ولا ايد ربنا سبحانه وتعالى الاهم من كل ده ان ده بيعتبر اختبار لمدى جهل وتخلف اغلب شبابنا .
3- حلو انتوا بقى واحد واتنين وانا هبقى اتكلم عن 3 بجد خلص كلامى .

دون جدوى

2011-06-14T18:19:00.000-07:00

يبدء بسماع اغانيه المفضله ومن ثم يجلس على مقعده المتراكم عليه التراب من تعب سنين ماتت من تفكير لم يدر باى شىء سوى وجع بدنى ومعنوى فببساطه جلس ولم يستلم لتفكير لتلك السنين . جلس وبدء بكتابه تلك السطور القادمه ......

عود وبين صوابعى اوتاره وبغنى وبسمع صوت روحى تدق طبله الايام اللى ماتت .. ايوه ماتت ايوه مش راجعه تانى ومش عاوزها ترجع انا مش مشتاق ليها لكنى ارغب فى انى اكون انسان مش دميه بين صوابع الاطفال اللى كبروا ليصبحون ثم يمسون على انفهم ويقولون ان الخير قادم مع كل صباح ات ولكن لايعلمون المستقبل وما به من اضرار وشرور وكونيات غير معلومه ولكنى اعلم انها امنيه ولكنها وقحه فبدون الام الحيام وشرورها نكون نحن بلا معنى فنحن للنضال نحى نضال حتى من اجل الهبل نضال من اجل لحظه ممتعه مع صديق يروى احدى النكت وبعدها تضحون ثم يقول لك كفايا ممكن تقلب بنكد مع انه لايلعم الغيب ومع ذلك فهو تشائم وده طب فينا كمصرين نعشق النكد منذ ايام الفراعنه ولكن بغض النظر عن ذلك كله لما لا نتحول مثل كل البشر على تلك القشره الارضيه الوقحه .. لما لانكون مثلنا مثل اى بشر ... فهل نحن من نوع اخر .. هل نمشى على اطراف اصابعنا .. لقد مملت الخرافات .

ترك القلم وذهب ليحتسى كاس فوديكا مع سيجارة وسندوتش برجر بيض من عند القزاز . عنب

كيمو

طفوله فلسفيه

2011-06-09T01:59:00.000-07:00

..............

فلسفه غريبه .. بتومت مع الاحلام .. احلام بتجرح .. بتدبح وانت حاسس بالام الغربه فى مشوار لسه مكلشى .. هتموت من خوف .. خوف القهر والمشوار والجوابات والغربه والمشوار والخوف جوه خوف يبقى ايه ................ يبقى كون ملوش معنى غير بالخوف باحساس الالام الرهيب جوه قلب بينبض خوف .. خوف جوه كل حبه دم باللونين ابيض بتجرى احمر بتقول .. بتقول ازاى تضعف ازاى تكون مش حر ازاى تكون عايش فى مكان طعمه طعم المر فى لسان بيكون فى لسان صوته انين مع الالحان اللى بتعزف مع كل دقه قلب فاضى راضى بالوجود ........ اقف واتسند على حيط مايل اصل الكون مفهوش ولا حيط قايم ولا حيط يستر على البشر والخليقه مفيش غير حيط واحد .. حيط بيتولد جوه كل واحد فينا .. حيط يمنع افكارك من الطيران ومن الدوران ومن اللفه وزرع الخوف والقهر على عقلك وتكفيرك وتفكيرك على احساس على منطق بيتولد بتحرق مع كل دقه خوف طالعه من قلبك ......

اظن انى تعبان

اظن انى مخنوق

اظن انى بعانى من ظروق القهر والمشاوير

اظن انى كرهت كينونه الكون

اظن انى بحلم احلام متستحقش انها تكون

وتكون وتكون وتكون وتكون

وانا عايش مجنون

العجب انك تشوف قلب بيتسرق من جوه جسدك وخوفك هو اللى ماسك فى احلامك فى ايامك اللى متعرفش حد غير طفولتك اللى اتخنقت من مرايه ملانه للملامح الحزينه نفسها فى ابتسامه تكسر رايات القصيده المبهجه اللى متعرفش غير كينونه الحب فى ساعه صفا وكينونه الاه فى ملايين اللحظات الواسعه المرعبه .

بجد عادى ومش فارقه .

kimo_guevara@yahoo.com
ده الميل الجديد بعد سرقه كل ما املك من ميلات وفيس بوك .

كيمو

الى مجهول ...!!

2011-06-03T18:51:00.000-07:00

بعد التحيه .... الخ !!

انا حد غريب عارف حد مريب مش مفهوم .. نفر من الانفار .. صوابعى بتعلب على المزمار .. بعزف غنى لا ليه اى صوت .. بغنى واموت .. معلش اصل انا بعشق فكره الموت .. فلسفتى غريبه زى مانا غريب .. بشرب قهوة وسجاره وافرح لما اروح اشترى نضاره تمنها عشره جنيه .. بس اصل انا قيمتى مش معروفه ومش ملموسه وقيمتك هتكون اعلى من كونك حد غير معلوم ... بكتبلك وعارف انك بتفهم .. بكتبلك اقولك ان الكون معتبرنى غبى .. وانا اقتنعت بانى غبى .. هو فى الدنيا حد يبقى بيفهم .. ده كان زمانه مات منتحر .. اصل الدنيا اللى انت مش عارفها صعبه ورخمه ومش زى عقلنا ماهو عاوز .. بكتبلك اقولك لو جاى هاتلنا اله تعزف افكار فى عقلنا .. يابوى على البشر يكرهوا الموت .. وميعلموش .. وميفهموش ده الموت يابوى فى خطر منهم .. عارف ممكن تبقى انت الموت .. وفى الحاله دى اقولك اتاخرت عليا ليه .. ده كونى عايش مضايق روحى اللى مرتاحه فى كف جوه تابوت متشال فى تراب مخنوق من قعدته للفرجه على الاموات .. يا .. ياه عالدنيا لما بتدى بتدى العالم اللى بحنى ضهورهم لشمس بتحرق افكار جوانا .. افكار عايشه جوه عقولنا .. افكار عليها خيوط عنكبوت بقالوا عشرويت سنه ميت وقبلها غزل خيطه على عين عين مش بتشوف الا الموت اللى بنخاف منه .. عارف يا خوى ان الفرقه مبتزعلش .. عارف ان الفرقه فيها دموع مكبوته وبس .. تطلع بصرخه ينده عليهم الميت ويقول ..( انا مش راجع ) .. انا مش راجع تانى اكون بنى ادم عقلى تراب كلى تراب بس هموت وهورح لتراب يحينى من برد شتا من حر صيف من عين الخلق اللى عاوزة تتحرق من قله الشوف .. عارف ليه انا فرحان وانا جوه تابوت .. عارف ليه بجرى بسرعه وعمرى ما همل ولا هفوت .. لانى زهقت لانى كنت بشر .. دولقت بقيت روح .. دلوقت الخوف اللى جوايا من الموت مات معايا ومات معاه جسد محنى من العجز من الذل اللى بنشوفه فى كل دقيقه فى كل دار فى كل شمس بتتولد فى كل نهار .. يابوى سجايرى بتحرق فى صوابعى من التفكير .. من ذلى على حبه تغير فى الكون واللون اللى ميتغيرش .. اصل كده تفكيرى بسيط وعاوز اصيح واقول يا خلق يا هو .. ارحموا العبد البسيط اللى ملوش حيط فى بلكونه عمره ... اللى نفسه يعيش يشوف الكون كله اللى يموت فرحان .. اللى عنيه دايما بتقول ( انا حزنان ) وحزانا معايا كل رمشه فى جفن عيونى فى ضلوع صدرى المنهوب والمسروق من خوف الموت فى سجاره بتدبح قصر الشوق فى عقول بتبيع بتخون بتجرح وانا مشاويرى فى الحياه دخانها لونه ابيض ورمادها لا يمل من التفكير والتخدير فى عقول الخلق ... ايوه هزعق ايوه هصيح ...... انا فرحان وانا جوه تابوت .. ونهايتى معاك ياخوى انا نفسى تسلم على الكون وتقولهم فكروا تفكير يحيى عقول امحوا الذل من عرق الدم اللى نازل من على كتف صبيه ساعه عصارى فى يوم ازرق ولا اسود مفهوش نسمه هوا ترد الروح اللى انسحبت من جبينى ... نهايتى معاك

سلامات .

اللى تقوله انت ( كيمو ) .

الموضوع عن الاخوان وعن مدونه سبايدر مان

2011-05-25T18:36:00.000-07:00

اولا الموضوع موجه لشخص بعينه ولمجموعه كامله ايضا ومستعد انى اتقابل ذهنيا وسياسيا وفكريا وكل شىء امامه او امام احد منهم وعلى يقين من كلامى .

الشخص الذى يناقض نفسه دائما لا افضله ....... الشخص الذى يتحدث دون وعى اعلم انه جاهل بغض النظر عن انتمائه ام لا لاى المجموعات التى اكن لها احترام ولكن انا لست متكلم عن شخص احد ولا اميل لاى التيرات ولكنى بطبع الحال انا شخص من اليسار الاشتراكى والكل يعرفنى بذلك ولن اخفيه يوماَ .. وقبل كلامى احب اوضح حاجه انى هشكر اشرف اللى قعد معايا 3 ايام فى المعتقل وكان يملك من الجراءه ما يكفى وهو من نفس المجموعه .

اولا هتكلم عن سبايدر مان ... زميل مدون ولكن بصراحه لا اكن له اى احترام ولا اى شىء سو انه يجهل تمام الابعاد السياسيه المحيطه بالوطن والذى نتقاسمه جميعا ومع ذلك فهو داخل " جماعه اسلاميه " وليست دينيه كما نعلم وهى جماعة الاخوان المسلمين وهى الجماعة الوحيده المنظمة فى مصر من ايام النظام السابق الذى كنا نعانى منه جميعا حتى الاخوان المسلمين ولكن بسببهم فشلنا فشل مهول فى 2005 عندما عقدوا صفقه مع النظام وايضا اكتسحوا اكتساح كامل وهم باعو ارض الوطن من اجل 80 مقعد على ما اظن ولكن الغريب ان لهم اتجاهات غريبه ..... فعلمت بعدم مشاركتهم فى جمعه 27 مايو والتى اجمع عليها جميع القوى الوطنيه وقولت ده طبيعى لانهم فعلوها يوم 25 يناير العظيم والاغرب انى وانا مروح من ميدان التحرير يوم 11 فبراير سالت واحد منهم انت شاركت قالى بكل ثقه اه الاخوان شاركوا ابتسمت قائلا ( كنا بنهتف نقول ايه ) قالى بكل ثقة ( ارحل ) اصابنى الذهول وكنت قد قررت وعلمت من داخلى ان الشعب يفعلها واخذها الاخوان لحسابهم الخاص ولكن السؤال الاهم لسبايدر مان رايه ايه من تصريحات صبحى صالح احد قيادات الاخوان المسلمين . يقولى رايه بس مش اكتر .

ده كان الجزء الاول الجزء التانى خاص بيه هو سبايدر نفسه ..............

سؤال يلح عليا اشد ما يلح على الاخرين اسمك محمد ودكتور وانا عارف ده ال 18 يوم بتوع الاعتصام كنت فين ... ليه كاره دكتور محمد البرادعى وهاجمته بشده وبشكل وقح .. تفهم ايه عن الاستقرار والامن الطبيعى والحريه والعاداله التى ينادى بيها حزب الاخوان وانت لا تعلم ان كلاب امن الدوله يعملون فى مكانهم الطبيعى .... لما اتسالت عن قضيه خالد سعيد على الفيس بوك كان ليك راى واحد

مش عارف لانى مش متابع ( طب حضرتك بتابع مين ) ... حضرتك التدوين هو تعبير عن اراء وعن وجهات نظر وعن نظريات وعن تدوين لحياتك الخاصه وليس للربح كما اتوقع منك وليس ايضا لفكره برامج مجانيه افلام اغانى ...الح فالتدوين يا صديقى العزيز ليس بالشكل الذى تعرفت عليه وليس بجمله منقول وليس بجمله تبادل اعلانى .................. الاهم لى فى الاسئله كلها ما هى وجهة نظرك من انك ترغب فى احمد شفيق رئيس للجمهوريه مع انه سيتم التحقيق معه فى قضايا مال عام ( اهل انت غير متابع ايضا ) وتقريبا غيرت وجهتك بعد فشله وروحت لمرتضى منصور والذى هو ايضا من هاجم الثوره باسم الاستقرار ؟ ارجو منك الرد ليس اكثر فانا اعلم حجمى الطبيعى ومكانى .

كيمو " مصرى " مش يسارى او ليبرالى او علمانى الاهم مصرى

نازل تانى اطرطر على كلب فى طريقى للتحرير

2011-05-23T20:11:00.000-07:00

بين شطين وميا عشقتكم عنيا .... هوبا انفجار فى ميناء ايلات .. هوب تانى الفيلم بقى اسمه الطريق الى ايلات ... هوب تالت اول فيلم مصرى يتم التصوير تحت الماء ..
اسمك على المدفع .. بورورم .... شاويش نص الليل .. حتى الاغانى يا عسكريه ابو بندقيه
فى ايه
انا حاسس انى فى معركه شخصيه مع جيش نمل داخل حمام بيتنا قاعد على القعده وحالف ما يسبها الا بالطبل البلدى ولو جبته ياخوفى يطلع تعبان ساعاتها ............................... هطرطر فى وشه نار ولا كانى تنين ابيض من بتوع افلام ديزنى .
حاسس ان فى ناس لسه حابه فكره حكم العسكر وعسكر على مين على الطلاق هما خماشر عيل من المطريه واخلى الجيش كله .. مدنى بالعافيه
صباح الخير كلامات متقطعة ....." -_-"
روبابكيا حمضانة ...........
حبيب العادلى ... امتى هيتعدم فى ميدان عام
مبارك ..... امتى هطرطر عليه ولو حتى اتحبس بعدها بس حققت حلم عمرى
باقى الحراميه فى شول دقيق اخضر ........... نفسى اربطكم زى مانتم كده فى حجر كبيرمن فوق الدويقه .
شد حيلكم شكلى هموت وهو لسه مش هيتحاكم .......... خاصه انى بخلص
مبارك بجد ............................احا فى كيس .....
من الاخر الثوره مستمره 27 #
نازل تانى اطرطر على كلب فى طريقى

مجلس عسكرى ...........1

2011-05-22T19:59:00.000-07:00

مجلس عسكر ....................... مجلس ليه
اشمعنى مجلس
مش عجابانى كلمه مجلس لان المجل معناه " برلمان " وانتم لا تعبروا عن راى ثوار التحرير اصلا
ثانيا اعجبت باتاخاذكم بعض القرارات ولكن ........
المشير طنطاوى الذى من الممكن اعتبره يخاف على سمعه احفاده واولاده .. اظن لازم تاخد قرار
على وزير الداخليه منصور العيسوى " معرفش ليه بكن له كثير من الاحترام " احترم اراده شعب وخد قرار مع الداخليه فى قلة ادبها .
مش عاوز اكمل لكن لا تهاون لا تصالح
ومن الاخر على راى الست اللى اتصلت على المحور ................................
لو مبارك خرج انا هقتله ولو كان فى تل ابيب
بجد
يا مجلس يا عسكرى اتخذ قرار مثلما تتخذ قراراتك مع الثوار .......... فنحن بشر والمساوة عدل

الروح

2011-05-18T17:02:00.000-07:00

نبض سارى فى العروق .. معاه خوف وقلق . يصغى ويتحدث معى عن خوف يراودنى عن ذاتى وعن هويتى وعن كونى انسان وانسانيتى التى تتحدث مع الروحنيه والالوهيه والغربه فى عقل مات من الخوف المتراكم فى عقول البشر التى لاتزال تمارس عملها فى مهمات ثابته وهى اقرار الموت البدائى على البشر ولكن .......................................................... ايها الموت انت لا تعبر الروحانيه بل انك اقرب الى من طفل باكى على لعبه كانت فى يده ما بين الحين والاخر وما بين اللحظه انخدع فيها وكشف الستار عن خداعها للعبة ما تسمى دائما فى الحياه فيبدأ بالتخلص منها ومن واقع امرها المزعج ..........................................................................
انها الروح المزعجه التى تلامس احلامنا البشريه .

سلف تلف والرد "؟؟؟

2011-05-14T21:27:00.000-07:00

ببساطه اكتر منها تعمق
سؤال ....!
ازاى شعب مصر بيبص للسلفين ؟
الشارع المصرى بيبصلهم ب 3 مناظر
..1.. الرجل العادى الموظف .. دول اهل البيت دول اللى حافظين القرأن اتمنى ابنى يبقى كده اتمنى لما يكبر يبقى عارف دينه زيهم الواحد يسمع كلامهم .. دول بصراحه علماء ويقعد يرغى معاهم كانهم " انيشتين " ..
..2.. الحشاش .. ياعم الشيخ روح وادعيلنا انت بس وربك يسهل اخلص السجارة اللى فى ايدى وهتلاقينى وراك على الجامع .. يسبقه الشيخ على الجامع .. يقول لصاحبه .. اهو على كده ياسيدى كل يوم يقولى تعالى نصلى وناسى انى خربان ومش شايف من الحشيش اعمله ايه اقوله انى جرجس عشان يفهم هو غبى ولا ايه تصدق هبلغ فيه امن الدوله على انه مربى دقنه .
..3.. المثقفين .. دول بيكفرونا .. دول قالوا عننا كفره طب نتعامل ازاى معاهم قالوا للناس ان نعم هى الحل وان الدين قال كده ناقص يمنعونا نكتب ونقرى فاضل اننا نبقى افغنستان .
ببساطه هم ناس ................. مش كده
تجارة على كل لون
اولهم تجاره بالدين وباسمه ...
محمد حسان كم يمتلك فى البنك ؟؟؟
الحوينى كم يمتلك فى البنك ...؟
فلوس خارجيه رهيبه ؟
افغنستان ايام الحكم الاسلامى وكده
طب افغنستان كدوله مفيهاش اى موارد غير المخدرات ..............
ازاى حركات الجهاد والقاعده وخلافه جابت فلوس السلاح
ازاى جابت فلوس الاكل والشرب
وكل الفلوس اللى معاهم فى مصر منين ...............؟
سؤال هل من اجابه

نظريات من وحى زجاجه ستلا

2011-05-12T07:18:00.000-07:00

إشراقه أمل ومن ثم نقطة ضوؤ واحده . ياللعجب بهذه السرعة المهولة تنقلب الأشياء واحده تلو الأخرى أم انى أحلم بباطن أمور تعلقت فى ذهنى جراء إنتفاضه سريعة داخل مشاعرى القبيحة المستفزة تجاه الأخر ومعه الأخرين . من الصعب تصديق نظرية أن الحيياة واحده أو ان الحياة متعدده .الحياه بنظرة أو بأخرى أرها لإحساس واحد وهو إحساس الألم وأيضاَ أرى إحساس أخر وهو إحساس الوجود ولكن متى يأتى ومتى يكون حقيقى .عندما تنغمس فى الحقيقة والوجود والفلسفيه وتترك ذاتك فى ملكوت غريب لا يعرفه الأخرون ولغريب أيضاَ إنك لم تعرفه من قط .إذا فنظرتى الفلسفية فى الوجود معتمده إعتماد كلى على الإحساس بالألم وأيضاَ بإحساس رهيب وهو إحساس الموت وخلو الروح من الجسد فكيف تلجاء الى أى شىء يمحو عنك تلك الألام الرهيبة فنظريتى تقترب من نظريات الغالب من الوجود وهى أن تجعل تفكيرك ينخرط فى أشياء أخرى مثل حبيبتك ولكن من الطبيعى أن تتذكرها وهى تبكى عليك ولكن لما لا تتذكر لحظاتك معاها وهى تضحك لك ولما لا لا تتذكرها وهى تقول " أحبك " فعندها ستستلذ روعة الألم الموجود فى حسدك المنهار فأنت مناضل بلا معنى بل روح بلا جسد بلا دماء تسيل على اروقه الجدران المعتمه فى فشل حياتك التى لم تتعلم منها شىء سوى نظريات الخلود والوجود وكيفية إحساسك العقلى والروحى بألام الفشل الملازم لك ومع ذلك تتمنى أن ترحل عن الحياة وانت ممسك بزجاجه البيره نوعية " ستلا " المشروب الذى دوما ما تبحث عنه وعن المقهى الذى يقدمه مع أنك دوما جالس على ذلك المقهى الذى ترى جدرانه محبس لك عن حريتك المعهوده فى زمن تتسابق فيه العقول عن فكرة أن الدين والروح والجسد والعقل روح واحده ولكن نظرتهم للوطن الذى دوماَ ما تناضل لأجله واحده " أسلامية _ مسيحية " اظن بأنى قد أقرر فى يوم من الأيام شىء هام وهو التوقف عن النظال والتفكير حتى لا أقع تحت منظومة التكفير ............. مع أنى ملهم بتلك الفكرة الرهيبة .

بيض فراخ شامورتى

2011-05-04T00:24:00.000-07:00

صباحكم ... كل سنة وانتى جوه جهاز بلاى ستيشن " عقل بنى ادم يعنى " بتلعبوه فيه من جوه

صباحكم النهارده 4/5 2011 اول عيد ميلاد لبابا نويل بعد ترحيله لمستشفى شرم محبوس " كده وكده يعنى "

اوعوا حد يقوله يروح فيها .. صباحكم سعيد مجيد ثورة او مش ثورة ولكن حققت 20% مما نريد وهو شىء اعتبره جيد حتى الان .

صباحكم صباح مبارك .. صباح جمال ابنه .. اقصد جيمى " ابو فريدة " صباحو سكر بلوز جوزة الطيب .. صباحك عيد على مبارك

صباحك يوم اسود منيل ومهبب ب 66 نيله على دماغ امه اللى خلفته وهى مش طيقاه .. تخيل ان امك مش طيقاك احنا ك 80 مليون هنطيقك .

يا راجل اوعى تنسى نفسك وتنسى كلامى القبيح ليك ..

اوعى تنسى انى كنت سافل " هرجع فى 5 دقائق "

خاصة انك دايما بتفكرنى بالعاده السرية بتاعه طلبة ثانوى مع افلام الجنس اللى على موقع 89 .com وبغض النظر انت اجمل منهم

يا جرثومة ... بتاعة فيلم خلى بالك من عقلك

يا وغد .. بتاعة سلاحف النينجا

يا ........... بتاعت السفلة .

صباحك 4 مايو ........... يوم قشر البيض العالمى .

ده مبارك ده بيض فراخ شامورتى

ينفع حتى فى الطور .. ته

اى خدمة

انا بهيس ..... فسلام

كيمو المحترم

عليوة وبهية .... قصه بالمهلبيه

2011-05-01T22:46:00.000-07:00

شال حرير على صوف وجنه وملامح بنت بدوية بتغزل صوف فى شتا وبرد وملامح روح بتتولد مه صرخة ام بتقول يارب والرب عالم وكاتب كل ماضى وكل اتى والبنت مغلوبه على امرها اصل ابوها نساها حبها لعليوة ابن المدينة الصعبة الشديدة العفيه اللى شغال فى حزان الميا اللى بتروحله بهية اللى هى البنت اللى بتغزل صوف عشان تملىء القلة بالميا .. والميا ساقعة فى العصرية من خوف نزول المطر وفرحة نزوله بخير مع الواردين اتولد لنا فرحة بنت زين والله وفرحه بتبكى فى الليل كتير من جوع وعطش للبن الام اللى محتاجه اى طفل بيتولد على ارضنا المحروسه البهية ولكن فى يوم بهية نسية عليوة وده كله بسبب ابوها وعليوة حالف ميت يمين ما ياخد غير بنت البدو والصحرا ترعاه فى بيته ولولاده طارحه الخير سنبله فى زرعة قدام باب بيته المهجور من الحريم اصل عليوة واد مجدع عمره ماخانها ولا هيخونها . بس الرجال ما تبان غير فى وقت الشده سابها عليوة واتجوز بنت الحته ............................................... وعجبى

تعجب ليس اكثر

2011-04-27T23:40:00.001-07:00

اتعجب كثيرا من اننا انتفضنا ولكن لازلنا كبشر مثل السابق لم نتغير ويستفزنى البعض من البشر لانهم لم يتعلموا احترام ثقافة الغير . اعلم انى احلم بمدينة افلاطونية ولكن لما لا فالحلم ما هو شىء سهل تحقيقة فكنا نحلم بالتغير وحصلت ثورة ولكن فى تغير اشخاص وليست تغير نفوس ولا حتى تغير عقول فلا اتعجب حينما كنت ذاهب الى وسط البلد يوم شم النسيم وركبت المترو وجالى صداع من كتر الموبيلات اللى شغالة زن فى اغانى غريبة والاغرب انى شفت طفل بيردد الاغانى دى ومنها اغنية مستفزة اسمها الدبوس " اى خابور الحشيش " معلش لو ابنى طلع بيغنى الدبوس ده حبيبى ... وكمان انا شارب سيجارة بنى .. واغنية العظيم اللى قال البنات اللى ماشية بحملات .......... اظن من حق ابنى انه يطلع مدمن او تاجر مخدرات لان الدبوس ده حبيبه واكيد هيمشى يغتصب اى بنت لان اغنية البنات اللى ماشية بحملات تشجعه على ده .
الفكرة هنا الغلط فى مين ..؟
1. وزارة الثقافة ......... نظرا لانه حتى الان منذ الانتفاضة مشفتش اى مكتبة مفتوحة او اى عروض مسرح شارع او اى شىء يدل على نشر ثقافتها ........... الا الافلام الثقافية اللى بتتنقل يوميا من مليون موبايل الى موبايل اخر .
2. الاهل ..... لانهم بجد ازاى سايبين ولادهم كده يتمادو فى الغلط ................ ويقولك انا عاوز ياخد حقة .. عاوزه يبقى من شباب الثورة .... هو حد قاله اننا كنا بلطجية .
3. المدارس ....... لما بتفرج على فيلم اجنبى بتشل وبيجيلى رعاش فى ودانى من ازاى الناس دى بتطور نظم التعليم عندهم عن طريق فيلم بيشرح الفكرة ولكن حتى الفيلم الوحيد اللى عملناه عن كده " كان تهيس للاسف " وبرضه لسه مفهمناش ان التعليم فى مصر عاوز يتعدل كلياَ ولابد من اعتماده على نظرية التفكير مش الحفظ .
فى الاخر مش هلوم حد نهائى ......... بس هلوم نفسى لانى لسه ساكت على كل ده ..... اختى لما ربتنى ربتنى على اغنية حاحا للشيخ امام مش على اغنية حاحا بتاعة مروى " فيلم حاحا وتفاحة "
.............................
كيمو

على باب قلبك

2011-04-01T17:38:00.000-07:00

واقف حارس على باب قلبك
واقف من غير ما تعب ... من غير ملل
من غير كسوف ... واقف وانا ملهوف
ملهوف لخطوة فى دقة صامته
ملهوف لغنوة سمعها قلبى
ملهوف لكل دقة قالها قلبك
وفى عز مانا ملهوف .. مشتاق
مشتاق لسريرى اللى جوه قلبك
مرسوم فى عيونك وفى الننى
مرسوم فى بحر القلوب مكتوب على جبينى
احبك ولو فات العمر
بحبك تبقى دنيا فيها الخلود موجود
وبحبك تبقى غنوة ورسمة جوه كتاب مكتوب
مكتوب بين كفينك
مكتوب بحروف اسمك
بعطرك
بلمسه منك
مكتوب لاحلى غنوة سمعها قلبى
وهى اسمك
..........
وعشان كل ده
مليش فى الدنيا غيرك انتى
بحبك واسف
//////////////
حبيتى
وعشان تكونى عارفه ان انتى مش حد تانى
كلمة السر
" الحب مش كلمة بتتقال "

من الشيخ .... الى الاخوان ........ الى المدونين السيس

2011-03-23T18:54:00.000-07:00

ما بين تؤ ولا ونعم ونحم والحكايات اللى دارت فى الفترة اللى فاتت " استوحى الى دماغى فكرة فيلم صلاح الدين الايوبى "
راجعوا كده الفيلم وراجعوا ان مخرج الفيلم يوسف شاهين والبطل احمد مظهر افندى .
الفكرة الاخوة السلفين ............. رسالة
البلد دى مش بلد ابوكم ولو انت بتتكلم انك بتمشى بالدين ولفة اسلافك اذا اسلافك فى مكة المكرمة الارض الطاهرة روح انت وهاجر ليها لان هنا كان اصلنا فراعنه " كفار " وبعدها يهود واقباط والحمد لله اسلمنا " بروح اهلك يا ابن التيت تيت " روح مكه والله هترتاح هتبقى جنب صلاه الله عليه . وزين العابدين بتاع تونس ومبارك هيحصله وانتم معاه .
للاسف معاكم فلوس مجهولة الهوية .
تمتلكون ميديا قذرة .
وللاسف ايضا اننا شعب غلبان جدا " وبنحب الدين "
وقولولى كنتوا فين ايام 25 يناير الى 11 فبراير كنتوا محرمين التظاهر ولا ايه يا شيخنا . لعبتكم فعلا لعبة قذرة وهى خلط الدين بالسياسه والدولة ولغه الترهيب والتفرقه .
ياخى خلى عندك دم ده حتى الرسول صلاه الله عليه تزوج مسيحية .
حد سلفى يبلغنى ليه اللى هيقول لا يبقى كافر ............؟
طب انا قولت لا هو انا هدخل النار
بتاعتك ولا بتاعت الله عز وجل
مين هيحاسبنى انت ولا ربى
اظن انك غبى
وبتكره الناس فى الدين المحبب
دين التسامح
مش الغباء
لو الاسلامك ده اسلام احلف بالله انى مش عاوز اكون مسلم
بس الحمد لله عارف دينى كويس ........................................... طظ فيكم
والشيخ احاااا ...... اقصد يعقوب بجد حمرا " معروفة هى ايه "
ـــــــــــــــــــــــــــــــــــــــــــــــــــــــــــــــــــــــــــ
الاخوان
رجالة الصفقات
2005 بفكركم بس
فلوسكم
بفكركم بس
يوم 25 اعلنتم انكم مش هتنضموا لينا
واللى نزل كان قليل جدا
وللاسف يوم ما اتحبس واعتقل كان معايا اخوانى
وقالهم انه اخوان ومكنش خايف وقالهم ان الاخوان هيخرجوه واحد قالى طب ده ليه ناس تخرجه احنا مين هيخرجنا
قولتله ربنا
عرفتم الفرق
الدين لله والوطن للجميع
انت مش وصى عليا
ولا حتى انا وصى عليك
ربنا خلقنى بعقل عشان افكر واعرف الصح من الخطاء
اظن كلمة واحده
" خليك فى حالك "
ابعد عن الفقراء
ابعد عن المهملين
................. بجد ابشع ناس
حلو فلول الحزب الوطنى
احلى انكم تغلطوا فى بشر
احلى انكم عاملين فيها شيوخ
ياخى احا وعليها الف شرطة
ـــــــــــــــــــــ
المدونين الاخوان والسلف على جروب مدونين على الفيس
كلمة اخيره
طظ فيكم وانا برضه هفضل سافل
وانا برضه يسارى ههههههههههههه بطلع لسانى
احا عليكم .......
كيمو

مش طالبة اراجوزات

2011-03-16T17:16:00.000-07:00

تخيل وسيب دماغك تشتغل وبس
" هرشح مين "
هدى صوتى لمين السؤال يطرح نفسه .............. ده بما انى من مصر
بما انى شاب سيس " سيس سيس يعنى " وبما انى فرفور وبربى شعرى وبما انى بموت فى المليطة .......... مليطة مليطة يعنى اذا قررت انتخب نجم الاغنية الحديثة عمرو مصطفى بيه " صاحب مبادرة المينى البوم فى مصر " وصاحب الحنجرة الذهبية واكيد عمرو هيخليها مليطة واوعى وشك بقى الموزز هتبقى ببلاش وايييييييييييييييه ده عموره مصطفى بيه اللى قال عن بتوع التحرير انهم شويه عيال وده بابا مبارك
ـــــــــــــــــــــــــــــــــــــــــــــــــــــ
بما فى ده كله احب اوضح راى انا شخصيا
اولا انا راجل مش خواجه عشان انتخب واحد لا مؤخذه هتكسف اقولها لانى قررت بعد 25 يناير اكون راجل
ويا عمرو بيه اظن انك فعليا كده واكيد مش هنتخب واحد يغير صورة العلم من نسر الى جيتار واظن برضه انك ملكش ملف فى امن الدولة " كلاب الدولة " لانك كنت واطى " اقصد وطنى فى عز ما احنا كنا بلا صوت " ولكن للاسف صوت الثورة يعلو عن صوت غنائك ايها البهلوان ــــــــ كل ده عشان شويه شهرة يا راجل يا سيس
اصل الراجل السيس ميخلاش من .....
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
برنس اليالى اللى سمانا وائل وتامر
ايوة وائل وتامر وهيثم ومدحت والفرفور وكيمو ونايتى بس ارجل منك يا مرتضى يا مزنوق
هيرشح نفسه اذا خلصنا من فساد ودخلنا فى فساد اكبر ياخى توكا
ده مرتضى بتاع فيلم الكبير جدا احمد ذكى " ضد الحكومة "
مش ده اللى اتحبس فى قضايا تزوير وفساد
طب ياراجل اتكسف على دم امك
اكيد مرتضى حصله زى اى مسجون جديد ودى يعرفها اى صايع .............. ههههههههههههههههههههههه
فهمت يا مرتضى
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
هقول لا للتعديلات
هدى صوتى للاحق مش لاى اراجوز

الخطاب الاخير " 11 فيراير "

2011-03-08T20:57:00.000-08:00

مروحتش التحرير السبت لكن روحت الاحد وكان اول يوم ابات فيه فى الميدان وبصراحة كنت فرحان مع انى كنت لوحدى وتانى يوم اتصاحبت على ناس محترمة وفضلت معاهم و فضلنا فترة وبعدها بكام يوم تانى كنت فى التحرير عادى جدا وروحت حسيت بضغط كبير من اهلى الشارع اللى بدأوا يعاملونى على اساس انى خاين وعميل وفضلت الحكاية لفترة كبيرة ووصلت الدرجه انى بقيت عميل لامريكا " اظن ان مبارك كان اكبر عميل ليهم فى الشرق الاوسط " وانا مع صمتى تجاه الناس نزلت التحرير تانى وبدون خوف قررت ان يكون نزولى المطرية قليل خاصة انى مش عاوز كلام من حد وللعلم اتجمعت انا وناس احلى ناس على فكرة تسمى بمتحف الثورة وبدأنا بانشاؤه حتى ايقنا ان الميدان اصبح لنا وكل اللى كان بيسال عنى انا او الناس صحابى كان بيجولنا عند المتحف وكنت بتابع الناس وهى بتقول فى التليفون " انا واقف عند المتحف بتاع الثورة " ........ تمر الايام الخميس 10 فبراير قناة العربية بتقول ان الرئيس هيتنحى !!!!!!1 انا وايمان اختى واسلام جارى نزلنا الميدان جرى وركبنا تاكسى ودخلنا الميدان بصعوبة من الزحمة وفعلا حاجه صعبة لما تلاقى الفرحة بتاعت الملايين ومع انشاد اغانى منير والشيخ امام وووووووووو عظماء مصر حسيت ان الفرحة قريبة واذ بالخطاب وبعدها دموع ما بعدها دموع ورفع الجزم فى وجه كل وش قبيح وبعدها بيت انا وايمان فى الميدان وسط اهل المحروسه لحد لصبح نمت ساعتين وايمان كانت روحت البيت وصليت الجمعه ومش هقول احساسى لانه لا يوصف بس باختصار كانى كنت فى مكة والله ده بدون ادنى شك الاحلى من كده هو انى فضلت مع الناس لحد الساعه 4 وقررت اروح استحمى وارجع ولسه مخرجتش من الميدان سمعت صرخات جريت تانى دخلت وسجدت فى الارض واتصلت بايمان وكان ردها بتهزر قولتلها والله بجد ومع كل ده حسيت انى مش قادر افرح على قد مانا شايف الفرحه فى عيون الناس ....... وروحت ومعاكم من يومها وبجد وحشتنى الخيمة
وحشنى المتحف وحشنى الميدان الحقيقى
طلعت من الثورة باصدقاء رجال بجد .
كيمو

من 25 يناير حتى 11 فبراير جزء ثالث

2011-03-01T18:44:00.000-08:00

بما انى لسه جاى من بيت العز يا بيتنا " اقصد بيت امن الدولة " المهم كنت منهك جدا قلة نوم وقلة اكل وقلة شرب مياه وخلافه جالنا على تليفون البيت تليفون ونرد كالاتى " تحذير من مكتب رئاسه الجمهورية اللى هينزل بكرة من البيت هيكون تحت طائلة القانون " على اساس ان الشارع كان بيت اهله مثلا المهم بعد مكالمات التليفون والناس اللى اطمنت عليهم نمت نوم السنين من التعب لكن اتفاجىء بشكل فظيع بريحة المسيل للدموع جوه الشقة " كانى بحلم " اطلع ابص من الشباك الاقى الجو كله دخان ونزلت طبيعى كاى بنى ادم ولقيت صحابى تحت فى الشارع ويلا بينا على الميدان فى المطرية قولتلهم يلا لقيت عربيات امن مركزى بتتحرق ولقيت حد ساتيق عربية منهم وبيلعب بيها وبسمع ان القسم اتحرق الساعه كانت 5 المغرب قولنا نجرى نشوف القسم لقينا القسم بيتحرق فعلا بس الغريب ان كل الشرطة اللى كانت موجوده استخبت " غالبا فى الجوامع " ماعادا ظابط رخم فضل يضرب الناس بالرصاص الحى من مأذنة الجامع اللى جنب القسم لحد ما الذخيرة بتاعت مامته " امه " خلصت نزل قالع هدومة ورافعه ايده كانه حرامى الناس كانت مش مصدقه وكل واحد ليه حق عند الحكومة اخده بشكل فظيع خاصة ان القسم عندنا كانت ريحته فايحة المهم وانا واقف ابتدى القسم يتقلب اللى خرج ومعاه سلاح واللى خرج ومعاه باب وواحد خرج ومعاه قاعده حمام وواحد كان واخد مكتب البيه المأمور وخلصت حريقه القسم وهروب الشرطة والاقى الناس احتلت محزن السجاير بشكل فظيع المحزن كان فيه سجاير تكفينى انا شخصيا لاخر عمرى المحزن بقى فاضى .................... خالى من اى نيكوتين وده كان اليوم الموعود اللى روحت فيه وكملت نوم لانى لسه مرهق خاصة انى قعدت اهتف وقعدت اجرى شمال وشمال .
ده كان الجزء المهمش بالنسبة ليا .

من 25 يناير حتى 11 فبراير جزء ثانى

2011-02-23T17:08:00.000-08:00

اتجمعوا العشاق فى سجن القلعه ... اتجمعوا العشاق فى باب الخلق

الجزء 2 ........
كنا فى عربية الترحيلات ومحدش كان عارف هو فين لحد ما نزلوا الطلبة والصحفيين وبما انى فاشل مش طالب فضلت وبما انى مش معايا كارنيه نقابة الصحافيين فضلت واتبقى فى العربية 10 افراد لحد ما وصل ظابط المباحث وقالنا سلموا موبيلاتكم فى الامانات وبجد مش قادر اوصف انى ملقتش اى امانه منهم ......... وصلنا لمعسكر الجبل الاحمر للدخلية وهنا دخلنا العنبر وبعدها بحوالى 4 ساعات وصلنا احلى اكل على راى هيما وسيد اليكتريك وكريم وباقى الشله وهو غدس مطحون بفول بشعرية وعيش بس بما اننا فاقدين الامل فى الخروج اقدر اقول اننا اكلنا واشترينا سجاير كوكو وشوية دخل علينا 3 وقعدوا يسالوا عن الاسامى والعناوين وكل حاجه وده كان اول تحقيق وخرجنا اتعمل معانا تحقيقات الغريب فى اول مرة ليا انى اتعمل معايا تحقيق سهل وهو كالاتى اسمك وعنوانك بس ودخلت العنبر الجديد اللى قابلنا فيه ناس تانى واتنقلنا لعنبر تالت وان عامل زى التلاجه بجد سراميك لحد ما حاولنا نعمل هيصة ودخل علينا 5 ضباط امن الدولة وبدأو بالتحقيقات وبما اننا واثقين ان فى ناس كتير بتمشى كنا شبه فرحانين لحد ما الظابط شاور عليا وقالى شفتك فين قبل كده وانا اقوله ازاى يقولى اقنعنى انك مشوفتنيش طبعا كانى غبى وحيوان المهم بقينا بالظبط 27 شخص وفضلوا سايبنا لحد الصبح ودخل ال " Breakfast " وهو فول وجبنه وعيش وبصل اخضر تحفة وبعدها تم ادخالنا الى السجن الحربى وهنا اضربنا عن الطعام وبعد ما كنت انا عمال اضحك لاول مرة انهرت بسبب ان ال 26 شخص نامو وانا كانى لوحدى وبدأت افكر بشكل مريب المهم جالنا الظابط وبيسلم الامانات وانا كشخصى الوحيد اللى ملقتش الموبايل بتاعى وده للاسف المهم الظابط قالنا احنا هننقلكم لفين قالنا انتوا هنا 5 نجوم هناك الله اعلم باللى هيحصل ركبنا العربية ومشيت بينا حوالى ربع ساعه خارج حدود المعسكر لدخولنا لمعسكر تانى وتحقيقات كتير تانى ولكن الاكل مختلف فصوليا نافة ساقعه مش بتتاكل مع رز ومن غير معلقه ولو اشتريت شاى كان بيبقى من غير سكر ومش هتكلم عن اخر تحقيق نظرا لكمية السفالة اللى فيه واسف المهم فضلنا قفاعدين لحد ما الظابط قالنا كله ماشى الا 10 افراد والحمد لله خرجنا على الساعه 4 الفجر " جمعه الغضب " وخرجنا من المعتقل وبالاحضان ياعم حسن يا احسن ثورجى وعبد الرحمن الشاب اللى افكارنا لقيتها واحده .
الجزء الثالث جمعة الغضب فى المطرية .........................................................
معلومه شكرا لعساكر الامن المركزى فى المعسكر على حسن المعامله بجد
شكرا يا اسكندرانى على علبه السجاير
وهروح مطش الاهلى عشان اشوفك يا على .
كيمو

من 25 يناير حتى 11 فبراير جزء اول

2011-02-14T19:42:00.000-08:00

البداية يوم 24 يناير
عيد ميلادى
الازهر بارك مع روح قلبى وعيد ميلاد مكنتش متوقع انه يتم بالشكل ده
25 يناير
روحت الشغل نزلت منه على دار القضاء ومعايا كريم صاحبى وقابلت اختى هناك ومن هنا تم عمل كردون امنى بشكل بشع لدرجة انى قلت لاحد الظباط انت ليه مش متخيل ان عدد العساكر اكبر من المتظاهرين بحوالى 4 مرات ومن هنا بعد عدد من محاولات الخروج خرجنا ومن هنا قررنا نروح على التحرير المركز الرئيسى للاحداث وفعلا روحنا التحرير ومع دخولنا للميدان اللى كان بشكل سهل عكس ما توقعت هناك قابلت رجالة صنعت التاريخ بجد قابلت مجموعه قدرت تغنى وتفرح فى عز الكرب .
المهم الساعه كانت وصلت 12 مساء منتصف الليل اتصل بيا حد اعرفه وقالى فى اوامر بضرب المتظاهرين وبما انى شفت الموقف وعدد المتظاهرين قولت فى قرارى صعب ضربهم ومع تحرك اول مدرعة امن مركزى قررت اكون فى اول صف وفعلا حصل وهنا بدأت ادافع وبدء الضرب اللى بجد كان شنيع وبما انى من ذوات الحساسية على الصدر وصل بيا الحال الى حالة اغماء وبعدها حالة غريبة حصلت مش قادر اوصفها وده بسبب المسيل للدموع الفاقد للصلاحية وبعدها جالى تليفونات من ناس كتير ومدونين كتير " اسف انى مش هقدر اقول اسم حد تقريبا لانى نسيت هم مين ؟ " المهم اختى وصاحبى مش لاقيهم اتجمعنا تانى وروحنا على رمسيس ومن هنا بدء الضرب تانى وقررنا نروح وننزل يوم 26 وفعلا تم .
26 كريم بيقولى مش متفائل واختى كذلك وانا العكس نزلنا محطة رمسيس مشينا لحد دار القضاء مشينا فى مظاهرة لمده 10 دقايق بدء الضرب جرينا دخلت فى حارة سد ومن هنا بدء ضربى بشكل وقح حتى دخولى عربية الامن المركزى " الترحيلات " .
اتصلت بيا اخواتى واهلى لحد ما نزلت من العربية .................................................. ؟
البقية تاتى ...................
ج 1

بيان رقم .................1

2011-02-12T16:55:00.000-08:00

هرجع ادون تانى
هكتبلكم تدوين خاص بيا مع الثورة
وال3 ايام اعتقال
بعد نص ساعه
كيمو ..............
ثوار 25 يناير

بلا وطنية بلا بتاع

2011-01-01T17:55:00.000-08:00

انا مش عاقل
ومش غافل
ومش هايل
ومش مظبوط
ومش متكيف
ومش هقول كلام عيب غريب مريب
كلام يكيف العقل اننا كمصريين
" طظ " كفاية ولا تانى " طظ "
ايوة طظ
ومليون طظ
لاننا بنسكت
ازاى مبقاش ارهابى
ازاى مش هبقى جاسوس
ازاى مش هكون حرامى
ازاى مش هكون ( عاطـــــــــــــــــــــــــــــــــــــــــــــــــــل )
اسف بس استفزنى حوارين
اولهم
اعلانات الحزب الوطنى اللى كان وطنى
ان فرص العمل فى تذايد
ياخى ...
بجد
ازاى فرص العمل كتير
وازاى لسه فى ناس مش لاقيه تاكل
لو افترضنا ان اللى نفذ العملية اى تنظيم خارجى
مع انى معرفش
بس برضه
اللى عمل العملية اكيد مصرى
واكيد مش لاقى ياكل واتعرض عليه اغرائات
وده نفس السبب اللى قلته فى الموضوع اللى فات لما قلت ان طارق سببه انه فقير ومش لاقى ياكل ومش لاقى يشتغل
للاسف
ياريت الحكومة تنظر بمنظور تانى لو مش عاوزة تمشى ومش عاوزة حد يعترض عليها
ان الفقر بيولد منظومة تسمى
يلعن ام البلد دى
كلمة بتنتشر
وكلمة بيقولها اغلب الشباب اسرائيل افضل من هنا
وده انا شايفه طبيعى لانى لو فى اسرائيل هلاقى اكل
ومع انى هكون خاين فان الوطنية متعلمتهاش فى مدارس
لان المناهج عندنا مزبلة تاريخية فى تاريخ بلد لسه بتاكل على قفة الفراعنه
يعنى جدى فرعون سابلى جزء من ثروته
انا بالتالى بطالب الحكومة بجزء منه
ثانيا هو السيد احمد عز وجيمى مبارك وكل الاغنياء بيحوشوا فلوس هيعملوا بيها ايه ما هى الا شويه ورق
طب شغلها واعمل مصانع وشغل مليون فقير
وطالبوا بالوطنية وحاسبه
للاسف
محدش يزعل منى لما اقول ان الوطنية " محدش درسهالى "
بس برضه بلدى عملتلى ايه عشان اكون باقى عليها
للاسف
العيب الاوحد هو عيب الحكومة
وبرضه
مش عاوز افهم ومش طالبة وطنية وهطل
بجد
بس
حسبى الله وعم الوكيل
بالمرة احب اسمع غنوة
باباى يا مدرستنا للرائعه ماجده الرومى وفيلم عوده الابن الضال للعبقرى جو

اللى راح راح يا قلبى وشكوتك لله

2010-12-20T19:14:00.000-08:00

قد اكون بشتى الطرق مستفز وقد اكون بارد للبعض الاخر فبالنظر للمجتمع الحالى فى مصر التى لم تعد محروسة كما يقال كان يقال عليها يضطرنى الى التكتم بعض الشىء الى السخرية البعض الاخر الى غناء اغنية لاحمد عدوية " اللى راح راح يا قلبى وشكوتك لله " وهو ما اظنه اصبح صحيح جدا فى ظل سماع كلمة حسبى الله ونعم الوكيل على كل لسان فالكل مهتم بنفسه فقط ولا احد منا يهتم بالمجتمع ككل وايضا من يقولون انهم يهتمون باحوال الفقراء ما هم الا بائعى سياسه داخل اسطوانة غاز فارغة يبحثون فيها عن الشو الاعلامى القبيح الذى سيظل قبيح رغم ان الفنون هى سر تفوقنا فى الماضى .
بالنظر الى الاخبار ...
الخبر الاول عن الجاسوسية التى متهم بها شاب مصرى ومعه اثنان من اسرائيل لما يظل الاتهام واضح لذلك الشاب ولما لا نحاكم كل المذنيبين واولهم رئيس الجمهورية والذى هو من فتح الباب لذلك بتعاونه الدائم مع اسرائيل وجعلهم حليفه الاول ومع ذلك لا استعجب من كلمة رئيس المخابرات العسكرية الإسرائيلية "أمان" السابق الذى قال ان مصر هى المسرح الكبير لجهاز الاستعلامات والاستخبارات الاسرائيلية وايضا فهم احدثوا فتنه وايضا انهم نشروا التفاهات بين الشعب حتى لا يخسرون مصالحهم حين وفاة حسنى مبارك الذى سيظل نائما حتى يراهم داخل القصر الرئاسى بسراى القبة فهم يريدون انقسام الشعب حتى بعد وفاته حتى لا يخسرون شىء لهم داخل مصر ومن هنا السؤال يطرح نفسه سياده الرئيس
" لماذا تكون صداقة مع دوله " اسف للفظ " تتجسس على بلدك ومصالح بلدك ؟ "
الخبر الثانى هو ان هناك احد الشيوخ فى البحيرة اصدر فتوى بهدر دم الدكتور محمد البرادعى والشيخ القرضاوى
ايقنت ذلك بشده بسبب التخلف السائد داخل مصر ومصدره الشيوخ " الهليبة " فى مصر والذين اعطوا البشر دروسا وهمية فى الدين فاصبح للمواطن المصرى التباهى بدينه فى شتى المجالات والطرق وكل شىء امامه ولعلنى استغربت اكثر حينما وصف " شخص قلايب لى بشده " يحيى سعادة حينما توفى ( هو مقلش الشهاده ...!!!!! ) الرد الطبيعى ليه ( مش انت اللى هتحاسبه ربنا اللى هيحاسبه ) طبعا الفكرة بتاعتى كانت صعقة عليه وعصبية شديدة لدرجه انه حاول يمسك المصحف الشريف ويعرفنى انه صح ولكن للاسف اننا بنخالف القواعد وبننسى ان ربنا رحيم غفار وانه مش صعب عليه انه يسامح يحيى سعادة حتى ان كان يحيى سعادة هو من النوع اللى بيهوى التفاهه وبيدخله فى عقول الشعب العربى ككل خاصة فى كليباته مع اشهر مطربات العرب ولكن حسابه مع ربه فقط وليس لى وليس لكم ولسنا من نقول ان مكانه جهنم او مكانه الجنه للاسف اصبحنا جهلة فى الدين بشكل فظيع والسبب معلوم .
اضطر الى قول انى عايش فى حالى ومليش علاقه بشىء افضل من انى اموت مقهور
ولسه عايش وبقول
اللى راح راح يا قلبى وشكوتك لله
اصبحنا على حافة اننا نبقى
كيمو

لو بعرف اقول كلام حب كنت قولت كتير " بحبك "

2010-12-17T15:13:00.001-08:00

انتى اللى بقيالى
وانتى اللى جوايا
انتى اللى مرسومة
وانتى اللى جوايا فى قلبى وعيونى
وكل كلمة بقولها بتكون عشانك
وكل بسمة ببتسمها بتكون عشانك
وكل رسمة برسمها بتكون عشانك
كونى عيونى
كونى قلبى
مع انى سمتهم من زمالن باسمك
ولما حبيتك
مخفتش من انى اقولها
ليكى انتى وبس كل الكلام
ومفيش كلام تانى اقوله بصراحة
" انا بحب "
ومش بعرف اقول كلام فى الحب
بحـــــــــــــــــــبك

لقد عاد صديقى

2010-12-04T14:48:00.000-08:00

عاوزة منى ايه يا دنيا
انا خلاص مش بشر
انا ميت
ده قرارى
بدل ما هموت 100 مرة فى اليوم
لا انا خلاص ميت
على الاقل مش هلعنك
على الاقل هرتاح منك
على الاقل
هكون ليا حلم
هيكون ليا حياة جديدة
هكون عارف ان ليا مستقبل
ان كان جنة او نار
بس بصراحة ارحم منك
من ذحمتك
من قرفك
من خنقتك
من ناسك
من نفسى اللى كرهتها برضه
ازاى عاوزانى اعيش وانا مشلاقى حتة رغيف العيش
ازاى عاوزانى اعيش وانا مش لاقى نقطة ميا
ازاى عاوزانى اعيش وانزل الاقى الناس بيلعنوكى
ازاى فهمينى
....................
كرهتك زى ما كرهت نفسى
انتى مش ليا ولا انا ليكى
عشان كده
طظ فى الحياة
ومرحبا بحياة اخرى
وتانى حمدا بالسلامة يا صديقى
انتى وحشتنى كتير
ومشتاق لحياتك معايا
انت ليه " اكتئاب " وانا ليه بشر
مع ان علاقتنا واحده
بس احنا مش نفترق تانى ارجوك
بحس انى عبيط من غيرك
بحس بيا حد طظ فيه
حد متعجرف
حد بيحاول
حد بيعمل حاجات للحياة
ولكن قررت انى اقعد على الكرسى اللى انت صنعته بنفسك
عشان اموت عليه
:::::::::::::::::::::::::
كيمو

ابن مين ؟

2010-11-23T18:53:00.000-08:00

طظ فيا وطظ فيكم

لا افكارى هتعجبكم ولا حتى هتشفيكم

من امراض الجنون والخبول والعقول المرسومين

جوه الدماغ مسطولين دايما نقول حشاشين

مع ميزة فى الحشيش مش سطل دايما

انما تنفيس

ولما انفس عن انجزاته وعن اهاتى وصرخة دايما تطلع تحت

اقوله دايما كلمة صريحة اصلى عمرى ما بخبى اى حاجة عن اى حد

طظ فيك وفى ابوك وفى انجازات اللى خلفوك

انا ابن مين وانت ابن مين

انا اللى ابويا علمنى معنى كلمة " حرية . وطنية "

انت اللى ابوك علمك معنى كلمتين الاولى اسرق والتانيه بفلوسك هتكون

لكن بامارة ايه

ما تقولى يا شيخ انت ابن مين

مش يمكن امك من الخمر نسيت هو مين ابوك

يبقى برضه انت ابن مين

سؤال صريح واضح عبيط

ما تقولى يا شيخ سرقت مين

من الغلابة والفلاحين

برضه لسه ما سرقتش فرحة جواهم

صرخة مكتومه فى ايام ما تعرفش غير كلمتك فوق كلمة الحكومة

وبرضه انت ابن مين

لو انت ابنهم وعشت فى حضنهم

برضه سؤال ابوك ابن مين

ولو ابوك ابنهم وعاش زينا وزيهم يبقى ابن مين

اكيد فى الاصل نجس واحنا من الانجاس

مظلومين

الا مقولتليش

انت ابن مين ؟

زى ما تكون هى دايما بالشقلوب

2010-11-18T17:36:00.000-08:00

زى ما تكون هى دايما بالشقلوب

فارده ضلوعها وفارده قلوعها

وقلوعى وانا عطشان فى بحرك دايما يا صبيه

مكتوب على مركب قلبى

مكتوب فى جبينى مخبى

مكتوب والعار مش دايما باالشقلوب

مكتوب وفى ضل جنينة

وردة وزينه وقلب بيجرى

وفراشه ماتعرف هى ليه دايما طايرة

بالمقلوب

مفتاح حياة قلبى

عملوه ايام زمان وضاع ومن ساعتها

مليش عنوان

ولما لقيته حطيته

بالشقلوب

محبوب

محبوب والحب ده غنوة غناها حسن لنعيمة

فى فرح انوار ووليمة وفى حته واسعه

ومش عتيمة

وانا لسه بسمع غناه وهو يغنى

بالشقلوب

ولما كبرت وشفت الدنيا

لقتنى صغير رافع ايدى بالمعوج

لانى بحب البت السمرا وبعشق عنيها الحور

وعنيها شايفانى دايما

بالشقلوب

ولما كتبت اسمى فى مدرستى وكراستى وصبورتى ودكتى

ورقم جلوسى فى امتحانى

كان اسمى

بالشقلوب

وهى دى قصتى وحكتها وغنتها وكتبت عنوانى فيها

بالشقلوب ......

كيمو

لحظة امام نفسى

2010-11-13T18:02:00.001-08:00

لحظات داخل كشكول مسطر ومربع وبنفس اللون

لحظات بتمر علينا من غير جراح تهون

لحظة من اللحظات خسرت كتير

كسيبت كتير

لحظة مات فيها الضمير

لحظة حسيت فيها انى انا

وانا عمرى ما حبيت اكون زى مانا

لحظة تانية عشتها بفرحة وسعاده

ودى كانت اخر لحظة

فى دخان سجارتى لحظة

فى اهات مرايتى لحظة

فى دموع عيونى لحظة

وانا فى الحياة معشتش ولا لحظة

لحظة الم وجرح وقلب كبير مليان رتوش

وخرابيش وكلام غريب معرفوش

وانا كما كنت

لحظة فى حياة محبتهاش

لحظة فى حياة معشتهاش

........................

كيمو

تهيس من جهنم

2010-11-10T14:19:00.000-08:00

بعد التحيات والسلامات والذى منه ................ يا خت من زار وخفف

اولا الموضوع ليس له اى علاقة بالدين من اى الطرق ولكنه فانتزيا

ثانيا نبدأ بقى

المكان : البورصة

وصف للحالة : طاولة حمراء اللون " وكرسى لونه احمر للسلامونى "

وكرسى لونه موف لون السويت شيرت بتاعى ..

قاعدين منتظرين فقرى بيه افندى بعد جدل واتصالات وخطوط وكده عشان يجىلنا واهو شرف بجلاله قدره .

المهم الفكرة والمضمون

السلامونى كان قاعد يحكيلى على النار " جهنم " وهاتك بقى يا وجع دماغ ورعب وركب بتخبط فى بعضها نظرا لاعمالى الزبالة فى الدنيا

البداية بقى ان جهنم بتبدأ من 7 طبقات كل طبقى حسب مستوى الشخص وايمانه و ظلمه وفساده وانا شخصيا نازل طالع نازل طالع على الطبقات .

فى الطبقى السفلى او الاخيرة قابلت ناس كتير يا جدع ناس كان نفسى اشوفهم زى موسولينى وكريستيانو رونالدو وبراد بيت وهتلر وده اللى شد انتباهى فى كل دول وروحت قدمت عليه كده وسالته

- يابرنس ايه الاخبارات على حسك هنا ؟

- امشى ياض يا ابن ـــــــــــــــــــــ هتلر شتمنى يا ناس

وطبعا بما انى فى جهنم ومفيش هناك واسطه ولا محسوبيه روحت مطلع الحته ال 36 من جنب البنطلون الجينز المقطع بتاعى " جاب وره دوغرى ابن التيت "

ولسه زى مانا فى نفس الطبقى بلفلف وهوب ايه بقى الاقى مين " مزيكا تصويريه بتاعه فيلم وره الاطلال بتاع عماد فاهمى وشادية لطفى " لقيت سيده الكفار الاولى ( السيدة الفاضلة / مراة ابو لهب ) وبدات الحكاية بغمزات وغمزة من هنا على غمزة من هنا روحت فاتح الموبايل بتاعى الطشط الجديد وفاتح البلوتوث وبعتلها الرقم فى الخبلص ومن هنا بدأت حكايتى مع الست دى وجوزها ابو لهب بذات نفس نفسه وعرفت ان الواد """ جيمى مبارك """ وشلته اللى فى النار محكوم عليهم بمؤبد بلغوه انى على علاقه مع مراته وطبعا الراجل ما صدق عاوز يخلص منها اصلها رغاية ونكدية قعد يدور عليا بقى وابتدى من الفيس توووووك ومن جوجل ( Google Hell ) وعلى ياهووز وسبحان الله يا جدع الواحد ربك بيكرمه حتى ولو فى النار لقيت اشخاص من حركة 6 ابريل ومعاهم مجموعه من الحركة الوطنية للتغير وكانزا خلصوا مده العقوبة الاولى وطالعين للطبقى اللى فوقها عشان فى قلق هناك وهيشوفوا الحكم اللى عليهم المهم لقيت نفسى معاهم وبسبب كده اتكتبلى خروج مبكر حسن سير وسلوك وطلعت للطبقة اللى بعدها ............................

حرامية .. فاسدين ....... طاغين فى الارض

هناك بقى يا خال قبلت ناس كتير كتير كانت زحمة كان منهم شارون بعنيه الخربانة وبوش وكان معاه الجزمة ماسكها فى حضنة ومتبت عليها ابن الجزمة فاكرها مامته وهنا بقى قبلت زميلى فى الكفاح " السلامونى " وايه يا جودعان الواد اصلا كان دراعى الشمال فى كل نصباية اعملها فدخل طبقة متاخرة وفضل ماشى معايا لحد ما لقينا تظاهر وفى راس كبيرة واقفة " اكبر من الراس الكبيرة بتاعت الفيلم " واللى مخلى محاسيبه هناك يلقبونه بالريس .

المهم الريس هنا جمع شوية حرامية على نصابين على نشالين وكون جماعة محظورة تسمى بال ( الحزب الوثنى البيروقراطى ) وبدء البرنس بجمع توقيعات عشان عاوز يمسك حكم تلك الطبقى فى جهنم ( عند مامته ) المهم قابلته واول كلمة طلعت منى هى

( زى ما سبتلك الدين فى الدنيا هيطلع دين مامتك فى الاخرة )

المهم سمعت ان الامم المتحده بتاعت جهنم عامله مكفاءة للى هيبلغ عنه روحت مبلغهم قوام وصعدت طبقة لاعلى ومنها كل ما بصعد طبقى الاقى واحد منكم .

الفرق بين مصر وجهنم ايه بقى .................................

ياريت اللى قرى الكلام ده لتانى مره

ملوش علاقه غير بالتهيس

والله الحمد لله انا مسلم ومش ناقصه استخفاف من حد

بيض وفول كمان مرة

2010-11-06T20:10:00.000-07:00

خلى شوية عليا وخلى شوية عليك
متفوتنيش انا وحدى افضل احايل فيك وفى امك وفى قولونى وفى الدنيا
ياعم يا برنس ارحمنى
انا بنى بشر " مش بقر "
عمرى " شاب " بيقولوا عجوز
فكرى
ههههههههههههههههههههههههههههههههههههههههههههه
انتوا سبونا نموت بالحمة
وانتوا تعيشوا تاكلوا فول
يا عمونا وصلت الدرجه من كتر الفول
والعصبية
والاخبار اللى تصطبح بيها على الصبح
والحاجات اللى بنشوفها يوميا الدكتور منعنى منها
وال ايه هو لسه شباب والمزاج عناب
ياعم ارحمنا
الرئيس يا اخونا
او الريس
او حسنى
او اى حد انا مش بحبه
بصراحة كدهون شباب
وانا بحقد عليه وعلى مامته " امه يعنى "
اصل بصراحه كدهون معندوش قولون عصبى لانه مش بيتنرفز
طب سؤال لحضرته
لما بتقرى الاخبار الصبح " زينا كدهون " بيجرالك ايه ؟
انا لو مكانك مش قولون وبس
عيب اشرح اللى هعمله لنفسى
لو بمنطنق
"ما تيجى ونخلف ولد اسمه مليجى "
يا عمونا
بواسير
قولون
انيميا حاده
غباء
ثقة فى النفس العبيطة
ارحم " ميتين " اهلنا من عذابهم فى القبر انهم جابونا
بجد
انت حد ابن ’’’’’’’’’’’’’’’’’’’’’’’’’ نفسى اكون مؤدب بس هو بيض
بس صعب
الصورة اهداء اللى الدوح
وعلى فكرة خبر كدهون على السريع بطلت كتابه يا اخونا
لحين اشعار اخر

عيون ............. 1

2010-11-04T20:36:00.000-07:00

هرسم وطن من تانى

2010-10-30T17:19:00.001-07:00

السلام عليكم ورحمة الله وبركاته

فى يوم من الأيام ظهرت الفكرة على إيد (( صوت من مصر )) وكان الفكرة أساسها إن كل واحد يحلم بوطنه ويكتب اللى بيحلم بيه ويقول ياترى هوا نفسه يشوف وطنه إزاى .. وإستمرت الفكرة فترة من الزمان ولكن كان عدم التنظيم هوا السبب الرئيسى فى إنها تقف ومش تكمل على خير زى ما كنا بنحلم ساعتها
ودلوقتى عدنا من جديد بنفس الفكرة ولكن ...
مش هنرسم وطن الأحلام الوطن المثالى اللى مفيهوش عيوب
مش هنرسم ورود فى كل مكان وناس ماشية بتبتسم وعيشة هنيه ومستحيلة
مش هنرسم وطن تانى غير مصر
هنرسم مصر زى ما بنحلم بيها
هنرسم مصر
مصر وبس زى ما بنحلم بيها وزى ما بنتمنى تكون
لا أحنا إخوان ولا يساريين ولا تبع أى إتجاه أو أى تيار ولا أى فئة سياسية إحنا بنحلم وبس
محدش يسألنى ويقولى الحلم إمتى هيبقى حقيقة ...اكيد لما يخرج للنور هيبقى له شكله وهيبقى له معناه
إلى كل المشاركين فى الحلم :
أرسل البوست على الإيميل التالى :harsem.watan@gmail.com
وسيتم الرد عليك قبل النشر ب 48 ساعة
ودا رابط المدونة ...هنرجع إن شاء الله نكتب تفاضيل أكتر عن عودة الحلم عالمدونة
ودا رابط صفحة المدونة عالفيس بوك
ودا جروب المدونة عالفيس بوك
وأى إستفسار أنا حاضر لكم فى التعليقات
على وعد بإكمال الحلم ...
شاب فقرى
كيمو

انا من هو المجنون ....... 1

2010-10-26T17:40:00.000-07:00

بدون أى شعور بالألم
بدون أى مقدمات لأى تعب
بدون نفس تذوقت طعم الحياة
بدون أى مساس بجز من حرية الأخرين
ولكن أين هى حريتى
ماذا تعنى كلمة حريه ؟
ماهو طعم الحياة ؟
من انا ؟
انا كلمة لها الكثير من المعانى الكثير من الأفكار
وما هى الأفكار
وما مدى تفكيرى
وبما تقيمنى
انا تفكيرى بشر
انا أسمى بشر
انا جسد بشر
عيون بشر
لا يحكمنى بشر
ولا يستطيع الأخرون الحكم على بأنى بشر
فأنت من ؟.
أنت من ذاق العذاب
تريد أن تطعم الأخرين بذلك المذاق العجيب
تريد أن تكون أنت الحاكم
الأمر
الناهى
مع الناس
ولكن إياك أن تطرق باب البشريه الذى يدخلك الى فكرتى
فأنا فكرتى تتمحور حولى انا فقط
اذاَ.......
أريد رؤيتك وأنت متجه نحو
كل من هو لا يستطيع أخد حقه من الحريه
التى انا أيضاَ لا أستطع فعل ذلك معها
ولكن حريتى هى
جنونى
وفكرتى هى
جنونى
وأنت لست بالمجنون
وإنما انا من هو المجنون .
ـــــــــــــــــــــــــــــــــــــــــــــــــــــــــــــــــــــــــــــــ
كيمو

ثقافة جديدة

2010-10-20T16:10:00.000-07:00

بعيدا عن الرومنسية العادية
بعيدا عن الاحداث التى تصيب البشر بالشلل
ارى الان احداث مثيرة تسيطر على وضع الوطن
ولكن الجميع مننا لا يهتم بالطبقة التى تنعدم عنهم الثقافة العامة وهم بشر يعرفهم الغالب مننا فى تعاملتهم اليومية
الطبقه دى ممكن اكون انا منها وانت منها ولكن
الطبقى دى جمعت ثقافة ليهم تذكرنى بثقافة Negro American culture والتى انتشرت بشكل مثير جدا فى امريكا وجعلت من الشباب مجموعه لا تهتم الا بالمزيكا الصاخبة وايضا ادمان الكثير من انواع المخدرات والتعامل بهمجية مع الاشياء والبشر فالسلاح معهم اينما وجدوا
ولكن فى الطبقة المصرية التى نستطيع التحدث عنها فى ثقافة جديدة " ثقافة التكاتك " وده اللفظ اللى بحب اقول عليه كده نظرا لان التكتك اصبع شغلة سهلة لكل من ليس له عمل وايضا فهو لعبة للبعض منهم فاحيانا ارى اطفال سائقين له ولكن المميز فى التكتك هو اغانيه والتى اسمعها فى اى مكان فى الشارع وايضا فى الافراح والتى تسمى ب " المهرجنات " والتى هى عبارة عن صالة ديسكو يجتمع بها الكثير من الشباب للرقص والتهيس ولكن ليس كل المهرجانات ناجحة فالنجاح مقياسه بعدد الشباب الموجوده بالفرح ولجلب العديد وجددت كروت الدعوة والتى تعتبر سهلة للكل فيحدد صاحب المهرجان شكل الكارت على دماغة وتصميمة يكون صاخب وشبابى من الدرجة الاولى ولكن ما هى كلمات الاغانى والمزيكا
المزيكا هى مزيكا " الشندرابولا " وهى المزيكا المصاحبة لكل الاغانى والتى بدأت بمهرجان العشرين او اغنية عشت حرام فى حرام
الكلمات هى من تاليف البعض منهم
"1"
يا مساء الخير عليكم وزة يحيكم
بعد مساء الخير على غفر الليل
بعد مساء النور على وزة الامور
اصحى وخلى بالك وزة ولعهالك
الكلام ده جديد من شغل العيد
معاك فلوس هتدوس على الناس هتدوس
انا عاوز حد يسمعنى عشان الجرح بيوجعنى
ــــــــــــــــــــــــــــــــــــــــــــــــــــــــــــــــــــــــــــــــ

"2"
اسمع كلامنا هنتكلم
اسمع كلامنا هنتعلم
اسمع كلامى وصحح فوق
بكره الدنيا يا صاحبى تروق
سندباد وعلاء الدين
عامل هد جامد ومتين
اللى هيجى علينا هندوسه برجلينا
واللى هيجى عليا هدوسه برجليا
الدنيا مدرسة
واحنا فيها بنتعلم
ويعيش المعلم ولسه بيتعلم
احنا لسه شباب والمزاج عناب
صحيح قلبى طيب صحيح مليان حنان
بس اللى بعنى انا بيعه وانساه لو هو مين
اكمنك حلو شوية بتزيد التقل عليا
انا ممكن اعمل زيك
بس متهونش عليا
احنا اللى ياما كتير فرشولنا الارض حرير
عشان يكون يوم
ـــــــــــــــــــــــــــــــــــــــــــــــــــــــــــــــــــــــــ

"3"
انا المعلم يلا مبحبش الهرجلة
انبح صوتى بكيفى وفى كل حته معايا سيفى
سيفى هو لسانى
ايوة كده يا وديع الكل بقى بيذيع
ارجع ياض يا عبيط اصل البحر غويط
اوعى تحلله من غير ما تسهله
الكوتش والطارة الطبلة والزمارة
سيد شيبه معاه حكاية وكل يوم جاى بروايه
اصحى من الزرازير ياعم دول كتير
عملى فيها من الهند وكل يوم مع بنت
وبتلعب بالبنات ومقضيها اشتغلات
يانهار ابيض على البنات اللى ماشية بحملات
ينفع فى شتا اوصيف
...........................
بس خلاص
احكموا انتوا
كيمو

لو انت موز ( متحلمشى بشاكيرا )

2010-10-12T17:40:00.000-07:00

صباحكم عسل اسود وطحينة " ولا الحاجات دى بقت غاليا "
تخيل نفسك موز
واحلم كانك موز
ثابت فى الارض مكانك بس موز
كل الحيم قصادك بس انت اللى موز
( لما كتب الكاتب القصيدة العظيمة دى كلمة موز تعنى ذكر الموزة اللى هى البنت ال............ حلوة ........... صاروخ .......... طلقة )
المهم يا سادة يا كرام وانت موز تلاقى ايه بقى
1- البنات كلها بتبصلك بصة موش تمام
تبقى راكب المترو وهوبا هوبا تلاقى موزة واقفه مع واحد وعمالة تبص عليك من تحت لتحت نظرات واحيانا بتكون نظرات من تحت النظارة الشمس الريبان ام 7 ونص من قدام محطة مترو الجيزة .
2 - الشباب السيس اللى هما ( حونينين ) بيعاملك كانك مش موجود
تلاقى الشاب من دول واقف فى نص الشله صوته واطى ومحدش سامعله حس فجأة كده تلاقى الواد ده واقف مع واحده على جنب وبيتكلموا تقوم انت تعمل فيها اهبل وتروح تسألهم بتعملوا ايه البنت تقولك " مفيش بس هو بيسألنى عن واحده " وتلاقيه بيبصلك بصه مرات الأم وفى الاخر الواد والبت دول فجأة بقوا انتيخ وانت زى الاهبل ولا فارقه معاك .
3 - لو سافرت بلدك فى اجازة لمده يومين هيعاملوك على انك اجنبى
معاك موبايل ولابس ومتجنيل وحاط كالونيا 99999999 وماشى مع ابن عمك وهو لابس الجلبية البلدى اللى لونها بنى والواد ماشى بيمنظر بيك قدام موزز القرية اللى هما مش بيبصوا عليه بيبصوا عليك انت لانك اجنبى بقى مش من حداهم مع انهم ميعرفوش انك لا مؤخذا بيئة وحشاش كمان بس المنظر يا حيلتها بقى .
4- لو قابلت واحده موزة بتقول عاتيف ( عاطف )
البت دى ايه بقى فاكرة انها لقت واد وموز ومعاه فلوس واهبل وعبيط والحاجات دى كلها وتلاقيها فجاة تقولك فى التليفون ادينى مامتك اكلمها تقولها لا تقولك اخواتك تقولها لا تقولك يبقى انت موش عاوز تخطبنى بقى لو قولتهلها ايوا تقولك شكرا يا اعز صاحب لو قولتلها لا انا هخطبك والحاجات دى تقولك طب هجيبلك خالى تقابله وتروح تلاقى خالها واحد تباع ميكروباص وادبست يا معلم والواد ده كان ماشى معاها فى الاشاس .
وكده تبقى حققت نظرية الموز بلا موزة
ولو معاك موزة فتخيل انها ممكن تغير عليك من شاكيرا اللى هى عمرها ما هتبص فى وش امك العكر .
شاكيرا شاكيرا

انه انا .......

2010-10-09T16:05:00.000-07:00

ممسكاَ بقطعة صغيرة من الخبز يتوه بافكاره داخل صحن الطحينة الموجود اماه ليرى به وجه أشحب دار به الزمن , يغمض عيناه , يفتحها ثانياَ , يرى اماه نفس ما يرى دائماَ فى احلامه , وايامه , وايضاَ ذلك الخبز الذى طاردته الفطريات العفنة وهو لازال ممسكاَ به .
يتركه سريعا من يده , ينظر لنفسه فى مرأه المطعم , يجرى بذهول شديد وهرولة الى الشارع , الشارع الذى كان مذدحم جدا بالبشر ودرجه الحرارة مقتربة الى 45 مئوية ورائحة العرق تفوح من كل مكان يجرى به وهو ينظر الى كل البشر فى تعجب ولكنهم لا يكترثون اليه يريد ان يصيح باعلى صوت
انه انا
انا الذى عشقنى الكثيرون ورفضت
انا الذى ذابت فى يدى الشمس
انا الذى جلبت القمر الى تحت قدمى
انا من هو حافظ على تألقه فى كل طله من ذلك الشباك العتيق
انا هو
انا هو .............................
ولكن فى نفس لحظات تفكيره , ومع حركة دائرية لينظر بها الى جميع البشر
يأتيه الشىء الذى لن يستطه اى البشر التعلب عليه وينتهى تحت عجلات السيارة
ومع ذلك هو لازال قبيح الفكر وقبيح العقل .
كيمو

نقاط تحول " لو محترم متدخلش لانى سافل "

2010-10-06T16:31:00.000-07:00

تحول
نقطة تحول فظيعة نشاهدها نحن ولكن نقف بعيدا اما ساخرين او مهللين او نبكى
اصبح الوطن فى مرحلة الرجوع اللى الخلف ثانية
اصبح الوطن شىء مفقود
اصبح الوطن مثل عروسة مريونيت يتلاعب بها البعض
ولذلنا مجرد مشاهدين للواقع الذى يسيطر علينا
فمن قال جملة ( مش هتقدر تغمض عنيك ) ماهو الا مشاهد جيد لاحوال الشعب المصرى
البداية
مع عرض كليب الموزة اللبنانية " رولا سعد " الجديد "الصوت ده جاي منين" والذى اصابنى بحالة غريبة تتمثل فى كلمة سهلة النطق وهى " احا " عندما اشاهد فتاة من لبنان الشقيقة تجسد دور البنت المصرية التى يهرول عليها الكثيرون والتى هى بنت بلد وتلبس العبايه وتقول لهم ان الرقص ده جوايا ورقصونى معاك ياخى رقصها عفريت لما جسدت نييلى كريم دور بنت البلد فى مسلسل الحارة بجد فهمت المعنى الحقيقى . لكن مخرج الكليب اللى ميعرفش حاجه عن مصر احب اوضحله شىء
اولا البنت المصرية مش واحده عمالة تهز وتعرى وتروح افراح تترقص وتغنى اغانى فقيعه ولا حتى الافراح الشعبية التى تسمى بالمجلات فيها انواع ال ( ID ) البطيخ والخوخ اللى كنت عارضهم لا الافراح عندنا ممكن يكون فيها بيرة وحشيش وبانجو كمان لكن مقدرتش توصل للروح دى لانك فاشل فى انك تكون مخرج لان مفيش كمية الالوان المبتذلة اللى انت عارضتها بجد ومش شرط المطرب الشعبى يبقى بيض كده زى ما وضحته ولا فى فرح بتبقى العروسه بغلة وطخينة كده وظهرالنا نص ................ لبره للاسف انت افتقدت صورة المصرنة بجد وياعم لما تعمل كليب ابعد عن مصر بتاعتنا وخليك فى مصر بتاعتهم لان الحارة ملكية خاصة والحارة مفيهاش بنت تقول اللى عاوز يلعب يلعب " هموت واعرف يلعب فين " وللاسف ومعلومة نسيت اوضحها مخرجة الكليب مصرية تدعى مى اسماعيل
من الاخر بدون احراج
احااااااااااااااااااا مش توكا
نرجع تانى
ثانيا
ابراهيم عيسى .. عمرو اديب ... علاء الاسوانى ..... علاق صادق ........ الخ
مين تانى عليه الدور
الانتخابات اقتربت وبدات حملة الترهيب
البلطجة واضحة جدا
ومن الاخر محدش هيمنعنى انى اقول راى للمرة المليون
احااااااااااااااااااااااااا ياريس
انت شخص لا تصلح انك تكون صاحب الضربة الجوية فقط بل صاحب الضرب على قفا كل مصرى على راى اسلام جاويش
انت شخص متستحقش تكون رئيس لمصر
مصر اكبر منك ومن ابنك
ياريس بعلو صوتى انا رافضك
لاحظت ان اغلب الجيل الجديد فاهمين ان الريس ده ملاك
ولاحظت ان اكثر الشباب والبنات اللى لسه قدامهم العمر بدرى فاهمين انه اللى عمل الخير لمصر
وانه راجل تمام ومعيشنا من غير حرب وعمل لنا مساكن وخلى فى احترام وان الزنب من زنبه ده زننب الزياده السكانيه
احاااااااااا على ده جيل
انا رافض
وغيرى موافق
والبلد فى حالة انهيار ثقافى واعلامى وقضائى وكل شىء
من الاخر
لنا الله
نسيت تحية ل

جرنال الاخبار اللى خلى انتصار اكتوبر من 39 سنة
هههههههههههه

حوده دنجل ( قصة لن تنتهى )

2010-10-03T18:30:00.000-07:00

حوده دنجل
حوده ده اكتشفت انه اسطورة بجد
القصة تبداء فين تبداء منذ حوالى كام ساعة كده , سمعنا عنه وعن مغامراته واتحكالنا وووو , لحد ما العصافير بتاعت بطنى جالها بواسير , المهم وانا داخل بجد حسيت انى ياما فى الصين او اى بلد من بتوع تايلاند دول , دخلت واطلع من عمارة لعمارة ونفسى الاقى باب يقولولى فيه هو ده ادخل ادخل .
اتارى ايه بقى اتارى ان انا عبيط مش بعرف اكل سمك ولا حتة اقشر جمبرى , وانا الذى دوبت فى غرام الجمبرى بقشره وانا الذى عشقت السوبيا ( يسمى بالمصرى سبيط ) حوده دنجل بيه بعتلى كبايه بلاستيك كنت فاكر ان فيها تمر هندى طلعت SEE FOOD ومحدش يترلايق بقى
اكلت واكلت واكلت واكلت
سيبكم انتوا
حوده دنجل اصبح معشوق
حوده دنجل اتكلم عليه كل من حضر اللقاء التدوينى كله
حوده دنجل صاحب التنسيق المصرى للمطالبه بعدم اكل المعجنات
حوده دنجل هو اللى دخل موسوعة دنجل فى السمك
حوده دنجل يعنى الجمبرى بقشره يا معلم وانا مش بعرف اقشره
اجمد ما فى اللقاء
المهم
مش هكتب اسم اى شخص فى اللقاء عشان محدش يزعل
صور وبس
ولكن انا هقولها بالعلن
رجعت ادون تانى للناس بس مش هخاف مش هكون عبيط هكتبل اللى فى دماغى وبس واللى مش عاجبة يطرطر فى حمام مكتبة الاسكندرية التحفة موت بصراحة
الحمام اللى شاف مننا اجمل ربع ساعة

كيمو

افيونة الحياة

2010-09-19T15:39:00.000-07:00

مشروخ يا ناى متغنليش زعقك وجعنى اه وانا مكفانيش
ده الواقع المرير اللى عايش فيه
حبيت حب بس من غير امان
حب مصر
خلانى حاسس انى عبيط وده شعور الناس حواليا
للاسف يا مصر
مقدرش انسى حبك ولا قادر حتى احاول
مع انك صعبة وعبيطة وهابلة انك تسكتى
وانا برضه ساكت
ساكت على اه وظلم وجروح وحاسس انك يا مصر
مسجلة خطر
يا مصر انتى افيونة الحياة
عايش عشانك وعشان سؤال صعب انساة
انا فين ؟
فى وطن ميعرفش معنى الامان
ولا بلد الامن والامان
ولا ايه ولا ايه
ولا اكون فلاتى خمورجى حشاش حرامى نصاب معايا فلوس
بالعكس
انا قلبى مفتوح يا مصر
لحبك وحب غيرك
لاهلك ولضميرك
لعشقك وبرضه مليش غيرك وطن
........
كيمو

اومليت تدوينى

2010-09-11T18:35:00.000-07:00

بجد انا بقيت
"" اوفز "" والحدق يفهم
من الاخر الموضوع ده مستفز جدا بطريقة فوق الفظيع
الحكاية فيها فقع
من الاخر اكتشفت ان الناس العسل القديمة بتاعة زمان فى التدوين خلاص راحة ايامهم الحلوة بعد دخول العديد من المدونين الجدد
اللى من الاخر مش مدونين وما هم الا ناس فاتحة منتدى لكن من شخص واحد
بجد
ايه القرف ده
واللى يقولك شعر فقيع وخنيق
وملوش فيها مع انى مفقهش حاجه فى الشعر الا انى اعرف ان الشعر مش لازم كل حاجه فيه قافية بهطل وخلاص
وناس تكتب عن اكلها فى اليوم وناس داخلى تكتب اغنية لمغنى
ناقص الاقى مدون كاتب انا عاوز اتجوز بالمرة
والحكاية يا ساده يا كرام ان ايه ...............
الشباب المدونين تلاقى منهم داخل عشان يلاقى موزة وال ايه مدونة
ياعم ارحم نفسك من الافكار دى متبقاش اهبل فى مدونة هتبقى موزة بالسهل وفى مدونة :: موزة جامدة يعنى :: انت بتحلم بقفص عيش فى عز الازمة
والبنات اغلبهم واكثرهم يبحثون عن عريس من خلال التدوين على شرط انه مش هيشوف خلقهم مع انها ممكن تكون استغفر الله العظيم
بجد حاجه تفقع
وبعض الناس تقولك ( انا مش هكتب لما اتجوز ) هموت واعرف ايه السبب على راى ميرا
هو جوزى يقدر يخلينى مش اكتب انا ممكن ساعتها اضربه بالجزمة دى حرية شخصية
بجد
الفقع بقى كتير والموضوع بقى اومليت
بجد
اللى ميعرفش انى مدون سافل ميدخلش
واللى ميعرفش انى صريح يبعد
والناس اللى بحبهم وبحب اقرالهم حتى ولو وحش مع انهم مفيش منهم وحش مكانهم
( الكلام مش موجه لشخص بعينه )
كيمو

حلم بسيط ولكن

2010-09-02T17:31:00.000-07:00

يغمض عيناه يغوص بأعماقه الى داخل المياه التى تحول لونها من عوامل الزمن وهى لازالت بداخل ذلك البانيو القديم المتهالك الذى ليس له اى مصرف مياه .. يخرج رأسه بهدوء من تلك المياه الساكنة ويفتح عيناه ليرى أمامه ملاك ام شيطان ام ............
ما هذا الذى أراه ؟
ما هذا الضوء الصاخب ؟
أين الصوت ؟
الن تتحدث ؟
اهل انى لازلت احلم بك يا حبيبتى وإنك قد اتيتى ؟
ماذا تنتظرين ؟
اتنظرين الى بعين البشر ؟
أريدك ان تنظرى الى بعقل الملاك الذى يرى احلامه فى عقلى وتفكيرى اريدك ان تصغى الى صوتى الذى سيتحول الى صوت عصفور على غصن شجرة خريفية انتظرى حتى ترى أشياء لا استطيع البوح بها
فانا اصبحت لا ارى سواكى .
اصبحت ملازم لافكار الحب التى كنت دائما اتركها خلفى
اصبحت ملاك ينتظر ملاكه
يختفى الضوء بشكل متدرج ليرى امامه مرآه حياته وكانت تضىء بسبب دخول ضوء الشمس من تلك الفتحة اللعينة فى سقف الغرفة
يدخل رأسه ويغمض عيناه داخل المياه لفترة
ثم .................................

عن اللقاء بالصور

2010-08-31T16:05:00.000-07:00

عن اللقاء
بجد تشرفت بكل الناس ومش هذكر اى اسم لانى هنسى ناس كتير
لكن فى الاساس كلهم رجالة ان كانوا بنات او ولاد
رجالة ووقفوا وقفة رجالة
بجد
انا فرحت انى شفتكم كلكم
وفرحت من قلبى انى قضيت يوم كان نفسى اعيشه
بجد كل اللى كان هناك """ شكرا """

اسيبكم مع الصور

باقى الصور على الفيس توك

ميت

2010-08-28T19:40:00.000-07:00

بعيد عن اللقاء نهائى
اولا بدون اى مقدمات رخمة ومملة الموضوع وما فيه انى انا ميت
ميت جوه تابوت جوه كفن تحت الارض فوق الارض فى اى مكان ادينى ميت
وعشان اموت لازم احس بطعم لذة الموت بجد
ولذة الموت ايه هى
انى اموت وانا راضى بانى ميت واللى جنبى حاسين بده
ولكن شعورك ايه وانت ميت ده اهم شىء فى الموضوع
شعورى كالاتى
بقيت بنام رجليه مقلوبة كما الخفاش
بقيت بحس بطعم المر والحلو فى نفس الوقت
فى عز جرحى على الفراق برتاح نفسيا من اهاتهم
مات منى شعور الخوف بانى هكون فى يوم ميت
مات احساسى بالحب الفظيع
رامى حمولى وهمى فى صندوق نحاس مدفون معايا
اهتم بما هو مفيد وليش اى شىء ينرج تحت البشرية
بنسى حدودى بان لى ارض معينة فانا ميت ساكن لا اتحرك
ارفض الطعام الساخن الذى لا افضله فى الحياة
ولكن توحشنى قهوتى البارده
شعور اتمنى ان يتحقق

الكونغو حلمى بجد

2010-08-23T16:44:00.000-07:00

قرار هام جدا
اعلن انا محمد كمال " كيمو "وانا فى كامل قواى العقلية بانى اطالب بالاتى
اللجؤ السياسى لاى دولة من الدول الاتيه
بوركينا فاسو
الكونغو الديقراطية
جزر القمر
اسرائيل
وده احسن من انى اسب الدين فى رمضان
هروح هناك وهبقى بكرامتى هبقى مواطن صالح
هروح واتجوز واعيش كمان
ولو محصلش ده من الاخر من حقى انى اسب الدين وربنا مش هيحاسبنى لانه عالم باللى بيا
اولا
قريت خبر خلانى عاوز اطرطر على نفسى لانى مصرى

عدلي حسين: أزمات والكهرباء والأسعار تضاعف من ثواب الصائم

باقى الموضوع من هنا عفوا لاتوجد مقالات محفوظة

نائب: انقطاع الكهرباء فاتورة يدفعها المصريون لفشل الحكومة.. ومصيبة المياه قادمة

باقى الموضوع من هنا
من الاخر
والله ليه الحق فى كده
معلومة تانى ومهمة
انا بضحك
على فكرة الاخبار اكتر بكتير بس دول خلونى اااااا

بما انك مصرى اذا

2010-08-16T18:44:00.000-07:00

للاسف اصبح الكثير من سكان المحروسه يتلون ذلك الدعاء الذى لا اعتبره سخيفا بقدر ما اعتبره واقع
وهو دعاء
ليه ياربى مخلقتنيش فى اى وطن تانى انشالله كوكب البهظى
بجد ليهم حق لانى انا لو مصرى فامتلك ميزات كثيرة عن باقى الدول اولها انى مش مطمن على مستقبلى لان معنديش مستقبل فى البلد الغريبة دى ومستقبل ايه اللى هفكر فيه وانا مش لاقى حاضر والماضى اسود والبلد حالها غريب والناس مش حاسه باى حاجه هحس انا بقى بايه ده حتى الظلم مش حاسين بيه مستنين منى انى احسن "" صعب ""
تانى ميزة
اكتشفت وعرفت وسمعت من ناس كتير ان مصر اكثر الدول تدين على مستوى العالم بل واكثر من السعودية فشعبنا يؤمن بالدين بطريقه كبيرة جدا وده حلو لكن ده الشعب بس لكن الحكومة بتاعتنا متعرفش يعنى ايه دين والغريب فى الشعب ده انه بيحاول يجمع حسنات لكن من غير تفكير وربنا مش عاوز كده فمثلا بلاقى الكتير يتابعوا بعض الشيوخ الذين يفضلون الترالملم من الاخر شيوخ الفلوس اللى بحس بكلامهم انى كافر وايضا الرسايل بقى بتاعه ابعتها لمليون تاخد 15 حسنة والاقى الرسالة ان واحد شاف فى المنام النبى ( ص ) وبعدها مات وهو لابس ابيض فى ابيض والشاب ده اندونيسى او من اى قطران واحنا مالنا احنا مش جهلة جدا اننا نصدق اى عبط
تالت ميزة
انك مصرى ايوة مرفوض فى ادول العالم لانهم ارفين انك لو رحت هناك حتى لو سياحه مش عاوز ترجع وبصراحه ليهم حق
رابع ميزة
انك تنضرب وتقول " كمان " اصلك متكيف
خامس ميزة
انك تلاقى الشاب ماشى بيعاكس اى بنت حتى ولو لابسه لبس كشافه وكمان احنا دايما نقول البنت اللى مش محجبة دى مش محترمة طب منين عرفت الله اعلم
سادس ميزة
انك دايما بتقول امين على الحلو والحوش مش فاهم اى حاجه
للاسف
انا واحد من الناس اللى ندمانة من انهم مصريين
مش الكونغو ارحم
بجد انا متكيف وكلنا متكيفين ولا ايه
وعشان انا مصرى اذا
مكتئب

اى عبط

2010-08-10T17:03:00.000-07:00

غمضة عين طفل صغير ........ على اذان فجر بيدن
غمضة عين شاب عجوز ......... على وطن بيصغر
غمضة عين وغمضة عين ....... وكلنا هنغمض
هنغمض على كل شىء
هنغمض وخلاص
وبما انى مغمض
اذا فليكن ما يكون
كتبت عن كل شىء
وحبيت كل شىء
ورفضت كل شىء
وما يبقى شىء الا لو هو شىء
فشلت
بعترف بيها
بحكيها برسمها بكون معاها
انا فشلت
فشلت
وبتمنى ان صاحبى يحلم بحقيقة صافية
حقيقة العالم الموجود
الكبير بياكل الصغير
والصغير بيهرب بين سور قافل عليه جوانب الحياة
ومن الاخر بتمنى الموت قبل ما افكر فى اى عبط
رمضان كيمو

مصر عاوزة تقولهالك

2010-07-23T20:07:00.000-07:00

مش عارف ولكن
صلب الموضوع انى عاوز اشتم ولكن باحترام وبادب
استمع الى منير حينما يحدث مصر قائلا "بعتب عليكى "
فهل منير حينما ردد تلك الغنوة المهوله كان يعرف ماذا يحدث فى زمن مبارك ام ......
للاسف افتقد الان الى معاتبة مصر نظرا لحبى لها فلا استطيع النظر فى عيون الشوارع المليئة بالاعتصامات والوقفات ان كانت صامتة او متحذلقه او حتى من اى نوع على كل الاشكال ...
ولم لا هل لاننى بشر فقدت اهليتى
ام لاننى افتقد لمعنى وطنى حبيبى الوطن الاكبر
ولكن الان وبشده سانده على اكتئابى ليدلنى على الطريق
يدلنى على طريق حب الوطن الذى لا امتلك سواه داخل قلبى المتعجرف العجوز المقهور من زمن شاب فيه الاطفال وقتلت الانوثة ومات الرجال قهراَ وانا واحد منهم ولكنى على حافة الموت حافة موت لا يعرفه الا كل مصرى فقير من حب الوطن
اين نحن من الفساد ....... ما نحن الا بعض من المنهكون من فساد الغير
ياريس ياريت تفتح اى قناة محترمة وتفكك بقى من اللى انت فيه وتفكك كمان وكمان من العساكر
دى بهية طهقة منك
جلبية لونها اسود فى حياتك وتلبس فستان الفرحة يوم مماتك
لما بقرى اخبار كل يوم بحس انى مش على الكرة الارضية اللى فيها فرنسا وامريكا والعراق وفلسطين والاردن وتونس وكوريا والصين والاكوادور .......................
بحس انى فى كوكب البهظى
للاسف بجد يا ريس
توكاااااااااااااااااااااا

ارجو الانتباه لقد عاد المهرج

2010-07-17T20:54:00.000-07:00

انتظر تلك الكلمات المعبرة بكثرة عن جراحى
انتظر كلمات الغير والكل والبعض منهم
انتظر رياح الخريف تاتى على افكارى المحبطة
حتى تجعلنى بتابوت ملقى على الارض يحيطه بعض من اوراق الاشجار المجففه
فانا لا اطيق الى سماع شىء
فانا لا اطيق قهوتى المفضلة التى تجعلنى افكر دوما
لا اطيق محبوبتى وهى بجانبى وهى بعيده ففى كل الحلات اكرهها
اكره رسائلها التى تملىء خزانتى
اكره تلك الذات اللعينة
اكره نعم اكره انفاس سيجارتى فى الهواء الذى يتلاعب بها
فاصبحت اكره كل الاشياء
واحب شىء واحد وهو .....
صديقى المفضل اللعوب
الذى يمنحنى معنى
الذى يجعل كلماتى تعلو
الذى يخلق منى مبدع
صديقى على مر العصور " الاكتئاب "
فهو سيد الموت فى الحياة
سيد العبقرية
سيد لاشياء مهمة بالنسبة للطوحين ولكنه بالنسبة الى
اكثر من صديق
ارجو الانتباه لقد عاد المهرج

كلام كتير

2010-07-11T21:07:00.000-07:00

شجن .. دموع .. جرح .. ظلم ... اهات ... عيون تنظر
افراح .. دموع فرح .. انطلاق .. اقتراح .. مبادرة
عبط .. هبل .. كلام .. اديان .. اراء .. انتحار
وقفات .. مظهرات .. اعتصامات . سرقات .. نهبات
كل ده فى قلبك يا مصر
كل ده همك يا مصر
كل ده وانا لسه بحبك
كل ده وانا لسه جوايا شجن
جوايا دموع
جوايا جرح
حاسس بظلم
بصرخ اهات
وناس بنتظر عليا بعيونها
بشوف افراح مليش علاقه بيها
اسمع فى الاذاعه مبادرة معرفش ليه
كل ده والعبط كتير
والهبل اكتر
وكلام كتير يتقال
اختلافات فى الاديان " من امتى "
اراء ومحللين
انتحار شباب
وقفات صامته ( كومبرس ) بدون رد فعل
مظهرات فاشله
اعتصمات كتير
بنتسرق اكتر واكتر
والنهب على الكيف
والكيف مش موجود
قلبى احتار وعقلى بلا اى اختيار
فقد اردت ان اكون مع حب الوطن
وفى الجانب الاخر ابحث عن اى شىء اخر
فانا فشلت معك .....................................
فشل ....

اللى من رفض كلماتى

2010-07-07T22:33:00.000-07:00

البوست ده للناس اللى كرهتنى والناس اللى كرهت طريقتى فى الكتابه
اولا انا لا افقه شىء عن الكتابه
ثانيا انا من مطنقة " بيئه " شعبية
ثالثا انا برضه مش امل دنقل او نزار قبانى عشان تستنوا منى اشعار او كلام حلو ومعسول
وعشان الفاظى فانا قليل الادب
ثالثا انا مش مجبر انك تقرالى ومتدخلش عندى
انا حد فاشل
تقرالى ليه
انا همجى تقرالى ليه
انا بيئة تقرالى ليه
للاسف انا حد عايش مع الناس اللى تحت
مش طالب فى طب او هندسه او صيدلة
اكيد الحياة مش وردى
بجد بجد
اللى مش عاجبه كلامة
ياريت يقرى لنزار قبانى افضل له على الاقل
هيحس بطعم الحب
او يسمع مصطفى كامل
وهيقوله عن جراحه والامه وحبيبته والعبط ده
ومن الاخر
طظ طظ طظ

طرطرة الريس

2010-06-27T19:03:00.000-07:00

اولا ومن غير اى كلام
عندى سؤال محيرنى
تعمل ايه لو دخلت """ مبوله "" ولقيت مبارك واقف جنبك بيطرطر
المقصود بمبوله هو انك تعملها تحت كبرى
جنب كوفريه كهرباء
او على حيطة مدرسة
اللى مكتوب عليها دايما
العلم كالماااااااااااااااااااااااااااااااااااااء والهواء
الماء ما هو الا نوعين
بكاء طلبة الثانويه
ولا مؤخذه بقى طرطرة الريس
الهواء
ان الكهربا تقطع فى القاهرة يوميا ساعتين فى كل منطقه
"" على هواء وزير الطاقه ال............... "" لا مؤخذه تانى
دى كانت حدوتة الشاطر مبارك وهو واقف بيطرطر
بس حدوته الشعب ايه هى
الشعب لا مؤخذه بيشرب
والله بيشرب كل مقلب والتانى مقلب زباله عند مدرستى
اللى كنت بشوفها حلوة سنيورة
لكن من كتر الطرطرة حصلى شق فى دماغى وفى سور المدرسة
عموما
ربنا يخليلنا قرف ومياهك وهوائك وكل حاجه منك يا ريس
ههههههههههههههههههههههههههههههههههههه
كنت بخرف من جنب مبوله الامم المتحده
كيموووووووووووز

الخوف من خمس حروف

2010-06-18T15:46:00.000-07:00

الخوف
كلمة من خمس حروف
اصبحت مسيطرة على كل شىء
اصبحت تضم كل البشر
اصبحت خائف مثلكم ولست كالذى تحدثت عنه
وهو اننى ميت داخل تابوت يسمى بالحياة
لكنى اكتشفت تابوت اخر لكن احيا بداخله
هو الوطن
اصبحت افتقد كلمة احبك واصبحت افتقد حبى له اكثر قاكثر
واصبحت اخاف على من احب على من اتعامل
لن انكر انى اخاف فى الطرقات ان ارى امين شرطة
فلست واثق من نفسى مهما كنت على سرط مستقيم
ولكن ببواختهم اصبحت اكرههم اكثر فاكثر
اخاف ان يرانى امين شرطة وانا اتحدث عبر التليفون مع الحبيبة
" ترى ما هى العقوبة "
هههههههههههههههههههههههه
ليست بنكته بل حقيقه فامين الشرطة هو من يحدد ان كنت مذنب او لا
وليس الله
فقانون الارض ليس ملك الحرية
وليس ملك للديمقراطية
ولا الشعارات التى تحدث عنها جيفارة ولا حتى غاندى
هل تعلمون
لقد افتقد الى اشياء خطيرة
افتقد لرجولة دياب فى فيلم الارض
افتقدت الى كل من هو يسمى بقوة اراده
ذنب من
اهل هم الهة الارض
اهل هم من يحكمون ويأمرون وينهون عليها
طظ فى كل جملة انا قولتها فى حب الوطن
طظ فى خيانتى الى ذلك الوطن
للاسف انا بشر
يخاف

اسف لكنى اتخيل

2010-06-12T10:00:00.000-07:00

بحب اسمع قوى عمر طاهر وهو بيقول قصيدة تخيل
تخيل نفسك وردة وازهق لانك ورده كل الالوان قصادى بس الريحة واحده
تخيل نفسك "" خالد "" واحلم كانك خالد
ايوة خالد ميت مظلوم
ميت فرحان لانك ليك صوت بقى اعلى لما مات
صحى قلوب كتير
تخيل نفسك ميت تخيل انه انت
تخيل انك اتظلمت ولو لثوانى
اكيد بتكره نفسك
للاسف مش قادر اتكلم
بس قادر ازعق اكسر
احلم اموت اكون تكون نكون خالد
خالد مات على ايد اتنين من " عيب يا لسانى " وواحد من حاميها حراميها
للاسف
مات
مات
مقتول
مقتول
كان بيحلم
بوطن من غير طوارىء
يا اخى توكا على دى طوارىء
الله يرحمه محدش عارف يجيبله حقه
وزير خرة وقطران
حكومة بتحمى نفسها من الشعب ولا بتحمى الشعب
معلومة جديدة
البانجو بيكسر الجمجمه
طب والشعب المسطول ده ماشى وعايش ازاى
حكومة بنت """"""""""""""""""""""""" ورئيس ابن ؟؟؟؟؟؟؟؟؟؟؟؟؟؟؟؟؟؟
وانا باهاتى عايش
وانا احلامى ماتت
وانا ميت مقتول فى بلد الطوارىء
لا مؤخذا بقى
احاااااااااااااااااااااااااااااااااااااااااااااااااااااااا
على دى بلاد وعلى ده شعب

ما بين الجنة والنار

2010-06-09T10:52:00.000-07:00

أحيانا احلم وانتظر الحلم
يراودنى فى احلامى
فى حقيقتى مع الحياة
الحياة التى بها العديد من الايام والكل .....
شبه الاخر
احاول جاهدا الخروج من طعم الحلو الى طعم المر
لماذا لا اعرف ..... لكن
لكنى مقتنع بداخلى ان ارادتى وشغفى لن يظهر الا فى وجود الازمة
لذالك احتاج الى ازمة جديده لها قيمه
فقد مللت من تلك الازمة الحمقاء
التى تجعلنى ابله تماما مثل باقى البشر المخنثون
فقد نسيت ان لدى وطن اجاهد من اجله
نسيت ......نعم نسيت حب الوطن وفضلت حب الذات
اعلم انى لست برجل دين حتى اقيم ولكن
لافعالى هذه لن يسمح لى بجواز سفرى الى الجنة او الى النار
فالجنة سيدخلها الكهنة والعظماء من القوم
والنار سيدخلها من هو يلجأ الى الشر
ولكن الصامت ..............
سيكون على حافة الطريقين
فانا صامت على زمنى وقتى حياتى
اهدر ما تبقى لى من اشياء بخزى شديد
الان اتمنى ان انام لكى لا انضم الى التافهين .....
الان لست من هو يحب الحياة
................. كيمو

احدث افلام السكس فى السوق العالمى

2010-06-05T15:29:00.000-07:00

لا بجد بقى انا زهقت انى بعيد عن الكلام عن الحكومه
لكن بعد ده كله لازم اتكلم لانى صوت
الحكايه اننا اصبحنا داخليا مقتنعين اننا فشله لكن كمان خارجيا يا اخى
اقول ايه حسبى الله ونعم الوكيل
ولكن بعد ده كله
الرئيس ظهر وهو فى باريس ساند على عكاز ولا اله الا الله مش قادر يتحرك " يارب كمان وكمان "
طب هو حقوق الانسان لا تعلم انه فى سن لا يسمح له بالتفكير السليم لان العقل السليم فى الجسم المتين وده جسمه ايه اوعى
طب مين هيلاعب احمد براده اسكواش تانى
مين هيشجع مصر وزى ما قال الريس "" خلوا الشعب يهيس ""
بجد هو الراجل ده زنب عملوه الفراعنه فينا
ثانيا هو ما اخدش باله ان تركيا عندهم دم وكرامة وحاجات كتير
وانهم عاوزين يبقوا الحامى للشرق الاوسط وانهم بينهضوا جدا
مسلسلات
جينزات
سياسات
ناقص ايه تانى " سكس تركى ""
اظن اننا بنحترمها هى والصين فى التصدير
ويارب يقدروا يصدروا لينا شويه كرامة
بس مش للشعب بل للحكومه اللى مش بتقول غير
نحن نستنكر
يا اخى توكا ومليون توكا
بجد انا بستكر انك انت الرئيس بتاعنا
وبجد عاوز اشتم
عاوز اشخر اى حاجه اطلع فيها غيظى
بجد حرام عليا وعلى الناس دول كلهم
يارب ليه مخلتنيش تركى على الاقل هناك
الموزز حلوة زى نور ومهند
الجينزات حلوة
الحكومه عندها كرامة
ولا مؤخذه بقى
هو مش واخد باله ان مفيش ميه تانى بعد ما كل دول افريقيا بقت تحت ادارة
اسرائيل
ولا هو نايم ننه
طب صحوه
نايم ننه
للاسف ده كان احدث فيلم سكس عالمى شفته انا وانتوا سوا

من بطوط الى " زيزى قلبى "

2010-05-31T16:02:00.000-07:00

احيانا تتبدل الاشياء بداخلى ولكن حينما عرفت انك هى
اقتنعت بكل ما فى داخلى انك لى
اقتنعت انك ستكونين معى
ستمنحينى ضوء الحياة
ستمنحينى خلود الوجود
ستمنحينى قلب ينبض
ستمنحينى حبا لم اعرف مثله من قبل
هل انى انعم بنعيم الجنه بعد وفاتى ام هو حلم اعيشه
ارجوكى تذكرى دائما انى كنت مثل الطفل
طفل محتاج الى راعى يراعاه يطل عليع بدفىء
اظن انك جلبته له شمعه لكى يحتمى بدفىء قلبك
اظن انى احبك
" بطوط "

ملل ملل ملل ملل

2010-05-29T14:02:00.000-07:00

ياه وحشنى كلكم موت موت موت موت
المهم يا ساده يا كرام
انا حاسس بملل رهيب
حاسس برد رهيب
حاسس بشجن من غير ما اكون زعلان
احساس غريب بيملكنى
حاسس انى من المفروض اكون بشر
لكنى لست بالبشر الذى اتمناه
انا بشر اصبح يمل من ذاته ومن من هم حوله
اظن ان دقات الساعه وقفت عند علامة الثانية عشر
دون اى حركة للامام
دون اى حركة للخلف
ولكن من يخلف ذاته
ولكن من هو يستطيع ان يحقق ما يتمناه الا ..................
ابن الريس """" حيوه حيوه هو وابوه """""""""""
معلش بقى حبة سياسه
للعلم انا هبتدى ادون لكم فيديو من البوست القادم هيبقى كل اسبوع بوست

زى القرد بتاع موبينيل

2010-05-21T20:44:00.000-07:00

ما هو الفشل
اظن انى خبير فى الكلام عنه
ما هو الاحباط
اظن ان بروفسور فى احباط اى شىء
لكن هل العيب منى ولا من الناس
لكن هو المشكلة انى مقتنع بغير اقتناع البشر اظن ان البشر عاوزة الاشياء العادية
وانا بدور على الجديد
هو فشلى لانى منفعش ادارى او تحت ادارة شىء
اظن انى مش هتغير
وطظ فيكى يا حياة حتى لو اصبحت .........................................................
انا فاشل من يومى ايه الجديد
اظن انى بقيت فوريجى
للاسف دى الحقيقة
بقيت زى القرد بتاع موبينيل اخد الشهرة وخدتها منه الموزه
يا حراااااااااام

تاج نفس مقاس دماغى

2010-05-17T04:26:00.000-07:00

يا جماعه كنت ناوى مكتبش نهائى تانى
لكن مى رحيق الورد طلبت منى اجابت التاج وعموما انا مش هخيب ظنها
ورجعت تانى عشان اكتب
.... الانتخابات كلمة بتثير اشمئزاز البعض وسخرية البعض الاخر "" بنتكلم فى مصر "" طيب انت احساسك ايه وانت بتسمع الكلمة دى ؟
لما بسمع بفتكر فيلم البداية بتاع احمد ذكى وجميل راتب لما قالوا ان الدميقيراطية حرااااااااام .
من اولى ابتدائى لحاد الجامعه .. عمرك شاركت فى انتخابات اتحاد الطلاب ؟ .... وعمرك رشحت نفسك فى الانتخابات دى ؟ وحصل مرة وكنت حاجه فى اتحاد الطلبة ؟
اول مره حصلت كنت فى رابعه ابتدائى ونجحت نجاح ساحق فى اللجنه العلميه ومعرفش ليه ومن يومها نسيت يعنى ايه انتخابات
تعرف ايه عن مصر غير ابو تريكة وحسنى مبارك ؟
اعرف امناء شرطة بيسرقوا نواب بينامو وزارة بالكوسه واعرف عمر افندى وطبعا عمرى ما هنسى شارع فيصل والهرم
ايه رايك فى كل من " مفيد شهاب " فتحى سرور " علاء مبارك " جمال مبارك " احمد عز " ايمن نور " محمود اباظة ؟
مفيد شهاب ــــــــــــ الراجل ده مش لايقينله وزارة يمسكها فاى بتاع فاضى معلول .
فتحى سرور ـــــــــــ فتحى موااااااافقه
علاء مبارك ـــــــ مبشوفوش غير لما مصر بتلعب
جمال مبارك ــــــــــــــــــ عند امه
احمد عز ــــــــــــــــــــ هو حرامى بس فاهم هو عايز يعمل ايه
ايمن نور ـــــــــــــــ بعد ما اتسجن بقى بيحب الناس اكتر واكتر
محمود اباظة ــــــــــــــــــ ليس له علاقه برشدى نهائى
النكته دى ضحكتنى ( واحد محشش قاعد قدام بيته , مر عليهم احدهم وساأله : انت من اهل البيت : قاله لا ......... انا من كفار قريش ...) ضحكتك ؟
مين الحيوان اللى كتب النكته دى
يا ترى انت متخيل انك ليك دور فى انتخابات الشورى والشعب والرئاسه ولا انت متاكد انك زى باقى المصريين بطيخه .. ؟
انا بطيخه قرعه ومعفنه من الداخل طبعا
ياعم اروح واتعب نفسى والاقى مكتوب موافقه .................... خوخ

هو ايه اللى لم الشامى على المغربى ؟ مال الحزب الوطنى ومال الشيوخ بتوع قناة الناس والفضائيات ؟ وفتاوى اطاعه ولى الامر وشيفها ازاى ؟ وشايف اننا مجتمع مدنى ولا لسه علينا شوية ؟
اولا كده وبصراحه انا مش بعتبر دول انهم من اهل الدين الناس دى ( فورياجية ) بمعنى اصح مع السبوبه نجرى يعنى الناس دى مش بتقدم جديد وشايفه ان مصلحتها فى حكومه هبلة وعبيطة توافق انهم يتكلموا وهما فى الاساس تحت ادارة وهابية معروفه جايه منين وفتاوى اطاعه ولى الامر منكم دى لو كان ولى الامر لا مؤخذه بتاع خمور هطلع زيه . واحنا عمرنا ما هنكون مجتمع مدنى الا بنفسنا
قلبك اسود ؟.. لسه شايل وكاتم ؟.... مكلتش علقه يعنى ... تعمل ايه دلوقتى لو قابلت حد ضربك وانت صغير قلم متنسهوش ؟
بامانه محدش يعرف يضربنى حتى وانا صغير ولكن لو كنت اضربت من اى حد من بتوع المكيرى هعرف اخد حقى . وسمعنى سلام ياصحابى يا اهلى يا جيرانى

لو جالك عريس افكارة نفس افكارك . مبادئه نفس المبادىء ... توجهاته هى هى ...... بس مفيش فلوس .... تتجوزيه ؟
ومع انى راجل قوى لكن هو مين معاه فلوس

انت فاشل ولا ناجح ؟ . يعنى ايه فشل فى مصر ونجاح ؟
انا فاشل
فاشل فى مصر انك مش من قرايب الريس او من معارفه
ناجح انك تكون احمد عز وتسرق
وفى اخر النهاية احب اقول
توكاااااااااااااااااااااااااااااااااااااااااااااااااااااااااااا

الحمد لله
التاج ده كان دمه زى العسل على قلبى

حكومة """ تيييييييييييييييت """" تم حذف الكلمة بواسطه البلوج سبوت

2010-05-13T10:24:00.000-07:00

الحكومة عملت عملتها عشان ارجعلكم وقلبى مفتوح اولا ال ايه

"الجارديان": إدانة واشنطن للطوارئ لم تحرج مبارك

ال ايه

كندا "تأسف" إزاء مد حالة الطوارئ فى مصر

ال ايه

7 منظمات أمريكية تطالب كلينتون بالضغط على مصر لرفع الطوارئ

"عز": مصير نواب الوطنى بالشعب مرتبط بنتائج مرشحى "الشورى"

أبو المجد: مد قانون الطوارئ خطوة إيجابية

أول وقفة احتجاجية للدفاع عن رجال الشرطة

سكوبى: واشنطن لا تسعى لفرض النموذج الأمريكى للديمقراطية بمصر

زهران: مصر لم تشهد انتخابات نزيهة منذ 2005

فريدوم هاوس: تمديد الطوارئ يضر بالانتخابات البرلمانية

"رايتس ووتش" تنتقد تمديد حالة الطوارئ بمصر

واشنطن تشعر "بخيبة أمل" بعد تمديد "الطوارئ"

بيان حقوقى يدين تمديد حالة الطوارئ لمدة سنتين

أبو بركة يطعن فى "الطوارئ" أمام الدستورية العليا

أبو حجى يمتنع عن التصويت للطوارئ بموافقة سرور

BBC: تجديد العمل بـ"الطوارئ" يثير غضب المعارضة

البرلمان يوافق على مد العمل بـ"الطوارئ" عامين

كفايه كفايه كفاية دى منشتات من جرنال واحد بس طيب الباقى وهما مفيش عندهم ريحة الاحمر اللى بينزف من عروقنا فى المطالبة بالحرية وهما حتى بيشمتوا فينا الغجر محسوش ان ده عيب اللهم انى اسالك الرحمه لا تعليق غير
""""" """"" خوخ خوخ وخوخ خخخخخخخخخخوخ """""""""
واحمر

رسالة الى من يهمة ال 84 شمعه فلة منورة

2010-05-03T17:55:00.000-07:00

ازيك يا برنس الليالى عامل ايه الاخبار والاحوال . نتمنى تكون بخير
المهم يا سيدى السنة اللى فاتت قولتلك كان يوم اسود يوم ما جيت
والسنه دى ببلغك حبى ليك ولكل من ينتمون الى عصابة حضرتك
ايوة السنه دى حضرتك كملت ال 84 سنة " خوخ "
يا برنس انا امى لسه متوفيه من شهر ونص وهى عندها 67 سنة
يا برنس ابويا توفى من حوالى 7 سنين وكان عندة 63 سنة
هو انت هتموت امتى ؟
سؤال محيرنى
واللى مش محيرنى ان العصابة لها نائب
سؤال محيرنى ما هى هدية عيد ميلادك من
وزير الصحة " امراض لكل اهل البلد "
وزير التعليم " جهل "
وزير الداخلية " اعتقال شباب الحرية "
وزير الخارجية " عدم النظر للخارج اصلا "
نواب مجلس الشعب " الرصاص فى صدور الحرية "
عموما عاوز اقولك ان الموزه موافقانى وانا بكتبلك يا برنس
والسلام ختام
ربنا ياخدك عشان ارتاح

انا بحب يا جدعان

2010-04-28T17:17:00.000-07:00

مش عارف اقولكم ايه
لكن الموضوع ببساطه المجنون لقى المجنونه
الحكاية يا سادة يا كرام يا ساده القوم فى يوم من الايام اللى هو من فترة كده
الواد اياه اللى اسمه " كيمو " وقع فى الحب وبقى ليه موزه " حبيبة "
وال ايه بيحب يا خوفى يا بدران انسى مصر ولكن
انا عاوز ابلغها قلبى بيقولها ايه
بحبك جدا مهما العمر يطول
كفاية انك فتحتى قلبى بعد ما كان منتهى الصلاحية
كفاية انك موافقه بمجنون زى حالى
مش هنسى مصر " الوطن " لانه هيجمعنا
هفتكر دايما وانتى بتقولى ان مفتاح قلبى معاكى
يا حبيبتى اسمعى هقولك
مش لاقى كلام اقوله اكتر من بحبك بس شعورى اكبر بكتير
حبيتها ايوة انا حبيتها غصب عنى حبيتها وكل ده بسبب قلبى
وداعا ايها الاكتئاب فمعى الحبيب
الان ارى الحياة بجميع الوانها الاحمر والبمبى والابيض و " البينك " زى الاجانب
دلوقتى اقدر اقول انى
بـــــــــــــحــــــــــــــب
جدا موت عاشق ولهان
مش خجلان
مش خايف
مش شايف حد غيرك
لانى جوه قلبى
افتكرى دايما اغنية المسينى
ــــــــــــــــــــــــــــــــــــــــــــــــــــــــــــــ
وبالمناسبة احب ابلغ صاحبى وهو عارف الحب ولا طالش
زى بتاع البطاطا يا سفير

لون النيل

2010-04-23T23:06:00.000-07:00

معك انت افضل ذلك الاحساس
ولكن الان شعرت بالوحده نظرا لاستسلامك للواقع
واقع الحياة الذى يطل علينا من جوانب عقولنا
واقع ليس له اى علاقه بالاحاسيس التى بيننا
واقع جعل قلوبنا كلها شجن واحزان
على ذلك الطريق الذى يجمعنا سويا ارى
ارى بلاد تنادى لى تعالى فانا وطن جديد
ارى اناس لم اشعر من جهتهم ابدا بالامان ولكن
الى متى سنظل هكذا .......
الى متى سنظل ابرياء فى وطن مظلوم
فانت لم تكونى لى ابدا
وانا تخليت عن الحلم الذى يجمع بيننا
تخليت عن كل دقة قلب سمعها صدرى وهو يلتقت انفاسه
فقد احببت وطن بالكامل
لم يعد لدى حبيبة فترتكت الحب والعواطف
ولكى كلامى ..... لا تحزنى
فانا لازلت من يخلع نقاب الجنون للحياة
ولازلت ارى الاشياء كلها بلون واحد
هو اللون الذى استمتعنا به سويا
لون النيل
لون الشمس
لون الحرية
الان استطيع بكل وضوح ان اقولها لكى وللعالم اجمع
ليس لدى قلب يعشق
بل قلب يناضل
قلب مات مع قساوة الزمن
وفى النهاية ......................
اشكرك يا من علمنى الاحساس
ــــــــــــــــــــــــــــــــــــــــــــــــــــــــــــــــــــــــــ
كيمو
بدون كلام عن الحكومة

شوف حكمه ربنا يا مؤمن

2010-04-16T22:41:00.000-07:00

عندما تذوب الاهات

ويرحل الخوف الى السماء
ويرتعش من لقائك ملاك الموت
وترى الدماء وتضحك
وتسمع اهات الامهات
وترى نيران واشلاء
فهل تكون انت دراكولا
ام من تكون
اتكون رئيس على شعب لا يعرف طعم اللحم
وبالتالى فانت من أكلى اللحم
هل تذوقت طعم لحمى
هل هو شهى
هل تذكرتنى وانت تاكل لحمى
هل شربت معه فوديكا ام كوب من دمائى السائلة على فمك
فانت من سمى بالرئيس
انت من هو مهما طال الزمن اراك
فى كل مكان لك انشوده
ولك من يبجلونك
ولكن اهل هم يعلمون من تكون
اهم على حق ام انا
ولكن لم ارى منك اى جديد فى الواقع المرير
بل انت من ياخذنى اللى الاسوء
فى النهاية لى سؤال ــــــــــــــــــ
هو ليه كل ما بتكلم مع حد مش بيفكر كتير يقعد يقولى اللى نعرفه احسن من اللى منعرفوش
على اساس انهم شافوه اللى ميعرفهمش
وواحد تانى يقولى ده شبع غيره عاوز اكتر
على اساس ايه انه شبع ماهى مسروقه وبتتسرق
واحد تالت يقولك عملنا بنيه تحتيه
اه عنده حق الراجل عامل كبارى احنا بنبقى تحتها
تخيل بقى حد قالك كده
ربنا يخليلنا الريس وابنه ويبارك فى عمره هتقوله ايه ؟

هنا القاهرة

2010-04-12T22:01:00.000-07:00

كالعادة ساكتب لكن انتوا بتزهقوا منى انى دايما مش بغير الموضوع الازلى
اللى هو كره الحكومة وان مصر هى الموزه وحبى ليها قد ايه ووصفها ولكن
انا شخصيا زهقت وكرهت كده وعاوز اغير مش عارف فلما قولت اغير قولت اكتبلكم الاتى
ـــــــــــــــــــــــــــــــــــــــــــــــــــــــــــــــ.......
هنا القاهرة الساحرة العامرة اللى فيها هيلتون وجنبه بولاق
اللى فيها النيل فى المعادى وبيعدى على شبرا
اللى فيها دماء طلبة عين شمس والقاهرة
وفيها طابور سجل مدنى فى شارع الهرم
وفيها رقص وملهى ليلى يسمى بالصن سيت
وفيها قهاوى تقترب من 1265488 ولا ايه
وفيها السحر والشعوذة
وفيها الكورة وفيها سوق الجمعه وسوق الخميس والتلات
ومولد الحسين والسيدة عيشة والسيدة زينب
وحمص شام "" حلبسه "" ودخان شيشة عم احمد
وجلبية ام عصام وبقالة عم امام وبرضه لا تخلى من ماكدونلد وكنتاكى
وفيها جاد والشبرواى وعربية فول وكشرى وطاجن
وفيها تلاقى عربية قردة وعربية " خايف اقول اسمها حد يشتمنى "
وفيها كتب وكتاب ومثقفين
وفيها فرافير ومفرفرين
وفيها حسنى وابنه
وعمو حسنى بتاع الكبدة
ومارى جرجس والسبع كنائس وجامع عمرو
وفيها عرقنا على سقالات المقاولين
وفيها كبارى وفيها نواصى ومخدرات
تلك هى العامرة الساحرة الساهرة
ولولا عشقى ليكى ما كنت تذكرتك فى اى مكان لانك حتة من جوة عقلى .
كيمو

مصر

2010-04-09T17:53:00.000-07:00

على قد الحال قالو ميال لحبك
قالوا عطشان لنيلك
قالو زعلان لاهلك
قالوا ومها قالوا ........ ميكفيش حبى ليكى
اتقال عنك مواوويل واتقال عنك اشعار
وفى الحقيقه اتنسى الشارع وسوق الخضار
وفى السراب معروف اللى اكل وبياكل الكفيار
والفول واللحمة وضرب قتل فى عز الزحمة
يقولو ومها قالوا عنك مش هيكفى حبى ليكى
اتقال عنك صبية وبهية ومليان حنيه
اتقال عنك جميلة ونيلك اجمل
ويوفيلك كل اللى شاف عرقه بيجرى فى سراب نيلك
نشرب من قله وراها شربه من قله
وانتى اتنسيتى فى ظل ظلم القلة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
اظن لما اننا عايشين فى وطن يشبه حكمة بفترة الاحتلال الانجليزى لمصر فده شىء مش طبيعى
وان الحكومه عارفه انها مكروها بشده وبرضه بارده مش طبيعى
ولما الاقى حد بيجملى فى مبارك اقولك لا مؤخذا " خوخ "
بلاش تكرهونا فى نفسنا
بلاش تجبرونا اننا نكره بعض " مع ان ده صعب "
اتذكر فيلم عودة الابن الضال ومشهد النهاية
ـــــــــــــــــــــــــــــــــــــــــــــــــــــــــــــــــ
بجد فرحت انى روحت اللقاء بتاع ابو الريش ومش هجيب اسم حد عشان محدش يزعل
كيمو

يا حكومة خدى منى نصيحة

2010-04-04T17:19:00.000-07:00

بعد قرار القبض على احمد مهنى والافراج عنه " الحمد لله " اخدت انطباع من بداية الامر بشىء مهم وان الحكومه اصبحت عجوزة وبجد مش قادرة تتنفس فى ظل انتعاش الشعب مع وجود البرادعى وايمن نور و ايضا حمدين صباحى ووضوح الامر ان منهم من سيرشح نفسه للرئاسه ولكن الحكومه نفسها سياتى لها يوم لكى تعترف بانها نظام فاشل حتى من المفترض ان تكون فى الوقت الحالى نوعا ما بدون قمع خاصة وان لجان حقوق الانسان تتابع ذلك بشده فبعض الجرائد العالمية اصبحت حاليا تتكلم عن قمع الحكومة للشعب وايضا لمن هم ضدها فالبرادعى اكتسب تعاطف الجموع من الشعب نظرا لان الحكومة تقف امامة وخاصة بعد اضهادة يوم الجمعه اثناء الصلاة بتغير امام المسجد والذى خطب خطبة غريبة عن " اطيعوا الله والرسول واولى الامر منكم " بجد بعد ما سمعت كده عرفت ان عيد " البيـــــــــــــــــــــــــــــــــــــــــــــــــــــــــض " قرب وهو النظام الذى تستعمله الحكومة مع الشعب هو نظام " البيض " فقرر الاستاذ اسماعيل الشاعر منع الجمهور من المظاهرة """ السلمية """ فى يوم 6 ابريل "" ياعم الناس قالت سلمية "" وبرضه قمع فى الجامعات والمعاهد والاغرب ان الحكومه منعت الحشيش فالناس ابتدت تفكر يعنى خلاص مفيش حشيش هيبقى فى تفكير يا حكومه ودى نظرية الشعب وفى النهاية " الحكومة منظرها خارجيا بقى زى الزفت وداخيا معروف طبعا " وانا من مدونتى هنا احب اقول انا مع التغير يا حكومة . ووقعت ـــــــــــــــــــــــــــــــــــــــــــــــــــــــ كيمو

شكرا لكل الناس

2010-04-02T17:29:00.000-07:00

يا جماعه انا بخير جدا والحمد لله
قدر الله ماشاء فعل
وده قضاء ربنا واللهم لا اعتراض
وقريب هرجع ادون لكن احب اشكر كل من
شموسه " مامتى "
فاتيما " شكر كبير قوى وفعلا اخت كبيرة "
محاسن صابر " فعلا يا محاسن مش عارف ارد واقول اى كلام "
دعاء عويضه " اخت فعلا "
د ستيته " كان نفسى بجد ارد عليكى بدرى لكن وشكرا "
الزهرة البرية
Wanda
ماما أمولة
عاشقة القمر
الطائر الحزين
عابر سبيل
صيدلانيه طالعه نازله
مي
sony2000
GiGi world
موناليزا
norahaty
Bent Men ElZaman Da !!
Just waiting
مواطن شووجااع
(شيما)
reem
romansy
كيكى
saragebaly
ليس فقيرا من يحب
القدر و انا
قوس قزح
خواطر شابة
esraa
ندى الياسمين
ghada mOhsen
بنوته مصرية
rovy
إنـســـانـة
حنان الشافعي
طبعا بعد ده كله احب اشكر كمان كل اللى اتصل بيا ومش هقول اسم حد لانى مش فاكر منهم الا القليل
وهرجع

ناح وصاح وطاح

2010-03-19T16:57:00.000-07:00

لما سمعت ناح النواح والنواحه
سالت نفسى سؤال مهم
هو مين النواح والنواحه
ومين هى بقرة حاحا النطاحة
لقيت نفسى تايه فى دنيا الاشياء والاحداث
اتمنى لو كنت بكاتب او شاعر لاوصف مشاعرى مثل باقى البشر
لكنى اتفه من انى اكتب
فانا نواح ناح على الزمن على كل شىء وليس بقرة حاحا التى تحلب انطار
وسانوح حتى على من سلب حليبها الذى يكفى ملايين الناس
ساظل مناضل متكلم حزين الى ان يفرج الحق عن كل شخص مظلوم
ساظل كما انا كيمو
ساظل اتفائل بوجود ناصر وجيفارا فى حياتى
ساظل افتكر والدى حين قال
انتى صح وخليك كده
واللى مش عاجبة طظ
انا كيمو كما كنت وساظل
بدون حبيبة
بدون وطن الى الان
بدون اموال لا تهمنى
ولكنى امتلك الصوت
امتلك نبع الحياة
امتلك الاكتئاب خوفا عليكم من زمن السرقة
ولست سارق بل مسروق
من حقى اكتئب ولا عندكم اى شك
ومن الاخر اخر نكته عاوزة اقولها بعد كل ده
حد يشوفلى موززززززززززززززززه

مبروك يا جحيمى

2010-03-17T10:41:00.000-07:00

بعد الاكتئاب الكتير اللى سببته ليكم احب ابلغكم خبر
الحشيش الصينى نزل السوق يا اخونا
اكتشفت ان البلد فيها حشيش صينى تتخيلوا
ده غير الخمسات اللى نزل وغرق السوق
حد يقولى الفرق ايه
الرئيس المصرى تعبان وعمل عمليات كتير
من حقى اكتئب لان الرجل ده بحبه بحبه موووووت
من حقى اقول اللى فى نفسى
انا مش مكتئب الايام دى
لانى شقته وهو فى اخر ظقتطه وكان ناقص يتنطط
عموما محدش يزعل من لانى خنقتكم
بس دى حياتى ومش هتغير
انا مكتئب دوما الى ان اجد الموزه اللى تملى عليا مستشفى المجانين اللى انا فيها

اكتشفت ان مش لوحدى اللى كان بيقول على نفسه مجنون
يوسف شاهين كان كده
ادعولى بانى اخف من اللى انا فيه
انا فرحان ان التدوين بقى هيرجع لاصله القديم
يعنى ياقلوب بتنزف رجعت لينا يا جدعان
يعنى شموسه بقت تكتب
يعنى كل اللى فى نفسه حاجه يقولها
احنا فى بلد بيروقراطى
وعموما اخر الاخبار
هرجع مناضل كما كنت
وطظ فى مليون عمو دهب
نسيت اقول مبروك لجيمى على ابنه محمد انه اتولدت وهيبقى الرئيس اللى بعد القادم
مبروك يا جيمى

الى الحياة

2010-03-13T14:10:00.000-08:00

اهو الخريف قد جاء قبل الآوان
ومعه الموت
هل للموت معنى معك ؟
هل للموت معنى معى ؟
أظن انى لا اجد اجابة سوى
لا تخف منى يا موت فانا لست بالقوى
انت اقوى من فانا تركت مشاعرى وتركت تلك الحياة لك
تلهو فيها كما تفضل
فانا ساترك الايام والهواء والنيل
واذهب فى مكان ما انتظرك
وانا على انتظارك ايها الصديق
الحياة اصبحت بالممله وانت التغير
ولن انفصل عن الوجود فانا لازالت موجود
الى ان تانى ...................
للحياة
طظ

اللقاء قادم

2010-03-10T15:47:00.000-08:00

اللقاء قادم

بعيداَ عن الأشياء الصخبة التى تملىء تلك المدينة نهاراَ وبعيداَ عن وجود العديد من الأجانب بها يوجد فى تلك المدينة التى لا تفضل الليل منزل ولكن به العديد من الوجوه وجوه سمراء مصرية تملىء الحياة الإبتسامة ولكن بعد وقت من الأبتسامة لابد من وجود شىء من الحزن فها هو الطاعون يدق ابواب تلك المدينة ويلجاء الأهالى غالباَ الى الإختباء من المرض اللعين الذى يسيطر على المدينة ووسط ذلك الخوف لم يخف عم على من ذلك المرض حيث وصف أن أهله لا يخافون أى شىء فقد قاوموا أشياء أصعب من الأمراض يجلس عم على على أحدى البقاع على نهر والذى ظل ينظر اليه كثيراَ متعجب من أمر قومه الذين لجأوا الى البيوت من الخوف جلس ذلك العجوز ممسكاَ بيده سيجارة مشتعلة وكان يجلس مثل القرفصاء ويبدو على حالته الأعياء نتيجة أصابته بالمرض وظل ينظر الى النهر كثيراَ متعجباَ .

فى ذلك الوقت كانت نجوى تحاول الفرار من جحيم المنزل والذى يبدو لها وكأنه سجن لا يدخله الهواء وكانت تقول لأمها .

- هو أمتى ربنا هيخلصنا من التابوت اللى أحنا فيه ؟

- أسكتى وكملى كنس الفسحة أخواتى عاوزين يقعدوا شوية

- يووو هو مفيش غير زفته نفسى تحاولى تقوليلى ريحى نفسك شوية

- اخرسى وكملى شغلك يا زفته " بسخرية "

كانت نجوى دائماَ تبحث عن مخرج وفى يوم من الأيام بدأت نجوى تجهيز البيت منذ الليل على أن تقوم بالهرب من المنزل اثناء النهار وفى الصباح عندما أستيقظت الأم لاحظت أن المنزل مرتب لدرجه كبيرة وقالت لنجوى .

- شكلك تعبتى روحى ارتاحى اهو عوضتى يوم .

- ماشى يا اما .

كانت نجوى تحاول الفرار للقاء أحمد وهو شخص يعمل فى تلميع النحاس وكان بينهم حب غامض تخلطه ظروف القريه والمشاعر الفياضه التى كانت دائماّ مكتومه داخل قلوبها وكانت نجوى تذهب الى السوق يومياَ قبل ذلك المرض اللعين والذى أبعدها عن الحبيب ولكن قامت نجوى بالفرار وذهبت الى لقاء أحمد فنظرت الى المدينة والتى بدأت خياليه بالنسبة لها فلا صوت ولا اى شىء سوى الشمس التى تطل على البيوت قامت نجوى بالذهاب الى النهر لتغسل وجهها بمائه وهناك تقابل عم على .

- يا بنتى انتى مش خايفه من المرض ؟

- اظن ان اهون عليا كتير من الفراق الحبيب يا جد

- يا بنتى عندك حق اهو انا فى انتظار الحبيب ومتاكد انه جاى وممكن بعد ثوانى ولكن اهو منتظر وببلغك رسالة احنا مش بنخاف غير من ربنا ولكل داء دواء

- كلامك حكيم يا جد لازم امشى عشان اهلى

ذهبت نجوى وقابل الجد الحبيب وفى النهاية وقع الجد فى النهر مع سريانة .

تمت

محمد كمال " كيمو "

مات المهرج

2010-03-06T20:01:00.000-08:00

دائماَ اكتب لنفسى
ولكن اليوم لى إعتراف
أظن انى اكملت المهمة
مات الاراجوز
مات المهرج
مات من يضحككم
مات من يسخر على السياسات
على القيود
نعم انه انا
نعم انا ........... لا شىء سوى ملقى على الارض لا انفع باى شىء
مل جمهورى منى لاننى يومياَ اضحكهم
مل لانى لا اقدم الاحزان التى بداخلى
اعذرونى فى حديثى فانا المهرج الذى اضحككم
ولكن اليوم اكتشفت انى افتقدت لذالك
افتقد لمعنى حر على تلك الارض
فانا ميت
افتقدت الى معنى انى حبيب
فانا ميت
افتقدت لمعنى انا
اظن انى بذلك داخل تابوت اسود يحيطنى اوراق شجر خريفية
والعواصف تملئنى داخل نظراتى الى دموعى
للاسف يا ليتنى كنت واقع
للاسف ساتركك ايها الفنجان الذى كنت دائما اوفى صديق
ارى بك تخيلاتى لا تبكى على فانا كنت
ولكن تذكرنى امام الناس بما احسست به بصراحة كما تعلمت منى
وفى النهاية مات المهرج
ــــــــــــــــــ
كيمو

انسان خنيق بكرهه

2010-03-03T17:51:00.000-08:00

صيحات اخرها ايه قولى قولى
نبرات اخرها ايه
اصوات اخرها
دوشه ...............
احساس بما انا اتعايش معه فاصبحت مثل القوقعة ناقل للاصوات
اصبحت دائما امتلك امامى " ابلونج "
احاول الابتعاد عن التفكير قليلا ولكن
الى اين .........................
متى ............
اظن انه العقل الذى يرسم خطواته بهدوء قاتل فى وسط دوشه تملكه بالافعال
الفيس بوك سوف يجعلنى متاخر عقليا
اتابع اليوتيوب يوميا عن اى تهيس لماذا ؟
اصبحت صشىء غريب مثل " mp4 "
اصبحت عبارة عن الة لا تملك اى شىء خارجى
اريد النتهاء من كتابة المترو مع انى امتلك الكثير من الافكار ولكن بلا اى سطر
وفى النهاية
انا الايام دى شخص
خنيق عادى اكرهه

دركولا صنع فى .......ز توكا لامؤخذه

2010-03-01T16:25:00.000-08:00

حد شاف قبل كده مصاص دماء
او دراكولا
اوو فار مان
او او سوفار مان
انا شوفت
شوفت مصاص الدماء وهو ماسك مصاصة لونها احمر من لون دمى بيمص فيها ويقولى "" من النهارده مفيش حكومة انا الحكومه """
البيه فاكر نفسه احمر السقا ولا ايه
عاوز بقى البغه رسالة واقوله لاااااااا انا بقى ابراهيم الاخضر
انا بقى شوفت دراكولا
كان متقمص شخصية وز وزير والحدق يفهم
ايوه بيقولك ايه هيلغوا الدعم " هههه " توكاااااااا كالعادة
بيقولك ايه دراكولا كمان
هيخلوا نفس القانون شغال الطوارىء ولا مؤخذة تانى توكاااااااااااا
بيقولك ايه تانى
هيخلوا العلاج مش على نفقة الدولة
اهو كده بجد مص دمى
هههههه مليون توكا ومعاهم شخرة
المهم
حد شاف
فار مان
اه انا شوفته
فار مان ده ايه مستورد صينى هو بعينه بغباوته
ايوه بيستورد لنا حاجات تشل تهبل تجنن
واحنا يا حرااااااااااام
ناس هبلة
حد شاف المعلم
سوو فار مان
انا شوفته لما فار وفار دمى معاه
لا مؤخذة بقى
المرة دى بضحك
تووووووووووووو كااااااااااااااااااااا كبيرة

عمو دهب

2010-02-24T16:11:00.000-08:00

بعيدا عن اخر بوست اللى هو من ساعات لانه مش بوست هو توضيح
انا هتكلم عن مين يا ولاد
عمو دهب
كان بياع حكيات وكل حكاية وراها حكايه
الراجل ده كان عجوز ومكحكح
قاعد ومتبت على كرسيه
عم دهب كان يتمنى يشوف اللحمه " يشوف الحوادث ولحم طاير "
جاع واتعرى " عرانا وغسلنا وخلانا لا مؤخذه كده ـــــــــــــــــــــ"
عموما عم دهب ده حكايته حكاية وانا عاوز ارغى واحكى
عم دهب لما بداء كان مناضل لقى ان المناضله مش تاكل عيش ولا حتى حلاوة كان فى الثورة ومحدش سمع عنه حاجه لكن قالولى انه كان ساعتها فى مدرسة المنوفية بتاعت الثانوى بنات متخفى فى منظر ولد بيعاكس بنات ويوزع منشورات على الموزز " يا حرام كان بيتعب " المهم اتخرج ودخل كليه الطيران وكان هو هوايته نظرا لان كان عنده عشة حمام على سطوح بيتهم الكينج اجر اوضه من منافعها فى العباسيه " منطقه العباسية " عشان يشوف المجانين اللى هما زى حالى كده ويعرف تصرافاتهم ويبعد عنهم المهم دودو بيه لما قامت الثورة والحرب اشتغلت والكلام ده صاحبنا كان راكب دماغنا وال ايه هو اللى حارب وعمل الضربة الجوية " لا مؤخذه كان بيضرب ـــــــــــــــــ "
المهم دودو لما نونو مات مسك هو فى كرسيه وعمل حاجه تسمى بايه يا ولاد قانون جديد اسمه قانون الطوارىء اللى خلى أمين الشرطة أبن التيت يقولى بطاقتك ولو شافها يقولى اركب الميكروباص وياخد ५० جنيه وينزلنى زى البيه " شفت ياعم دهب "
عم دهب كان عنده ربابة بيغنى علينا
عم دهب بياع حكيات
ابقوا قابلونى لو فلحت واتسجنت
ههههههههههههههههههههههههههههههههههههههههههه
كيمو
نسيت اقولكم ان عم دهب فى بطوط كان اغنى اغنياء القرية
ههههههههههههههههههههههه

انا مش عبيط انا مواطن

2010-02-24T13:29:00.000-08:00

اولا مش هكون عبيط ولا عمرى هكون
يا جماعه اللى بيقرالى وعاوز يقرالى لا زم يتوقع انى اسمى بمواطن
عايش معاهم على الكوكب وفى مصر
نفسى اشوف مصر مفيش يوم يعدى عليه من غير ما يكون زعلان
نفسى اشوف مصرى يعدى عليه يوم من غير ما يشتكى
نفسى اشوف مصرى يعدى عليه يوم من غير ما يركب موصلا ويسب ويلعن ام السواقين
نفسى اشوف مصرى يقول انا مش فقير
نفسى مصرى يقول انا فرحان لمده 50 يوم على الاقل
مش بيحصل ولو حصل فده يسمى بمجنون
وانا مجنون بافكارى لكن واعى للزمن وواعى للحياة
لو عاوزنى اكون عبيط فانا رافض لان اكون رافع الابتسامة الهابله
انا مش عبيط انا مواطن

شيشه قص

2010-02-20T20:48:00.000-08:00

هل من الممكن ان أفقد نظرية أنا بشر ومن حقى أبكى أفرح أموت أكتئب
الكلام اللى فوق ده إستفذنى جداَ أيوه
هنحلل الكلام سوااااااااااااااااااا
بشر
أنسان مليان أحاسيس لكن الاكثر هو الأكتئاب فهو مسيطر تماماَ على كل أفكارى
أبكى
لم أستطع أبداَ البكاء نظراَ لانى فقدت المياة التى فى عينى
أفرح
كانت أيام تعد ولكن أنا دائماَ مبتسم لك "" أراجوز ""
أموت
كأى كائن حى لابد أن يكون له نهاية لكن أن يموت فى اليوم مليون مره فهو أنا المواطن
أكتئب
مستعد أنى أرغى معاكم فى النقطه دى وهى أساس البوست يا جماعة أنا بحب قوى مصر وكلنا بنحبها بس أنا حاسس أنى بينى وبينها حاجه غريبة نفسى أوصلها مش عارف ببساطه على رأى ناس " مصر موزتك يا كيمو " أيوه موزه وأجدع من مليون موزه مفيش أحلى منها ببردها بحرها بعرق عمالها بفولها بمرها مرارتها بحبها أظن لو مصر أصبحت مثل الأمارات لن أستطع العيش فيها لأننى سأفقد أهم شىء وهو طعم البيوت وسحرها فهل فى الأمارات بيت عمرة أكثر من 200 عام هل بها عربة الفول هل بها عربة الكشرى هل بها النيل وكورنيشه هل بها مقاهى تجمعنى مع رجل عجوز يرى لى وهو يلعب مع الطاولة وأنا بقول فى سرى كده " ياعم ده بيشربوا شيشة تفاح وأحنا بنشرب قص " ومع ذلك مكتئب لأنى بحبها وهى مش بتحبنى أو فى طرف ثالث رخم غتيت بمعنى أخر زى فيلم كرتون بايخ لان البطل متهان فيه
اللى قالولى أنى بكتب أفضل وأنا مكتئب البوست ده تعريف ليهم ـــــــــــــــ
كيمو

توكا جديده

2010-02-19T17:41:00.000-08:00

اهلا وسهلا بيك دكتور
تتجوز " سوسو هتفتح وانت هتمز يا ابو سوسو "
نظيف نظفنا
وطار وهج وهيتجوز
الخبر قديم أيوه قديم قديم
بس الجديد """ هو سؤال """ مين فى شهر العسل هيمسك الخزنه " يسرق ""
يا اخونا الغاز بقى غالى عشان الراجل مش لاقى يجيب النقاش او عليه قسط الجمعيه عشان يحيب أوضه النوم
نصيحة لنظيف كده على الماشى ـــــــــــــــــــــــــــــــــــــــــــــــــــــــــــــــــــــــــــــــــــــــــ ياههههههههههه ــــــــــــــــــــــــــــــ
الرقابة مسحت الكلام اصلها رقابة من بتوع الحزنة
ايوه بس ساعات بامر من الملك بتتهاون عشان نقول للملك انه كيوت وعسول وطيوب ومش بيحظر حاجه عن شعبه
يا ملك انته وعرشك
ــــــــــــــــــــــــــــــــــــــــــــــــــــــــــــــــــــــــــــــــــــــــــ
برضه الرقابه
يا جدعان البوست ده
كله عليه رقابه
فقولت اشيله الغيه ولا اقولكم كالعاده الريس بيحب الكلمة دى منى
توكااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا

فهمت الدرس منك يا ريس

2010-02-14T19:44:00.001-08:00

فى شم النسيم بنرسم على البيض
فى عيد الحب بنرسم على بعض
فى عيد الاضحى بنرسم على الخرفان
فى عيد الفطر بنفطر على الحشيش
فى عيد ميلاد مبارك مش بنلاقى نرسم او نفطر
فى عيد الامه نشعر بالجوع
فى عيد الوطن اشعر بالخوف
فى عيد ميلادى اشعر بانطفاء الانوار امام عينى
لا اتحدث عن الحب كثيرا واظن ان البعض اشتكى منى ولكن هذا انا فقدت الحب فى حب الوطن فانا لا اعرض قلبى للبيع مثل يورى مرقدى حين قال " برسم البيع " ولكن انا اتطرق للاهم هو حب الوطن الوطن الذى اصبح مثل اى شىء عند وقوع كارثه فى الاسنكدرية منذ عدة ايام ووقوع احدى البيوت وفى اتصال هاتفى فى برنامج 90 دقيقه قالت احدى السكان " انا كرهت مصر لو هروح اسرائيل هلاقى معاملة افضل " بصراحة ليها حق ولكن العيب مش فينا العيب فى اهمال الحكومه اهمالنا فى اننا نصدر صوت ضجيج امام عجرفه كل ما يسمى بمسؤل امام كل شىء يخص مبارك واعوانه " اقصد على بابا والأربعين حرامى " تعرفنى يا ريس جيدا فانا المواطن الذى لا يملك سوى جلباب به مليون رقعه ورقعه من افعالك فهل تنتظر منى الاحتفال بعيد الحب ....................................................
فهمت الدرس منك يا ريس
نحن عراه امام قانونك